影片
营业时间
今日营业
06:00 - 23:00
星期一至日
06:00 - 23:00
以上资料只供参考，请与餐厅确认详情
今日星期六，早上出去买点东西，然后见时间尚早走去明星饮茶一入门口就见佢哋晚市好多唔同嘅优惠，好似真系好抵食😆😆最震撼系$10.1只乳鸽😆 $38/一条鱼最紧要，原来夜晚早少少去，两个人仲可以$168套餐，睇落真系好鬼抵🤣🤣当然要食过先知😛😛早上饮茶食佢特价虾肠$18，睇落去好似好大份其实得两条另外叫咗一个$18嘅咸鱼肉饼蒸饭，细细碗味道唔错最抵食系呢三粒烧卖特价九个九总括嚟讲计埋茶钱食物都系$59…的确抵食嘅..同埋早上见到好多公公婆婆去饮茶…而且都差唔多坐满..所以质素应该唔错
继续阅读
原来成日黎明星饮茶，但无写过佢食评？是日就写下先。母亲节黎左明星饮下午茶，劲少人完全唔使等位就直入，唔知系因为部䢂坏左，定因为今日正价啦…开壶茶后扫code落单，无晒特价之余仲无晒小点😂算啦节日都预左。⭐皮蛋叉烧酥一碟有三只，食第一只时几正常，叉烧甜甜地皮蛋软绵绵，食第二只时一阵酸味，明湿系个馅坏左，但同一批货唔应该㖞🤔⭐香煎虾米肠煎得几香口，点酱食正。⭐香煎家乡糭烟烟韧韧，煎得外脆内软，但糭只有红豆为馅，味道偏淡。⭐蟹籽烧卖肥肉好多的烧卖，食落唔香同太油了。坐下倾下偈ok啦，因为真系好少人，劲静几好倾偈😂
继续阅读
优惠推介上汤焗开边加拿大龙虾伊面（一至五）$168／只（六日假）$198／只，转芝士焗加 $40，记得一定要转芝士焗，因为芝士焗既伊面实在系太好味，小朋友可以食完一碗又一碗！今期推介酥炸一口蚝 $83 都系小朋友好钟意，外皮炸到金黄色脆卜卜，入面既蚝唔算大只但系都算几肥美。最近 25 周年仲有超值大优惠，超值价 $10／款，有 4 款，拣左酱皇翡翠炒龙趸球（例牌），优惠条款：每款优惠必须配一款以下指定正价小菜，有 16 款，拣左鲜鲍鱼滑鸡煲 $218。鲜鲍鱼滑鸡煲整得好惹味，仲有好几只鲍鱼，鲜鲍鱼完全唔会韧小朋友一样食到；酱皇翡翠炒龙趸球真系超值大优惠，估唔到 $10 都有咁多旧龙趸，唔错！
继续阅读
心血来潮想饮茶，明知星期日去饮茶要排队都坚持要去，除左因为想食点心，仲好想食芝士焗龙虾伊面﹐好彩既系大台先排得耐，中台唔系排好耐就有位。一直都觉得明星皇宫既芝士焗龙虾伊面好出色，已经食过唔少次，但系其实价钱都唔平，不过成日食既话都有少少肉赤。咦！芝士焗虾仁伊面？突然发现原来有得食平DD，虾仁平过龙虾唔少，无论芝士焗虾仁伊面定芝士焗龙虾伊面都系一样咁出色，因为最出色既系芝士，大量芝士焗既伊面真系好食到不得了！
继续阅读
本身觉得呢啲平民饭堂好平，但系原来过咗早茶时段好贵！比平时食开嘅海港仲贵款式都几多！早上想食粥嗌咗碗肉片皮蛋粥，但系超小了唔怪得$30一大部！只有两至三片好少嘅肉片 肠粉唔好好食，第一碟上枱我哋肚饿嘅时候食都觉得麻麻地金钱肚其实系牛肚但系我都几钟意，有啲硬但系好多份量油咗少少 🤏潮州粉果$27.3粒，本身觉得有啲贵，但系原来好足料，虽然个皮唔系咁好食冇弹性 油鸡饭32 啲鸡我觉得麻麻哋，但系人哋觉得OK猪皮鸭红好大碗，但系好油腻，而且调味麻麻哋猪皮好大浸梳打粉味 同埋佢落咗好多味可能唔新鲜 鸭红就好碎眉豆大大粒好饱肚几好味，但系有啲饱，虾饺$15.2粒几好味㖞环境几大，呢度都有独立厕所，估唔到咁旧式都几干净
继续阅读