明閣 (鷹君中心)

明閣同事請食飯，去咗灣仔鷹君中心明閣，裝潢高雅別緻，灯光柔和舒服，座位間隔闊落，環境安靜唔嘈吵，飲茶閒聊商務見客皆宜。 酥炸釀鮮蟹蓋：一上檯，外形煞食，用蟹形碟上菜，原隻蟹蓋脹卜卜，外皮酥脆香口，入面柔滑軟嫩，勁多鮮甜蟹肉絲，食落啖啖肉，熱辣辣好好食。唔怪之得同事推薦食。極品蜜汁叉燒：厚切叉燒色澤晶瑩透亮，菊花伴碟，高級精緻，表面烤至少少焦香，非常誘人。肥瘦適中，咬落表面少許焦脆，肉質軟腍多汁，肥而不膩，加上香甜蜜汁，食落好銷魂。窩燒海味脆米飯：軟彈米飯晶瑩透亮，加上鮮甜蝦仁、彈牙魚蛋粒、爽口菜粒、葱粒、炒蛋碎、香口脆米，口感豐富，非常好滋味。椰香燕窩牛乳奶凍：口感幼滑Q彈，清甜椰香味，香濃奶味，搭配燕窩高級又養顏。還點咗蝦餃、燒賣、叉燒包、生煎包、XO醬炒腸粉、上湯浸菜苗都好食，但以上4款食物非常推薦。明閣 (鷹君中心) (灣仔)灣仔港灣道23號鷹君中心2樓

最近試咗幾間酒店嘅點心，見到明閣早茶時段喺12:45前離座仲有75折優惠，所以下訂咗位嚟試吓。訂咗位之後先見到有啲食評話服務一般，有啲擔心，但最後嘅體驗都唔錯。用餐環境餐廳嘅氛圍符合期望，落地玻璃令到成個餐廳好光猛，座位之間嘅距離唔算太窄，用餐都幾舒服。服務質素服務員態度都幾友善，符合酒店標準，佢哋仲會來問對食物滿唔滿意，亦會幫手針茶，感覺幾貼心。食物ＸＯ醬炒腸粉 XO醬炒得好香，仲再點多次XO醬嚟食，真係好開胃。蝦餃、燒賣：真係新鮮好味，推介。如果兩個人嚟食，可以要求每籠只要兩件點心，啱啱好分。酥炸蜂巢芋角：呢個都推介，雖然睇落炸得幾熱氣，仲等咗一陣先上枱，但食落去好好味，炸得脆唔油膩，似係啱啱炸起咁。黑松露蘿蔔千絲酥：酥皮幾脆口，仲有濃濃嘅黑松露香味，食落去好滿足。雪山竹炭叉燒餐包：呢個叉燒包好好味，叉燒好新鮮又Juicy，食得出同一般出面嘅雪山叉燒包質感有啲唔同，值得一試。黑糖薑汁日本3.6牛乳奶凍：推介，奶凍好滑，奶味好香濃。總體嚟講，食物質素真係幾好，值回票價，未試過嘅可以嚟試吓，試完都會擺落推介清單，會再嚟。

明明有位，八成都無人坐，都唔比你坐，兩個人叫咗十樣嘢，講咗兩次我會叫得多，可能主觀地以為小朋友食得唔多，後邊對情侶叫兩碟就坐四人枱，我講明唔夠擺都唔肯轉枱，waiter仲叫你逐樣食，教埋你點做人，仲想好似大陸酒樓咁碟疊碟，都係唔肯轉枱, 未食完想收走，再收走壺茶，總之唔夠位擺，佢幫你諗辦法拎走啲嘢，有咩酒樓會咁做？我咁大個未試過食一餐咁樣背脊骨落，以後點都唔會再幫襯，留返啲枱俾鬼坐啦，以後都唔會幫襯

