明將迴轉壽司餐廳 (已結業)

今天逛街路過了沙田希爾頓中心，看到一間久違了的明將迴轉壽司店便入內試試，果然沒令我失望。我和朋友點了多款壽司，服務員很快便送到，全部壽司也即場製造，帶子、三文魚、赤貝、希靈魚，劍魚腩壽司等也新鮮好味👍🏻 而最出色的莫過於雞泡魚干了，表面脆口卻入口煙韌，份量也算多，連本身不愛吃魚干的朋友也大讚精彩。現在不多店舖提供魚干了，但我每次到居酒屋也必定會碰碰運氣，因不是每間店也能做到煙韌卻脆口的，若要知道餐廳水準如何，單試這款菜便可知一二了，若配送一杯清酒更是人間樂事啊！

聽到明將香港人回憶都係紅豆軍艦，當年紅極一時，以家係沙田有最後一間明將既迴轉壽司店，好耐無食過，經過有啲懷念，就坐低食餐晚飯以家嗌壽司食物都會用部智能平面電腦，非常方便，㩒幾下就搞掂壽司好味道迴轉帶上面既壽司感覺轉左成日唔係太吸引，落左單師傅收到通知後，係店中間即嗌即整，全程可以望住師傅好衛生咁處理每份壽司，黎到枱面啲紫菜仲要脆既，好感動即叫壽司比迴轉貴$1，個人覺得超級抵比多$1食師傅整既新鮮啲，又有得睇個明太子壽司仲多到差啲跌出黎壽司用$15/2件黎講，口感味道份量都超值！滑蛋窩好味道.5個窩好多蔬菜係裡面，仲有啲粉絲，調味甜甜地，份量足夠，朋友覺得好好味，好滑不過我對蛋就還好，所以個人對呢個窩物不過不失豚肉火鍋好味道侍應姐姐繡好快手就幫忙係張枱上面整好個爐，之後就上小火鍋，估唔到平平地有埋烏冬，肉片幾大塊，湯底有三種，揀左豬骨湯幾濃郁！份量好足夠，雖然唔會話超級好食，但款式多，對得住個價錢燒多春魚好味道.5個人黎講好鐘意多春魚，貪佢口感得意，好多籽師傳燒得好好味，成條食哂，個汁有啲甜甜地，朋友話可能係燒汁燒三文魚頭好味道.5我同朋友都十分鐘意食燒三文魚頭，真心覺得呢度既燒野食師傳

自從幾年前去深水埗試過明將之後都冇去過。近期去沙田行街經過希爾頓中心見到明將就入去食晚餐。而家點餐用ipad好方便，座位都坐得舒適，食火煱見議坐卡位會好d。我地叫左個吉列豬扒拉面同埋海鲜火煱，仲有壽司，要讚吓份量足食材足，火煱湯底有3種選擇(豬骨湯，醬油湯及香辣湯)，推薦醬油味！豬扒炸得香脆，拉面湯底夠濃面爽滑！我見有幾枱客都有點呢款拉面。另外追加火鍋料虎蝦半打，只係加30蚊！大大隻！性價比絕對高！壽司刺身質素一般，價錢反映質素，係可以接受既，壽司出品見到係即做，d紫菜唔係淋哂，食得夠飽，服務方面都ok，整體唔差。有下次！

以前成日聽朋友講去食明將，由於我冇食過，所以就膽粗粗咁入左去食.......食完只可以講，唔好咁睇唔開入去食野...叫左一個碗麵，以為應該會正正常常。但d麵冇彈性麵算，咬落係一pat野咁。 但個味麵對得住價錢既。跟住試左佢既壽司，佢比較熱門多人叫既壽司就會即整，冷門d既就會拎番d係迴旋帶上面既壽司比你..我果下真係睥一聲。佢最有特色應該就係個雪糕壽司。有芒果味同抺茶味，食完尼一世應該冇咩事都唔會再食。

以往去沙田區，通常在新城市廣場食嘢，由於Easter Holiday,避免多人，所以改為去希爾頓中心逛逛，見到有位，就自動行入去，當看到電子menu的價錢後，更合心意（價錢大眾化又包餐飲）！由於不是太肚餓，所以只order兩碗拉麵🍜，大大碗又多配菜，所以十分滿足！二人座位，比較窄，幸好沒有order太多食物！

