明星海鮮舫 (已結業)

3連假最後一日，約左舊友一家黎呢到聚下，他們未黎過～星期日9am黎到～已經廿幾人等位了😅等左25mins左右~ 開埋第三樓～ 就上得去黎呢到，原因是有城門河景～上到去～部長問我幾位，就指著個邊~（冇帶位）甘我地就隨便坐啦10am落單有d特價點心炒米粉，生煎飽都係特價類菠菜餃～餃皮太厚馬拉糕👍 煎推，沙翁都吾差～炸両唔熱～似整定～雙併粥～都幾綿👌叫左明星流沙飽（聽說是飲茶必叫）😳摵開個飽有少許流沙流出，但未算好食到一食難忘，覺得好普通水準鳯爪算入味👌食食下野，兩個侍應姐姐分別也冇問我們一句，席間一張吉櫈就甘拉走！（張櫈係留給朋友～後join的）亞姐姐仲要串話，見你們三人四張櫈吖ma我們答：朋友黎緊她即刻向我們枱面拎住張單想加多個位～（佢既態度衰到係你唔信的!)見佢甘，我們說：未黎到黎到先加！總結：本身食物已經普通，環境外觀ok~ 一坐落張抬唔平，左右搖擺～（自己搵紙左攝右攝先唔郁），廁所有十幾架，但有幾間都唔乾淨😰～價錢唔係平，服務又唔係好～非必要都唔會再幫襯啦

今日去到沙田做完證件，有空了，便想去喝下早茶，休息一下。沙田明星的環境還算幾好。我吃了一個排骨飯，排骨也算多，挺新鮮的。皮蛋瘦肉粥也算平，但就是沒有太多料。馬拉糕和炸兩腸是這麼多個裏面最好吃的。馬拉糕非常鬆軟，而炸兩腸就炸得剛剛好的。其他食物就沒有太特別，但是質素也算是好的。三個人吃了大約＄110，滿載而歸。

順道到沙田，知道有明星海鮮舫，找路試試。明星海鮮舫設於城門河邊，於外面遠處看挺壯觀的。走到海鮮舫的門外，才較清楚看到三層。早上近中午喝茶，到了第二層，人流足夠但不躋逼，坐得挺舒適，望出窗外，看到對岸火炭區，有香港體育學院和遊艇會，偶爾有人撐着艇，景觀開揚怡人。與朋友點了點心拼盤、鮮蝦腐皮卷和西杏炸芋棗。不久，逐一送來點心，先是炸點。鮮蝦腐皮卷的蝦肉新鮮豐富，夠香亦有彈性，屬優秀的品質，腐皮炸得乾脆不油。炸芋棗應是特式推介之作，荢蓉做得軟滑，外層西杏香脆乾爽，吃下脆中帶軟，不滯不膩，很好吃。至於點心拼盤，有义燒包、蝦餃、燒賣、粉果和水晶包，份量合適，配搭得宜，可吃到飽類和一些點心，但又不用點太多，設計得不錯。各款飽類夠香鬆軟不甜膩，可說是「皮薄餡靚」，值得試試。是有特色而令人滿足的膳食呢！

山長水遠來到沙田打算同家人看著風景享受游閒下午，未食已經氣咳! 受了帶位經理的黑面神功，好在練得一身阿Q精神免得左右我的雅興. (另外不是熟客根本坐不了窗口位置唷) 氣咳完畢再來點吃，先講炸饅頭來的是炭燒風味(有鍊奶也難頂). 再來蝦餃皇蒸籠蓋一開，蝦餃皮已收水，皮面是乾爭爭的，而我每次去嘆茶也必點的川醬金錢肚....淡而無味失望! 最後的荷葉飯，我只見乘著飯的一塊仔荷葉，滿是乾身的米飯而且沒有荷葉香氣，這個真的可以不點. 沒有下次的酒樓!!

突然應約到沙田品嘗這酒家的小菜，點了薑蔥蟹煲：蟹肉不多, 味道一般調味簡單，新鮮保留蟹香。菜膽粉絲煲：用上湯烹調沒有油份，菜清甜份量頗多。西蘭花炒珊瑚蚝，味道不錯食材新鮮火候亦控制得剛好。糖醋排骨比較油脂，多骨肉太少，醬味比較厚身濃度高但糖醋味卻輕淡不太突出。甜點： 高力豆沙餡料紅豆蓉不太甜，外面炸成淺黃色內涵卻像煙韌綿花糖口感特別。豆沙窩餅比較油溢味重而且外皮一點都不脆好像翻炸過一樣。有生果併盤，不錯！

