明樂茶餐廳

营业中

休息中

【沙田區】【明樂茶餐廳】對我嚟講嘅「倒塔咁早起身」其實講緊普通 office hour 已經算係，約咗朝早十點沙田開會，我居然只係遲到五分鐘，真係奇蹟。話雖如此，作為一個專業嘅教育工作者，喺會議期間我係冇打過任何「呵欠」嘅。開完會，雖然喺會議嘅中途都有啲 refreshments，包括蛋糕、提子、蜜瓜等等，不過由於我喺 break 嘅時間都要同唔同嘅朋友打招呼，訴說吓近來嘅困難之處，所以我都冇攞太多嘢食。不過叫做頂到吓肚，對於完全顆粒未進嘅我係有啲用嘅。開完會，喺會議進行點附近其實就冇嘢食嘅，所以我要行去沙田圍嗰邊搵嘢食。半島冰廳、美景牛雜粉麵、台南皇麵線原來我都寫晒。咁我就喺乙明邨食，就算係呢度，我都寫過裕珍樓，真刺激。諗唔到之下，就幫襯明樂呢間老字號茶記啦。話晒我都係一個沙田友，所以呢邊啲嘢其實我都食過唔少，最常食嘅一定係芝脆雞，嗰排收工晚晚食，不過已結業。學生時期食過翠昇茶餐廳同埋雲來粉麵，都已經走入歷史。反而明樂真係一次都未幫襯過但屹立不倒，就入去殯佢一鑊。入到去見佢有啲午餐，就算係沙薑雞飯都只係 $40，嘩，我十年前喺牛頭角返工都唔止呢個價啦，難怪佢真係坐到爆晒，係一枱難求嗰

乙明邨茶餐廳, 似街坊生意為主; 探開人醫下肚, 三四十蚊有找.之前見其他師兄介紹沙爹牛肉面就點咗.味道濃,  牛肉都入味, 面身較硬(?, 但如果溫度可以熱d就更好可以試吓

茶記早餐都係個d啦，沙嗲牛麵個類，平時黎呢到都係lunch多，早餐都係第一次。食物都唔算有咩特別好食或難食，但呢到卡位都算多，坐落去都叫有d空間，不過某d店員好似唔多歡迎人咁，擺出方向面咁囉。

考完試過到來沙田博康村附近搵野食幾間茶記偏偏揀了呢間因為都幾多人食當然在茶餐廳叫炒嘢食是最吸引所以今日我點了一個干炒豬扒意粉外貌的確吸引但也有一點兒油膩的感覺但經常批評人的時候當然要想到別人的難處試問炒東西食怎樣會沒有油呢所以我決定大膽大膽地吃但坦白說真是太油膩了 除了油膩豬也有一點干經過這次經驗我會嘗試吃其他東西

休假的一天，我們充分地利用時間去收拾屋企，整理好之後就把有用的物資拿去位於乙明邨的救世軍商店。而時亦正處於午飯時間，我提議就把車泊好，就地於難得一來的乙明邨，找家老字號的屋邨餐廳，食個中午飯。乙明邨，是一條由房協營造及管理的公共屋邨，亦因為沒有了領匯的霸權管理，這一條邨子除了顯得比較破舊之外，不少的小生意及老店都得以保存。我們在邨內，看看找找有什麼老字號，一看，這一家《明樂茶餐廳》明顯地，富有歷史地位。來的時候，剛好是一點的午飯時間，我們一推門面進，就發現這茶餐廳的客人全部都是穿著校服，在周邊的學校上課的中學生。我們二人入來，可以說是 odd one out。普通的午餐客人不是沒有，只是少而已。而著通午餐的價錢，也不超過30元。感覺上在舊區找食，你絕對會找到一間抵食夾大件的餐飲食肆。我的是洋蔥豬扒飯，汁多飯多，好明顯是學生時代的口味，濃濃的洋蔥汁，咸咸香香，而且夠多，令到每一口飯同每一口豬扒都充滿味道，是一個會令你覺得好食就食多啲既碟頭飯，更甚的，是隱藏在豬扒底下，有一片可愛的火腿。太太，只好叫一個羅漢齋炒麵，雖沒有豆腐，但用上了不同的菌菇齊炒，加上一個豉油味十足的茨汁，配合一個脆底的

