明道

营业中

休息中

一入黎第一個感覺係一間好有親和力嘅和食小店。結果成餐飯嘅用餐體驗都完全符合。如果想食一餐輕鬆嘅飯，又想有驚喜，又吾想煩點菜嘅和食料理，呢間會係一個幾好嘅選擇。刺身壽司版嘅 omakase 由新奇食到有d悶甚至已經開始放棄，呢個走熟食版嘅日食 omakase 反而值得一試再試。第一次食肯定吾會一黎就100分，反而係覺得佢地下次再黎會有更好體驗，而且又值得再黎多次，會期待下一次黎嘅更好體驗。一間好嘅餐廳，有時比到你知佢吾止咁少野，佢仲有更多好野值得一試再試，咁樣keep住有新鮮感，又同時間慢慢培養出一種歸屬感，更有意思，更值得存在。呢餐 omakase 鋪排上會用串燒作開始，再黎一份和食，最後以一鍋自家製魚湯做湯底嘅 shabu shabu 做結尾。因為係 omakase. 每枱食到嘅都係經理簡單了解完客人口味再安排嘅出品。所以我食到嘅，我覺得好食嘅， 只限於我個人體會。但 overall 嘅出品，相信最少都會達到岩食嘅評價。個人覺得最有意思係最後嘅 shabu shabu 湯粥。試過就明。最新奇好食係瀨尿虾天婦羅。

銅鑼灣的亨利中心，一直都算係高質日本菜嘅一級戰場。聽朋友介紹有新餐廳插旗，即刻去試試。首先呢，重點，打去訂位吧，可以同店方溝通想吃什麼，會有驚喜的。整個用餐過程安排得妥當，節奏也很好。前中主菜，甜品，無不讓人驚喜。揀幾個自己很愛的分享下。百里香：店家很厲害把當中線體挑走，留下淡淡的脂肪和一點小軟骨，酥脆且油香十足。就是那種脂肪使我快樂的感謝。牛舌新：取牛舌最中心，嫩滑的部位，不會燒得過久。滿滿肉汁又又嚼勁，不得了。白鰻：肥美，脆，其他不想形容，吃下去就對了當然了，最後的海鮮粥更是大絕技。不得不試。

今次第一次去明道，環境光猛清潔，每一個員工無論廚房服務員都笑容滿面，給人好親切嘅感覺。用料高質食物新鮮，服務質素高。今次食咗串燒+火煱，雞皮串燒好香好脆，海膽用紫菜包住炸超棒👍🏻，牛舌用舌心多汁嫩滑超好食，值得推介，薑湯雞子👍🏻👍🏻😋😋暖胃好食。食完串燒再嚟一個火鍋，火鍋用料上乘，用不同日本產地上乘牛肉，牛魔王必食，最後來個甜品簡直超棒，不論你係想食好西定打卡，都要同朋友試一試，一試難忘，下次再去過。

收爐飯：亨利中心雲集好多日式餐廳，今晚男友揀咗新開無耐嘅明道，試一試佢嘅 omakase 餐單雞肉串白鰻魚（油香超棒）百里香（我嘅至愛，處理得當，完全無騷味）小青椒雞肉串甜薯南瓜天婦羅海膽（爆曬漿，好甜美）魚湯shabu shabu 選取靚靚和牛（西冷）同埋封門柳煮完肉就煮個蔬菜鍋，之後再煮個靚粥埋尾飽到上心口最後另一個胃要食埋 十勝紅豆奶凍同埋開心果雪糕，個奶凍好好味呀❤️❤️❤️ 要收爐啦 食好啲啦 🥳🥳🥳

經過第一次食！lunch 有驚喜喎👍性價比幾高😋燒牛舌心味道同口感都幾好👍免治雞肉棒食得出係自己整嘅！唔係現成嘢完全收貨😋見今日凍凍地，想食個火鍋！服務員推介泡菜湯底火鍋！我揀咗有日本豬有日本牛嗰個餐！$298食得出用料幾靚！lunch嚟講真係算抵食👍服務員都幾細心！可能佢見唔係忙重幫我煮埋👍👍我想個湯底辣少少，佢又真係可以安排到👍有加茶、唔洗叫都加得好快！自動波加湯👍抵讚！下次要試埋個夜晚先😋

