星巴克咖啡 (已結業)

一直好想嚟呢間充滿着懷舊feel嘅升爸黑, 今日响附近見完客, 又到三點三, 醒起呢度, 一於嚟見識吓! 從都爹利街煤氣燈步下樓梯, 門口細小, 從門口到柜枱, 與一般starbucks無異, 懷舊區在店內深處. 我先行買杯Iced Mocha 同件 朱古力蛋糕, 再往內裏看個究竟. 內裏完全像走進時光隧道一樣, 回到幾＋年前的冰室, 細小的地階磚, 鋪了玻璃的枱面, 長板卡座... 不幸的是這些"道具"太新淨了, 如殘舊一些相信會仲有feel!坐下嘆我的iced mocha, 感覺良好, 朱古力蛋糕味好濃, 絕不遜於有名餅店嘅出品! 眼見店內附近的顧客都忙着拍照, 呢度影吓, 嗰度影吓... 而外邊坐了不少洋人, 返而他們對這種懷舊feel不感興趣!

星期日忙裡偷閒黎到中環(都幾難搵)既starbucks~聽講呢到好特別所以黎見識一下以冰室+懷舊為主吸引左不少顧客~食物同咖啡方面基本上同出面starbucks差唔多~不過重點係個環境~四周都係攝影朋友~如果時間許可平日黎會更好(因為少人d可影更多相^^)不妨黎見識一下

這食評，其實是在開業初期吃的，現在熱潮過後才打，的確來得有點遲。在安蘭街，本來很想血拼，最後還是一件都看不上眼，兩手空空的過來這間crossover的starbucks，抖一抖再拼過。這間starbucks，最大gimmick不過是coffee tart，菠蘿油，其他根本就跟其他分店無異。要一件coffee egg tart，一杯raspberry frapp，就此。tart的pastry不夠酥脆，牛油味亦不重，但咖啡的味道就很搶，即是說我完全吃不到蛋味；那杯冰，一如以往的水準，不寫也罷。你問我，值得專程來一試嗎? to be frank n honest，quite doubtful. It really much depends on your own interest. 若然不是路經此地，我可不會身水身汗走過來這兒專程吃一件全不impressive的tart。***ok面，主比那件只是ok的tart。

朋友提議去這間 G.O.D. x STARBUCKS 的 STARBUCKS 吃一點東西，一入店真的覺得很特別，很多人也為次而來拍照。完全不知STARBUCKS會CROSS OVER G.O.D.!吃了『冰室三寶』1) 菠蘿油: 三個包之中最好吃，包是咖啡味，皮微脆2) COFFEE TART：COFFEE味好重，吃不出蛋味3) COFFEE COCKTAIL BUN：COFFEE味比COFFEE TART更重，還有不太喜愛椰絲另外要了個黑加倫子沙冰，味道普通啦，夠解渴，不過與『冰室三寶』不太MATCH!其實我不太好COFFEE的東西，這次純粹『試吓』，下次來的話也會選擇一般STARBUCKS也會有的CAKE/SANDWICH

去過好多間Starbucks , 知道呢間係有, SO黎呢到影下相咖啡蛋撻(6/10分): 咖啡味既皮, 唔太濃亦唔算脆,但勝在有特色, 亦係呢間先有得試,10蚊一個,平定貴見人見智, 不過如果唔想食波羅油咁HEAVY,TRY THIS!新出既LEMON PASSION TEA : 一飲, 好薄荷味,好爽,佐未算解渴其實冇啦啦黎呢間Starbucks,我諗都係為左影相,完全唔會驚俾人趕走,但如果想淨淨傾下計/睇下書就唔好黎呢間啦因為真係好多人走黎走去影相的 =)

第一次係Openrice寫食評，希望會有更多次今日係專登去呢間懷舊theme既星巴克個位置都幾偏，上過網搵定路先去兩個人叫左Iced grande mocchaiced grande caramel macchiato朱古力蛋糕雞肉軟包咖啡蛋撻食得好飽喇已經平時去親星巴克都只係去買coffe take away或者同d fd坐低自己傾下計今次去到，覺得d waiter/waitress好好人全部都好nice、好有笑容有一個waiter仲專登埋黎問我試唔試下coffee tastingwine tasting聽得多，coffee都有架原來好得意咁，我去星巴克咁多次都未試過/未見過有d咁既野佢好有心機咁沖左Kenya隻咖啡豆俾我地跟住仲慢慢介紹飲咖啡4 steps佢同我地介紹左差唔多半個鐘了解左星巴克既咖啡多左而且佢真係好nice~傾完計之後我地就係冰室個邊影相個懷舊theme好得佈置好靚好懷舊個manager仲話可以包場一班人開party價錢又唔貴，下次約夠人都想試下後尾買左個starbucks tumbler以後拎住佢買coffee有$3優惠又環保又可以save錢so cool!!!

