明星海鮮酒家 (已結業)

我明白,八號風球工作應該多些回報.但用欺騙的手法,我卻不敢認同.之前來過,覺得他們是附近最便宜的酒家.所以八號風球都來支持一下.你們收正價,我沒有異議.但如果打出收"正價"就出術收"假日的正價"就十分過分.如果收假日的正價而你清楚列出,我就不用來了.我也長話短說,食品五流,服務九流大家街坊都知.一分錢,一分貨,沒問題.但十分錢,二分貨.......怪不得,你們的生意那麼"好"......還沒提及那個兇狠的"王經理".....

看到報章上的廣告，友人戲說價廉物美，大感興趣，這夜一行三人到來尋食圓夢。到埗時，眼見場內約八成滿，心想是否如廣告般有這麼出色。一瞥餐牌，果真實惠。但好食與否，還看質數如何。先到竟是一碟菜……雖云是糖酒炒芥蘭，卻是味道十足，硬度得宜，趁著薑粒極香。可惜酒樓冷氣太強，其他菜一到轉頭吃已凍得好像雪櫃端出來似的，敗筆。大大隻的白灼蝦$96爽彈有蝦香，友人連蝦頭也不放過。單買未煮的蝦都要$80一斤，超抵之選。蒸龍躉$168更是一大尾的原條上，薑蔥夠多，豉油鮮甜，難得這麼大條亦蒸得魚肉甘香而滑。一食片皮鴨，似燒鴨多一些，才$78，莫想有京蔥了，算食得過。今時今日，$472又魚又蝦又鴨，實屬難求。只要不求服務：要甚麼無甚麼，連打包也萬分不願，亦可一試。

2016年9月12日晚上7:00我哋訂咗5位食晚飯，去到酒樓攞位時，侍應比咗張好近廁所嘅檯比我哋，當時我立即要求轉過另一張檯，而我眼前得一位女主任，佢竟然話：「個廁所行入去轉彎先到，邊有味呀？冇檯比你轉呀！」態度極差！我：「你聞唔到唔代表我聞唔到喎！對住廁所陣味我真係食唔落！」而我當然仍然企係度唔接受佢安排嘅座位啦！最後搵噃另一個侍應安排另一張檯比我哋！我眼見有好多冇人坐嘅檯，而個位女主任嫌麻煩唔轉檯比我。呢啲服務態度真係極差！見我轉咗另一張檯仲望住我（眼神極不友善）！個位女侍應嘅態度都可以升為「主任」？食餐飯都咁受氣！真係唔會再去囉！

我是一個很喜歡飲茶，很喜歡食點心既人，好多時的早上，我會找個好地方，整返個一盅兩件才回公司上班。這一天，我來到北角，原本係想去另一間餐廳食早餐，可是遇著了他們清潔，當日不做早市，於是，我就到了轉角的這一家《明星海鮮酒家》，飲茶算。不過，一入去就讓我遇到一些令人不開心的服務態度，當我行去比較少人的一邊時，當店員發現我只一人時，說一個人一定要搭檯，而搭檯要坐另一邊大堂....好，就去另一邊大堂找位坐，同一對老人家搭，之後又有店員衝埋黎說呢張唔坐得，等我安排.....我心想，早茶呢家野，唔係有位就坐既咩....之後我被安排坐在一張吉檯，這是另有一個阿姐想說話，但後來又不知什麼原因那阿姐又走了，之後，再帶兩個公公婆婆來搭檯，可是他們想坐另一張 (都係搭檯)，但被阻止了，此時，婆婆有點之氣憤，雖同意不轉檯，但不斷地咒罵，因為佢同我一樣，被人點來點去。被老點時，其實已花了不少我的時間，我只好快快地點，所以，只來一盅，加兩籠孖寶。而我的一盅，當然是鳳爪排骨飯啦。飯不多是預計之內，不過，肉夠多，也是能令人滿足的。孖寶之人，是牛肉球，入口彈，但好似太彈，入口亦立即覺得，粉同肉的比例，是粉稍勝的，感覺是一

因為個烤鴨，老友聽到都想試，加埋今之有朋友推介吃鮑魚，馬上例會的晚飯局改約來這裡。兩個人，點了烤鴨一食，4隻鮑魚，4隻聖子皇，一個抄菜。個鮑魚果然平靚正，$10隻，是任叫的，好林好中有咬口，口感不錯。相對聖子皇這道菜是$98，貴成倍，雖然有粉絲拌烹，但以價錢來說，鮑魚真係無得输，兩人加左碟菜，個鴨係無人掙食的情況下員吃到一半！這餐兩個人才埋單$300有找，真的是好正。這個價錢吃一餐有烤鴨有海鮮，卻是我在外面吃烤鴨的半隻至一隻價咁上下（要看食市檔次）,真是食緊都會笑