女友生日，煩緊食咩，見明道新開又有人推介，立即wtsapp餐廳經理 book枱！雖然有家累食唔到dinner, book lunch 經理一樣幫我安排得妥妥當當！ 簡單wtsapp講低特別要求，餐廳都有求必應(特别報價啦當然)，幫我揾隻北海道雪場蟹番黎！食啲漬物開開胃，連平日唔食蔬菜嘅女友都話：「原來唔係我唔食！係以前啲人整得唔好食…」尤其個用鰹魚汁漬嘅蒜頭，我真係驚為天人！可能我見識少，真係第一次見呢兩樣嘅放埋一齊！先食啲串燒，再等之後火鍋！除咗好食嘅白鱔同牛脷芯外，無骨雞頸肉都非常有趣！食咗30年雞，冇諗過雞頸可以咁食！另外，經理推介下嘗試嘅雞尾，都可以一戰！身為90後嘅我，真係30年都冇食過雞屎忽，夾錯都一定夾去屋企人隻碗…但呢串雞尾，經師傅悉心處理，完全冇羶味，成件事立即容易接受咗！到主角出場，師傅係魚缸捉咗隻蟹出黎，係我地面前剪咗兩隻最肥嘅腳比我地食！ 假蟹柳就食得多，真蟹棒仲要咁大條，真係好少食到！女友立即表示滿意！然後, 十勝牛、飛驒牛、山形牛，兩個字「高質」！個陣油香，真係唔捨飲淡啤酒沖走佢！仲要全程有人幫手煮 (中午客少啲，特别好服務？)，全程食得輕鬆享受！食完牛，加

今次介紹呢間餐廳係一間只開業大概一個月嘅新餐廳，唔係集團經營，係一間好有實力嘅日本菜餐廳。餐廳環境清雅﹑舒服，如果想靜一啲可BOOK房，房可容立8人。入正題，同大家介紹下我呢餐食左咩，主要分兩部份。分別係串燒同shabu shabu，先同大家睇下我食左咩野串燒:燒雞頸肉: 雞頸肉由廚師人手慢慢起骨，味道清新，有咬口，平常好難有得食到。八里香(雞patpat): 點解唔係七里香會變左八里香呢~因為比七里香更好食，雞味濃郁，有咬口，唔似台北夜市入面食到個啲會有騷味，因為廚師要求要人手清曬入面嘅內臟同污糟野，一定冇異味，絕對要試。燒雞皮: 燒得酥脆，食落有股淡淡嘅碳香味，可以試一試唔落檸檬汁食食個原味。燒鰻魚: 魚皮燒到酥脆，但魚肉唔會過熟，而且又香又滑，唔落檸檬汁便可食到魚嘅鮮味。牛舌: 牛味濃郁，肉汁豐富，廚師落嘅調味完全可以帶出牛肉嘅鮮味，呢樣一定要試。Shabu shabu: 大廚為我地準備左龍蝦鮑魚和牛大餐! 我地先食味道教清淡嘅龍蝦鮑魚，海鮮係新鮮即劏嘅，鮮甜味美，再配廚師特製酸汁，鮮味再提升到另一個層次。到牛肉嘅部分，今次有三款唔同嘅牛，名就唔記得啦，但佢地嘅分別係油脂嘅多少。

環境唔錯，侍應反應服務都好好，d串燒好好食唔會好乾，仲有lunch set個西京燒銀鱈魚好好食啲魚好滑，仲有一間房私隱度好高，如果黎開銅鑼灣食lunch或者晚餐都可以上嚟試一試

