明愛閒情雅敍 (已結業)

今日到衛生防護中心上堂，認識左尼間位於衛生防護中心1/F的「明愛閒情雅敘」。lunch已經一早決定黎食啦。尼間係由明愛開設，我見到服務生係康復人士，平時有專人教導及培訓。係一間好有愛心的餐廳。我係到食飯感受到愛，關懷同熱情❤️首先，餐廳設有沙津吧，可以自己任選任夾，但只可拿一次。有粟米湯有主菜同一杯飲品。沙津同粟米湯就正常普通。最驚喜的是，主菜：鮮茄汁煎蛋雜菜飯。我最鍾意個鮮茄汁是真係用蕃茄煮成的茄汁，而不是用茄醬煮成的。而飯上面的雜菜有翠肉瓜，青椒，紅椒，黃椒，椰菜花🥦同西蘭花等。非常有營養，味道仲好好味。菜煮得好fresh.絕對不會煮到老晒。仲有新鮮鮮甜的蔬菜味同口感。這個主菜絕對不馬虎。好有心煮的食物。所以真的值得推薦。岩晒有營人士同食素人士。

中午同同事落咗去一樓食呢間餐廳，雖然只有A餐、B餐同三文治餐，但味道唔錯，而且服務非常出色，侍應都好有禮貌，會問我地有冇漏單! 我叫左一杯熱奶茶，可以自己加奶，控制茶同埋奶嘅比例