明發小食

营业中

休息中

懷舊的小店, 食物都唔錯, 行開深水埗可以試下 食物 : 豬油渣上海麵 $42 - 味道普普通通, 豬油渣唔係炸脆嘅魚肉碗仔翅(大兩溝) $27 - 碗仔翅比較稀, 唔係有好多料果種, 加上魚肉會比較好食, 魚肉味道正常 香煎餃子(鴛鴦餃8隻) $44 - 鴛鴦餃是韮菜餃+椰菜餃, 餃子粒粒都肥嘟嘟, 韮菜及棷菜餡都好食, 餃子是即叫即煎, 而且是煎到三面脆, 所以要耐心等下, 但真的好好味, 必點 環境 : 小店座位有限, 要在門外等位 服務 : 職員有禮貌 價錢 : HK$113 (無加一服務費)

近排完全愛上咗食餃子，瘋狂想試唔同舖頭嘅餃子🥹🥟呢一間明發小食係老字號，聽聞啲煎餃同埋魚肉碗仔翅好出名！雙拼煎餃(椰菜同韭菜)煎餃超級脆口，入邊嘅餡料係滿滿的！鍾意佢切到啲菜唔會太碎，仲咬到啲菜好爽嘅口感😍外脆內軟。呢間煎餃喺我心目中算係排頭幾位👍🏻！上碟嗰陣時，細心嘅店舖姐姐仲同我哋講先食咗淡味嘅椰菜先，之後再食比較濃味嘅韭菜會比較好。自家製豆腐花太耐冇食豆腐花，諗住過下口癮。豆腐花好軟滑，唔使落太多黃糖都得，本身都已經有糖水底。😝下次再試吓佢地既巴斯克芝士蛋糕先！🤩

平時都好鍾意周圍搵餃子店去試😋今日就去左深水埗呢間小店度試下煎餃叫左雙拼：揀咗韭菜同埋椰菜兩款味即叫即煎黎到熱辣辣😋外皮煎到金黃色卜卜脆而且每粒個餡料都非常之多皮都算薄身要加埋辣菜脯一齊食非常推介😁👍🏻👍🏻👍🏻令我最期待嘅就係生菜魚肉🥬呢度嘅魚肉非常之彈牙唔會係好粉個一種而且有加蔥記得加埋辣菜脯食👍🏻👍🏻👍🏻另外仲有試埋碗仔翅呢款就正正常常同出邊食到嘅差唔多料唔算特別多如果黎呢度食都係推介餃子同埋生菜魚肉📍明發小食 (深水埗)深水埗基隆街239號地舖

自從賣咗廣告之後，客似雲來，因此多請了員工，冇諗過包外賣阿姐態度勁差！此店等侯外賣比其他店的時間長很多，外賣包好了，問阿姐有冇菜甫？阿姐語氣勁惡劣話：你又冇講！氣冲冲拉開櫃桶取了一包菜甫好似施捨我咁。

碗仔翅能夠多些肉會比較好味，或者更加有咬口，味道方面很好，魚肉有果皮味，值得一讚。餃子方面：個皮好脆，又唔會油淋淋，肉唔太多，非常好，店員有禮貌，環境乾淨，食得舒服。

經同事介紹，昨日和老公特意到明發品嚐「三溝」（一向喜歡吃這些地道小食），好期待啊😚到達後，已有不少食客在店外等候，我們也等了十分鐘才有位子，地方不大，座位也有點擠。但食物味道真的不錯，我們點了「三溝、油渣麵、鴛鴦煎餃、豆漿」。魚肉量很多，油渣麵的湯底清清的，我也忍不住飲了一口又一口😋印象最深刻的是她們的待客態度非常親切，一句又一句「多謝曬、唔好意思、麻煩曬」；相反，有時候，光顧其他食店，侍應態度暴躁，令人都不想再光顧😌但明發一定是我們願意再光顧的食店之一👍🏼我們已計劃下次食「兩溝」，十分期待😚