我記得以前第一次食明將是深水埗西九龍，明將總店？旗艦店？學生時代約會拍拖或者同朋友party最好的去處非明將莫屬。幾十元的壽司任食不是現在開到周街都是的爭鮮可以比較。而還存在沙田的這間明將壽司。食不到情懷，也食不到回憶。但我仍然偶爾去幫襯。

今天看完電影已是三時許，肚子都有點餓了！行經明將夀司店時，下午茶餐的餐牌已放了在店子的門外了！因已過了午飯時段，顧客也不多了。喝過綠茶後，我們便拿起電腦版，開始點餐。下午茶餐選擇都算多，我們二人點了兩個烏冬和兩杯飲品。豬軟骨烏冬內的豬軟骨非常淋滑，烏冬也算彈牙，配上粟米粒、紫菜和蔥花，賣相和味道都令人滿意。熱柚子茶味道一般，但不會太淡。黑椒煙鴨胸烏冬同樣彈牙，黑椒惹味，鴨胸份量亦頗多。總結而言，四十五元一個下午茶餐，還配有一個自選飲品，雖有加一服務費，價錢還算合理。

未來院友指定要去呢間野。我很久以前食過西九龍嗰間，之後都無再食過喇！跟住聽人講，佢越做越差。所以今晚都不抱任何期望，只求唔好食到肚痛就好了！假期前的工作天，8點幾去到，大約有5台左右的客人，完全唔使等位，可見佢的受歡迎程度入到去，你鍾意坐係邊就邊，無人理你的。太肚餓，一來就係迴轉帶上攞左碟希靈魚壽司。平時食嗰啲係有卜卜脆的口感的，但呢碟完全無囉之後見迴轉無乜野食，就用ipad落單。叫左軟殼蟹手卷，叉燒烏冬，炸蠔壽司，炸魷魚so, 炸蝦壽司。個烏冬正常，有粟米，木耳絲，魚蛋，叉燒。49蚊炸物就不得了。。。首先講下個軟殼蟹手卷。新鮮炸起的軟殼蟹，表面無太多的粉漿手卷入面有沙律醬同少少蔬菜。整體唔錯炸魷魚so同樣地都係無乜炸漿係面，你唔會食到成口粉都仲未食到條so。而且唔會炸到好乾，仲係juicy的炸蠔壽司，又係無得輸。香脆，酥脆，熱辣辣上枱真係點都估唔到有驚喜無期望就無失望，而且仲有好的experience仲有仲有，佢啲紫姜好好食，仲好食過元氣嗰啲丫

看了之前食評後，想為此店平反。最近分別在午餐和晚餐去了吃這店。在沙田巿中心，平民價錢的食店買少見少。這間不算之前食評中那麼差，有什麼價錢，有什麼貨，所以這間算中評而且他們改用平板電腦下單，也算改進了不些。食品味道，員工態度也不錯，所以希望他們可繼續營業下去。

《明將壽司》，不用多說了，許多人聞風已經喪膽。皆因當年的一篇網上潮文，當年令日本人也驚訝的紅豆軍艦，令此店成為了一間百劣名店。不過，《明將壽司》並沒有因此而立即冇人食，反而令其爆紅，人人都想試下佢究竟有幾差。多年來，《明將壽司》的規模的確是縮減了，連傳奇的西九龍中心店也結業了。好多人都以為《明將壽司》已經成為了歷史。但在沙田的希爾頓中心，仍然可以找到《明將壽司》的蹤影。今次，我就決定來沙田店感受一下《明將壽司》的風采。執筆時發現屯門卓爾廣場的分店結業了。 一坐低，一打開那本帶點殘破的餐牌，在壽司的一頁，我看見了一些令任何人都覺得奇特的東西。奇特的不再是什麼紅豆壽司，啫哩糖壽司，而食圖中有一舊冰淇淋在頂的雪糕壽司，而且更有綠茶同芒果兩隻味可供選擇。 一坐低，店員就給我一個茶包。單是看這一個茶包的包裝，我聯想起的絕對不是日本的綠茶。我想起的是每一次跟團去大陸玩，返到入酒店房梗會有的兩個茶包 (有時4個既)。而沖出來的所謂煎茶，淡淡地，像茶餐廳那一杯水茶雷同。 我坐的位置是很日式的，面對著壽司師父的。說真，在正宗的壽司店，這一個絕對是一個上賓位。但當我看見《明將》整個 Sushi Bar 既