去到比我想像中細因為個間starbucks有special food係得個度先有菠蘿油同雞尾包都係好普通我覺得個蛋撻係普通到唔普通.有點覺得呢間野真係sell gimmick.冇其他平日去starbucks d service都叫ok.不過我去搵野坐個陣d人走左既野冇人收一行入去地下個垃圾筒爆到d tissue周地都係....而且收銀員態度不太好之餘.感覺佢好似同空氣講野咁 我買野飲野食佢冇望過我一眼.總之我呢次既experience麻麻.不過我好多朋友去左個度影下相食下野都冇遇到我呢d事.係我黑仔唔好彩定咩?不過如果你係for黎影相呢個係一個唔錯既選擇!希望你地唔會遇到呢d情況啦.

身為路盲的我，一直也不太清楚這間starbucks冰室在那裡。今天剛巧自己在附近練習攝影，行著行著，竟然無意中給我就到了! 可能太興奮了，完全沒顧及銀包的感受，就豪氣地要了菠蘿油($12)及vanilla frappucino($30)。菠蘿油果然是不好吃，根本吃不出是菠蘿油，如果說它是一個普通麵包應該會比較合理。vanilla frappucino一直都是我在starbucks最喜愛的飲品，其實給我的感覺就是vanilla milk，沒什麼特別，但因為我不喝咖啡，frappucino自然成了我的選擇，大概是喝了很多次，日久生情，變了我的favourite，當然味道是不錯的。在場大部分(包括我)都是年青人，帶著相機不停的拍照。現在這間starbucks冰室的熱潮應該沒之前那麼澎湃，不過這是全球獨一無二的，都應來拜訪一下。

didnt update for quite a long timestarbucks is always my favorite place for coffee. it is always too early after visited 蓮香' all shops were still closed' i was attracted by the SALE sign displayed on the shops' windows therefore we needed a place to hea and waited until they were opened^^the setting of this starbucks is so interesting, its like we went back to the 80s' it is a waste that we came without bringing our camera chocolate chip frappuccino: its my husband's favorite and this time we o

入到去，好似去番七十年代的茶樓，四圍的人拿住相機四圍影，見到有菠蘿油，。竟然係咖啡味，好新奇，一口牛油一口包，快樂過神仙，加杯朱古力咖啡，爽…

聽到朋友介紹有這樣的一間冰室，於是就趁假期帶齊裝備去朝聖一番。新聞稿及宣傳當然寫得漂亮，到底這一間「STARBUCKS 舊式茶餐廳」是怎樣的一回事？去現場看看吧！所在地都爹利街，就是在置地後面，以四盞煤氣燈聞名的那條街，走上樓梯，轉右落樓梯，就是這一間奇怪的STARBUCKS，看門口其實沒什麼特別，而實際上入到去也不覺得有什麼特別，因為近門口一半樓面的裝修是傳統的STARBUCKS格局。然而入到去一半，就開始精神分裂，圓桌變方桌，梳化變硬木椅，而裝修也有180度的改變，就像走進如佐敦美都那一種舊式冰室。既然是精神分裂，在下的相片也跟隨風格，走一走懷舊Feel。在下走了一轉，總是覺得懷舊的氣氛不夠濃厚，有幾個原因吧，第一是分裂的裝修，轉過頭來看到紅色的梳化，總是覺得很怪，為什麼不把全店都改成舊式的裝修，讓全店的氣氛統一些？第二個原因是顧客，何來會有舊式冰室塞滿背心熱褲的女生走來走去的？本來就不是一個Match的組合...第三就是相機，那裡寫明「請亂拍照」，而很多人去那裡都是一心去拍照的，故此懷舊的那一個角落就變成了「相機大戰」。男生很多都是帶著DSLR左影右影，Canon Nikon隨處