銅鑼灣新開日式食店環境清新企理，食串燒 shaubu shabu 為主，食材用料靚，味道一流，可以再覆桌！之前食過其他食串燒的居酒屋，餐廳以食串燒為主。但呢間唔同，食完串燒可以有其他野食，味道不會太單一。而且餐廳對串燒火侯控制得好好，有汁燒同埋鹽燒，襯返食物本身，係近期食過比較好食的串燒。唔想食倒模式串燒的可以試吓呢間。由頭食到尾，只要唔趕時間就可以慢慢享受。首先食完串燒，再食shabushabu，食完碗粥，最後食甜品。大滿足的一餐！

整體餐廳光猛，簡潔日式design，可能新開，所有野都好乾淨企理，趁住唔係好多人發現，食左先講。野食方面串燒比心目中價錢平，而呢個價錢喺港島區食到，真係算平，質素不錯。薑汁湯雞子，連我唔食薑嘅人都覺得配合埋一齊，又唔係好重薑味喎，雞子正好好彩今日仲有新鮮海鮮到貨，仲叫左個火鍋拼盤🤭🤭🤭好似menu 上暫時未有的。最驚喜係到最尾個粥底火鍋，又估唔到幾好食喎，不過影相出嚟賣相不太好🙈但好好食，鮮味十足，食到好飽好滿足啊！

得悉明道臨近開張🎉👏經朋友介紹可以優先到此店享用美食😋一進店已經感覺到滿滿的親切感🥰餐廳剛番新完，環境簡潔鮮明，通風系統很也完善💯，需然座位不多，但也有分隔為Bar枱，Vip房及座枱位置，全場爆滿也不覺會坐得狹窄👍但我偏愛坐Bar枱位置🤭可以欣賞師傅在席前主理😍當晚每道菜式都很滿意🤤師傅選取食材優質及新鮮🦪🍤🐟配料也相對恰當👍當晚所有朋友們都一致認為是難忘的新體驗👏😄

一間可以滿足多個要求的餐廳，有特色的串燒，豪華豐富的Sabu Sabu ，食物質素高而且優質，串燒款色多而且有特色，特別在於素食的朋友都有好多選擇，而且味道十分之出色，Sabu Sabu 食材新鮮而且優質，鍾意食牛的朋友可以一次過食晒日本唔同地方的靚牛，最後食的蟹膏湯飯尤其一絕鮮甜美味。至於環境方面簡潔舒服，相約一班朋友又可以有私隱度高嘅房間，三五知己又可以坐Bar 枱睇師傅主理。服務態度良好而且表現到位，唔會太過催趕進食時間，所以食得好舒服😍😍

Omakase 食得多，好少聽到話主打熱食的，朋友話有間新開主打串燒同火鍋既 Omakase ，呢幾日天氣甘凍，就決定去試下。簡單柔和淺木色的日系裝潢，感覺明亮舒適，食 Omakase ，當然首選坐Bar枱，我哋決定先試串燒，師傅好細心，先上一件炸芝士（流心㗎）俾我地暖下胃，再問清楚我地既喜好，就準備上菜朋友偏好雞肉，所以選擇左雞既唔同部位及內臟，各自order一串，坐吧枱嘅好處，就係睇到師傅從頭到尾烹調食物，熱辣辣送到你面前，由於串燒係需要時間去烹調，為免有得睇冇得食，所以師傅喺我哋等待嘅途中，準備咗一啲一口小食俾我地過下口癮。*前菜一口炸芝士雞肝醬多士酥炸白蝦酥炸牛油果配鱘魚子*串燒雞頸肉雞肝雞心雞尾免治雞肉棒牛脷心 由於我地希望食d蔬菜平衡返之前肉味，所以同時 order 左昆布清湯配搭一份佐賀熟成和牛，鮮活北海道毛蟹腳，蟶子及新鮮蔬菜拼盤，食完串燒之後，師傅先上一份高湯煮鮮北寄貝俾我哋清一清味雷後，接著席前準備好火鍋烹調。師傅用我們火鍋的湯底煮一碗蟹膏粥，作為主食，因為湯底已經有食物的精華，再加上蟹膏，鮮甜到不得了。見餐廳有提供佐賀熟成和牛及鮮活海產作為火鍋食材，開放式廚房內亦