明新鐵板咖哩皇

营业中

休息中

這間餐廳在大元邨街市上蓋，人流不多，不用等位置的，下午茶時間，我們來到，沒有什麼人，座位寬闊，最後點了炸雞脾配紅豆冰及福健炒飯!炸雞脾很大，很酥脆，脆但是不油膩，不會滿口也是油嘴的，雞肉沒有調味，但是我是沾茄醬吃的，所以沒有影響!福建炒飯是迷你的，但配料很多，所以每一口也吃到飯和配料的口感，吃的很過癮，雖然醬汁很濕，但飯不爛，作為一個下午茶是一個好的選擇！好吃!下午茶來到這間是不錯的，性價真的高!

放假唔想留係屋企，所以就出去搵野食了，好過留係屋企訓到頭痛嘛。今次早餐㨂左大元村个邊美食廣場食早餐。聽講呢間係黃店，好多議員都會去食野，點知真係撞到兩个大埔區議員一齊食早餐，佢地係咁大聲講政治野，有啲奇怪。唔理佢地，專心个早餐。个早餐都幾大份，又好食，仲送杯飲品架。

平時經過都冇乜興趣入哩間茶餐廳，今日終於試咗，算過得去啦⋯⋯今日食煎豬扒米粉，配餐肉煎蛋，餐包餐包暖暖哋，牛油另上但好硬，未解凍，餐肉叫煎過下（起埋唔係有d餐廳煎都唔煎），豬扒正常。

午餐係真係抵食！呢個價錢有一個嘢飲一個主菜，同埋店員會自動問你飲唔飲湯一定會送例湯。地方坐得舒服啦如果以茶餐廳來講，雖然就冇軟熟嘅梳化位。店員都算幾有禮貌，同埋唔會趕客走呢個好緊要！某人最愛的肉餅飯，肉餅裏面有啲馬蹄所以咬起上嚟幾爽口！依家啲豬肉貴佢都冇加價，味道可以。凍鴛鴦味道唔夠濃郁。白汁焗海鮮飯就食得多，焗腸仔加肥牛呢個配搭夠晒新鮮，地道風味。我鍾意佢個飯有炒底，但好可惜係凍唔夠熱，應該焗耐啲會好食啲。

中午去左呢間食Lunch，岩岩去到都ＯＫ多人，等左陣先有位，諗住應該都唔錯啦。咁我就叫左個五香肉丁公仔麵，點知等左成１５分鐘都未黎，到黎個時得兩舊五香肉丁，不如叫做淨炒公仔麵算，仲要收成四十幾蚊，個下真係火都黎，下次真係不了。

由於返工係明新茶餐廳附近，所以周不時都會叫呢間餐廳嘅外賣，因為呢間餐廳係不受價錢限制，叫一個餐佢都會照送貨嘅，然後佢通常每一日都會有指定餐選擇，佢嘅外賣紙係一早印好一個月嘅餐，每日都有唔同，選擇都算多。而我最鍾意嘅係佢嘅例湯，味道好清甜，當然例湯有落味精啦，不過都用料豐富，每次都有好多湯渣係入面，好飲又夠味。而佢嘅小炒、焗飯都好好食，每次一個餐都食唔晒，夠晒大碟，有時我會同同事三個人叫二個餐，份量就剛剛好了。

又係學急救既日子，所以在大元邨食lunch，今次上到黎平台覓食，見到呎間茶記價錢同選擇都ok，就入咗去坐叫咗C餐，$44，熱檸水，唔使加錢，超值之選。黃咖喱好入味，濃烈的又唔太辣，送白飯一流。豬扒總共有3塊，多，同埋好食，有口感，食完係飽同滿足咁出門口，推介

一向喜歡支持小店尤其是不用上班的日子懶洋洋的週末老公至愛茶餐廳下午茶去完一田百貨行咗個圈就決定去茶餐廳食個下午茶近近地人唔多仲有卡位坐這間茶餐廳服務一向都幾好雖然啲店員就有啲遲鈍有時會落錯單但好多都好有禮貌所以我亦都唔會有投訴今日對過熱奶茶就真係失望平時去啲熱奶茶都幾好飲因為用膠杯上就冇用 classic 瓷杯上個感覺咁正但今日杯奶茶直情係淡沒有茶味我有少少懷疑冇理由會用錯咗檸檬茶膽掛口味就像淡淡的英式奶茶跟住兩個王牌日式豬扒烏冬 $35分量滿意有一塊炸豬扒最緊要就係個烏冬唔夠熱味道還可以的星洲炒米 $35同一個問題就係星洲炒咪上邊係熱嘅但係個心嘅米粉係微暖同埋少咗好多我最愛嘅炒蛋碎 希望今日只不過係跑馬曰師傅一時失手啦不久的週末仍然會再來就是

