明興牛什粉麵茶餐廳

营业中

休息中

牛腩麵🍜$25最近響牛腩牛雜關注組成日見到🤣我真係成日經過😎就係因為佢哋隻貓好難影到😅次次都俾佢走甩😂今次係第一次去食😆入到去就見到隻貓咪乖乖坐咗響度😍仲陪我食麵添🥰牛腩份量足夠，味道唔錯👌而且腩肉肥瘦適中😁$25又真係幾抵食😇明興牛什粉麵茶餐廳 (深水埗)深水埗大埔道98號地下

街坊生意，經濟美味是我外賣雲吞河同牛腩河的首選上次外賣見到門口貼了”潮式蠔仔粥”，這個是在餐牌上看不到的。碰巧今晚不想煮飯，想外食，就去試一試。今次點了潮式蠔仔粥，淨水餃，芥蘭。蠔仔粥和湯粉的湯底是一樣，而且有加小乾瑤柱。蠔仔🦪也有約十隻，滑嫩有蠔味。35塊好抵食。淨水餃，有鹼水味。都是雲吞好點。不過餡料豐富，有木耳，蝦肉和蟹肉。芥蘭，淥熟時間剛剛好，口感軟硬得宜。成餐兩個人吃，埋單只需68整體來講，性價比高。只計蠔仔粥也值回票價。

他不耐煩你諗，我揀左自己野要出前一丁，之後佢又比d唔知咩反應，咁我轉，佢又唔like，之後黎左d淨麵，又唔幫我換，講左一句，你自己揀既，加句sorry就算。極度失望這態度，要落單也不要找眼鏡男。

價錢經濟 飽肚之選牛雜麵 $23 分量足 牛雜唔腥 夠淋唔爛 食得過淨云吞 $23 6粒 虾爽口 湯底一般唔係虾子湯 失色潮式蠔仔粥 $35 蠔仔脹卜卜10隻倒 蠔鮮味 只有蠔仔 冇肉碎 冇方魚…… 味重 頸渴油菜 $10少油芥蘭苗 嫩 擺放亂

呢間河粉店真係由細食到大，我屋企人都成日黎食，食到老闆都混熟埋。今日得閒，就寫下呢間啦！我地通常都食牛腩河，牛腩飯，加碟菜，天氣熱仲可以飲埋啤酒。牛腩河，睇下D牛腩，肥瘦均勻，食落係同高級食店食到既有得揮，我鍾意加少少紅醋，咁會令個湯更加濃味，同時刺激食欲。牛腩飯，個份量都幾大，好飽肚，佢仲會加多兩條菜比你，等你唔使齋食肉咁寡。可以加１蚊叫佢比個紫菜湯，唔錯架。後尾我地仲加左個雲吞，D雲吞佢地自己包，好多饀，正！飲返杯啤酒，透心涼！

想食宵夜 明興粉麵 開早11~收夜12家庭式經營 清明節大節全店休幾日嗰隻價錢實惠 街坊價 22元起 攪掂 (太子旺角區 食碗云吞湯麵 都要 $3x起仲要份量材料少 有時都想返屋企煮即食麵)牛雜湯粗麵 ~ $22 好…抵…食粗幼麵河粉米粉任選 伊麵出前一丁+$4湯底唔濃 滷味唔重 牛雜炆得剛好…冇腥味 同舊式湯底有分別 個人比較喜歡舊味但牛腸內嘅肥膏就驚人啲 通常都會咬咗去麵底 鹼水味重 應該可改善……云吞湯河 ~ 4大粒 虾肉料足 河粉量多略嫌湯底清 冇乜虾売大地魚味 ……豬肉丸湯河~ 肉丸4粒 凍肉丸有雪味下次要叫番鋪頭出名嘅牛雜云吞 算罷啦油菜~ 通菜腐乳醬 走油 $10 實價冇優惠配奶茶/咖啡 +$5 凍飲+$2 潛規矩奶茶 ~大排檔奶茶 大杯 夠質素雖然冇裝修 食得自在 價錢優惠 加分

之前都只是經過這間粉麵店，第一次內進，一進內，就發現原來，店內有一隻貓咪🐱仔在地上走來走去，有時行到卡位，有時走到圓凳下面，相當逗趣。反正路程不近，就吃多一點，點了個牛腩牛雜米線，牛腩肥瘦不太均勻，有兩片非常可口，夾了半肥瘦，有兩片則非常之瘦，瘦得痴牙那一種，質素大異其趣。牛雜，則只有一件牛蒡、兩件牛腸、兩件牛肺、以及牛肚。牛肚薄薄的，都比較林，牛肺就比較碎，太碎太薄，其實不太咬到其質感；牛腸亦都比較肥膩，兩件牛腸內裏都充滿肥膏，其實就牛雜而言，的確不算特別過人。可能這就是雙拼麵的弊處，每每都是兩頭唔到岸，兩款餸都不太多，而且質素一般，好像通常到粉麵店，叫單拼的話，都會比較好🤔，真的可惜。反而，看到食評有人說，這兒的奶茶不錯，就像大排檔那一種，於是就專程試一試。奶茶茶味濃郁，不會太澀，味道沒有酸味，甚至乎是有點濃厚的火喉。我覺得這兒的奶茶，甚至乎比起蘇記茶檔的奶茶更加好，更加有火喉。還以為這一款粉麵店，如果叫飲料應該都是散叫，豈料到原來還可以選配套餐，飲了配合雙拼麵，都只是＄32 ，這樣實屬划算。總括來說，這次的雙拼麵，無論牛腩牛雜，都不算太過出色，不過貓咪仔、套餐、以及茶走挽回分數，

