日本野 (銅鑼灣廣場二期) (已結業)

銅鑼灣日本菜既選擇有好多，今次同朋友行開街，佢介紹之下搵左間感覺唔錯既日本野食，果然有驚喜😙——————🐽 和牛壽喜燒第一道菜叫個鍋物暖暖胃，和牛壽嘉燒湯底清甜，蔬菜好多好足料，跟埋烏冬食已經夠一個人既晚餐🐽 自選四色刺身飯+刺身拼盤百鬆d有碗高質魚生飯，今之揀左三文魚、北寄貝，油甘魚同三文魚籽，魚生非常新鮮，食落好甜，配埋香港加油甜蛋，好滿足😙🐽 芝士年糕芝士年糕炸得岩岩好，外脆內軟，咬落去有長長既芝士夾心，中意食年糕同芝士既朋友唔好錯過！🥰

每個月嘅14號都係情人節～ 咁所以我今個月嘅14號都唔例外就約咗男朋友去食好啲🥰佢最鍾意就係食日本嘢所以就索性帶佢去名為「日本野」嘅餐廳度食日本嘢🤣🤣名副其實嘅日本人無論係壽司燒肉炸物熱食拉麵壽喜燒通通都有～啱晒鍾意多元化既我🤤🤤我哋點左半版海膽、石燒牛同埋幾碟壽司～最特別就係石燒霜降牛小排 係會有一個石燒比你自己去燒啲牛肉 首先會有舊豬油膏俾你當油用 再配上自己喜歡的生熟程度 同埋有幾款醬料選擇 個人最喜歡點鹽粒食 感覺最簡單亦不會蓋過牛肉本身的味道⁄(⁄ ⁄ ⁄ω⁄ ⁄ ⁄)⁄而海膽亦都十分新鮮 更配有紫菜給你包着吃 但是個人喜歡直接一口海膽吞進去 很肥美很滿足(⁎⁍̴̛ᴗ⁍̴̛⁎)個人認為喜歡日本食物的朋友千萬不要錯過這間「日本野」因為他包含了大部份的日本料理無論是炸物熱食燒物壽司等等應有盡有 絕對可以滿足我們去日本的慾望～

同朋友喺銅鑼灣行緊街想食日本嘢，一於呢度試吓啦，吉列牛超有驚喜！餐廳環境寬敞，座位好充裕亦隔得好遠。燈光柔和，同朋友食下嘢傾下偈最適合不過啦。<嚴選五品刺身>有驚喜，油甘魚同三文魚都非常厚身，夠晒鮮甜，推介。<雞泡魚乾>送酒一流，咬落一啲都唔乾身。<芝士煎餃子>超多芝士好邪惡，餃子煎得非常脆身👌🏻♥️<石燒吉列牛定食>重點黎喇！！！話說我之前食過日本d吉列牛，到宜家都係係念念不忘，又去唔到日本😞呢度真係幫我止到癮🌝☺️吉列牛係偏大件，夠厚身之餘，肉質仲要係高質添！！！起咗個爐之後，每面燒大概10秒就次食得，一咬就溶化，一d都唔”un”，推介💕♥️💕♥️個定食set仲有溫泉蛋同沙律，性價比高！

牛舌串燒 $38去日本餐廳必食🎏呢度嘅牛舌串好厚身 4cm左右但咬落去竟然仲係好爽口因為好多時咁厚嘅牛舌會好難燒好易外面過熟入面又唔爽呢度處理得好好～加上佢唔係普通嘅串燒 係後加咗燒汁甜甜地 減輕咗啲熱氣感！ 火灸碟魚裙邊海膽丼 $138 原本想食自選刺身丼138可以揀4款好想揀海膽但海膽又要加錢所以最後揀咗呢個再跟餐追加刺身拼盤$88三文魚 北寄貝 八爪魚 甜蝦一次過滿足晒所有願望！海膽味道好鮮 食到最尾有少少回甘好食 唔係好臭個種海膽有成三買條 都幾多碟魚係好似左口魚 口感同味道都好似 配丼飯好好食刺身拼盤每樣兩片 每樣都幾厚身同埋店員好好 見我地未食晒仲提我地啲冰就溶叫我地快啲食 石燒箱降牛小排 $188我最期待嘅石燒牛小扒(о´∀`о)啲牛好滑 同埋好易燒雖然未至於入口即溶但唔會韌 燒完有啲油脂餸飯好正仲有飯糖心蛋（可以揀溫泉蛋）同蟹籽沙灘！兩個套餐仲包埋飲品所以成餐飯真係好滿足(๑>◡<๑)