諗左好耐是否要寫這篇食評，無它，因為中菜本身不是我所好，中菜一般都是大火炒，上碟熱騰騰，味到不會太淡和醬汁不會太杰就好吃我了。而且今次亦是叫了幾個大路菜好像無咩好評，況且見對上一篇食評原來都是我寫，怪怪的！不過亦已是半年前的事了。那回個烤鴨好像做特價，今回烤鴨個價升了一倍有多$108（無優惠）再加多個烹法兩食，要再加$60-,但都係想讚吓，這個價真的還很便宜，比起好多以烤鴨做主打的店半成一半，但都好得，皮脆肉厚，個炒鴨肉還有好多肉又入味又林，很美味，以家常便飯來說，又是烤鴨痴的我，是好吃得過的地方。今回有同事生日，一行5人，選這裡就是就腳，散水快，簡簡單單賀個壽，不錯呀兩食之外，多加一個冬瓜盅，一個菜煲，一個小炒，啤酒，埋單$680，因為5個都算細食之人，飽就好了，沒再加菜。每位才百餘元，中菜水準，沒甩拖，坐得舒適又不吵，很不錯。但聽好幾個朋友都說，只得北角這間明星是有水準的而已我未有機會去其他店，無得比較囉

朋友話隨隨便在公司附近吃個晚飯, 她建議去北角這間明星, 因為她熟行程, 懂預先打去訂位同訂片皮鴨, 原來一定要電話訂左先有$28的片皮鴨, walk in 是沒有這優惠的. 我們3人, 片皮鴨+兩個小菜+兩碗白飯+兩枝大啤酒, 片皮鴨半隻, 份量好足, 而且皮脆肉林, 不錯, 三個人都吃不晒, 小菜是炒介蘭豬頸肉, 夠爽脆, 而另一個是荔戶煲, 戶頭夠粉, 埋單$275- 有糖水送tim又有電視睇, 很不錯

今日下午喺北角《明星海鮮酒家》買咗盒"燒肉飯"。燒肉無乜肥肉，啖啖肉，肉質不韌但皮不脆，不過面頭有啲菜襯托下，整體總算不錯，但食到一半問題出現喇，有一半燒肉係無咗塊皮誰搬走了我的燒肉皮？？$24蚊外賣燒味飯，價錢幾底。

尋日(11-8-2014 Mon)為男友媽媽大壽,佢o地家人o係o度book o左兩圍,人齊後接近九點開席上菜第一個係上湯蝦仁伊麵,祝老人家長長壽壽個麵好大碟,口感適中,味道清淡中帶蒜香, 蝦仁大大隻,爽口之餘亦有鮮味,超好食,食o左至後悔因唔好意思而冇影相. 味道: 5分2. 燒味拼盤有海蜇,油雞,乳豬,叉燒同燒鴨,我開頭一夾就夾o左兩件叉燒,佢顏色好深,食落,嘩!原來佢係半肥瘦,好鬆軟,蜜味又夠,真係好好食,好耐冇食咁靚o既叉燒喇. 而男友一開始就夾乳豬食,佢大讚個皮好鬆化,我都食,係呀,又脆又鬆化,乳豬肉又唔算好鹹,正. 海蜇正常爽口, 油雞同燒鴨都一樣冇問題味道: 3.8分3. 蒸斑大大條同好厚,所以最外面熟晒,甚至有啲o鞋,最好食就係中間,熟度o岩o岩好又滑一滑,魚又鮮甜,正.但最入面o既恐防未夠熟.味道: 4.8分4. 珊瑚蚌鮮魷西芹珊瑚蚌爽口, 鮮魷鮮甜,西芹冇炒過火又嫩,個玻璃獻又做得o岩o岩好,都係好食. 味道: 5分5. 海鮮卷顏色炸得好靚,係金黃色,內裡有仍蟹柳同帶子仔,沙律醬味道o岩o岩好,只係脆脆麵包外層厚o左啲味道: 4.7分6. 竹笙翅竹笙多到離晒

今次又係同屋企人黎食屋企人:「 依家黎呢度食既人愈黎愈少」 但我就無咩留意唔係太覺燒賣係下午茶必點 這是常識吧 哈 一人黎一籠皮蛋瘦肉粥 $5.X今次終於有得食! 之前點完都無皮蛋少之有少 粥多水 下次唔會再叫呢個紅豆沙上次試完就愛上左呢度既紅豆沙 太正了!炸蝦角 正啊 好味過蝦餃我覺得家鄉煎薄罉都係每次黎到必點但今次唔知點解酸酸地問果度既人 佢話可能天氣熱 所以取消呢個其實我好鐘意鴛鴦飯呢度鴛鴦飯係D點心紙上面無的 要另外叫入面既炒飯好香 D蝦好爽 推介

