日食外送

营业中

休息中

行經發現，第一次食只點了一個薑燒豚肉飯，以為普通食個飯，點知出乎意料地好味，師傅仲好有心，個飯唔只係白飯，每啖都有肉汁，香料同紫薯，萬分驚喜。同師傅傾計先知原來佢大有來頭，係台灣日本學廚，又喺五星級酒店擔任日本師傅多年，宜家跳出黎做，佢menu入面嘅嘢我基本上試過哂，除左牛，因為本身唔食牛，全部都係又好味，又抵食，連一夜干燒都係百呢蚊，所以我宜家已經變左熟客，一經過就會食，從來都無失望過😋👍🏻希望佢地保持住個質素，越黎越多人欣賞。

性價比甚高既日式外賣！！炸蝦天婦羅超級好食！白酒番茄啫喱睇個名同賣相真心嚇一嚇，但食落十分之好食！真係估佢唔到🤣🤣🤣清酒煮蜆真係好好食好多地方以呢個價錢黎講都會食到有沙，本身無咩期望估佢唔到又無沙又好食！個蟹味噌飯都好正，大力推！！真係一間隱世既日式外賣店望落去真係以為一般貨式不寄期望諗住都係呢啲價錢唔要求啲咩結果完全係喜出望外！！！絕對會係我想食外賣list既top5之一！好期待再去食p.s無影相，下次再影

我平時唔鐘意食魚…但因屋企人點了..我都食下啦.！最後因為好味…我連骨連皮都食埋😋😋😅😅…仲有點左個鮑魚…個鮑魚配另類的秘製醬汁…好味喎…又唔會好un….好味..再加一個烏冬比我小朋友食…小朋友又係唔食烏冬…但佢竟然話好食…都建議大家試下呀！而家哩個價錢叫好很平呀！

試左間新開既日式外賣小店，意外地美味，一問之下原來老闆是中環區做開大廚！！！需然外賣的賣相不揚，但即叫即做，叫了2個幾十蚊餐試試，味道完全超越這價錢，蜆烏冬酒味濃烈，蜆肉還是新鮮的蜆，味道鮮甜，還有枱座着吃，有點風味，雖然開左唔係好耐，真的忍不住一再幫襯