明師傅甜品 (已結業)

正在荃灣食晚飯之際，朋友突然拋出一句，「呢頭有冇糖水鋪? 不如去食甜品。」甜魔聽到這句說話，喜上眉梢，馬上建議去路德圍那邊的甜品店。假期前夕的晚上，路德圍果然是人山人海，尤其是那幾間甜品店，好似唔使俾錢咁。最終，選中了明師傅，因為這是唯一我和朋友都未去過的。西瓜盅看似吸引，來一客。可惜，西瓜本身有欠清甜，最大問題係唔凍，即使其餘的生果和火龍果、哈密瓜等新鮮，椰果和西米味道可以，還有一球牛記的朱古力雪糕，也稱不上好，因為達不到消暑的效果。另有一款叫涼爽，其實即是椰青入面放了雪糕及什果，再配一小杯椰青水。個人認為，這個比西瓜盅好，一來夠凍，同埋椰青都幾清甜，什果都可以，如果芒果雪糕可以轉成另一款口味，可能會更夾。本來想叫埋個奶凍，可惜被朋友阻止了。

之前常常係眾安街既店買外買，佢個雜果西米露簡直可以話係超好食呀~自從前幾個月佢搬左去海霸街後，因為住的地方不近，故冇咩幫襯，昨晚經過外買回家，一打開，失望死了~之前是漓滿的，依家得8成，芒果汁底濃而鮮，依家淡而稀(仲冇咩芒果味)，雖然仍然係用新鮮生果粒，但種類少了，數量亦少了。唔之係咪搬左去旺D既地方，旁邊又有松記、友記、小樽，成本貴左好多呢，質素也差了，唔知其他款式係咪都差左呢~遠左又差左，我諗我都唔會再幫襯嫁啦~失望呀~~~~~~~~~~~~~~~~~~~~~~~~~~~~~~

同呀哥食完lunch後 , 意猶未盡 , 想食過甜品黎個大滿足 諗住幫襯另一間 , 不過太多人 , 試下第二間就係明師傅甜品 , 我地分別叫左法式焦糖燉蛋 $25 呀哥一食就話very good , 燉蛋creamy 香滑 , 唔會太"流" 食完燉蛋食返水果 , 個口fresh哂 推介 ~地獄球場 $25 呢個入面有涼粉 , 椰果 , 西米 , 黑珍珠 & ice - cream , 不過只屬普通甜品 :

最初諗住去食沛公,點知佢話食環署捉人,無得坐街食,只做外賣,所以就諗住去松記.然後記起上次呢間都好多人幫襯,所以就諗住試試.坐低望個menu,選擇不算多,同個fd都呆一呆,唔知揀咩好.野食唔係唔吸引,但又無邊樣特別好吸引.最奇怪係有個"榴柑歲月",棟槤同柑的組合好奇怪,.唔係都會試一試...最後個staff介紹左我地試下佢的"焦糖燉蛋"同"血橙果凍".因為對果凍興趣不大,所以就試左"焦糖燉蛋"同"鮮雜果樂園"."焦糖燉蛋"係有埋d生果跟,組合係有d奇怪,一黎望d生果,好少.同張相差得有d遠...個燉蛋面都幾脆,幾滑,奶味重左d,我覺得creme brulee的蛋味應該重d,但朋友話鍾意佢奶味重...之後黎左個"鮮雜果樂園",好多生果,菠蘿,火龍果,西瓜,密瓜,木瓜...每個都有兩件左右,大大舊,都ok.但個底就無咩特別,有少少涼粉咁.唔係唔好食,無咩特別,但以生果的份量算幾抵.但...可以揀,我會覺得松記更抵,因為平d...ha.整體野食唔係唔好食,但可能唔太岩我食.再去tsuen wan,我諗都係會去松記食,又抵又好食.ha.