先黎一張最新既價錢先　( 比其他酒樓平 )選擇亦唔少兩個人食下午茶 共$160 , 仲有食餘 , 打包。　燒賣$5.X 一籠4粒 , 好抵。　叉燒米線$1X , 叉燒有6-7件 , 叉燒偏乾 , 味道麻麻 , 只勝在抵。　皮蛋瘦肉粥 $5.X , 勁平 , 但無送黎 , 唔知係米因為賣哂。　紅豆沙VS綠豆沙 , 推薦紅豆沙 , 之前食綠豆沙 , 我覺得係一個伏 , 今次叫紅豆沙 , 好味　下圖係家鄉炒米粉 , 無味 唔抵

因為唔係假期 唔洗等位 仲有好多空位呢間係我媽媽飲下午茶既首選地。以前有炸雲吞的，今次去已經唔見左了。下午茶既皮蛋瘦肉粥$5.8無叫到，因為食太飽，唔知好無味。我最鐘意食既係呢度既薄罉，但我屋企人麻麻地鐘意，所以好無味見人見智。下午茶燒賣得一張係特別平既燒賣紙，入座時佢會比你的(得一張)。$8.9好似 唔記記得了。 唔過$10 。珍珠雞一龍有三隻，好乾 ，唔係甘好食。未食完佢就叫我地賣左單先。本身諗住最後食個芒果布甸。sosad

上星期二在大坑的「順興車仔麵」吃完美味的滑蛋蝦仁飯後，原本打算到「小甜谷」品嘗甜品，豈料原來店子下午三點才開門營業，沒耐性的老公一聽見還要等候 45 分鐘，當然灑手兼擰頭，這也不打緊，改天再來吧。到本星期三，又拿了半天假，相約老公 2:30 pm 在大坑會合，打算先吃點麵食，再轉戰目標甜品店。下班後見時間尚早，決定步行前往，誰知路走不到一半，已被一場傾盆的攔路雨嚇得大打退堂鼓。唉，真黑仔，難道和「小甜谷」真是無緣份？場雨大得實在令人寸步難移，抬頭見「明星海鮮酒家」就在對面馬路，也不作它想，就改喝下午茶算了！由於被打亂了計劃，心情難免受到些少影響，點吃的任務，就交由老公負責。先上的點心拼盆 ($14.80) 內有 6 款點心，包括有牛肉角、燒賣、菜肉包、潮州粉果、千層糕、鮮蝦菜苗餃，每樣各 1 件。基本上這些特價下午茶點心，一定不會是即叫即蒸的，所以送上檯時已沒有熱騰騰的口感，幸好每款食品味道還算正常，只是略嫌當中的牛肉角外皮做得有點鬆散，而潮州粉果更因為蒸得過久而令質感變得較為糊口。至於鹽焗雞飯配濃湯浸生菜 ($16.80)，飯面的雞件本身肉質唔算差，雖然雞味欠奉，但咬落結實得來脂膏亦

睇報紙見到晚飯有片皮鸭一隻COUPON, 只係$３８(只限堂食,星期一至五),　龍蝦伊麵$９８,　就打電話訂枱...初時以為係咪要叫其它小菜,　原來唔係　咁我哋就淨係叫左片皮鸭同龍蝦伊麵,　白飯...個侍應哥哥話片皮鸭加$１０,　成隻Ｄ肉就會俾番我哋,　一共$４８...隻鴨好大隻...燒得唔錯,　好好味...龍蝦都幾多,　不過Ｄ伊麵就少咗Ｄ...味道ＯＫ...食完之後,埋單$２００,　仲送咗張ＣＯＵＰＯＮ--鹽焗雞一隻$４５(只供外賣)嘩,　又食又拎,　好扺食呀!!

近期試了幾次吃這兒的晚飯套餐,平日好抵食的.印象最深是以下菜式:燒乳豬:好香好脆,最難得是有豬肉的鮮甜味,我覺得是香港最好味的.珍菌珊瑚蚌: 珊瑚蚌不很特別,但其中一菌類起好吃!好香的,不知如何形容了!極品!蒸石班:套餐包的太小,通常要自費百多元要條近三斤的才夠.他們的蒸魚醬油很鮮味,蒸得也很滑.魚翅羹:其實沒有什麼魚翅,也不好吃,最好換掉其他湯羹,環保呀.炸海鮮盒:這個不行了,沒有什麼海鮮.炸子雞:也好香好脆,夠咸.水晶包/壽桃:不過不失.這兒服務還可以,但樓底不高,有時很吵.