行過深水埗，朋友揸住我個肩膀話，"拉！去嘗實啲地道街頭小食啦！" 推門進去，一間唔洋氣但氣氛濃厚嘅小食店映入眼簾。首先落場嘅係碗仔翅，個湯底勁正👍，魚肉彈牙得嚟又滑溜，啖啖都話得你「靚」！跟住就係鴛鴦煎餃子，煎得金黃脆口，閒時一咬，肉汁湧出，咸香得滯！再嚟個爆漿肉飯，講真我係冇咩期望，但佢真係令我大吃一驚，簡單得嚟又有內涵，每粒飯珠都粒粒分明，配上佢哋自家醬汁，夠香夠响！食完晒主餐，豆腐花必須嚟一碗，滑到不得了😋，姜糖加持，微微辣味解膩之余，令人一啖又一啖。最後，巴斯克蛋糕我諗無人會放過，啖啖芝士，甜而不膩，心情即刻好轉。整體嚟講，呢間小食店有佢獨特嘅香港味道，搵食嘅街坊慧眼識珍寶，流連忘返。下次再嚟深水埗，呢度絕對係我嘅必到之地！😇

平時每日放工只要冇特別野做都去買碗仔翅或者魚肉翅，雖然翅底係唔多款配料，冇冬菇冇肉絲冇木耳，只有蛋同粉絲，有時都好多粉絲，食完都好飽肚，而且個湯底真係特別好飲，稀杰適中。魚肉唔同宜家市面食到既，唔會腥，口感實，而且辣菜哺先係精粹。平時既店員好有禮貌好有心，見佢同d客都好熟絡，好多都係長期熟客，我要落咩調味走咩調味都會記得～ 好…讚完lah…呢個係以前…我都留意到有段片介紹都諗到會多人架lah, 不過都只係坐滿左加有幾個人排緊隊，咁我外賣唔緊要啦。我去到見唔係平時既店員，從來冇見過佢地係鋪面，而係片入面有出鏡訪問個位，我講左我要d咩調味啦，咁梗係有講要菜譜啦。等左有10分鐘，拎到番去，我得到一碗，稀到水，未裝滿，冇菜譜，好失望。圖中我食左兩啖後影低既～其實之前個幾星期前有日都味啖左一半，又稀左一半，但食開諗住間中失準，下次再買都有正常番，但今次之後我諗我都唔會再食了。可能我窮或者因為個度係深水埗，$27一碗我覺得要值得$27蚊，之前我好滿意，每日放工必去變左又要搵其他小食代替了。

我自小就不喜歡食生菜魚肉,因為魚肉好似一團粉又有腥味!在網上看到介紹明發小食的生菜魚肉好好味,今日又剛巧到深水埗,於是就試試。下午1時多仍大排長龍,幸而都排得快!生菜魚肉原來有分大細的,外觀魚肉係有葱,而味道有陳皮味,唔腥,好食,湯亦好好飲,加埋少少辣蘿蔔, 胡椒粉完美組合。不過掛住食忘記映相! 椰菜煎餃亦香脆多菜,餃子因全人手及即製,所以都要些時間等候。不得不提竟然有巴斯克芝士蛋糕柔軟又不會好甜。小店充滿人情味,原來都有好多熟客!下次會再來的。