吃完乳豬, 一時想不到在屯門吃甚麼甜品好, 既然大家都要搭返西鐵出市區, 不如就來荃灣試試這家有不少好評的店子.來到這條街, 先發現附近的競爭是非常激烈, 這家甜品店更是被另外兩家甜品店夾在中間. 要在這裡突圍而出, 不可以說不困難.雲呢拿奶凍 $22: 8分, 先試的是人氣no. 1的甜品, 聲稱選用了天然雲呢拿, 且看水準如何? 賣相對辦, 見到點點雲呢拿籽. 奶凍幾滑, 有奶香, 也有雲呢拿香, 是有水準的.原粒栗子焗西米布甸 $24: 5分, 相對來說, 這個焗西米布甸就麻麻地. 布甸質感一般, 偏甜, 栗子不夠香, 用上原粒栗子的幫助也不大.法式焦糖燉蛋 $25: 8分, 除了墩蛋, 還另外跟上一碟生果. 燉蛋幾滑, 蛋香足, 焦糖面還算幾脆. 不過其實碟生果就好像搭檯一般, 簡簡單單的一客燉蛋不是更好嗎?甜心 $32: 6分, 天氣開始轉熱, 見不少客人都在吃西瓜盅, 我就反而揀了個冬日首選的甜心. 椰皇一個, 份量不小的, 入面是椰汁加上西米, 是幾潤的, 但就實在幾甜, 湯丸就只是一般.似乎西式的甜品是比較突出, 單計這兩款西式甜品, 是令人滿意的. 中式甜品就稍為差了

之前有雜誌介紹"明師傅"係前酒店廚師主理, 又開多咗間, 當然要試下啦! 西瓜盅 - 賣相好靚, 可惜唔多西瓜肉, 只得西米, 椰果, 火龍果. 不過配比較少甜品店用嘅椰子雪糕, 香滑椰子味! 重跟埋西瓜汁, 唔錯.焦糖燉蛋 - 面層焦糖做到幾脆, 又唔會太甜. 燉蛋好滑, 可惜奶味重咗啲, 如果唔係重好味! 跟埋生果, 真係細心.

是夜下著毛毛細雨，因為松記太多人，又不想淋雨之際，第一次投進了明師傅的懷抱去。涼爽和西瓜盅:有三種口味的雪糕可供選擇:芒果，朱古力和另一種忘記了= =下了單開始吹水時，人越來越多，位又不夠，身後不斷有人來來往往，少不免碰撞，撞得越多，心情開始煩躁!!!!加上下雨天，很多濕漉漉的遮啊,手袋啊不斷擦身而過，感覺很差啊，再加上地下又有很多濕淋淋的tissue..........我決定下雨天不會再來!!西瓜盅先來，入面有很多雜果之外，還有椰果和西米，沒有下很多糖水，清清淡淡的，跟芒果味雪糕很match!而且還會外送一杯西瓜汁，很解渴~涼爽就是椰皇加雪糕加雜果再加一杯椰皇汁啊~可是椰皇上了之後，他們好像沒有意識給我一杯椰皇汁，我開口追了三次才送來= =......椰皇跟朱古力不太match啊!!= =很奇怪的感覺~跟其他客人一樣，不論是點椰皇還是西瓜盅，我們吃完之後都會努力地挖啊挖~將椰皇肉西瓜肉挖出來吃~很好玩XDD食物很有新意，但要改善粗心大意的員工服務質素和地亢濕漉漉的TISSUE....................

呢日係城門行完山,晚飯過後去左明師傅試下!!舖頭清潔,見到個menu有,麵包布丁,一於試下!!老婆叫左個鮮雜果樂園---什果涼粉,都幾大兜架!!仲有小插曲,就係我朋友想食西瓜盎,但伙計問師傅,師傅回覆,"今日西瓜唔靚,唔賣!"我欣賞佢呢方面既執著,加油呀!明師傅!!

小弟第一次寫食評,下午行開荃灣見間舖好似新新地,平時夜晚又勁多人,加上又唔洗等位,女朋友又鍾意食甜野特別係焦糖燉蛋, 咁咪入去試下囉. 又幾有驚喜喎,一黎都叫有D特式野食,焦糖燉蛋呀,雲呢拿奶凍咁…就叫左呢兩個…味道仲要唔錯添. 等別要講下個雲呢拿奶凍好濃…個質地又滑…仲要份量夠大…女朋友係咁食我o個個,試完佢個蛋,都唔錯呀…下次試下佢個湯丸先!!