西多士非常快就來到，一看樣子，那層花生醬都非常乾，多士又應該就未炸得通透。吃落時，也感覺油膩，又不炸得透徹，因此味道難免不算太好。但起碼，西多士中間的麵包，不會有白麵包，起碼都有少許花生醬。友人的那一個星洲米，質素就好得多，雖然也只是下午茶的迷你版星洲炒米，份量當然比較少，但是味道而言，有辣味，也不算太難，又炒得夠乾，質素還是可以的。這餐廳，向來不是什麼大埔名物，或是餐廳熱點，但我每每都會喜歡來這間餐廳，多於下邊那間鼎天冰室，因為鼎天冰室那兒的人，面口相當之黑面，這兒就親切得多，而且，這兒座位寬闊，大大張卡位，以及選擇眾多。有天忽發奇想，有時候，人們成親的時候，相親都喜歡四出聯絡嘅朋友，告訴他們自己的子女成親。有天在餐廳搭桌，同桌的人士就在談及什麼時候要在某處的偏僻酒樓去飲宴，我就在聯想，會不會其實這些阿叔阿嬸，就是細要來飲自己那一餐，亦即是自己不曾見過父母的朋友😂

有一次我去明新鐵板咖哩皇小廚食早餐真係令我好憤怒同好失望😡 😞我嚟時入面有蒼蠅同埋有蚊針到我隻手我，以經覺得衛生環境惡劣同埋D嘢食不乾淨。仲要等成差不多15分鐘嘢食先上枱。D嘢食嚟咗之後，雖然塊扒好大塊，發現成碟扒都係啲油，食落去啲油噴度我口度，啲麵有乾爭爭超少湯水好難食，食嘅時候要忍住嚟食，忍得好辛苦。仲有啲價錢超貴，成接近＄40一份早餐，價錢好唔合理，好唔抵食。明新嘅早餐真係令我好失望😞我有一段時間都唔會食

我又來探契媽啦！就去老人家膝頭哥痛唔好行咁遠，落樓下街市平台式就最好啦！尤其是價錢經濟實惠，唔使$100兩個人就食飽飽。佢好鍾意扶手電梯上緊第一間，就算兩個人都唔會比卡位我哋，店員嘅服務都幾有禮貌，尤其是會好照顧啲老人家。雖然話食清淡D，但契媽就最鍾意食豬扒烏冬。試過有幾次好似豬扒縮水，今次又大件返喎啖啖肉，成碟裏面有一啖咁多嘅雞蛋，煎得好鬼香。肉片炒可其實同乾炒牛河差唔多，尤其是我加埋啲茶餐廳辣椒漿落去味道更加一流。熱奶茶味道濃郁，不過入口就唔夠滑啊！都好飲

其實已經差唔多個個weekend都黎食嘅大份早餐，最好係早黎有卡位，坐得都好舒服，今日唔叫雪菜肉絲，試左個未過嘅鮮茄肥牛米粉，有好多茄膏好香茄味，好正，午餐肉同紅腸都係煎香晒，包係暖暖地嘅餐包，一樣係外面少少脆脆地，入面好軟，再加埋午油，好滿足，超大份早餐加埋杯凍檸茶(凍飲+$2) 都係$35/人(其實佢地嘅凍檸茶都算大杯夠飲)抵食又好味超大份見到滿晒嘅茄膏，好夠味次次食完呢度嘅早餐,基本上都唔洗食Lunch

踩完單車好喂肚餓，玩咗單車之後就決定去附近嘅大元邨街市食返個下午茶。一上扶手電梯第一間就見到快餐廳，唔使＄40，一於入去嘆冷氣。我呢就唔肥唔食嘅，油膩嘅食物就越好味⋯⋯一於叫個乾炒牛河，等左10分鐘熱辣辣嘅乾炒牛河送到。雖然油但係都算炒得乾身，而且有幾塊牛肉，都幾大塊，而且我最鍾意就係佢嗰個辣椒漿，好有大排檔風味。朋友就鍾意食焗飯，我見叫咗個咖喱雞扒飯，咖喱汁都幾都濃郁，雞扒一大塊。凍奶茶有質素，下次一定再嚟幫襯。出前一丁都幾搞笑。

之前介紹過呢間早餐，抵食好味今次終於試下佢嘅午餐(11點就有午餐)叫左個青咖哩雞飯，見佢都係40幾蚊就試下點知。。。。佢一上枱仲聞到幾香咖哩味但一將d青咖哩放去飯就見到唔太對路點解d咖哩汁個樣怪怪地，唔知係咪太多粉，總覺得有層模，同埋d汁完全只喺留左喺飯面，平時一淋d咖哩汁，應該滲晒入d飯度架。。。只可以話睇相啦，汁唔係希，但唔好味d雞有煎過好好味，但d汁。。。只係聞到食唔到咖哩味只可以話咁嘅價錢，唔要求太高都ok嘅，但如果11點半前黎，都係食返早餐抵d

今早去左大元村的明新食大早餐早餐算多選擇，但每次都選同一個，原因好簡單，試過一次後每次想試其他早餐，但都會比同一個餐吸引--明新早晨自選麵餐大份抵食又好味特別鍾意佢的雪菜肉絲米粉，好夠味餐包每次上枱時都微熱，少少脆面餐肉紅腸都先煎香，而且分開上勁多雪菜，次次都好滿足，平時食開嘅會比較淡，呢間又唔會，米粉多到次次都食唔晒，食量大嘅人啱晒另外加$2轉凍飲，都夠大杯又唔會太多冰咁嘅價錢好抵，最抵係個早餐到11:30, 可乆當lunch食