明記甜品 (已結業)

在大伙兒吃完團購晚餐後，我們特意跑到清風街，要來一點甜，適逢不用等位，便鎖定明品甜品好了，格局是相當典型的，幾張檯，幾張膠櫈，還有電視機。點了較為清淡的選擇，銀杏薏米腐竹，$19，相當抵食，糖水是非常熱氣騰騰的，熱氣不斷從碗中冒出，有如沸熱的滾水，先贏了第一印象。腐竹已完全融入水中，成為甜湯，碗中的的白果和薏米分量是偏少的，比例約是一羹甜湯約有幾顆白果和薏米吧。我不是白果的愛好者，但這裏的白果是為不俗，沒有不討愛的青澀味道，而且亦相當腍身。在天氣轉涼的時候來一碗熱燙燙的糖水，不錯吧!消費:$19

好耐都冇試明記甜品，今晚經過就試下佢。叫左個榴蓮西米河粉外賣。返到屋企即刻試試佢，嘩！食乜呀。榴蓮西米露係ok嘅，不過；嗰個椰汁河粉就真係唔得，又唔係一條條又唔爽口。口感係一舊舊椰汁糕擺入口。成pat嘢。又邊間會係咁，真係第一次食，成$36都唔平㗎

係天后食完飯，表妹話要食甜品，就黎呢間舖叫左鮮雜果西米露和鮮雜果紫糯米。嘩，大大碗，份量驚人﹗水果鮮甜，珍珠及小丸子彈牙、煙韌、好好咬口。紫糯米好香，但唔夠腍。由於時間尚早，無咩人，hea坐左45分鐘，食唔晒，要打包。男waiter好鬼nice同sweet，幫我攞入廚房打包。 外賣盒收$2。相比筲箕灣的明記，呢間舖抵食d，料足量多。

明記, 從倉底搵返出黎既食評 一入去成間店都係我最怕既榴槤味, 真係好驚...... 涼粉紅豆: 涼粉大大粒也爽口, 與紅豆也合襯, 多奶好味 基本上perfect Match 唔會點錯, 錯就錯在凍到無朋友, 牙關也震 椰汁紅豆冰 : 紅豆小之又小, 涼粉亦爽口, 無拿拿加左西米唔欣賞, 椰汁當然無可能係鮮渣, 但味道也夠香濃不過甜度太高扣小小分, 但幾解渴既 天后糖水店多的是, 立定決心搵更好的

撐著肚子離開一點心後; 又到我最喜愛的甜品溝貨時間 兩人不約而同選了花奶紅豆涼粉 甜品以飲湯碗載著, 賣相肥佬但材料豐富而且大墟頭, 大大粒涼粉爽口彈牙有咬口, 配上鬆化蓮子百合紅豆沙更是一絕 花奶也令整體香滑不小 享受完清涼的甜品感覺到食完油膩點心的飽濟感也被洗刷得一乾二淨。

近期為了替對創辦雜誌充滿著一團火的大學生辦點事，一天要踩幾間舖，去到深宵總算有少少時間同幾位朋友仔吃甜品宵夜。附近的瀰月屋收得早，就過了這邊，天氣冷要了薑汁番薯糖水，薑汁喝起來幾辣，但再辛口一點仲好，番薯沒有吃到半口，偶吃番薯糖水就是這樣子，純喝湯暖胃，胃納不多，番薯從來都是可有可無．．．聽朋友說對面的和果子店好睇唔好吃，看了她在iphone4影下的相，笑說今晚行運大吉。

係斜對面食完壽司咪過黎食糖水，公仔頭果間上次飲野唔得，唔想再試其他野。我食木糠布甸---幾特別，梗梗地既雪糕，要用好多時間食老公食付竹旦加旦湯水，他話足料，味道夠濃，肥妹食果隻另外加旣旦媽媽食芒果糯米池，都重芒果味，叫多份share,good

今晚夜晚同友人在北角食完晚飯, 唸住食甜品, 就行左去天后既明記了.雖然天后都有幾多甜品舖, 但我覺得明記幾有特色.坐底左, 就叫野食.我呢就叫左個可樂蜜桃啫喱, $11可樂味都幾重, 幾好, 啫喱亦夠彈同滑, 唔知係未羅拔臣呢~?@@蜜桃亦夠新鮮爽甜, 好味~