報紙見個片皮鴨28$左成年,終於最近同友人去試了,要打電話book,唔係會full..服務唔錯,一坐低樓面自動話你訂的片皮鴨仲有想叫d咩咁意思..我話睇睇先,唔知係咪聽唔到佢繼續企係度,等你叫多過一兩碟送先會走款....可能驚d客齋叫28$就埋單.燒腩仔約 麻麻地..皮唔夠我樓下街市脆..而且似係擺左一段時間唔會即叫即切..肥肉多左d..2.5星椒鹽蝦約 叫最ok一款..d椒鹽有種似牛油味,,蝦就再熱d會更好..呢個比4星..豆腐班腩 豆腐夠大舊及有味..3.5星..但班腩就初頭ok..夠大啖肉個內料..但好快凍凍地就現形..d炸粉厚到令皮唔得軟熟或炸個種脆..厚身左潔左..雖然用煲但都好快凍哂..有用等於無用一樣..最後主角片皮鴨就皮如樓下所講..黏哂.又比較平時食開係偏硬左..而d皮肉就無左個種香脆口感..係中間食左幾舊比較肥d個d先反而有返些小.肉味亦不過不失...一分錢一分貨..可能廚房心態都係咁..無謂太認真吧..當然擺設上就有返台形..呢個3星..(對上食可能係mk唱k個種食過..都好過它)

好彩有book位咁就唔使煩, ,最好有揸車otherwise都幾麻煩因為佢係正第一城同沙田中間，當然泊車都要錢。可以揀沙田搭巴士或者小巴去.. 價錢都算合理，D侍應服務態度好好，雖然無叫餐但竟然都照送生果比我地，仲會主動幫你換碟同加茶水

早上約8點到達，可自行搵位…靠窗位置有客人離開，坐下叫執枱並沒有職員理會，等了多時才有人來，仲係十分唔情願叫開咭又沒有人理，唔知呢d算係咩服務？一行4人，我們叫咗小籠包一籠有6粒，皮薄湯多，好味，good！鳳爪山竹牛肉义燒腸鳳爪排骨飯义燒包其他各樣食品不過不失如果可提升職員服務態度，不失為用餐的好去處。

叫左炸bb鴿、流沙包、酸甜炸雲吞、蜆介鯪魚球同幾個點心重點想講下有寫名果4樣野！炸bb鴿，凍！皮又林！！一定唔係新鮮炸起！2隻bb鴿上枱係謝晒皮乾晒水！流沙包，名符其實，「流」沙包！係熱gei不過咬開唔流兼食唔到蛋黃香味！酸甜炸雲吞，一上枱3隻雲吞油林林，我覺得係油浸雲吞多過炸雲吞囉！食完仲要見到下面張吸油紙d油多到滴得出……蜆介鯪魚球，先講蜆介，蜆介係呢個小食嘅靈魂所在，成碟蜆介得一粒蜆仔、一小堆薑絲同2大片裝飾用嘅辣椒！然後鯪魚球粉多過魚，林pat pat，一d都唔彈牙！服務態度極差，侍應十問九唔應又黑口黑面咁！埋單送coupon好似施捨乞丐咁掉晒枱面咁！！餐具仲全部都未洗乾淨有漬添！！我覺得d野食差成咁，個廚師侮辱自己份工不單止，仲簡直係浪費食物！！

再會海鮮舫,本來有祈望,終於有點失望.叫左:脆皮BB鴿,酸甜雲吞,义燒焗餐包,七彩炒米粉,鮮蝦韮菜餃,上湯鮮竹卷,魚腐千層盒,風味鴨腳扎脆皮BB鴿:味道一般,炸得都算脆,但過鹹,唔使點醬汁都好鹹.酸甜雲吞:個皮炸得好脆,酸甜汁非常吸引,醒胃又夠味.义燒焗餐包:料唔多,味道一般,可以不試.七彩炒米粉:炒得夠味,入口都唔錯,可惜味道過淡,同上次食差好多.鮮蝦韮菜餃:蝦彈牙有鮮味,韮菜好香,有小小蒜茸味,這係最滿意嘅食品之一.上湯鮮竹卷:好正,上湯好清甜,鮮竹卷放在湯中唔會變淋,幾好.魚腐千層盒:有小小特別,本以為會好清淡,入口完全唔都,鹹香味美,有蝦米嘅鮮香.風味鴨腳扎:完全唔得,最終退回,因變左酸味.叫左個老嘅男待應來話比佢聽個風味鴨腳扎變左,叫佢聞下.佢反話:我唔聞,唔合你口味我就同你取消佢.跟住就收嘢走左去啦.真係冇嘢好講!

今日因工作關係,到此一遊!門面比較舊,有小小覺得內裹會唔會好差呢!入內才發覺好大好光猛.環境都可以.我地兩人叫左10樣野,都好似好誇張!講回食品啦!先叫左义燒餐包,冇咩特別,可以試下嘅.七彩炒米粉,睇落冇咩特別,其貌不揚.此乃一個驚喜,炒得好入味,米粉又唔油.唔錯!酸甜雲吞,雲吞炸得好脆,個汁好正,酸酸甜甜好開胃.風味鴨腳扎,個醬有D濃,鴨腳做得唔錯,唔似出面果D有怪味.鴨腳幾林,食落好新鮮!三星燒賣,D肉好有咬口,又夠滑,三粒有唔同嘅配答.有冬菇,有日式魚蛋,同火腿.上湯鮮竹卷,個湯做得唔錯,清清地,又唔會食完好口渴.個皮做得幾好,唔會太硬,內裹用料好足,唔會得D肉同生粉!鮮蝦菜苗餃,菜苗好嫩,唔會有草青味,蝦嘅份量唔多,所以食唔出咩味!大良燉鮮奶,好有薑味,燉鮮奶好滑,唔會燉過籠!整體有驚喜,一定會再來!