講真，我只不過食個午餐...食咩都無所謂，茶記來來去去都係果D 旦旦腸腸30蚊你想食D咩，但係我都想講句30蚊我都可以食好多野但問題係，我入到去前後半個鐘，D伙記可以無停過地講粗口... 真係雜左好多! 仲有凍啡係酸既，點解呀? 因為沖果陣用太熱既水囉

本來係去翠昇食飯, 但去到見到拉左閘, 門口貼左張紅紙, 以為老闆有事休息一天, 點知原來係租約期滿, 無緣再食, 唯有去隔離舖既明樂.今次係第一次食, 未到中午食飯時間但已經有唔少人食緊, 我同老公搵個卡位坐低, 當日午餐有四款選擇, $25送湯同熱飲, 老公叫左粟米石班飯, 我就叫左西炒飯, 跟餐都係要西湯, 飲熱奶茶.一分鐘左右就有兩碗羅宋湯上枱, 羅宋湯顏色怪異, 望落就好似將D顏料加落碗熱水咁, 飲一啖, 果然, 係一碗溝左少量茄味既水, 仲浮游住一塊青椒, 少量椰菜同紅蘿蔔, 唔可以稱之為"湯", 極其量只可叫做"雜菜茄味水".老公碟粟米石班飯好快就上枱, 炸魚同粟米茨汁味道一般, 唔太難食. 再等十分鐘, 我碟西炒飯上枱, 我同老公一見到碟飯都O晒嘴, 哩碟係西炒飯? 唔通我地短暫色盲?! 其實碟飯遞到我地面前一剎那, 我地一度以為佢炒錯左楊州炒飯, 但個侍應明明對我地講"西炒飯", 所以我地完全唔識反應, 只係呆左望住碟飯幾秒, 心知不妙....我地一人各食左一啖, 嘩!! 真係難食到唔識形容, 姑勿論佢係西炒飯定係其炒飯, 佢都完全唔似炒出黎, 我形容佢為"配料加

十月中旬•晴 在附近練習完畢，要快快的找個地方吃點東西，補充體力。來這裡，因為都見到廚房在熊熊烈炒的，看樣子非常對辦。 三個人，進佔卡座，下午茶時間，人客不少的。要了個常餐，一碟炒烏冬，一碟炒米粉。 常餐是蛋奄列加鮑片丁，沒有什麼特別，丁麵淥得好吃，多士又薄又脆，是不錯的。炒烏冬夠鑊氣，夠色夠味，吃起來軟熟彈牙，很不錯。雖然有點油膩，但吃得炒烏冬就是如此，不會有炒得乾身的烏冬吧。雪菜肉絲炒米粉就真的乾身了，大碟又美味。 加幾杯熱飲，體力悉數回復。埋單每人23蚊，經濟又不錯，會再來的。

尋日去左沙田食晚飯，俾friend拉左去茶餐廳。叫左碟西少飯走肉，一食落去，口感好好，都有ｄ洋蔥味，不過就覺得炒得比較濕，有ｄ糊仔feel。整體上黎講，係好食既。

原來在我附近的很多食店都未有人寫過食評，莫非沙田人都不喜歡在本區覓食? 我便是其中之一。總覺沙田相比起大埔、荃灣、元朗、甚至屯門，係無咁多選擇。假日和屋企人飲茶都不會在沙田飲。所以千萬不要問我沙田有何美食，反而"那麼遠"的其他區我還有心水 。不過總有一些食店是經常去的，例如對我是"這麼近"的明樂茶餐廳 。明樂茶餐廳計埋前身的快餐店，在乙明邨已有廿多年歷史。由快餐店時代的炸雞脾，到茶餐廳的炒粉麵及小菜套餐，我都是常客。小菜二人套餐大約$65-$85元，包兩碗"靚仔"，兩碗老火湯，兩碟小菜及一碟清菜。算係幾抵食。老火湯料夠足，湯夠濃，正。豆腐斑腩煲，味道相當不俗。霸王雞算滑，不過雞味就欠奉。顧客是街坊居多，比起隔離沙角邨，乙明邨的人流是少很多的。