這附近一帶的甜品店有五至六間之多，當中幾間都大獲好評，競爭尤其激烈。花多眼亂之下，媽咪選了明師傅甜品，貪它環境不錯。店員很積極向容人推介它們的特色甜品，最後我們點了栗子焗西米布甸，和榴甘歲月。栗子焗西米布甸是熱食，表面有點焦，裡面似食蛋撻的餡般，加入了西米，不會過甜。榴甘歲月有西米露、榴槤果肉和哈密瓜。出乎意料，榴槤竟然是甜到入心入肺的，一試難忘呢！

晏就無聊咁岩路過見到門口幾令就入左去食....之後就比情人節推介果張MENU深深咁吸引住!!!又有位令仔店員好熱情咁招待xDDD最後我揀左蜜意...姐係vanilla奶凍, 藍莓醬, 血橙啫喱...另外兩個就係杏仁豆腐....同埋oreo木糠布甸...好快d野食就黎杯蜜意令到唔捨得食哈哈哈哈xDDD講返d野食先啦...vanilla奶凍好有vanilla味!!!勁正!!!血橙啫喱入面睇到好多橙肉!!!!杏仁豆腐有淡淡既杏仁味...oreo木糠布甸勁正!!!成碟咁多野食都係38蚊其實真係好抵

呢晚同班朋友仔打完籃球+食完正餐, 之後就梗係去糖水世界嘆下啦 朋友仔推介呢間, 佢已經連續去左 3 晚的說 = =+竟然...講到咁好食, 梗係要試下啦!!睇左一輪 menu 之後, order 如下:雲呢拿布甸 (唔太記得個名, 嘿嘿)血橙o者喱法式焦糖燉蛋雲呢拿布甸 - 好滑, 好香雲呢拿味, 不過口感好"溜"血橙o者喱 - 血紅色, 清清既橙味, 生果伴碟, 唔錯~法式焦糖燉蛋 - 一碗少生果伴碟, 燉蛋滑滑, 不過食耐左就覺得質感有 D 似食緊....吉士~整體唔錯, 難怪已經 10 點幾都仲坐滿人

日前係openrice見有人post左情人節推介果個...睇完之後覺得勁吸引!!!...所以就黎試下喇!望住情人節推介果張menu....真係好難揀!!樣樣都想食!!!最後揀左『濃情』(朱古力mousse + 藍莓醬 + 杏仁豆腐)而另外果兩個就揀左奶凍同oreo木糠布甸...落完單之後....店員仲比本雜誌我睇過左陣...D甜品好快就黎喇3樣都咁吸引...搞到食果陣都唔知食邊樣先~~~朱古力mousse正得黎又唔會好漏...舊杏仁豆腐又勁滑...而d杏仁味又唔會太濃!正!!至於另外果兩個....原來係用朱古力黎裝住!好滴骰!食完咁多甜野再食舊生果真係幾fresh....38蚊可以試到咁多樣甜品真係好抵!

在荃灣食完飯 , 諗住搵 d 甜品食 , 行到海壩街 , 並排 3 間甜品鋪 , 最左邊是松記 , 食開有保證 ( 好好味 ) , 但想試新野 , 呢間 "明師傅" 的 staff 在門口好努力咁叫人幫襯 , 就決定入去試下 . 叫西瓜蛊話無 , 咁就叫左好多人都食緊既 "甜心" , 一入口就知揀錯地方 .1. 椰皇裡面 d 西米露唔夠熱 , 極其量叫做溫暖 .2. 西米露淡過水 , 尤其是食完果粒芝麻湯丸後 , 更加顯得西米露無味 .我都未試過食甜品食到個口淡晒 , 仲有少少反謂 , 呢間野真係無下次 !

在雲貴軒食完粉麵, 就想起雜誌介紹明師傅的情人節套餐, 只限情人節推出, 於是入去試下.叫左個濃情食, 一個柸有朱古力慕絲+藍莓+杏仁豆腐, 淨係賣相已經好吸引, 好好味, 一次過食到3種味道, 岩晒我呢種心多的人.另外2個朱古力撻真係無得彈, 朱古力底好濃朱古力味, 做到好簿又托得起d料(我選白酒同杏仁豆腐), 真係好巧功夫.$38真係超值.老公叫左甜心, 因為之前食左麵, 再食埋個湯圓真係好鬼飽, 不過老公話好好味, 食完暖粒粒.$30有交易下次一定食埋情人節捱介的另一款(蜜意)