不知是否香港人大部份逢週末及假日都北上消費？認識好幾間高級食肆，星期六、日及公眾假期都有優惠，灣仔鷹君明閣是其中之一，星期六、日及公眾假期，指定時間惠顧午市單點點心可享限時75折優惠。幾年前疫情時曾去光顧，印象不俗。這次再訪，就訂了11至12：45分這段時間，和朋友去食優質點心自從有了會展站，去灣仔明閣更加方便，下車就到。是日我倆被安排坐沙發位，坐位舒適，桌上有蠟燭座暖住壺茶，保持温度。單點點心香脆可口，賣相亦佳👇🏼牛肉清湯浸牛肉球清湯底，牛肉球較大粒，肉質不錯，牛肉球有陳皮馬蹄，但旺角明閣湯底多了鮮竹，牛肉球加入香茜，多了芫茜香氣，灣仔分店比旺角明閣則貴了十塊清湯鮮肉小籠包皮薄餡足，juicy，味鮮，趁熱食潮式香茜菜脯素粉果清新，材料比較寡，帶不出芫茜香味，口感一般樣子鬆化，入口酥脆，香口，但相對比較油膩甜點幾年前初嚐，一試難忘現在再嚐到， 雖仍然美味但感覺沒以前的重奶香，桃膠亦放少了總結這次純吃點心體驗，大體還是不錯的點心上桌夠熱，味道適中但若和旺角店比較，平心而論，個人認為旺角明閣點心味道略勝一籌另一方面，可能地區與環境差別，這裏收費比旺角貴些；但侍者同樣訓練有素，服務態度良好，

如果服務可以唔俾星，我會揀。雖然唔係常客，我並非第一次嚟呢間餐廳食飯。疫情嘅時候表示支持，亦幫襯過幾次外賣。但係冇諗過今晚同長輩嚟食個簡單晚餐，遇到一個成晚都黑面嘅經理。從落單到埋單都係口黑面黑，但係觀察佢對旁邊貌似熟客卻是另外一種態度。睇返之前評分唔高嘅食評，都係話呢間餐廳嘅員工對客嘅態度好有問題。呢度嘅出品確實用料同味道都唔錯，價錢亦都唔係好普通，按道理應該可以請到一啲質素比較高嘅員工。做呢個行業嘅人，無論係熟客生客如果係專業嘅，態度應該係一樣嘅。但係俾人喺呢度投訴咗咁多次，都竟然冇改善，可見呢間餐廳嘅管理層有啲恃寵生嬌。喺而家呢個環境底下都唔去正視呢啲問題，相信唔會玩得好耐。作為一個食客，你用員工嘅態度嚟揀客，我都可以揀幫襯邊個。我本來對食物味道好滿意，但係因為食得唔舒服所以覺得唔抵食。大家如果唔介意服務態度嘅話，可以繼續嚟呢間餐廳捧場。祝福大家用餐愉快！

媽媽生日宴一行9人預訂左嚐百味$888套餐再另加釀蟹蓋釀蟹蓋啖啖肉，不過食咗咁多間都係唐閣最好食，但呢間性價比都唔錯$228位，可用openrice單點85折優惠，計返加一即係有九五折好食過富麗敦 玉套餐總體嚟講全部都幾好食龍蝦加咗陳皮配搭幾新鮮👍🏻脆皮海參表面好脆，質地夠厚同埋炆得夠腍👍🏻乳鴿肉都好嫩滑欣賞佢個奶凍，大杯同奶味重又滑👍🏻蝴蝶酥仲係暖暖哋同埋好鬆化唯一不足之處就係上菜節奏非常慢，每一道菜都隔左10-15分鐘先上，叫左佢快都無用，可能係星期日比較多人，但餐廳又唔夠人手，呢樣嘢要改進吓我地6:30前到，食到9:40先走得，中間等上菜都等到眼瞓🙈

