昌記茶餐廳

营业中

休息中

今天光顧了昌記常餐$58坐下經常嗅到煙味吃東西時發現小部份菜有黑邊飲品點了熱菜蜜喝到一半發現杯子超級骯髒（請看照片）😵‍💫超級嘔心不推薦大家去吃—I visited Cheong Kee and ordered regular meal today $58.I often smell smoke when I sit down.When I was eating, I noticed that some vegetables had black edges.I ordered hot watercress honey for drinks.In halfway of drinking, I noticed that the cup was extremely dirty.(Please see the photos)😵‍💫Super disgusting and Not recommended.

#breakfastforlunch, #cheapeat, #wanchaipassed by this street many times and wanted to visit all of them.. today I wanna go go the local one and the waitress was so nice to stand outside and very inviting... so I got in..I'm not mad at all although I was then convinced to order something more evil than I thought, more expensive then I planned

返工九至六，你地太膚淺了！第一，有幾可準時走，第二唔係行行返九點，當你係返機場/返更，返六七八絕不是夢。但是要搵一間除連鎖店以外的早餐，絕不是易事。而幸運的我在灣仔搵到一間快靚正的返早早餐同男朋友一同返早下，於呢間六點半已早早營業的茶記食靚早餐。我就叫了個奶醬多+熱奶茶（$27），佢就叫個早餐C - 煎蛋牛油多 + 腸仔餐肉麵 + 凍華田（$33+2）。都不消十分鐘，全部一一送上！簡單的一份奶醬多，唔難但好睇有冇心機整。真心唔係間間脆，唔係間間俾醬岩岩好！呢度好在係佢唔似一般茶記俾塊多士，求其淋D奶醬落去，佢用鮮油多方式夾醬，首先口感因爲兩塊麵包夾搭會厚身豐富左，而醬料因為咁夾住唔會周圍飛，所以好好味！而杯奶茶我認為茶味比較濃，澀味會重了點男朋友個碗就豐富啦餐腸丁麵配荷包蛋加牛油多士，呢度用的全都是出前一丁，兩餸麵加蛋加包都只售$33蚊，飲品揀阿華田都唔加錢，抵玩！麵煮得岩岩好，唔會唔熟，亦唔會太淋，餐肉同香腸都煎得香一香！送麵食一流！一口麵一口餐肉，再飲啖凍華田，都咪話唔”Good Morning”以前都不為意，每日都在吃的港式早餐由我幾歲的廿一二蚊已到今日的三十四五蚊（點解我人工都

呢間茶餐廳間唔中都會黎食下LUNCH, 最可惜既地方就係坐得唔舒服，搭枱都預左，最唔好采就係坐係卡位隔離拍住張枱，入面卡位D人出出入入都要我地起身先得，食一餐飯至少起兩次。其餘食物同埋姐姐既服務都幾好。今日求其叫左個常餐 $49，有火腿奄列，牛油方包，叉燒通粉再送熱飲，我就揀左熱華田。奄列好滑，應該用左幾多油下，火腿唔算多，牛油方包有點凍，加以變烘底加$1，下次有機會會試下，熱應該會好食啲。主菜叉燒通粉真係唔錯!!! 叉燒係肥肥地個隻，唔係瘦UN，所以好有口感，中意食肥叉既人一定會中意。阿姐好健談搞笑，成日同我男同事搞gag，好有親切感!!!下次再黎!!! =]

剛到過郵政局，經過灣仔這條內街買水果，見到面熟的老闆娘，記得曾於網上看過她的訪問，就是這份親切的笑容吸引了我進來。餐廳面積細小，只有五張四人枱，但食物款式也算多，例如有下午茶餐、沙律餐、熱狗餐、三文治餐、常餐、中西式飯餐、咖喱飯餐等⋯而餐牌全部貼於牆上，讓客人一目了然。最後我點了一件超抵食下午茶特色雙腸熱狗包＄14；一份下午茶餐＄32，餐肉煎蛋配湯烏冬飲熱檸蜜；一份超值三拼配紅豆冰＄32，一口西多拼煎日式餃子拼火腿奄列。特色雙腸熱狗包先上枱，鬆軟麵包中間的兩條香腸伴著沙律醬，比手掌還要長的熱狗包，抵食又飽肚。餐肉煎蛋配湯烏冬亦是飽肚之類，香煎餐肉和有流心的煎蛋，再配合軟硬適中的烏冬；還有甜蜜蜜的熱檸蜜，不錯。接着一份超值三拼配紅豆冰上枱，一口西多拼煎日式餃子拼火腿奄列的組合，火腿奄列簡單好味；三件一口西多中間有花生醬，上面有煉奶令味道更吸引；兩小件日式餃子香炸脆卜卜，咬開內裏有足料調味豬肉；還附上傳統大大杯紅豆冰，這份套餐簡直是口痕之類！這裡給我感覺是一間非常傳統的小型茶餐廳，老闆與員工感覺像一家人一樣親切，突然令我回憶起小時候和家人吃早餐的情景，真的很懷念當年無拘無束的生活。