【日本野】2019年10月於旺角銀城廣場開業，主打日式料理，如大阪燒、刺身、壽司、石燒牛、丼飯等。2021年2月疫市擴充，在港島區銅鑼灣廣場開設首家分店。餐廳裝潢明亮簡潔富日式風情，傢俱與牆身皆以淺木色系為主。座位闊落舒適，並設四人卡位，很適合朋友聚會。石燒吉列霜降牛小排定食 ($178)牛小排外層是吉列脆皮，包裹著鮮紅亮澤的牛肉。以300°高溫的火山熔岩石板加熱，能有效鎖住肉汁。隨著脂肪溶化，更顯牛肉香氣。牛肉吃下外酥脆內軟嫰，燒完不會太乾。蘸些芥末、海鹽、燒肉汁同吃，帶來不同風味。定食還包括麵豉湯/蟹子沙律、溫泉蛋/溏心蛋，日本米飯及飲品，叫人吃得滿足。芝士年糕 套餐追加 ($28)點晚餐可以特價追加"芝士年糕"，一客有2件。年糕熱辣辣奉上，外表炸得金黃微脆，內裡年糕軟綿煙韌，芝士流心濃郁中帶微微鹹香，甚有驚喜。和牛壽喜燒  ($208)鍋面舖滿大大片日本和牛，油花不俗。輕輕一涮牛味濃郁而且入口即溶，壽喜燒湯頭甘甜順口，加熱後更加濃郁。配料有菇類、豆腐及大量蔬菜。烏冬麵質爽滑煙韌，盡吸湯底精華，完美作結。

個frd話要解思鄉之愁🇯🇵就帶咗佢去食下「日本野」.和牛壽喜燒🍲湯汁濃郁偏甜🤎有幾塊和牛🐄有一定厚度帶少少脂肪😋配料有蔬菜🥬蘿蔔🥕豆腐、雜菌🍄鳴門卷等等🍥索滿壽喜燒湯汁食超正😬另外附上沙律同飯🥗🍚.牛油果軟殻蟹卷🦀表面有大量木魚絲，脆卜卜軟殻蟹同入口即溶的牛油果🥑外軟內脆😜.日式炒牛柳粒🐮味道甜鹹，配埋洋蔥絲🧅.味付帶子裙邊🥢帶子裙邊彈牙😆味付醬好開胃😙.芝士年糕(2件)🧀軟韌口感加上芝士超正🤤.火灸芝士蟹棒🔥半熔芝士同蟹棒壽司好夾👍🏻.汽水🥤飲落無乜汽

去到銅鑼灣行完街朋友帶我上到銅鑼灣廣場呢間日本野食丼飯原來係良心餐廳， 咁當然要懲罰下啦炭燒牛舌 ＄38非常彈牙有口感， 味道唔錯不過略嫌太多油鹽燒原隻虎蝦係套餐追加 （＄48）好大隻啖啖肉， 唔錯丼飯好似車仔麵咁可以自選刺身價錢又＄138起 （貴食材另價錢）， 我覺得咁幾好， 啱晒我D心多多咩都想食套餐亦包埋餐飲，沙律， 同餐湯我自己揀咗油甘魚／帆立貝／牡丹蝦／海膽 （＄190）每樣都算鮮味， 而且份量足帆立貝幾厚身肥美油甘魚同牡丹蝦都非常好味海膽中規中矩友人個個就STANDARD唔洗價錢＄138 嚟講CP值好高呀平日晚市好多人侍應雖然忙但都一眼關七， GOOD

星期六夜晚唔知食咩，上網見到呢間好似唔錯，就即日book咗夜晚黎食。晚市menu唔算超多選擇，有選擇困難症嘅朋友會減少好多煩惱，同埋價錢唔算貴。食物：溫泉蛋和風燒牛肉丼，自選丼飯，同石燒霜降牛小排價錢：兩個人合共$460左右味道：- 牛小排同餐牌張相完全唔似，餐牌係一塊塊厚片正方形，實物係一片片薄牛肉，不過味道都ok（不過燒牛真係好難可以難食）- 牛肉丼不可一不可再，一開始黎到啲牛肉仲熱熱地都還可以接受，凍咗之後又韌又好少嘅腥味，而且每塊牛肉都有筋實在唔多吸引；溫泉蛋唔係流心；飯頗林。總括：唔好食- 自選丼飯一般，冇咩特別，不過唔會再返黎食其他：- 服務ok，同都幾乾淨，環境都唔錯，唔會好多人同好嘈，不過都係個句，唔會再食第二次

《日本野》，初初聽到呢個名，以為朋友講笑，原來真係餐廳店名，朋友食過話唔錯，今日帶我特登帶我來試吓☺️入到去店員很有禮貌，餐廳裝修很有日本風味，坐得很舒服🏡😌餐牌有很多不同的美食，我們揀了兩個定食：石燒霜降牛小排，店員送上一個小小的爐頭，上面放咗一塊石，我即是變身小廚師，牛小排放上去慢慢燒，要五成或七成…完全由我自己控制，好玩又好食，牛肉完全唔靭，好有牛味，又冇揸，正👍蒲燒鰻魚定食，都係水準之作，鰻魚又大又厚，燒得啱啱好，配埋白飯，真係一流😘還叫了一些小食：串燒牛舌，厚燒鰻魚玉子，三文魚刺身，都好好食☺️一邊傾計，一邊享受美食，呢一餐又飽又滿足😇