第一次來，環境舒服，坐大廳都不會太嘈，適合小聚傾計地方，或Business Lunch之選每人一份，唔洗分菜夾菜，望落精緻剛好夠飽的套餐，每樣一粒款式已有齊：前菜/湯品/燒味/點心/炸物/蒸餃/甜品（中間碗湯沒拍照）食物水準好其中～ 燒味：叉燒肥瘦適中蒸餃：皮薄蝦肉夠爽炸物：春卷皮脆不會太油膩沒去過旺角的明閣，不知道出品是否一樣？雖說很有特色嘅點心是沒有，但有budget吃午餐的話可以encore🤭

📍灣仔明閣（鷹君中心）早前同親戚來到灣仔明閣食lunch🤤試咗午市套餐-月 特別鍾意呢幾道菜酒香海蜇醉鮑魚•極品蜜汁叉燒蜜汁叉燒肥瘦適中 醉鮑魚，非常入味 😋酒香同叉燒嘅煙燻香令哩道菜更加吸引姬忪茸螺頭滋補水鴨湯🍲一向都好鍾意姬忪茸嘅菜式 哩個湯都冇令我失望 湯底濃郁鮮甜 味道多層次金腿芙蓉鴛鴦蝦球🍤本身驟眼睇以為呢一道菜又係一個湯， 點知原來係蒸蛋白加龍蝦虎蝦蝦球🍤蝦球鮮甜彈牙 蒸蛋白非常香滑黑糖桃膠薑汁3.6牛乳奶凍💗薑黑糖同牛奶味配搭平均 唔會好甜 果然係明閣嘅熱門甜品呢一間餐廳如果多人嚟識嘅話可以預早book定位 過左$4800就可包房 傾計講笑都暢快啲

因為冬至book唔到位，屋企自己煮，咁我就叫咗明閣外賣加餸，啲外賣拎到返屋企仲好好味。老公話堂食應該仲好食，於是我見到openrice 有得book 咪再食多次囉，之前都聽人講明閣飲茶唔錯，但仲未有機會試，今次先分享一下晚餐體驗啦。酒香海蜇醉鮑魚：酒唔會太濃，冰鎮鮑魚，好易入口脆香三疊 (琥珀甜桃仁、蒜鹽黑椒腰果、鹽香脆藕片)：呢個小食好好味蒜香椒鹽百花釀龍蝦鉗：勁多蒜，咬落啖啖肉，唔會好油膩酥炸釀鮮蟹蓋：超鐘意呢個，裡面好creamy，真係外脆內軟乳豬拼盤：乳豬好食，燒鵝啖啖肉，叉燒啱啱好半肥瘦，入口即化蘆筍榆耳炒鮮元貝：呢個餸好清新，元貝好嫩滑生炒臘味糯米飯：糯米飯略為遜色，有啲失望，味道太鹹棗皇糕：熱辣辣，新鮮即蒸

今日和屋企人和father in law 吃生日飯。餐廳的裝修高雅別𡟹，燈光十分柔和， 枱與枱有一定距離，感覺開揚又舒適。點心嚐味套餐Dim sum tasting menu $428明閣兩小碟醋香小黃瓜黑木耳、極品蜜汁叉燒Chiller cucumber and black fungus in black vinegar sauce, supreme barbecue pork loin in honey sauce蜜汁叉燒真係極品！叉燒帶一些厚度，肉質又腍又juicy, 口感鬆化，加上香甜的蜜汁吊起肉味，好好味！真想多吃一點。再吃一口醋汁木耳和青瓜，感覺輕盈、爽口解膩，不錯。老火湯Soup of the soup忘記湯的名稱，湯汁沒有半點油膩，但感覺足火候，帶點肉味，十分順喉。明閣精選點心蝦餃、欖菜蓮藕素粉果、金銀旦鮮蝦菜苗餃、旦白海皇春卷、雲腿茸蝦多士、櫻花蝦臘味蘿白千絲酥、香煎泡菜豚肉窩貼Shrimp dumping, vegetable dumping with pickled leaves and lotus root, vegetable dumplings with s