不久前試過同街另一間茶記的咖哩豬扒飯，吃後感著實不差，原來毗鄰已是此茶餐廳，又試一下同樣的咖哩豬扒飯，來個味分高下。這飯盒的咖哩汁和飯並不是分開裝的，拿外賣時餸汁和飯已倒入盒子裡。咖哩汁較之前吃的一間濃烈，油份偏重，食味微辣，不過僅是刺激一下味蕾，不吃辣的亦完全入得口。汁裡就只有一些洋蔥絲，帶出甜味。豬扒軟熟腍身，沒有雪味，可是沒多少件；反為薯仔一大舊，但亦因為太大舊，咖哩汁未能滲到薯仔的中心，小人認為薯仔可切細些，方便入味。吃過兩間茶記的咖哩豬扒飯，感覺是各有千秋，誰也搶不了誰的風頭。

前幾日經開灣仔，朋友介紹底下去左間叫昌記既茶餐廳食咖哩飯！呢度咖哩分別有雞扒，豬扒，牛扒，吉列豬，吉列魚柳同埋雜菜我就叫左個咖哩雞扒同叫左杯凍鴛鴦少甜試試！唔使5分鐘咖哩雞扒已經香噴噴上台飯同埋雞扒都好多好足料！份量夠哂多！雞扒輕輕煎左再放入咖哩汁到！又唔會乾身同仲keep到肉汁！咖哩汁好香濃但唔會太辣，配個咁大碟既白飯真係無得頂雞扒下面都配左d椰菜同翠肉瓜，唔會只係比肉你食d瓜菜索哂香既咖哩汁非常好味! 男人食完都一定夠哂飽呀杯凍鴛鴦都好味呢個午餐非常滿足! 盛為50蚊！唔算平，但真係好味

同同事食飯，去到機利臣街，間間都咁多人，幸運地這間最快。//這間雖說是等位時間最短，但並不代表唔好食。這間是小店茶記格局，而我就點了佢咖哩雞扒飯。//佢外貌實力派，但份量多，女士未必食得哂，可叫小飯，最好的是咖哩香而不是只有辣味。而雞扒佢預先切好煎脆，但肉汁仍在，配上咖哩汁吃令人回味。配上凍檸茶，簡單而不錯的一餐。//題外話：這間是真的小老店（面積小和開了挺多年），午飯時間多人，食飽就可讓位給他人吧！

三月中旬•晴公司在附近，所以灣仔區的茶記又再掃了一轉。以下午茶來說，這裡實在是抵食。熱狗就是我的心頭好，包烘過熱熱的，腸炸得外皮微微脆，加沙律醬是沒有難吃的道理。下午茶價只是八元，另加杯咖啡是二十元有找，便宜抵食。

十二月下旬‧晴因為辦公室在灣仔，所以在下午茶時段也吃勻了附近的餐廳。這裡不錯的，選擇多而且價錢不貴。但在這裡竟然沒有食評，奇怪。又來下午茶，這裡二時後厚多士只是5元，吃熱狗就多付一元，在今時今日這個價位連搭巴士也不夠！除了便宜，水準也不錯的。厚多士烘得微脆而內裡還帶鬆軟，還留邊，必定吃得飽。雖然我不是厚多士的粉絲，但也覺得不錯。齋啡香，不太苦，有水準。另外也試過奶茶，有板有眼的。多士加飲品只是17元，在附近也找不到好水準的食物還要這個價位的了。