明星海鮮酒家

营业中

休息中

呢頭附近我最鐘意去呢間飲茶,因為呢度d點心有好多款,至緊要有雷沙湯圓, 我至愛ma,唔係間間茶樓都有, 而且又好好味!佢仲有d日式小食, 甜品咁, 包唔會悶,另外價錢都好平!!

20050316 7pm響中環, 本來諗住食pizza, 但係男朋友猛話肚餓, 兼突然間想食中菜, 飛的返屋企, 屋企附近小菜要平靚正, 明星都不失為一個好選擇.2人吃- * 金銀蛋菠菜- 男朋友無端端想食鹹蛋先叫, 唔係當造就無莧菜食, 菠菜都幾好. 水準OK.* 蜜椒鱔球($38) - 睇名以為係青紅椒炒鱔球有o的汁果o的, 上檯先知係鱔球"yaap"粉炸, 淋蜜糖黑椒汁, 洒大量芝麻, 蜜糖用荔枝蜜, 都幾好味, 略嫌粉漿厚o左o的.* 招牌油雞(半隻, $28) - 熱氣騰騰油雞用鍋上, 男朋友話最鐘意呢個wor.* 蒜蓉Naan ($12) - 油o左o的, 但係都好味.* 楊枝金露($10) - 簡單o的講, 唔掂. 我後悔食o左呢個無去源記食蓮子蛋茶.食極都食唔晒, 埋單$170.

20041202 9.15pm夜o的同Apple 去party, 去前食個飯.2人吃- (眼闊肚窄下又居然食得晒, 初頭仲諗住打包)* 粉葛鯪魚湯(細) - 較淡, 每人分到一碗.* 瓦牚豉油雞(半隻, 只係$26.8) - 賣相好OK! 味道都幾好, 不過係雪雞, 但anyway, 我覺得全晚最好食呢味!*辣酒煮東風螺- 好味! 螺quality 不俗, 不過墊底o的粉絲勁辣! 係螢光橙色!!!!* 金銀蛋莧菜- 水準一般不過勝在平* 印式薄餅(蒜蓉味) - 十個奇怪! 酒樓有印度o野食! 其實個Naan 唔算正宗不過好好味, 個咖喱汁好掂唯一要彈係個環境比較嘈, 有o的大學生響度食"勁過飯", 嘈到癡線, 不過算啦, 街坊酒樓係咁o架啦~p.s. thanks apple, for everything! (I meant it)

今日去左西環<明星>飲下午茶2個人食左6碟$60 有找！野食又唔係差，真係抵！

Lunch time去明星飲茶非常正，點心種類繁多，如果一圍枱坐夠12個人就最正啦，可以盡量試齊咁多款點心。因為去明星飲茶實在太超值喇，每一次埋單每人都平均只係$30左右，所以都冇計較過究竟咩點心咩價錢，好隨便咁點菜都唔貴。點心水準一般都唔錯，唔算超級好食，但有中上水準，我最愛煎蝦餅，呢款點心唔係間間茶樓都有，但明星o既用料十足，好有蝦o既味道同彈牙感覺，又夠熱，次次去都想點~另外特價炒粉麵飯都係二三十蚊一碟，如果男士們比較多就可以唔淨食點心。港大學生lunch去明星飲茶都幾方面，由東閘出o左o黎轉左行一個街口到西邊街，直落大斜路樓梯到底就到明星，我o地沙宣道醫學院o個邊o既學生情願要花錢搭的士都鍾意一堆人一齊落去飲茶﹗

夜晚去打邊爐......等o左勁耐都未水滾.....個沙爹湯好"杰"好濃.....隔離個沙有D黃芽白同豆腐,但係可唔可以唔好有咁多肥豬肉呀...D野食都冇咩特別太好,不過勝在夠平,11個人都係$770到....

