明星海鮮酒家

营业中

休息中

今日係10月11日，重陽節和女朋友一齊來元朗明星皇宮飲中午茶，中午餐的內容包括乳鴿，龍躉飯，雞粥，乳鴿都相當不俗，環境都尚算寬敞。服走去務員質素一般般。仲有紅米腸，粉排骨。味道尚算可以接受。在村裏算是比較有選擇的酒家。

今日去朋友屋企玩，到晚飯時間就去咗樓下嗰間明星酒樓食飯，明星酒樓一向比我嘅感覺都係麻麻哋，不過今次食完之後對佢嘅感覺完全改觀哂。以酒樓嚟講佢嘅價錢非常親民，小菜最平 $58 蚊已經有，而且晚市仲有好多優惠，三個人食叫咗京式片皮鴨、蒜蓉開邊蒸蝦、椒鹽吊桶拼豆腐。京式片皮鴨 ($138) : 賣相非常精神，外皮夠脆肥瘦適中，而且鴨肉味濃郁，呢個價錢有啲咁嘅質素，真係估佢唔到，性價比非常高。蒜蓉開邊蒸蝦 ($78) : 蝦嘅份量幾多而且幾新鮮，粉絲又夠入味，除咗係賣相差啲之外。椒鹽吊桶拼豆腐 ($78) : 吊桶同豆腐炸得夠香脆，吊桶鮮味十足之餘椒鹽味亦非常濃郁，食落相當惹味。

估唔到個盤菜會有驚喜，本來抱住酒樓都是一樣的心態，訂盤一家人做冬返來試試，初頭一打開覺得好普通，應該都不過不失，點知食落去芋頭超入味，雞同鵝都好夠味道，蠔豉生蝦鮑魚瑤柱海蔘花膠都好足料，髮菜豬脷都好入味，其他食材都好好味，仲有估唔到嘅係會有草菇，好特別，是好出色嘅一個盤菜，成個盤菜我們個個都食到津津有味，估唔到會咁有意外，對比起其他，可能佢未必賣相吸引，亦都媲美唔到出面專售買盤菜的地方，但它亦有個人之處，夠入味的材料才是一個盤菜的精髓，值得大家去嘗試，。

好簡單，同一碟嘢嗌左3次好可以漏單，等足2個鐘，最後都係無得食，不知所謂管理，垃圾培訓，象拔蚌跟個清湯鍋，個鍋燒到乾水蚌都未嚟，啲伙記望住個吉碟仲要問洗唔洗收，唔收我帶隻碟返屋企？

明星酒家嘅火鍋真係好正啊！湯底鮮美、食材新鮮，一碗火鍋就可以滿足你所有口腹之欲。佢哋嘅鮮味鍋底特別好食，湯底濃郁鮮甜，令人回味無窮。而且佢哋嘅食材都非常豐富，除咗基本嘅肉類同海鮮之外，仲有唔同款式嘅豆腐同蔬菜，各種口感都有。如果你鍾意辣啲嘅，可以試下佢哋嘅麻辣湯底，辣味十足，非常刺激味蕾。不過要小心，一旦開始食就停唔到啦！總之，明星酒家嘅火鍋係一個非常值得一試嘅餐廳，每一口都是驚喜！

我淨係推介✨蜆蚧鯪魚球🥰咁就知咩事啦😂✨乳鴿炸到好乾✨炒麵好hea無咩味唉🤦🏻‍♀️中伏【funny.eat.the.world評價😜】.🇭🇰價錢：$130二人價😋味道：🎈 🎈😍再來：🎈🎈funny最高指數😜：🎈📍廣福邨明星海鮮酒家

疫情終於有點兒放緩，朋友的婚宴終於可以舉行。明星酒家好似全港執淨一間，咁佢又唔係大酒樓又唔係酒店，本身都冇咩期望。間唔中食吓呢啲簡簡單單普普通通嘅圍菜都幾好啊。點知….首先係婚宴一定要出現嘅乳豬啦，都係係幾乳豬，好彩依家最多8人一圍，多個人都驚唔夠食。龍蝦伊麵，味道算正常，但啲殻斬得有點碎。驚喜來了！一上枱全枱人都呆咗，水果沙律配…鮑魚？🤔無味鮑魚配水果粒再加大量芝麻醬，無論無視覺定味覺都十分衝擊。🤯🤯🤯條魚算正常，短但尚算厚肉。然後又另一個驚喜，無啦啦整碟咁嘅野上嚟就走咗去。原來係個翅嘅本體同雞湯底分開咗上。但成件事都撈唔埋，各有各味道。🙁咪係囉，俾返啲正正常常普普通通嘅野我咪好囉😂

