明星海鮮舫 (已結業)

尋晚同老爸食生日飯同慶祝中秋節。一早訂左六點半O既枱,confirmO既時候已經講到明要響八點半交枱,冇問題,我地食得好快．叫左$20一隻O既蟹蚶,我覺得好味,老爸話冇蟹味。炆魚腩煲就話冇魚味,上次整得好味啲。中式牛柳太un,太多酒味,好似想蓋過啲雪味咁。半隻貴妃雞O黎O既時候就縮水,得番例牌咁細。燒味拼盆都係細細份。川貝湯都okay,keep 到熱度。叫左六個壽包有個好心O既亞姐幫我地跟單,叫左幾次啲壽包先O黎。不過好特別噃,三隻係奶黃,三隻係蓮蓉。仲有生果送。

時間：　８月２６日晏晝飲茶人數：　４大１Ｂ消費：　１７０元簡介：　呢度近阿爸阿媽屋企，所以一家人過黎一齊飲茶。[ 味道] 味道OK喇，不過都係晚飯好食d ，畀３分。[ 環境] 環境OK喇，有少少窄，不過望住城門河夠晒開楊。[ 服務] 服務OK架，起碼上菜（點心）夠快。[ 衛生] 地方OK乾淨，以中式酒樓計就已經好乾淨。[ 抵食] 阿爸阿媽既標準就話唔抵，而我就覺得其實好抵架喇，茶餐廳都分分鐘要收咁既價錢。

o尋晚親戚有喜慶, 響明星海鮮舫擺o左幾圍請食飯。雖然食完人o地一餐彈d食物好似好無品, 但係唔想有人再受騙, 唔講唔暢快。服務都唔錯, 但係d食物真係唔ok。親戚點o既餐應該都唔係平, 但係出到o黎仲差過屋村酒家。乳豬- 大隻就夠大隻, 但偏鹹上湯龍蝦伊麵- 伊麵ok, 吸到汁, 但係龍蝦唔鮮, 令汁失色o左西蘭花炒魷魚珊瑚蚌- 魷魚同珊瑚蚌無鮮味帶子/瑤柱釀節瓜- d汁唔得, 又淡又稀, 底o既生菜老晒, 望到都唔想食翅- 唔到搵到d翅, 翅湯無味, 淡過碗仔翅十二隻鮑魚- 唔算好細隻, 不過個汁又係無鮑魚味紅燒脆皮雞- 燒得唔錯, 係鹹o左d清蒸海上鮮- 不過不失, 可惜有d鞋上湯水餃- 賣相唔多吸引, 無食到荷葉飯- 幾多料雙料點心- 奶黃馬拉糕, 濕o左少少。水晶飽合格紅豆沙- 稀、淡生果- 無浸糖水, 但係亦唔鮮甜碟頭就好足, 乜都大大碟, 不過平均唔係過鹹就無味。睇個菜單都唔係d平價餐, 食呢個水準o既o野就唔抵囉!

居住沙田多年一直沒有嚐試，今日終於有機會一試，希望沒有像其他食客一樣，豈料整體質素確實如此不濟。首先說說服務：服務生在遞上酒杯斟酒的時候，居然用一隻在杯邊沾上紅酒的杯子（當時是享用啤酒），服務員仍辯稱可能是其他職員不慎沾了上去。上菜時更加將菜餚的汁倒在本人親友放於椅子上的袋子，幸好沒有弄污裡面的衣服，否則一定要求賠償。另外，在更換骨碟時不慎把碗子凌空跌倒於枱面上。接著說說菜餚：最難食可以說是菠蘿咕嚕肉，味道僅可勉強接受，但當我將咕嚕肉放到口裡一咬，吃到只是一口的粉，完全沒有肉的口感。那條大海斑亦蒸到過老，入口"偕"到不堪，簡直浪費。尚有其他數款菜餚，不能盡錄，原因是沒有再去回想不愉快的飲食經歷，總之我以後都不會再去光顧，亦會告訴身邊的人不要去冒險。

Today, in 明星海鮮舫飲茶afternoon tea, 3 ppl\' $116小籠飽- 個皮仲好硬炸湯圓-新鮮熱辣, 香口南瓜餅-quite 油膩

公司團年,在此設宴.睇食評是16vs10,諗住都是飽肚就算,不求美味!怎知,食落又有驚喜:乳豬-肥瘦適中,皮脆肉滑,一流!西蘭花鮮魷帶子-鮮魷新鮮,西蘭花入味,好食!蟹拑-個脆皮炸得透夠香口,加上瓜子仁,食落更有口感!發財好市大利-髮菜少少,蠔豉和豬夠腍兼入味,但墊底的生菜,完全沒有味道.應該是分開煮.翅-中規中矩,分12碗,每碗只有七成.鮑魚仙掌-仙掌可以,但唔明點解用的是鮑魚菇?清蒸大海班-火候適中,魚夠滑,好食!炸子雞-皮脆肉滑,但由於已飽,很多人都只食皮,不食肉.包括我自己亦如是.鴛鴦壽飽-六個蓮蓉餡,六個奶黃餡,奶黃餡味道可以.伊麵及炒飯-行貨.美點雙輝-行貨.六點半前,十五圍的地方,己開十多麻雀,只得一個侍應,一個部長長駐,服務緩慢.食乳豬後,我包走乳豬頭,隔鄰亦包了給我,侍應看見,即問我還要否,要!給我包多兩個.返家,立即一個煲粥,第一時間叫老婆試試乳豬皮,在上菜三個小時後,個乳豬皮仍然香脆可口,凍都好味道!整個乳豬頭的皮,起到出來的,都食!Wonderful!