咁嘅12位興高采烈共度歡樂時光並享受美食，一切想得很美好，可惜事與願違，男經理+女侍應全程黑口黑面，唔叫唔沖水，叫幾次才換碟，我哋真係唔知做錯乜嘢事？食物保持水準，炸子雞片脆肉滑又有雞味、意想不到羊腩煲夠足料、生炒糯米飯、脆米炒飯、咕嚕肉、脆腩併叉燒的厚切叉燒香軟肉嫩、素鵝、海哲、香芋奶凍、棗泥薑汁糕和蛋散，廚師處理食材和調味啱大衆口味，碟碟都好食。店大欺客的待客之道，大家都感到頂無癮，咁嘅招呼真係冇下次。

🍽去咗灣仔明閣參與一個中午婚宴，好耐無去到明閣用餐，繼續係環境舒適同寧靜，曾入選米之蓮食府，食物相對不會太過有問題。午宴餸菜比較輕量，不過味道都算不錯，其中炸子雞係招牌菜式，花椒龍躉亦厚肉有口感😊.———————————————————————————🥢明閣三小碟⚜️醉香海蜇醉鮑魚⚜️化皮乳豬件🐽⚜️香煎鮮蟹餅🦀🥢松茸菜膽燉螺頭🥢鮮花椒蒸龍躉班柳🐟🥢明閣招牌炸子雞🐔🥢上湯杞子雲耳浸菠菜苗🥬🥢明閣鮑魚粒脆米炒飯🍚🥢蓮子百合四寶茶🥢美點雙輝

本人得悉明閣食品出色於16/11/2023特意邀請遠從吉隆坡到香港的好友訂10位座，滿心喜悅浩浩蕩蕩前往品嘗美食明閣點心蝦餃，燒賣，鮑汁鳳爪真的拍案叫絕，用料上盛，味道非凡，其他點心同樣令人驚喜女服務員態度溫和有禮，反之那位自以為事，傲慢無禮的部長，態度令人側目😡😡😡令香港飲食業蒙羞😡😡

Ming Court is an award-winning Cantonese restaurant located in wanchai. With its elegant decor and refined ambiance, Ming Court offers a sophisticated dining experience. The menu showcases classic Cantonese dishes prepared with a modern twist. From delicate dim sum to exquisite seafood and flavorful roasted meats, each dish is a masterpiece of culinary craftsmanship. The attention to detail and the use of premium ingredients are evident in every bite. The restaurant's sommelier-curated wine list

今天来吃的这家明阁 环境真的超好，高级氛围感，湾仔这家晚上顾客还挺多的，感觉大部分都是行政会议，好多附近办公的，也是很适合约会的餐厅和朋友提前订好了位置和当晚的菜单，整体好精致好中式高雅的感觉🥢明阁三小碟酒香海蛰醉鲍鱼-入口很浓郁的酒香味，鲍鱼软嫩弹牙，海蜇口感脆嫩极品蜜汁叉烧- 她家叉烧，肥而不腻口感嫩滑烧椒酱皮蛋鲜腐竹-蕞爱这个！入口很香微辣🥢姬松茸螺头滋补水鸭汤应该炖了很久，细腻软烂的鸭肉丝，螺肉已经煮的非常软嫩，姬松茸的鲜香味都在汤里了隆重推荐下面👇朋友安排的，巨赞👍的三道菜🥢鱼子酱雪地明虾球今晚蕞佳好好吃😋虾球超大一颗肉质紧实Q弹，底下是鸡蛋羹，拌上鲜咸味的汤汁和鱼子酱很好吃！！🥢虾籽柚皮好有特色，第一次吃到柚子皮做的经典粤式菜式，，柚子皮煮的很软烂，味道是有点偏咸香的🥢龙虾汤海皇脆米泡饭龙虾的鲜味全煮在汤里了🤤把脆米撒进去一起吃，口感很丰富！🥢黑糖桃胶酱汁3.6牛乳奶冻&鸳鸯美点双辉甜品好好吃！！！奶冻和小点心都超喜欢