明記咖啡糖水小食 (已結業)

食咗好多年嘅明記，好彩你係黃💛——芒果木糠凍餅($40)抵食夾大件，口感軟綿綿！點解話佢軟綿綿？其實啱啱黎到佢係實的的㗎，好硬。但擺一啖落口就會好似雪糕咁融化係口入面，非常綿滑！😛建議攤一陣先食。芒果同木糠嘅配搭唔錯，好食😋.桃膠芋圓腐竹($42)彈彈桃膠配腐竹，仲有芋圓好滿足！完全滿足到我三個願望😂三樣嘢我都好鍾意但未食過可以擺埋一齊食。腐竹糖水底，入面有Jelly咁嘅桃膠，再加埋大大粒煙韌芋圓。重點係，佢超大碗，正啊🥰.Overall: 8.3/10Value for money: 3.9/5——📍明記甜品西灣河西灣河街138號.

想喺西灣河食甜品都唔係一件易事，黃店甜品好似得個一兩間～記住明記糖水小食同明記甜品係唔同㗎！！～呢間有8月5號起就開始返罷罷罷，過嚟留番啲腳印先😈·可能專做街坊生意，無論係裝修、味道都一般般啦，正常發揮（唔係打卡店呀🤪）～餐牌上有好多好多嘅選擇，大家可以揀返自己心水支持下。·我哋叫咗兩個甜品。比較推介嘅係楊枝甘露都算多芒果，唔算太酸。材料都幾足下。個涼粉冰就有待改善，普普通通定價有少少貴～·Any肥，我食嗰日唔代表你哋食嗰日～西灣河呢啲冇咩甜品店嘅鋪頭更加要大力支持黃店呀💪🏻見過catgirl同朋友們都有片嚟過呢度拍，應該真係我哋叫錯野🤣-楊枝甘露｜$34雪糕涼粉冰｜$28-明記咖啡糖水小食 (西灣河)西灣河西灣河街114號

之前我知10號係舊曆，因為想過問老死食飯，但工作太忙，唔記得左... 之後就無特別理佢，到個日行落銅鑼灣見到舊舖又攞野出黎拜又醒起啦XD 即刻同阿哥順便屈佢請食飯(其實唔洗屈既... 咁講啫)， 再同男人講，佢就話回家同我食糖水!其實我食多甜品架啦...已經... 間唔中我都會想食既，我真係一個咸人黎架麻! Anyway, 食甜品通常食芒果沙冰，芒果布甸個種小朋友口味~ 但個晚好掛住佢個抹茶凍餅，呢個好錫我既男人就話佢叫，然後就再叫我既冰，但個晚我唔多想食芒果就叫左呢個meun上無既mix: 男人:可唔可以抹茶配朱古力?阿姐: 無話唔得架!麻煩尐啫~ 唔做俾你又投訴我我地:唔好咁講!冇既我地就叫番...阿姐:叫囉～其實佢又唔係真係俾說話我地聽既，係好似講笑咁，所以佢就幫我呢個麻煩人整左啦！

-《明記咖啡糖水小食》🍹話說西灣河有4間不同的明記😆本人表示極度頭大🤫試錯左兩間！記得係門口藍色就係！事關前後左右都有明記😂😂今次仲唔比我食到你😤🥭芒果木糠凍餅 （$42）好正呀喂！佢口感類似壓實左既炒雪糕冰！結實板雪糕！外面一層木糠！木糠唔夠喉呀！可唔可以request黎個厚板再灑滿木糠😆🍨桃膠芋圓腐竹糖水 凍 （$40）可能食完個凍餅甜啲，再食呢個覺得甜度唔夠！桃膠份量都好少🤭芋圓就幾好咬口！qq的！每間甜品店的芋圓都各有特色！本人最喜歡的芋圓暫時係台灣九份的‘阿柑姨’和深水埗的’康瑞‘🤗芋圓控可以去試試！我臨走唔夠喉再叫多個木糠布甸拎走😂😂（我是有多能吃？是深不見底的食量！）