假日同家人同沙田踩單車，所以黎到呢度飲茶.呢度出面有個停車場，早黎都幾多車位，真係方便!我地9點左右就到左，所以唔洗點等就有位.當天天氣好好，又比安排到座窗邊，對住條河飲茶，真係寫意！點心方面有好多選擇，連泰式粉麵點心都有.我地點左：魚滑娃娃菜，上湯菜心同生菜，柚子蝦皮，蒸鵝掌，帶子餃，牛腸，菜干粥，珍珠雞.問佢菜可唔可以走油，但佢話唔得.魚滑娃娃菜既魚滑係陵魚肉.入面有D馬蒂，豬肉.娃娃菜份量都幾多．算係清清地，都幾好食.但係賣相就不太常緻.上湯菜心唔錯，冇渣.上湯生菜就好油，食左一條就停口.柚子蝦皮普通.蒸鵝掌好num，我媽一個食晒.帶子餃入面有一粒尾指咁細既帶子，混左D翠肉瓜.個皮唔係澄麵既皮，似潮州粉果既皮既texture．個皮都幾厚.呢個帶子餃唔係我expect果隻，翠肉瓜多過帶子.需然個味度唔係難食，但係唔會有下次.牛腸我冇試，但個皮都幾厚.媽冇comment．珍珠雞我都冇試，但家人都冇comment．菜干粥ok,average．埋單200﹣300.Overall,呢度真係麻麻，但係個view好，又有得泊車.係假日飲茶既好地方.

下午茶, 叫左好多點心~ d野黎得都幾快~蘿蔔糕晤粉, 而且入面好多蘿蔔絲, 味道適中, 不過就無咩餡~燒賣, 蝦餃基本上呢兩樣野係一樣味ge, 係個皮晤同… 不過呢間茶樓d皮偏硬小小…娃娃菜凌魚肉娃娃菜: 酌得晤夠腍… 好韌… 咬晤開…凌魚肉: 入面有馬蹄, 雖然可以增加口感, 但對於我呢個晤食馬蹄ge人黎講, 就覺得好難食… 整體凌魚肉晤彈牙… 好腍, 不過又晤會話好粉…咖哩金錢肚口感ok, 無咩咖哩味, 反而覺得佢落多左糖… 所以太甜…  雞札同普通雞札一樣, 裡面有雞, 魚肚, 冬菇, 腐皮, 火腿. (無左芋頭). 果舊 “魚肚”, 我都分晤清佢係“魚肚”定係 “豬皮”, 應該係 “魚肚”黎ge, 不過係劣質果種, 口感好 “鞋” 同好硬, 一d都晤好食.Overall: 望住城門河, 個view同個feel 都幾好~ environment 晤錯, 座得幾舒服~ service比個bad佢, 叫幾次人拿晤同野, 叫十年都拿晤到過黎, 仲要無咩禮貌!

我的評價標準（5分最高）：模式 》 河邊畫舫酒樓環境/裝修 》 4環境/感覺 》 3味道 》 4對比同行特色 》 1服務 》 4性價比 》 4簡評： 東西好吃，整體也不錯，錢給了，交到貨的酒樓畫舫一般感覺砍人，這裏其實很平民。今天我點菜，亮點是特價大概2斤（香港斤）的東星斑，$588，其他都是小菜。整體味道算好，其中兩個大贊。。。燒腩仔，這個誰都有的燒味，竟然不同凡響，全5層花腩，斜看反光處濕潤！看樣子我已經覺得有料到，吃上去，是非常有肉汁感，肉軟而有肉香，天，我N久沒有吃過這樣水平的燒肉了，對上是在N年前未飛騰的澳門吃到的澳門燒肉，竟然這裏找回來了，小不足是肉不是極度柔軟，皮不是很脆，但已經是上品了，4.5星！蒸東星斑，火候、豉油都非常到位，說容易哦，在外面吃10次海鮮，平均沒有一次可以兩者都到位的，有滑又嫩的魚，不鹹不淡的豉油配上香蔥，我飽死了都叫了一碗飯撈豉油，最後整碟魚照鏡子，吃官的舌頭是雪亮的，可以照鏡子的魚，絕對不是凡品，4.5星！其他的菜OK好吃，兩個超級亮點，這個晚上就生氣得不得了了。環境對著城門河，有點唐璜，過關！服務員有求必應，沒有不耐煩過，而且面帶小笑容，在香港來

估唔到假期黎飲茶，都比到河景位，真係幾好！係呢度飲茶，其實同出面其他地飲茶無咩分別，只係佢個叉燒餐飽同腐皮卷真係幾好食！個叉燒餐飽都好鬆軟，好軟棉棉同熱熱地！至於個腐皮卷真係好脆，好新鮮，隻蝦都算幾有蝦味！