經過呢頭…又突然想食野…就入佐黎明記甜品….比起西灣河間野貴好多,都細好多,但多好多野食…感覺上…叫佐個椰汁紫米露,都算唔錯啦…唔算太甜，紫米都叫有得咬下,不過加多d椰汁味…可能會好味得多今晚發現….竟然出佐雪花冰….真係估唔到…度度都有

星期六晚吃完大餐之後, 在到明記食甜品,拉門入內等位.......等了一陣有位啦, 坐下我叫了軟身原味木糠布丁,等了大約10min.一層木糠一層布丁好整齊,入口散發出香草的甜香,木糠幼細, 布丁質感頗為幼滑,甜度okay..!是難得的佳作.下次一定要試試朱古力木糠布丁

吃畢晚飯，最理想當然是吃甜品作結。剛剛在室外吃完串燒，感覺既飽又熱，順理成章點了兩客冰凍嘅益力多綿花冰及芝麻綿花冰吃。論賣相，未算吸引，不過配料頗多，有各式水果、乳酸爆爆珠、水晶珠等。綿花冰未能做到入口即溶嘅滑溜口感，幸好還能以味道搭夠。相較之下，芝麻綿花冰來得比較香及好味道。

如果你係榴槤Fans, 而家榴槤開始當造, 千奇唔好錯過佢地既榴槤產品 (棉花冰除外, 雖然佢都俾舊榴槤肉你, 但舊冰應該唔係全部鮮榴槤做 今次叫左:1) 榴槤糯米糍 - 皮薄餡靚 2) 榴槤西米撈 - 當榴槤味和西米椰汁融合埋, 非常夾 3) 榴槤凍餅 - 榴槤香不突止, 重好Creamy 4) 涼粉西米撈 - 無乜特別5) 楊枝甘露 - 呢味係榴槤以外另一選擇, 比松記, 滿記好好多 如果Play Safe, 可以Order前問下四眼哥哥當日榴槤得唔得手先決定 !!

同39寸白朱古力胸係燒鳥亭享受完一頓美味豐富愉快的生日晚飯後，佢帶左我去明記甜品為今晚畫上完美的句號。朋友仔要了蜜瓜西米露。我本來要了熱豆腐花，可惜未能如願。最後要了熱木瓜雪耳。另外再要一份糖不甩。蜜瓜與木瓜都切得頗為大塊，需要大寫O型嘴先可以食到。我的木瓜雪耳味道中規中矩，沒有驚喜，也沒有要回水之感。至於蜜瓜西米露呢？我相信是味道不俗的。因為期間有人係後面呼叫借借加上我的溫馨提示朋友仔都無咩反應，相信係陶醉於同我一齊享受糖水吖唔係唔係，係陶醉於係碗西米露之故。親愛的，謝謝你現場近距離示範谷胸谷老鼠仔。回味結實的手臂..........

呢篇原來放左咁耐都未得閒打...要的起心機打返先~~自己一直都係明記fans!大多都係去西灣河食~不過呢篇係2月既食評..係因為果日去行年宵...天后多人到爆...行迫到行唔到...於是走佬去食明記當補償點知.....第一次失望而回是晚可能係年宵關係...明白位唔夠,好多枱都搬左出面坐出面都唔緊要...果晚落雨...都幾影響心情...因為出面唔係好檔到雨...和我們一起坐搭枱的另一對情侶居然可以拎住把遮黎食糖水真係服!我同男友就坐住一邊...希望避過一劫..所以地面凹凸令到張枱唔係好穩都冇計,,個伙記話將就下唔好意思...唉...咁算啦鬼叫自己鍾意食!因為天后呢間冇我至愛既榴槤忘返,咁就打算叫新野~男友依舊叫佢最愛既榴槤甘露我就叫左榴槤豆腐花抱歉實在已經唔記得個價錢~但係食落真係好差~榴槤夾唔到個豆腐花~一pad pad又杰撻撻...豆腐花又唔得....一d都唔覺得好彈好滑..唔夠水咁...榴槤個汁又杰...2樣加埋真係唔match!係咪果日多人求其左???不過最近都去過西灣河明記食..都係keep住個水準!所以算啦,..今次比個ok佢!

又係 一餐不知所謂既晚餐後, 再黎個甜品順返條氣 一個天后裡容納了超過五間甜品店她們能夠生存, 也有家有她的優點今晚選擇了明記, 單純地只是想試下新野 芝麻布甸 $14 : 芝麻味香濃, 質感幼滑可口富有彈性, 這個價錢十分合理 奇異果涼粉 $20:　走椰奶要花奶，涼粉爽口大大粒, 奇異果也正常不過, 很難會失手的甜品