被網上宣傳，未去過有餃子🥟但又有蛋糕食既舖頭，今日放工就去試下啦😄環境簡潔👍樓面只有一位女士👩🏻佢服務好好❤️爭取同每枱客人傾計🗣我叫左台式肉燥飯，男友叫了雞扒米🍲凍檬茶。仲有8件煎餃🥟試飲了男友的凍檬茶🍋覺得好好飲😋加$3要多杯（因女士唔好飲太多凍野，平時多數是飲男友嗰杯幾啖就算）台式肉燥飯我開頭食覺得味道唔夠濃同少汁，不過男友就好欣賞個飯。食食下我又覺得幾好味wor😋😋試左男友碗雞扒米：雞扒好味，而種米粉就麻麻地🙃鴛鴦煎餃🥟🥟有椰菜及韮菜口味- 樓面姐姐建議我們吃椰菜味先。因為試啖味D就食到韮菜味多啲😉我見樓面姐姐差唔多同枱枱客透露係有位熟客幫佢做宣傳。話開左好多年，一直keep住係舊客，新客就好少。我同佢講我都係睇左宣傳過黎食ka😆

今次再encore呢間深水埗小店，呢度除咗食餃子之外，估唔到有埋甜品，如果甜品都做得非常好食！店員話每日嘅貨量唔係好多，售完即止！ 食完餃子， order個甜品作結非常之幸福😍芝士蛋糕芝士味好香濃，而且入口軟綿綿，亦唔會太甜！

深水埗勁多嘢食，捐窿捐罅去到基隆街食餃子😍😍😍煎餃子🥟 $41@8隻呢度嘅煎餃子有得揀雙拼，我哋揀咗椰菜餃同韭菜餃，兩份都好好味，重點係個餃子皮煎得勁香脆，入口脆卜卜，而且個餃子皮好薄身，唔會成口粉😍😍加埋菜譜，簡直一流，不過留意呢度嘅菜譜都比較辣，超級推介一定要食！

今日下晝時間去咗一間深水埗小食店，分別點咗生菜魚肉，煎韭菜餃，巴斯克芝士蛋糕，豆腐花。好多人推介呢度嘅巴斯克芝士蛋糕，即刻過嚟試吓！不過原來粉面套餐係唔包括煎餃，想嚟嘅人呢就要睇清楚餐牌🤟🏻煎餃呢就冇套餐嘅要單點，單點價錢就貴少少啦，唔包嘢飲嘅，嘢飲都係要散叫🫣總而言之今餐埋單$87算係不枉此行，如果過開嚟深水埗都可以過嚟試🫶🏻必食推介一定係巴斯克芝士蛋糕🍰🫶🏻冇得輸呀👍🏻（溫馨提示想中嘅維他奶係我自備㗎😝）食既嘅途中做發現咗一樣嘢，老闆娘好鍾意同啲熟客傾偈，老闆娘態度都好Nice，就算搬咗幾次舖，好多熟客都覺得搵返過嚟食！純粹係個員工態度真係麻麻地，希望老闆娘正視吓啦，如果唔係就會好影響第一次黎嘅客人嘅第一感覺😛

用心制作，簡簡單單的生菜魚肉，竟然可以加埋陳皮及新鮮蔥花落去製作，街坊生意，良心小店。自家制餃子又係多餡，放湯同煎都一流。仲有佢哋自家製嘅辣菜脯，食過返尋味。如果堂食配生菜魚肉一流。

之前已經和友人到過「明發小食」，一行二人都被餐廳的食物質素所驚艷。今次筆者就再同另一位朋友過來，二訪這間街坊食店！同樣試了懷舊豬油渣麵，麵條帶少許煙韌感。豬油渣份量蠻多的，朋友話味道好香口，而且感覺未算好油膩，所以明知邪惡都會忍不住一直吃。一食令筆者愛上的煎餃子！點了鴛鴦口味，分別是韭菜和椰菜。前者味道會濃烈一點，外皮煎至金黃，入口香脆。內餡可以說是爆汁，一咬就有肉汁溢出，所以要小心進食。餡料比例多菜少肉，夠健康；而且還加入了馬蹄粒，令口感度增加。這一件蛋糕絕對是他們的意外驚喜。蛋糕入口幼滑creamy，有點入口即溶之感，芝士味道更是香濃。$25的定價可謂抵食！酸甜度適中的檸檬汁，解渴消暑。