今日飲下午茶 2個人食唔多叫左碗粥同炸兩 另叫左2款點心就夠食 蝦肉竹笙 菜乾豬骨粥 炸兩 藥湯雞腳先上藥湯雞腳,用平時浸碎雞個種湯底浸雞腳 少了酒香但食到滲出濃濃既藥材味道雞腳已經好軟淋好入味,啜下皮骨過口引接住上粥品 大大碗夠2個人食既菜乾豬骨粥 粥底已香綿開花 加上肉碎菜乾香氣十足 墊住竹笙蝦膠蒸熟 食蝦肉既彈牙既點心 最後係炸兩,即時製作 要拉蒸腸粉皮包住脆既油條 皮薄油條香脆吸汁 加麻醬甜醬食味道唔錯平均消費$150評分8/10明星酒店 大埔分店大埔寶湖道28號廣福商場2樓R1號舖

難得放假緊係要陪下媽咪去酒樓飲返個下午茶啦！估唔到就嚟3點都仲有好多人等位，等左半個鐘終於有位。打開點心紙竟然見到有我最愛嘅榴槤酥，即刻叫黎試下黎到賣相唔錯但好細件，食落去令人大失所望，首先唔熱，係凍，擺入口得個甜字，一啲榴槤味都無，建議大家唔好試，但係冰室紅豆糕反而有驚喜，椰汁同紅豆味道夾得啱啱好，仲要係孖寶，相當抵食，值得一試！

部長話一隻片皮鴨不超過13件，包鴨片又爛又硬，換左一份皮都是差不多，觀眾眼光是雪亮，一試泥足深陷，使你一生不忘，如有不信可以嘗試，祝君好運，還有避免食炒類食物，等到玩兒也謝了！多謝參閱！

話說今日嚟個family day，一家四口加埋外婆去飲茶。自疫情後真係比較少去飲茶。星期六嘅下就十二點零鐘食客都算多，近九成嘅入座率。餐廳亦都劃分左唔同嘅區域。星期六午市唔想太抵食。如果想抵啲可以嚟飲下午茶。其實呢間明星又唔算特別好食。只不過係近屋企同埋父母飲開有種情意結。燒賣同鳳爪呢啲飲茶必叫點心都算不過不失。特別想講一講個炆米。超多油。食完成個口都係油之餘亦都滯住個人。大家嚟飲茶無咩必要都唔推介呢個炆米。

開年夜。禁堂食。但傳統習俗都係要開年嘅，早一日係明星訂咗個盆菜。盛為488（4-5人用）。平時係訂開忠誠盆菜嘅。但今年懶得出大尾督拎。近近地。係明星訂個盆菜。本來唔太期望。但點知真係有驚喜喎首先個盆菜好足料，雞同鴨嘅份量多到五個人都食唔晒。另外亦都有蠔豉，鮑魚，蝦，冬菇，蓮藕，髮菜，鴨掌，腐竹，豬腩肉，魚蛋仲有個福袋。以呢個價錢嚟講係非常足料。鮑魚大小完全唔失禮。精緻嘅福袋。佢另外亦有一支湯比埋。方便加熱。味道方便，湯底非常濃郁，食得出佢係湯底係淆過。但如要挑剔嘅話。我略嫌油咗少少。但整體嚟講cp值極高

警察來講呢間選擇唔算係好多但係味道都正正常常！價錢都比較抵食！有時候要排隊最近就唔使排隊啦～可能大家都唔想出街我覺得佢哋叉燒包幾好味熱辣辣同埋腸粉都唔錯佢哋嘅甜品都唔係好差椰汁西米露味道都好味之後我都會再陪屋企人過嚟

我知道好多人都有飲早茶的習慣，我都唔例外，所以就同屋企人一齊去飲茶，但這間茶樓實在令我有點失望，因為佢嘅點心並沒有弄得好細緻，而且茶壺是返用有返用，有時還見到污跡。

星期日例牌節目同家人飲茶，偶然機會下來到大埔廣福商場，看到這間明星海鮮酒家便入內一試。酒樓職員有禮，冷氣充足，雖然是屋邨酒樓，但星期日都座無虛席。食物選擇都算多，而且食物上到桌仍能保持溫度，值得一讚！兒時經常吃的白灼時菜魷魚牛栢葉，雖然已經不是小時候那種有個姨姨推住車仔即煮，但總算吃到兒時味道。