今日同媽咪去明星飲下午茶,食到好唔開心,無論"精神上"定"肉體上"都一肚氣...精神上的一肚氣係我地得2個人食,佢梗係俾d搭台位我地,人地就5個人,我地2個人,但張卡號同寫5號台,我就同個侍應講話"你地需唔需要加個"5a"咁易認d,咪2張卡一樣d菜上台好難分邊個叫,跟住個女侍應0既反應係嚇死人,佢話"你咁講咩意思呀!我唔知你想點喎,你咩意思呀?!",我就應佢"咩咩此思呀?你咩態度呀?"跟住佢冇應我就行開0左去0左落單,我頂...%$&@#....咁都未算,同台0既人都唔太友善,我地一坐底,佢地就撥0左d點心紙同筆去自己0個邊,但佢地已經叫0左野食,我唔明點解佢地咁做.之後d菜上台,真係亂鬼哂,佢地有叫小籠包我地又有叫,唔知邊個打邊個,跟住有個阿嬸就鬧我同我媽咪話"搭咩台呀,整到亂鬼哂".....嘩....我又好想搭台咩,我夠唔想食飯食得咁唔開心啦...肉體上0既一肚氣係d食物0既問題.唔知點解,食完之後,我同媽咪個肚都好漲,好似好多屁屁咁...其實佢0既野食係几平,所以好多人,d侍應態度就變差囉,環境同服務都差,d食客咪又差囉,可能食品都差埋搞到我肚漲!!我地叫0左叉燒包,雞包仔,特價

朋友請來這裡飲茶，呢度面積雖然幾大，但都好多人幫襯，我地一點七來到，食飯時間就過，都仍然係成個地下大堂坐滿等候的食客，兼有plasma電視播緊都市閒情俾大家解悶。好在朋友中有人係熟客，至唔使等位好快有檯。我們坐在一個叫貴賓區的地方，呢度話明唔準搭檯，可能會收貴D茶錢都唔定。叫左幾多點心，味道都算唔錯，起碼都應該是自家製而非別處交來。有個攤位有泰式粉麵及甜點供應，不過味道麻麻，都係食番中式甜點好過。有人請又見唔到埋單，所以唔知幾錢，不過我諗唔會太貴。

如果首選飲茶,我會揀好彩,但有時好彩實在太多人,同埋屋企人嫌好彩貴,都會黎明星食0既但我覺得明星d野食只係一般,而且好唔乾淨咁...我媽咪試過買佢放0係樓下0既外賣2送飯盒,係好平,十几蚊一盒,但唔好食,同埋唔太乾淨...我食完唔舒服......x.x野食方面,我覺得佢泰式0野食都ok啦,咁3款入面算係好食d,但佢個冬陰公好鹹..... 小籠包好多人食,但我覺得都係一般.... 炸乳鴿都可以試,因為好平.但有時d晚飯小菜會几貴,要小心睇價錢如果想食平d0既晚飯,都可以試下明星0既

7人去食海鮮，埋單700元。同樣7人到鯉魚門，食差不多的東西，埋單1700元。但味道則一般啦！

之前去過一次，覺得都ok；今日晏晝同媽媽去西環，於是就響度飲茶。<br />o的o野食好唔夠熱，最慘就係連蒸腸粉都只係暖暖地，死未...潮州粉果個底o的皮超薄，夾到埋碗o既時候o的餡已經漏晒出來... 相反，個煎鍋貼o的皮就厚到呢...<br />o的服務員直頭好似劉華拍o既廣告咁，成日淨係識得走來走去，永遠見唔到人地叫緊佢埋單...<br />價錢都幾平，同屋村茶樓差唔多價錢。<br />p.s.不過個雪菜肉絲米線又幾抵食，一窩都係$18。<br />

兩斤半龍蝦炒出o黎都唔知一斤半,最抵死係居然冇左最好食o既龍蝦尾.芥菜一陣梳打水味(哥士的).隻雞斬到好似肢解案證物咁,沙拉骨外暖內凍,我成班fan講過以後執到錢都唔再去