明明車仔麵專門店 (軒尼斯道)

营业中

休息中

下午到灣仔辦點事，順便來個下午茶。一於食碗車仔麵醫醫五臟廟。試過明明車仔麵在北角的分店，質素不錯，見灣仔亦有分店，一於試試。叫了一個三餸麵加一杯凍奶茶。三餸麵揀了豬大腸、牛腩及雲吞，湯底要清湯加腩汁。不用5分鐘，麵已到。。先飲一啖湯，比較淡。麵的份量相對較少，雲吞質素普通，豬肉及蝦的比例有點問題，豬肉份量明顯較蝦很多，食落似豬肉餃多一點。牛腩水準ok，有咬口亦帶點爽。豬大腸份量不算少，但似乎味道頗淡。整體來說，這碗麵不合格。凍奶茶份量可以，但有點過甜。總括來說，灣仔分店水準不及北角分店。

明明車仔麵相信其實在灣仔算是一個比較便宜而且味道okay 的選擇我的朋友住在kennedy town ,我問他在附近有什麼車仔麵店推薦 他便recommend 了我這間明明車仔麵點了牛腩雞翼麵 牛腩不錯 幾入味 雞翼用瑞士汁去醃過 亦是出色👍🏻👍🏻 美中不足的是明明車仔麵的麵底份量太少 我個人吃了也感覺不夠飽肚整體而言 明明車仔麵的性價比在這區而言算是不錯 但對比新界 九龍等出色的麵店則不算特別出眾 但店內環境算是不錯 👍🏻

灣仔區好食既車仔麵都有好幾間，同事今日就介紹左「明明」我試下。午飯時段雖然門口有人排隊，但好快就已經有位👍🏼| 四餸一麵 | $45 飲品另計我揀左豬大腸、咖啡魷魚、豬紅、瑞士雞翼，湯底係腩汁，但因為個咖啡魷魚變左咖哩汁😆 湯底味道好好，啲米粉都好索味，豬大腸好肥美；豬紅彈牙，唔會係煮得太耐搞到好實嗰種；雞翼夠入味啲肉甜甜地，唔會話煮到啲肉老哂爛哂嗰種。本雞翼控好推介依個雞翼，真係好好味😋 碗麵既份量岩岩好，餸既份量都好多，值得一試。| 支裝飲品 | $8價錢就較其他車仔麵店少貴因為無包飲品，但又估佢唔到會有支裝維他奶，即使係汽水都係支裝架好懷舊呀😍

午飯時間灣仔搵食真係唔容易，地方擠迫啲嘢食仲唔平添！食碗車仔麵加埋飲品都要六，七十蚊！今日揀咗間係已經結業嘅老鋪個個位嘅車仔麵！今日揀左牛坑腩，蘿蔔，魚片頭配河粉！沒有想過呢個牛坑腩竟然俾到我驚喜係我食過最好味嘅牛坑腩！好林好好味，肥瘦均勻仲好有牛味！簡直令人回味好想一食再食！蘿蔔又甜又林，埋單$40（不包野飲）終於搵到唔貴嘅車仔麵而且仲要好好食！極力推介牛坑腩，勝價比超高

今日行過灣仔，發現明明車仔麵開了新店，一於試試。店舖不大，所以會坐得比較逼。餸類款式非常多，而且湯汁和麵底也有數款可以選擇。有選擇困難的我就點了6款standard餸的招牌麵，包括有咖喱魷魚、滷水糖心蛋、酸齋、雞翼、牛腩和魚皮餃。湯汁選了鹵水汁，麵底則選了公仔麵。餸份量足夠，滿滿一碗蓋過麵。糖心蛋keep到流心，不錯。雞翼非常入味。咖喱魷魚爽脆，值得一試。公仔麵為正常一包的份量，感覺如果點其他麵底的話，麵的份量會較多。

經同事介事，去左明明食個LUNCH，真係啱哂為食得黎又唔係好大食的我﹗明明啲車仔面餸真係好多，有啲好少見的餸，例如豬紅呀、豬腸呀，乜都有﹗本來我怕肥，只想食3個餸，點知真係不敵誘惑，叫左4個餸，不過是但啦，人一世物一世，啲野又平，咁就食多啲啦﹗啲餸的質素都幾唔錯架﹗全部大大粒唔慳皮，我愛菜肉餃多肉多菜夠充實，雞翼的肉又係實，真係好，因為我最怕係煮得耐淋哂梅梅地咁。魚旦就OK 啦，個人好口味我就鍾意細粒的陳皮魚旦，不過明明的都合格架0拉﹗通菜雖則唔係當造時，但係都算係清脆的。我個湯無SPICY汁，咁我就想佢咸啲我會鍾意多啲囉。要讚的仲有係佢排隊快，上餸快，logisitcs 都得幾好，啱哂我呢啲大忙人﹗我一定會多啲幫襯，真係好想試埋佢地其他餸呀﹗

收工收好夜，收左工已經好肚餓，諗住食車仔麵填補空虛嘅肚，同埋上次食過都覺得幾好食。但今次食，真係好難忘，我叫左一個三餸麵，叫咗魷魚魚皮餃同牛肚，一份魚蛋魷魚蘿蔔，同一枝樽仔奶茶。點知佢第一次黎話冇魚皮餃咁我就轉左魚腐，第二次黎話冇魚腐，我話算啦唔使啦，我原本都唔諗住計較，但我等左半個鐘，連新黎嗰枱客都有得食，我都仲未有，都算。碗野一黎到，我真係火都黎🔥🔥🔥碗粉既分量係想像唔到嘅少，食完都等於冇食過，我唔係啲好大食嘅人，一碗粉我都夠飽，但份量真係好少，幾啖就食唒。個湯底最過分，係完全冇味，我叫左腩汁同辣，但完全一啲味同一啲辣都感受唔到，同我想像中嘅明明車仔麵好大分別，完全難食到一個地步，識我嘅人都知道我對食冇乜要求，但呢碗粉真係完全接受唔到！最終個魚蛋蘿蔔魷魚同樽仔奶茶係不翼而飛。不過我承認當時係真係好忙，而且我係11點幾去。但我都係想簡簡單單食碗飽肚嘅粉，要求都唔算過分，但呢次真係好離譜，我希望可以改善下，因為印象中，上次食佢另一間分店係真係好好食

由門口望入明明，裝修簡單略帶懷舊，給人踏實既感覺。午飯時間12：45到已經坐無虛席，好彩仲有張圓枱可以搭位。一行3個人分別叫左招牌麵、大什麵、自選菜式及樽仔奶茶。麵量及餸量好足。值得一讚既係瑞士雞翼夠大隻，酸齋好大舊，調味剛好會太甜，菜亦都多。湯底清甜，不過自選汁俾既分量略少及淡，咖哩汁算係當中最夠味。樽仔奶茶茶味夠，但偏甜。灣仔餐廳好多，但明明車仔麵係其中一間易搵位，價錢相宜，味道好，份量夠既餐廳。值得回頭