今次無食“嵩記牛什“ 行多幾步試呢間“明興“老店舊 無靚裝修 乾淨 招呼算禮貌 價格好底食點咗 牛什湯麵 20大元仲要牛什料多 無怪味冧硬恰當 湯味略嫌偏淡麵爽 無皂水味“大排檔“熱奶茶 茶香濃滑 正腐乳通菜 一般 合氣候 嫩大大碟 都係9元提一提 辣椒油 都幾辣

價錢平,味道佳..下次再來

一去到呢間茶餐廳,就唔洗等位,但果度d位都好小。我叫咗一碗魚旦河粉，有2塊魚片，4粒魚旦，都好足料😊我屋企人都叫咗一碗魚旦河粉同一碗 雲呑麵，d粉麵份量適量..仲有腐乳生菜，但d腐乳就好似唔係好好味..係le間茶餐廳食都非常平，夾埋都係$64

見呢間餐廳好似好平咁,於是就入去食見特別一點食飯,唔食牛什麵等所以就叫左牛腩飯, 我一心以為係出面飯龐食個D牛腩飯我冇諗過佢係將湯麵的牛腩當送, 然後淋D湯的汁就叫牛腩飯==!所以成個飯好稀, 根本就係求其一些飯加一些牛腩叫佢多汁, 點知多到好似湯飯咁==!牛腩好淡, 又唔肥~一點口味都沒有!還有, 我點了一碟油菜走油, 結果冇聽人ORDER!變左油菜多油==!整體來說,不多推介

以前友人住喺呢度附近，成日夜收工跟住嚟呢度食嘢，因為覺得抵食又好食，所以帶我嚟食。呢度已經變成我地嘅食堂之一，最近就算去旺角，要諗晚飯食乜，我地都會專登行過嚟食。呢度主力食粉麵，不過我次次都係食碟頭飯，最愛佢嘅鮮茄雞扒飯同牛腩飯，大大碟又好味都係$20多d，套餐加$5有嘢飲。最開心係佢地叫飯會有紫菜湯送，有時我以為冇但食食下佢又會攞過嚟。廿幾蚊有飯又湯宜家真係好難搵~ 我上次嚟大約係一個月前，嗰晚食到10點鐘，竟然有兩個小朋友嚟食西多士，好攪笑~

靚女友人去邊度食早餐好?去番上次飲茶的地方啦.)我我想食牛,仲要係牛的器官果隻.)靚女友人哦....咁你自己去食啦,我繼續訓,BYEBYE!)明知對方不吃牛,而且還要吃牛的某個部位,擺明想造就自己一個人行路.徒步十數個街口,到大埔道頭的"明興",如非貴刁曾為此店出過食評,原來這間小小不起眼的麵店,有牛三寶吃.以牛三寶當早餐,反常到極點.牛三寶即係牛鞭,牛寶丹同牛脆骨.牛鞭質感有點齦,似是未完全發到軟的牛根,牛脆骨口感爽脆,牛寶丹即係牛睾丸,吃落很粉的質感,如吃著鴨仔蛋的滋味.小弟受落非常.味道頗咸,咸到麵底同湯底也吃不下.有說牛鞭同牛寶丹很補身,這個早上是否能補回隔夜的消耗,未知,不過我還是信另一隻牛.紅牛是也.

唔好意思，請由右至左讀。「牛三寶」不再是悶蛋的牛腩、牛肚、牛根，而是牛鞭、牛寶丹同牛脆骨：牛鞭同平日食的不同，一點也不爽，腍腍的…的確比較像硬身的牛筋（若不是中間發白的話）；牛寶丹（或者牛春袋，又或者牛睪丸）切片- 像很creamy 的潤；牛脆骨則是牛氣管內的軟骨，一片大的搭截一環環的…軟骨依然很脆，但膜卻化得差無幾了。汁像走甜/鹹底的鹵水…跟大陸吃過的，竟有九成相似（若吃牛蹄的話，應該有十成相似）。未食完個扣咗底既牛三寶撈麵，已經覺得好飽，已經覺得好補，但…其實補咗去邊呢…？……。…唔怪得我剛陽味咁重啦。[ 後按：都係想試食到牛咁眼既珍品多啲 ]

11月04日，13:00到鴨記尋寶後，便轉戰花墟，途經這小店，被牛三寶的招牌吸引著。進店二話不說，來碗牛三寶河。牛三寶：牛鞭- 口感似牛筋。牛寶丹- 開邊牛睪丸，口感豐富。牛脆骨- 氣管軟骨，口感一般，太安樓牛雜佬亦有。河粉：一般。家庭式，街坊小店，地方不算整潔。