明星海鮮舫 (已結業)

日期:26/03時間:1:30p.m同男朋友仔去食~本身唸住去觀糖間金龍船一入到去,環境係勁唔掂,無曬食慾所以去左lei到環境確實係不錯(3樓),大大盞水晶燈,無敵城門河景已經靚過o個o的出名貴o既酒樓, 例如:美心大酒樓講野食, 有好有唔好推介...1.千層馬拉糕係我至愛,唔係間間都有得食,好多大酒樓都冇食過好多間,lei間最好食2.燒賣足料,但可以做得更好3.春卷唔會炸得太過乾勸喻大家唔好食:1.家鄉煎薄餅真係好難食,食緊團粉咁!如果中意食煎薄餅, 美心酒樓o個o的好食!overall,真係好多元化,好多野食,中日泰印雖然未必樣樣都好好食但大部份o既野食都ok其實價錢真係好resonableespecially係下午茶, 好平好平試過好多大酒樓,佢地又貴又少野食又唔好食lei間真係幾好~最緊要係環境好~食同坐得舒服得閒望下條城門河,hae下傾下就一個下晝

上星期六book左呢度為爺爺慶祝八十大壽我地book左間房但估唔到個部電視係壞架都唔知有冇攪錯D上湯龍蝦伊麵的龍蝦好硬好明顯係煮得過熟，或者凍左返煮佢條魚仲勁以為佢係重量級東升估唔到條魚係梅架仲爆膽添(有苦味呀)真係忍無可忍呀下次都好難搵我幫襯啦我地仲山長水遠出到黎沙田添

星期日... 通常都會同男朋友屋企人去飲茶...第一次去確實覺得唔錯....好多選擇....不過去得多...咩都食過哂就無左新鮮感囉~~個印度亞叉整既印度薄餅幾好味嫁~芝士最正~~~

佢早茶同下午茶真係好死平!!!款式又多!!!一般黎講都幾好味啊!!比同區既酒樓好味同抵食囉~~~成日下午茶去,,3個人去叫到成檯野都係果70蚊!!!我個人認為佢個流沙包係最正個囉!我第一次食呢隻包係o係度,,最好食既依然都係覺得呢度,,雖然依家賣下賣下周街都係~~~個包比人一種好足料既感覺,,人地果d好多都係得d好似流質既奶皇涵,,但係佢果個就好香囉,,,因為入面有埋蛋皇碎~~~正正正~~!!!之不過可能佢要做到"流沙"既效果,,要去雪藏佢,,所以有一次我食到佢個包就好好好熱,,但係個涵就只係暖暖地....果次係最唔好既經驗~紅油抄手,,其他包類,,係比較出色既點心,,,其他就一般,,唔算難食,,不過不失...之不過餃類就真係唔係幾得,,,我個人唔食蝦,,不過次次都見到d咩蝦餃呀...乜餃呀..都係個皮一夾起就穿晒咁囉,,個皮唔知係咪雪得奈,,,比較鬆散~~~~我食過小籠包,,d皮就真係認真麻麻....次次佢拎到籠野黎我都有種:嘩...好似漏晒氣既!! 咁既感覺,,suppose小籠包係有汁的吧????...我唔係成日都o係hk,,,但都成日掛住明星呢間幾正既酒樓!!次次返hk都lur

飲早茶是唔錯的choice.它早上有一張特價紙.有幾樣野特價,eg 叉燒腸胃$4.8,綠茶豆沙角$3.8正,................它小點是$3.8 JA.好似牛肉球.D排骨飯,肉餅飯都是$4.8ja,叫泰國金邊粉eg 豬頸肉,什錦都是$8.8 一碗ja超抵,又好食12:00之前埋單,就ok下午茶仲平

貴,加左價野難食,比同區酒樓難食

早兩日同honey兩個專登來飲早茶，叫左六樣點心加一個腸粉，基本上味道都唔錯，係腸粉皮厚了少少。加上早茶時段不太多人，歎歎茶，睇下報紙，真係幾憂閒。嘻

前晚與家人一起去吃. 如果唔係一早訂一定冇位, 就算訂都係得6:30pm個輪. 佢地真係唔憂做, 人又多臺又迫, 坐得認真唔舒服, service就更加唔掂. 叫佢地擺bb椅, 竟然話冇, 叫左人埋單, 佢都應左但等好耐都未得, 再問另一個女部長時, 佢竟語氣奇差的說, 你張卡仲度點埋單呀!先前個冇卡關鬼我事咩! d 食物都只係一般, 蒜蓉粉絲蒸貴妃蚌竟然有沙, 大班兩味卻冇味... 價錢都唔算好平, 一般而已.個廁所先嚇鬼, 未食飽千祈咪去, 如果唔係番黎一定食唔落. 仲有就係已經冇免費泊車呢回事, 仲要頭兩個鐘每個鐘$8, 然後每個鐘$15, 即係叫你食兩個鐘好走, 唔好左住下一輪.

平常吃海產類食物冇問題o既人，去這裡就好容易出事，我家人為了免費迫車選了這裡食晚飯，食完第二日就已經肚痛又發燒，最慘其中一個是ｂｂ，佢只係食左幾口魚肉之類，所以為了大家ｏ既身體健康著想，請不要在這裡食海產類喇～另外，我覺得佢ｄ點心都唔好食，得個貴字～以上都係本人ｏ既小小意見．．．有什麼得罪請見諒～

服務麻麻.二樓有兩個部長態度好差.仲好兇神惡殺添.講真食味真係麻麻.叫乾炒牛河.好多油.仲要用幼身個隻河粉炒.上檯已經容容爛爛..不過早茶時候算幾多選擇.有印度/東南亞/上海/日本小食可以揀. 不過去o個陣要求唔好咁高.因為真係幾平~

呢度己經改o左名叫"明星海鮮舫"前幾日同媽咪o係度飲下午茶，叫o左五樣點心，埋單$55.6，o係就係好平(小點$3.8, 中點$6.8, 大點$9.8)，但係質素就...擂沙湯丸﹕細粒、唔熱、唔軟千絲蘿蔔酥﹕唔熱、過o左氣松子雞粒餃﹕o的餃皮乾晒，所以最終俾番佢，換o左另一樣點心菠菜帶子腸粉﹕又係唔新鮮，收晒水，o的帶子仲有o的腥黑椒牛仔骨﹕太辣、有舊仲肥到食唔到百花釀冬菇﹕冬菇有o的o翕味唉...個環境就真係幾好o既，又唔駛同人搭檯，其實我要求都唔係高啦，但係以一間大酒樓o黎講，真係無諗過o的點心質素可以差成咁，失望...