上週六晚上與友人到店舖吃糖水時，在上層下單後友人看見一隻蟑螂爬過。但因牠爬進了陰暗處，故未有太在意。及後旁桌的地上出現了一隻反了肚的蟑螂，不但令客人們驚慌失措，更嚇到小孩子大哭。之後其中一位客人嘗試打死牠但失敗，反而令牠反了身逃走，更爬到了牆上，遠看大概有一個巴掌大。我們實在受不了，因此下樓打算離開。跟店員說明了情況後，他們的重點竟放在我們已下單所以不能就此離開，幾個店員更狡辯說：「哦～曱甴咋啊。冇事㗎 照食都冇問題啦 我地呢度好乾淨 其實啲曱甴係會係出面飛入嚟 我地都控制唔到。」我與友人們實在是無語，最後因不想浪費食物所以打包了糖水，但以後必定不會再光顧。

係西灣河除咗太安樓有好多好野食之外，食甜品食糖水嘅一定有聽過明記糖水！呢間有三十年歷史嘅老店，係傳統糖水嘅大佬，杏仁糊、喳咋、雜果系列同楊枝甘露都好出名。阿張點餐👦🏻 $35 三色芋圓西米露評分（10分滿分）：8️⃣食評💬：呢到西米露嘅西米勁大粒🤤仲有齊珍珠同三色芋圓，好煙韌好有咬口。椰汁方面本身已經好椰好滑，仲可以叫多椰漿或者多花奶，對於我呢啲好鍾意椰子味🥥嘅啱哂！ 張媽點餐👩🏻 $34 楊枝甘露評分（10分滿分）：8️⃣食評💬：阿媽話西柚、沙田柚同芒果都好足料！啖啖肉，好滿足！

【黑糖芋圓紅豆豆腐花】HKD32西灣河最出名嘅糖水舖之一😆 住港島東都嘅人應該對呢間唔陌生架啦！長期都咁多人🤩如抵食，不論係芋圓、紅豆定豆腐花，份量一樣咁多，好足料👍🏻 自家製芋圓份量多，仲夠唒大粒同幾煙韌👏🏻 豆腐花如滑身，每一啖都食到黑糖味幾正嘅。不過糖水好似落得重手左啲，越食越甜，無咁甜都好啲🤔

白雪小丸子 ($34)椰汁底，奶凍，西米，小丸子。椰汁湯底不會太甜，亦不會太淡，椰汁味夠。牛奶味奶凍，奶味濃。小丸子及西米很煙韌好吃，不會太淋變漿口。.雪糕多芒小丸子($44)芒果雪糕，芒果沙冰，芒果肉，小丸子。芒果雪糕太甜，味道不是真芒果味，不太好吃。但芒果沙冰的芒果味香，芒果肉甜，小丸子咬口好。.鮮什果喳咋黑糯米 ($36)有新鮮什果，珍珠，喳咋糖水。生果甜，混合喳咋糖水底及有煙韌珍珠，味道不錯。.芒果喳咋黑糯米 ($32)芒果肉，芒果蓉汁，喳咋糖水。芒果夠甜，芒果汁混合喳咋糖水，味道可以。.鮮什果甘露 ($44)鮮雜果，柚子肉，西米，珍珠，芒果蓉汁。味道一般，沒什麼特別。

同朋友係筲箕灣食完晚餐，行左陣想話揾間甜品店食下傾下計。捻起西灣河果邊有幾間甜品鋪，所以就行過去食番餐糖水滿足下！首先朋友叫左個椰汁涼粉，加左5蚊要左個紅豆。店鋪整糖水速度好快，唔洗5分鐘就整好比我地。糖水大大碗，紅豆份量十足，涼粉更加唔洗講，一碗滿。朋友都話差啲食唔曬。唯一可以改進嘅係我地覺得椰汁比較少，所以食到尾涼粉會無曬糖水，有啲單調。我就叫左碗芒果西米露，都加5蚊要左涼粉。因為我主要係要西米露，所以涼粉會比朋友果碗少啲啲，不過其實都重有好多！芒果粒都好甜，而且份量都唔叫少，椰汁西米露唔會太甜，加埋芒果涼粉一齊食，成件事好match另一位朋友叫左碗椰汁西米露，加5蚊要左珍珠。一樣，西米露正常發揮，味道唔錯。唯一係珍珠比較硬，可能未煮得太熟。大家食唔同糖水都可以加5蚊要唔同topping,紅豆，涼粉，珍珠等都可以架！