今日一行8人去飲茶，叫心，另外叫個午市套餐。午市套餐:乳鴿、肉絲窩米、印度烤餅明明係肉絲窩米，唔知解會變牛肉窩米，我問侍應喱個係咪牛，佢死都話係豬，由於我有幾個人都唔食牛，於是再叫部長問，佢先話落錯單，有冇搞錯呀！仲有，原來今日整烤餅印度師傅放假，但佢聲都唔聲就比碟中式薄餅代替印度烤餅，搞架！我係因為個印度烤餅先叫套餐架！我叫碟金銀蛋莧菜，個獻一pat，賣相真係好唔得！心：燒賣、腐皮卷(淋)、叉燒包(一pat)、叉燒腸(一都唔滑)、菜豬紅、炒雜菜、碗仔翅、芝麻卷、紅豆桂花糕、豆沙窩餅(皮好厚)、擂沙湯丸......講真，心真係好唔掂！唯一好味就係紅豆桂花糕，其餘就......

外婆生日，一家人到了明星海鮮舫食飯，還買了一個italian tomato蛋糕﹗當晚食飯菜色不錯，而且很大碟，18個人都吃得飽飽的，而且服務殷勤，換碟也很多﹗而這餐飯最精彩的部份不是食物，而是我們一家18個人一起經歷了地震﹗8點26分大家覺得地板在震，問waitress她們也不知道為什麼，我覺得是地震，但冇人信。第二次，連水晶燈都在搖了，大部份人客都有反應了，很多人都站了起來。再過了十分鐘，有新聞報導，証實了是地震﹗一家人一起有這樣的經歷，真是難得﹗如果真的有災難，當時能和一家人和男朋友一起，我覺得己是最好的災難。這個經歷令我反思誰在你生命最重要﹗

都成三四年沒有在這裹飲茶, 皆因水準太行貨, 但今天約了朋友拿手信, 都要去試, 冇辨法。朋友一早到己經食了三個點心先, 而我坐低叫了豉汁蒸魚雲, 南乳豬手, 潮洲粉果, 泰式什錦米線。潮洲粉果先來, 一咬落去又咸又多味精, 食了一口就要停了。再來南乳豬手, 嚇死人, 四件豬手醬還醬, 豬手還豬手, 用筷子掃一掃, 幾乎雪白的豬皮瞪現在眼前, 叫了沒法都要一試; 不得了! 淡而無味, 不, 有味! 有雪味!勉強完成了一件豉汁蒸魚雲--同南乳豬手情况一樣。對泰式什錦米線沒有期望, 果然沒錯, 全味精湯, 豬頸肉咸, 牛丸重差過街邊, 一小碗便要停。但, 朋友竟然KO晒餘下的食物。埋單好像$64蚊, 朋友付的。所以明星畫舫也有支持者!起碼全河境

尋晚同舊同事食飯好在一早訂左位因為到七點已經爆哂。叫左炒薑汁介蘭炒得一啲都唔老。嘩!桶炸蠔雖然得六隻,但係非常大隻,大隻到要用一隻手掌o黎形容。粉漿有幾隻多左啲粉,不過炸得好嫩。炸乳鴿就淡啲。粉絲雜菜煲勁多料。七味粉雞翼就咸左啲。

大老板請食飯，眾姐妹們為了不想老板太難看，都點選較為不俗的菜式，兩盅燉湯、貴妃雞、火腩、生炒骨、清炒時蔬、鴻圖窩麵及大量點心，沒錯，是點心，因為時值中午而矣！兩盅燉湯算是可以，像以往食評筆者所說，由新鮮螺頭的燉湯改為現在的乾貨螺頭之日就是此湯失色之時，由以往相當了得降到現在可以吧了！生炒骨反而是不可多得之物，製作挺好，夠脆身及有鮮排骨味道，酸甜汁味道亦剛好！曾幾何時已經不接受這種只燒腩部的火腩，尤其切到方方正正的，一看已經是沒有製作感情之產物，跟整隻豬殼來燒的食味相差太遠；反而貴妃雞賣相及味道可以。其他點心都是大路製作，驚喜欠奉，唯一可取是這裡的環境、服務及衛生。

上星期日同家人第一次下午飲茶,估唔到d野原來都幾好食,不過就咸左d,但每樣食物都係熱辣辣上桌, 唔會攤到凍晒先上桌,,呢樣野已經加左分,5個人食左$2XX, 都唔算貴服務都幾好, 我地都明白人多既關係,諗著自己去加水,侍應見到我地自己去加水,都拿拿聲幫我地

9月10日晚7:30食火鍋，叫佐一個窩底都等了30分鐘，火鍋料到沒有人招呼，D料唔夠新鮮，叫了一碟雞子未落窩都爆肚，海鮮有火水味，茶水都沒有人加，只係叫要飲啤酒，我仲以上唔使錢，今到我飲了3樽，賣單才知道係貴，下次唔會再幫襯佢\\\。

上個星期日去食晚飯叫d小菜d款已經勁少.....上到台d野冇一樣店........ 全部都係"綠熟" 之后load埋一齊再入microwave整返熱咁...估唔到大酒樓會有咁差既quality!!完全唔好食又唔抵.......我見隔離台d野都係咁.....d野好似隔夜咁........d乳甲黑的!! 返炸咁.....

打風嘅晚上約咗個Friend 食晚飯，我叫咗個【花膠螺頭燉老雞】湯，每位盛位$28 ，湯料十足，幾清甜，好抵飲!兩個女仔都鐘意食海鮮，所以叫咗特價晚飯三響炮：有清蒸海班仔一條，金蒜蒸開邊海花蝦(例) 和印度烤餅一客，每份$168。整体上啲海鮮幾新鮮，貨真價實! 服務都好好，換碟都換咗三、四次! 諗唔到可以食到咁飽，我哋兩個都要捧住個肚走啊!