明明好多卡座空左，我一個人坐左係度點晒野，果個侍應行過來粗暴逼我去細檯，毫無禮貌可言。諗住算啦忍忍。一個人食左201蚊，找數話要三百蚊先可以用信用卡！我得180蚊現金，我話去ATM拿錢，佢話要我留低身分證所有嘢！我堅持不肯，只能留下180蚊，痴線會因為果31蚊走甩妳？！佢放行後我去ATM途中啱啱撞到老公穩佢拿四十蚊現金，一共220蚊俾佢，話我唔夠！明明201總數！已經俾多佢！仲變態咁堅持！痴線。後尾才醒悟係佢問題！一群咁嘅侍應收銀。幾時先可以收檔？！

一定食到你想講粗口話說星期六夜晚六點野入到去，叫左五樣野，壽司刺身好快到(raw food 梗係快啦)，味道唔講啦入得明將預左只求速食，之後戲玉來了:另外叫左既係三樣熟食(有凍蕎麥麵，熟蠔，炸豬扒烏東），足足等左四十五分鐘連隔離枱遲黎都野食先上岸，我忍唔住舉手問問呀姐可否幫幫忙跟單呀姐交戲都費系事，無check無入廚房問就叫我”不如cancel啦好嘛今晚廚房唔夠人”，喂你唔係岀面食到明又放我入黎明知廚房唔夠人又唔stop左熟食呢d 野我唔知嫁嘛，仲好似怪我order咁多野食，再加句凍蕎麥麵要整好耐，到我費事等講左句咁cancel啦打算埋單走人又無啦啦有個炸豬扒烏東到左，佢攞過黎既態度都係好一致地差Okay食埋個無味既烏東走人，費事阻住佢做生意啦唔夠人鍋

假曰與友共四人看戲前到明將下午茶，場地外圍卡位舒服，I pad order食物方便，侍應阿姐，阿哥，阿妹都好有禮貌喎，實在比之前食評嚇親下午茶餐包飲品，$價格優惠！底食！有些食物忘了相機食先，因為有朋友在，已經盡量影到就影。原本叫咖啡，但侍應哥哥話唔好意思無咖啡，甘我轉奶茶，出乎意料有驚喜，好地道香濃！拉麵湯底特別好味泡菜辣香，牛肉鮮嫩，成碗連配菜食到底，實在不差呀！整體熱食好過冷食（壽司類）。我要為一直被負皮的明將平反一下啊！支持支持支持！

 説起明將壽司相信是不少人的回憶 總會和朋友組成「劣食團」，一起挑戰「打大佬」 那種味道相信難以忘記 只可惜已經沒有了「紅豆軍艦」，當年沒有膽量挑戰，現在也沒有機會挑戰！ 不過現在只餘下沙田一間本店，已經沒有了任吃，只有單點或者是套餐 店內裝修依舊像是以前格局，有點懷念！  還記得最難吃的必定是飯糰全部均是機壓品 以前吃到最後，將白飯拆散，黏在碟底以瞞天過海！只因這裡白飯實在太難吃！ 當然今次小妹全部吃光光，沒有浪費。  餐廳除了壽司還多少不少小食和拉麵！  三文魚壽司$ 14 有驚喜！感覺好像比較以前好吃，三文魚比較厚和大片。  再來希靈魚和吞拿魚 $14 吞拿魚質素都不錯，是新鮮的，只是比較簿了一點。 再點了份三文魚，這個不得不說，是劣食的味道 以前就是吃這個樣子的三文魚。  雪糕軍艦 $14 雪糕的味道分別有綠茶和芒果 説真的綠茶雪糕味道正常，可以接受。 雪糕混合醋飯紫菜的口感就如漿糊一樣 非常難吃，非常不配！  漫魚壽司 $14 這個挺正常的，可以說是不錯。  蟹棒壽司$ 14 雖然不是真的蟹棒，但是蟹棒好吃！「飯」難吃！  吞拿魚沙律$14 吞拿魚沙律味道正常，不過比較乾

今日放病假一日⋯去沙田睇醫生之餘⋯就順便去哩度搵食-Lunch!見到明將有午時套餐😋😋花多眼亂⋯🤓最後揀左帶子烏冬🍜加散叫曼魚壽司兩件，飲品係熱柚子蜜❤️烏冬普普通通⋯帶子有4粒⋯都算抵食！曼魚壽司一般般⋯！有加一服務費！