🍓 草莓雪糕小丸子😂 其實就係椰汁西米露 、草莓、草莓雪糕。椰汁味道都幾重，但無咩特別，不過不失。🙈 士多啤梨，雖然唔多，但好彩唔太酸。仲有埋小丸子，所以食完都幾飽嘅。🧐

今次食完晚飯，去左明記食糖水，叫左個龍眼冰，冰上面有好多椰果, 而那些冰真的是用龍眼做的，充滿龍眼味。不像外面的個底係無味既冰，之後在上面放上龍眼濃汁。價錢都算係街坊價。之前有食過雜果西米露/朱古力木糠蛋糕等等，全部好足料，會令人好滿足。之後，會繼續試其他不同口味的糖水。

夜晚約咗fd喺太古城行街食飯，行行吓想食糖水，就過咗嚟西灣河食呢間好出名嘅明記糖水😂遇着夜晚呢啲高峰時段，雖然佢有兩個舖位，但係我哋都等左一陣先有得入去，果然係呢區嘅人氣店😮 鍾意食芒果甜品同埋煙韌野嘅我就揀咗多芒小丸子🥭，芒果都幾甜，同埋小丸子都好煙韌🤤不過堂食就坐得好迫，繁忙時間可能要兩三組客人一齊搭枱，連擺低自己個袋嘅位都冇☹️同埋人太多所以食完都要好快走，唔係好啱一班friend傾吓計食吓甜品😕整體來講佢嘅嘢食係幾好味嘅，不過就建議外賣會好啲啦🤔

唉本來諗住收工happy hour㗎嘛，點知經理唔記得book位喎，最後只係去咗西灣河食糖水。我哋嚟嘅呢間係新明記—明記甜品糖水。去到見好多人，以為冇位啦要走啦，點解是頭執咗個位比我哋，真好！冇理咁多，即刻叫嘢食先。我食糖不甩同香蕉pan cake。但係呢阿店員就上錯咗個榴槤pan cake嚟，搞到我有個唔食榴槤嘅frd即刻嘔返出嚟。之後再親自叫返個香蕉嘅嚟食。香蕉真心好食好多！糖不甩味道都唔錯，雖然好黏牙，但係啲芝麻花生碎好足，食落夠晒甜！

說起西灣河食甜品，點可以唔去明記呢？ 還記得第一次去錯左另一間，連芒果布甸都可以難食，所以唔好去錯啊！元宵那天點都要食下湯丸既，可惜沒有芝麻湯丸只有花生... 所以選擇了小丸子^^但木糠蛋糕比想像中好食，抹茶味好重，不太甜，好好味!

住港島東既人都一定聽過或去過位於西灣河既明記，本人覺得甜品唔係話好出色但有種回憶的味道😂呢個芒果班㦸的確價錢上較貴，不過係十分足料，有好多芒果肉同超鮮甜😋而且唔會似出邊一般咁Cream多過芒果呢個彩色世界又係我呢到最中意甜品之一有兩球雪糕可以揀--芒果, 曲奇, 朱古力同雲尼拿入邊仲會有好多生果, 爆珠同芒果醬，酸酸甜甜，係一個又開胃又消暑的甜品😋餐牌👇👇總括黎講: 甜品質素中規中矩，款式有中式有西式都幾多，價錢適中🍳🍴味道: 7/10👩👨服務: 6/10🏠💺環境: 6/10💰💸抵食: 7/10總消費: $179 (5人)