starbucks x GOD 引起唔少人的關注我不甘示弱 也去拜訪下e間冰室這間starabucks半間係一般模樣半間係仿古冰室一入到去 冰室角落係坐滿戴住camera人 一般的梳化位則得一兩枱客排隊order的人幾多下 雖然有4個職員 他們都忙得團團轉除了這裡四寶:咖啡雞尾包.咖啡蛋撻.咖啡菠蘿包.鮮牛脆包外其他係一般starbucks的食品&cake係到都有反而自家樽裝果汁得橙味 kiwi,grapefruit等都欠缺等左7分鐘先落到order 叫左杯hazelnut latte同coffee egg tart職員超好笑容 服務態度好正 賓至如歸的感覺可能太多人 要留名 方便一陣叫名拎飲品唔使同其他客人撈亂再等多5分鐘 我的hazelnut latte先整好眼見full house的冰室 只好上映冰室常見的情景:搭枱我坐的係卡位 櫈同枱相距都幾遠 我坐得半張櫈而已先試hazelnut latte(without sugar) hazelnut同coffee味唔覺有奶味較前兩者為重 可惜亦只是十分微薄的奶味一間以coffee作主打的餐廳 連招牌菜也做不好怎留住食客呢 難怪要同G.O

雜誌介紹Starbucks crossover GOD立即過來望望。這間Starbucks其實都幾隱蔽, 不過入面都算大。其實這個只有一個百多呎位佈置成香港舊式茶餐廳，仲有做埋60/70年代的街景，好多人都特登去拍照。我們興奮地拍了照，正式試食-咖啡菠蘿油: 有咖啡味的包, 1cm厚的牛油 , 帶著懷舊的心情吃了兩啖後, 終於還是靜雞雞用刀撥走了一半, 實在太高卡路里了-焦糖咖啡啫喱星冰樂: 太好飲了，我平日已經戒了冰凍飲品，但我成杯歎晒, 滑滑的咖啡啫喱做底，每啜一啖便有cream, 咖啡冰加滑滑啫喱在口裡，心情靚晒不過lunch time多人時, 要等十分鐘左右才有咖啡菠蘿油, d Starbucks人都好好咁走來問我們食物到齊未，然後幫我們追，估唔到有service架喎！

都爹利街上的這家冰室版 Starbucks, 大家都已寫過不少, 又放了這麼多靚相上來, 搞到我都有點心癢難耐, 找了一個空閒的早上, 走了來影相。沒錯, 目標明確, 就是拍照。一早來到, 顧客沒多少個, 只有一枱小女生在開會。穿過前半部的正常星巴克的部份, 就來到後面陳設成老冰室樣子的地方了。坐在茶記卡位, 理智上明明知道這是現代的地方, 眼前卻是古舊的氣息, 的確有點時空錯亂...應該說, 這種舊, 看得出是刻意的堆砌, 實際看來比較像電影布景, 在鏡頭下其實又不太著跡, 這不知是否創作者的用意了。既然來到, 就一於「懷舊」到底, 點了兩樣「本店限定」的變種茶記食物: 厚切牛油菠蘿包 ($12) 和咖啡雞尾包 ($12)。最衰沒有港式奶茶供應, 還是要杯齋啡算了 (Tall Americano $24)。兩個包放到桌上, 在枱面玻璃下的茶餐廳風餐牌映襯下, 拍起照來倒還有兩分舊茶記味道的, 還不錯吧。入口之後當然是第二回事了。之前星巴克推出早餐食品的時候, 部份食品都有港式茶記食物的影子, 今次的擺到明是「致敬」之作。先吃菠蘿油, 我緊張地揭開個包, 看看有沒有一大件牛油在內..

地鐵站出口出左黎之後仲要行一段小路, 然後就發現坐落係中環其中一個旅遊景點, 煤氣燈既隔離. starbucks既選址果然係有意思. 呢間係一間好大既starbucks... 劃分左前後兩部份. 一入到去既前部份依然係一貫starbucks既裝潢. 要行到去cashier就開始係冰室既設計. 店員姐姐好熱情咁介紹我哋starbucks三寶 - 咖啡蛋撻, 咖啡雞尾包, 咖啡波蘿包雖然我係starbucks既big fan, 不過呢三樣野真係有d失望. 雖然熱情既店員姐姐已經為我哋將 "三寶" 翻熱. 但係對比茶記既 "熱" 仍然有一大段既距離. 翻熱之後其實只能夠話同室溫樣. 就係呢一點已經同扣左一半分. 另外, 三寶都係以咖啡味掛帥, 但實情3樣野食既咖啡味都好淡... 咖啡味當然要係香濃先係好. 麵包有一般現代麵包既敗筆: 包身好泡, 咬落去好似空空咁. 波蘿包既菠蘿皮唔係脆. 另外... 雞尾包可能係我記錯, 佢其實應該叫咖啡醬麵包. 因為真係... 一d都唔似雞尾包~~~ 定係, 佢以為嗰條幼幼既咖啡棷絲醬就可以撐場呢?雖然呢d全世界只有呢一間starbucks先有得賣既