旺記小炒王

营业中

休息中

上環街坊誠意推介✨由細住上環，幫襯過好多間小炒/茶記🙈 呢間真係平靚正，好抵食又好味。已經食過好幾次，堂食同外賣都有叫開，次次都keep到水準～ 我個人覺得比起街市其他餐廳好食，大家值得一試～推介椒鹽九肚魚(真係好好食 個皮冇淋 入味)鹹魚雞粒炒飯炒菜炒公仔麵另外老闆同老闆娘都好nice, 態度唔錯～ 個人推介佢地沖嘅奶茶同檸檬茶，介紹過俾friend都話茶味夠濃好飲大家如果過嚟上環街市搵食記得去搵「旺記」小炒皇～

啱啱同班朋友慶祝生日，估唔到上環熟食中心新開左間旺記小炒皇，睇到個菜牌好多嘢食，環境唔錯，雖然店舖唔大，但啲野食好夠鑊氣，朋友都讚不絕口，加上老板娘好有禮貌，推介左好多招牌菜，經佢推介下我地叫左霸王雞，金沙南瓜，魚香茄子煲，椒鹽鮮魷，咕嚕肉，啫啫通菜煲，全部都好香口，特別係嗰碟霸王雞，雞肉很嫩滑，個汁調得很好，樣樣菜都令我地食得開心又滿足，凍啲一定要嚟試下你地店既枝竹羊腩煲同雞煲先得，睇到隔離枱叫左個羊腩煲，聞到香噴噴，下次一定會再嚟幫襯🌹🌹，仲會介紹多啲朋友嚟😊祝生意興隆