好欣賞咁夠姜既豚肉生姜燒🐷環境乾淨，坐得舒服😌，店員有禮，日本🇯🇵風格裝修，檯面仲配備熱茶壺。近排吹得冷氣多，有少少🤏作感冒，無叫到魚生壽司🍣，反而有驚喜。叫左正氣豚肉生姜燒驅驅寒，果然無失望，啲姜絲多到啖啖都有，配埋熱辣辣日本飯同軟身豚肉好好味，醬汁又甜又姜好餸飯，加埋面頭木魚好姿味。係略微豚肉有啲太肥，不過份量係超足夠好大碗。朋友叫的燒左口魚刺身賣相可以，係不明不白等左超過半個鐘食物先到，餐廳應該好好注意一下，中午時間對上班人士係分秒必爭⋯⋯

好似好耐冇食日本野食，有d口痕，揾左個friend陪我食lunch😂呢間餐廳個環境都幾有居酒屋feel, 座位闊落幾舒服~ 價錢都中等，銅鑼灣泥講唔算太貴🤩朋友叫左個豚肉生薑燒丼($78) ，都幾大碗，豚肉都好多，薑味幾出，但唔會太辣，加埋佢個豚肉汁係幾惹味😋我就叫左個火炙碟魚裙邊海膽丼($108) ，個碟魚裙邊好滑，海膽都幾鮮，加埋爆汁三文魚籽好正！雖然呢個飯等左7個字先有得食，好在質素補返😜性價比唔錯，可以encore~

🔖滑蛋吉列豬扒丼+咖啡午市餐牌抵食高質🤤豬扒超厚+juicy，鬆軟好食，個皮無炸到好多油好難入口，反而係好容易入口個種💮蛋好滑 唔係多汁到成碗飯都係豉油🤣飯個量我覺得可以 食得完🥗望落去好奇怪，食落去竟然好新鮮清甜😂好食 意外好大間人流唔算好多，日式設計坐得好舒服🥄出面吉列豬扒飯炸到好油好硬😶呢間個人覺得好好食，扮去旅行1/1🌸💵$52唔加一 包野飲 Openrice另外88折埋單$46抵+超好食🤤Encore過幾次都保持到下次去試下其他🥄

放工約左好友去食飯，疫情已來都很少約朋友，難得聚一聚就想食日本野，就去了銅鑼灣二期的日本野晚餐😋入到去環境都充滿日式的感覺以木系裝飾的，安排左我們坐卡位😙然後慢慢看餐牌點餐石燒吉列霜降牛小排就咁單點這個牛小排無要套餐已姐好夠食，份量都很多都很抵食，自己慢慢燒，牛肉的肉質不錯👍🏻燒完入口都可以keep到很juice吉列邊位都很香脆美味炭燒魷魚原隻炭燒燒得好林，又大塊味道唔錯，燒得剛好😋雞泡魚乾好中意這款小食，好香脆自選丼飯丼飯配埋湯，選擇左甜蝦、三文魚子、海膽、油甘魚，各款都十分新鮮，鮮味可口帆立貝壽司帆立貝都很大粒，十分滋味可口玻璃蝦壽司大大隻很彈牙，新鮮可口

Went here with a friend on a Friday night. it was a very busy and noisy restaurant with simple Japanese decorations. Atmosphere : felt more like a fast food Japanese restaurant, very noisy Service : was fineFood: You get what you paid for. As the dishes were relatively cheap compared to other normal Japanese restaurants, you can expect food quality being lower. Some dishes were tasty such as the grill whole aubergine and sea urchin x fish don. But the other skewers were very greesy, even the lit

呢間日本野係小朋友成日再encore嘅店舖，佢哋成日都會因為掛住個菠蘿雪葩😄叫我帶佢地黎。✨和牛壽喜燒～甜醬油湯底配上半熟蛋豆腐、紅蘿蔔、冬菇、金菇菜，湯頭甘甜，滾咗先放和牛落去，自己控制火候，而且和牛雪花均勻，夠哂滑溜！✨雞肉大阪燒～雞肉椰菜雞蛋同麵粉組成嘅大阪燒，外面嗰層略脆，中間材料豐富，好有口感，醬汁甜甜地，妹妹仲話上面好多柴魚飄飄下好得意添😄✨稻庭冷烏冬 ～呢度烏冬好彈牙，感覺係真正日本烏冬，夠晒凍冰冰，醬汁甘甘地微酸口味，好開胃！✨菠蘿雪葩～最尾梗係要食返佢哋嘅至愛，感覺上冇乜cream，口感清新，唔會太甜，連媽媽我都鍾意🥰