明谷

营业中

休息中

咁貴嘅價錢, 嗰啲飯竟然用啲好差嘅質素, 真係唔係好明. 反而喇沙出色, 雞髀好食. 一個飯已經接近80蚊了. 環境都可以, 兩年前開冷氣超凍而家已經有改善. 都會在幫襯不過唔會再食飯

【中西區】【明谷】有一排經常要去上環嗰邊辦事，之但係嗰邊啲嘢食又唔係檔檔咁吸引，去到信德中心我直頭淪落到連「燒肉 LIKE」都食過，真係灰到冇朋友。咁既然連「燒肉 LIKE」呢啲都可以，就食埋美心集團喺信德中心嘅另一間餐廳啦。當時我係處於一個肚餓嘅狀態，認識我嘅朋友都知道我肚餓起上嚟都係一件幾可怕嘅事。而當時亦都係「下午茶」時段，因此就以叫下午茶餐為主。首先叫 $52 嘅「雞扒喇沙」配「熱檸茶」，呢個好明顯係一個頂肚嘅選擇嚟。唔多要求好味嘅情況之下，碗嘢係不過不失嘅。咁我講得肚餓嘅，當然唔會就咁收檔。另外叫咗 $44 嘅「紅油餃子」六隻，呢個餐就飲「熱檸水」，佢好似話得返豉油汁可以配，仲好，本身我都唔係太食得辣，呢個更加啱我。都係嗰句啦，對味道要求唔高的話係冇乜嘢嘅。最後叫多份 $38 嘅「自家製斑蘭咖央鮮牛油多士」配「熱檸水」，呢份就真係再一般啲，咖央醬冇味嘅，得鋪油。喺呢個位我相信都係食啲出入嘅旅客生意，三份下午茶 $134。。。（地址：上環干諾道中168-200號信德中心2樓278號舖）#1amfoodie #foodie #hkfoodie #thatfoodiething #

上環信德中心有唔少餐廳，同同事去咗明谷食東南亞菜，餐廳提供各款越南同新加坡嘅美食。我試咗佢哋嘅烤雞髀飯，份量足夠，而且仲包咗一杯飲品，都唔洗一百蚊，價錢相宜。午餐時間好多人去食，因為呢度性價比唔錯。烤雞髀燒得香，好好食。如果你鍾意越南同新加坡嘅美食，又想用個平實嘅價錢食個quick lunch，都係一個好選擇。

午餐出门觅食，发现这家人声鼎沸排位不久就能入场菜单有饭面，种类丰富特别中意东南亚的喇萨面，选了小龙虾作为主菜味道很浓，东南亚风味符合亚洲味蕾小龙虾新鲜，虾肉饱满河粉煮的软度也刚刚好打工人好去处

上環信德中心2樓的 <明谷>，以上環區來說，供應水準算好嘅早餐！這裡多座位，不過，自從通關可去澳門後，這裡星期六就好 full 嘞！不論堂食抑或外賣，食客先走到門口的收銀處落單付款，隨即女店員會給予一個電子儀器，留待電子儀器閃亮時，食客便可以到 counter 自取食物！早餐餐牌 早餐：蕃茄湯水餃米線 $44蕃茄湯酸香醒胃！ 卻是幾油， 有 4 粒水餃，咬開薄身水餃皮，內裡是椰菜及豬肉餡，加入些少蕃茄湯更有風味！ 米線份量足夠，入口煙韌，口感討好！這是早餐當中最好食的一款！熱檸檬茶有 3 片檸檬，未篤檸檬，先喝紅茶，茶味甘而不苦澀，篤檸檬後，果酸滲出，開胃又解膩，食蕃茄湯水餃米線，最好的飲品配搭！香茅豬扒流心蛋湯出前一丁 $48這是香茅豬扒流心蛋湯出前一丁，晨早流流食這惹味的美食，即時煥醒味蕾！香茅豬扒切條方便進食， 入口肉質柔軟，滲出香茅清香及幾入味；流心蛋略為糖心狀態，出前一丁富彈性，均勻入味！湯底味道香濃惹味！熱奶茶茶味香醇味不苦澀，就算不加糖，也嚐到淡奶本身的微甜，兩者口味平衡！

之前路過信德中心突然好肚餓，見未食早餐但係想簡簡單單揾d野食下，於是就入咗呢間叫明谷嘅餐廳。今次叫左蕃茄肉碎湯水餃米線$44，凍飲呢間竟然要加4蚊，好似貴左d喎！但都叫左杯凍檸茶，鬼叫鍾意飲咩個湯底清清地又有清新蕃茄味都幾唔錯，而且個水餃都好好食。如果肉碎再多少少就好啦！因為都市人出街食經常少肉多菜，所以我都幾鍾意食蕃茄既菜式，所以我覺得呢間餐廳都幾ok，坐得都幾舒服，下次經過會再幫襯下，凍檸茶就正正常常啦

