旺記燒鵝專門店

营业中

休息中

見新開試下，食咗燒肉油雞瀨粉，碟餸係分開上但浸住啲豉油超級鹹，鹹到浸咗落啲湯都搞唔掂，地方非常淺窄唔好坐，最重點係收錢阿姐態度非常惡劣，食緊野果時已經聽到佢教訓買外賣嘅客人，到我俾錢果陣因為支付方法都引發個阿姐責備我嘅感覺，唔適合做樓面就換做後勤啦，趕客，最終食野變受氣😤 （餐廳收費亦唔平）

食過兩次，第一次諗住可能係失準，再俾機會佢試多次$75 一個雙拼飯，好難食。。。。大家真係要試吓😂😂白飯都唔係咁掂……連啲汁都好似冇味，已經係多汁返到屋企仲要加豉油😂😂😂雞好似紙皮咁，叉燒唔知係咪俾鬼奶過，都係冇味。

今日外賣咗孖寶例牌： 叉燒同燒腩仔！ 返到屋企食仲好熱！ 燒腩仔個皮好脆！ 份量都OK！ 對我呢啲冇時間煮嘢食， 呢間燒味好值得介紹！ 住喺附近嘅朋友都可以試吓！ 幫我哋落單嗰個姐姐都好好態度， 同埋都好好介紹！ 唔記得影相，所以食咗少少先影嘅！

睇住佢裝修左一排響佢開張日經過就入去試試開張送湯或汽水叫得燒鵝專門店咁點都叫燒鵝試下所以叫左叉鵝雙拼飯叉燒份量可以嘅上檯仲暖暖地算係合格嘅但係鵝就令人大失所望第一 份量得5件真係有d少第二 上檯時己經係凍嘅同叉燒放埋就好大對比第三 皮完全唔脆最大問題係佢肥膏佔左大部份，又唔廿香尼個位肉都唔多，就係得膏同骨都唔知食左d咩叫得專門店真係令人失望到比錢就O哂咀雙拼飯明明寫$75比錢就計燒鵝飯雙拼$85+$10單張明明寫雙拼有鵝職員就話單張寫錯但係落單果時又唔出聲$95蚊食個無肉嘅燒鵝雙拼飯尼區同價錢可以有其他選擇了

偶然來此吃午飯，叫了四寶飯，有驚喜！燒煵仔好脆好好味！份量適中！即刻睇下外賣幾$，$90可以買半斤，下次可以加餸！老公及仔也喜歡這裡的油雞叉燒。餐廳入面有十多個位左右，比較迫，但可以堂食快食也ok. 今日水吧無奶茶，凍咖啡麻麻。凍檸茶和熱檸茶也是可以的熱飲加$5凍飲加$7。