雞扒好大塊，冇雪味，夠入味同嫩滑。河粉偏幼偏短，長d 會好好多，有口感啲。同埋好似索汁索得有d 耐。青檸梳打好好飲，夠曬氣又唔會好甜，可惜要加少少錢。不過整條依個價位都係接受到。

和同事來食早餐，第一次試呢間餐廳，感覺早餐幾用心製作，幾好味。香茅豬扒糖心蛋出前一丁：豬扒碎上，醃得入味，軟淋，出前一丁軟硬適中，糖心蛋如能生少少便更好。杯即磨熱咖啡☕️亦香濃醒神，不錯的早餐選擇。

好耐都冇食過喇沙啦經過見到個餐牌，大約一碗麵$80左右，見價錢合理所以就入去試吓小龍蝦喇沙都係$72，個湯非常濃郁散發着淡淡嘅龍蝦味😝😝😝好味到連啲湯都想飲埋🤪🤪🤪牛魔王粵式牛湯河，就普普通通，牛肉味唔係好夠，冇喇沙咁出色.

今日去左同同事食飯，帶左我黎依一間食物份量女仔黎講都足夠。雞脾一大個，叫左面底，本身諗住係雲吞面個d 面，不過原來唔係。佢嘅面有d 淋，唔夠彈牙，唔推介風格行舊式港風，食物唔算貴，普普通通食個中午飯都ok 咁啦不過值得推介嘅係佢個青檸梳打，走甜之後檸味十足又夠氣，幾欣賞另外佢好似有得online /app 拎定飛，不過我等d 野食黎都等左好耐

早餐時段，叫咗沙茶牛肉一丁，沙茶味需然唔香又唔夠濃，但牛肉帶根好有咬口。部份牛肉未煮熟，其中幾塊牛肉仲係痴埋一齊，夾硬將啲牛肉分開，見到啲色好粉好紅。一丁係正常嘢，煮得偏淋，視乎個人口味，我自己比較鐘意食硬麫。我將原來個餐嘅炒蛋轉咗做煎蛋，好足料，係雙蛋嚟㗎。但其中一隻蛋黃煎爛咗，令到蛋黃變好熟好乾。蛋白係好靚嘅燶邊，但可惜唔脆口，可能好早煎定。我覺得最好食係果塊厚多士，雖然唔多牛油，但好鬆軟同埋脆。美心咁大集團嚟講，呢間食物差過美心快餐

明谷在信德來說是一間午飯時間幾易揾位的餐廳，所以我經常會和同事來此吃碗麵。以前我通常都是吃生牛河，牛肉不多、湯和粉都唔錯。吃過一兩次喇沙，湯好濃，都好味。自從出了這款蕃茄雞脾菇肉碎蛋米線後，我經常都吃這麵了，因為多些素，吃得開心D。不過今次米線有點硬。但這間餐廳食物都較濃味，吃得淡味的朋友唔太岩食...

返工上環轉地鐵，會係度食早餐。嘢食平時都係食一丁，或者撈麵。炒蛋同多士都滑同香。一丁都唔太林。 位多，環境都舒服，慢慢都變左早餐飯堂。有日攞餐時。勾到隔板成杯凍飲倒瀉晒。一半身一半地下，真係what a morning。但個女主任定經理即埋嚟幫我執手尾，仲主動收走同換埋杯凍飲同凍啡炒蛋比我，叫人即整果隻。全程無比面色。地下我嘅杰作佢地抹到我差唔多食完先抹晒，真係非常唔好意思， 除左比個正評我都無以為報，食物正常，服務態度非常好，繼續做早餐飯堂一流。

放lunch想食越南湯河，呢間餐廳經常坐滿，等左5分鐘就有位蕃茄湯雞脾米線 $54🍗🍅嘩蕃茄湯有足料蕃茄同洋蔥，雞髀好大隻燒得好香同嫩滑唔覺得overcooked，好多芫荽蔥，色香味俱全呀。份量大大碗，雖然幾好味，但呢個價錢唔包飲品，覺得唔係太抵食。生牛肉湯河 $52🐄無比較就無傷害，生牛河相比下就普通喇，湯有點稀，沒有足料洋蔥，生牛肉真係好生，好似將所有材料就咁丟落d滾水咁，完全唔推介。食完先發現張單寫住美心集團集團行新路綫都係一種與時俱進，抵讚

早餐好食&抵食路過此地，原來好多店舖換晒。又落雨，唔想週圍行。就試吓呢間，呢個早餐唔算貴，有流心蛋加一塊豬扒，呢個組合同其他早餐唔同。味道唔錯！如果第日去澳門，路經此地的話，不妨一試