星河餐廳

营业中

休息中

星河餐廳因為有MM加持過黃店又有結業效應佢地5月尾結業難得細佬番左黎就去試下最地道由細食到大既食物我地就係5月頭既平日lunch time一點左右去到都要等廿分鐘先入得星河都係舊式茶餐廳有話都開左三十年入面好迫位唔算多要搭檯佢lunch set就無焗豬既要單點先有因為唔知佢原來有得淨叫焗豬飯所以我地呢個係特餐有湯有野飲既紅湯白湯都係果d野啦等緊既時候已經聽到侍應好大聲講同出面排隊既人話無晒焗豬啦果時都只係一點三十五分左右即係好彩我地算係差唔多最後果幾個兩個焗豬都真係等左三四個字先有條MM條片講既差唔多佢話自己唔落菠羅唔落芝士亦都唔會見到唔開胃既三色豆就只係好純粹既既蕃茄洋蔥豬扒同炒飯望落真係同佢地話最原始既太平館有d似但因為燈光無咁昏暗所以鮮色好多佢地豬扒有切到咬落係好有肉質同好軟淋既個汁比較甜但唔係酸炒飯底整體就真係好食既茶餐廳風味即係唔可以話個個黎到星河都叫焗豬不過至少我地對面搭檯既都係叫呢樣野餐廳仲要點幾鐘就話焗豬賣晒而且果時班今天仲未自我送支咁結業就應該同生意無關既凍飲要加3蚊81蚊茶餐廳黎講就真係貴左d上網睇番先知原來淨焗豬係60蚊咁就合理好多而且食物真係稱之上算好食hi打晒

打電話叫外賣自取，聽電話果個人態度差，去到餐廳拎外賣都係態度一般，叫咗餐蛋治，個蛋喺個包外面，變咗蛋同三文治分開，本身諗住星河比較近同方便，冇諗過態度咁，唔會再幫襯

本人因為mm嘅介紹而去咗食焗豬扒飯，我100%肯定佢已經轉咗手，我係極度唔建議大家為咗焗豬扒飯而去食星河餐廳，我可以同你講佢只係鮮茄豬扒飯，佢個味係普通正常，唔會難食嘅，但係如果你一心為咗焗豬扒飯去嘅話你就會極度極度失望。其實我覺得係有啲古怪，因為mm介紹嘅時候佢係$78 ，咁去到嘅時候佢個餐牌係$65，真係仲平咗，其實頂手做衰咗人哋個朵有乜為，我絕對唔會再去呢間餐廳。我冇食到其他嘢，嗰度啲人亦都唔會有啲乜嘢招呼，我亦都唔覺得佢生意特別好。

純粹估計應該係轉咗手， mm介紹時焗豬扒飯要$78，而家反而係$65，正常有媒體介紹過後價錢應該會升冇理由再反跌， 焗豬扒飯嘅質素就完全不似預期， 係一個不折不扣鮮茄豬扒飯而已。

呢間老牌港式西餐廳喺大南街開業廿多年，好多食客都係因為餐廳的經典焗豬扒飯而慕名而來。我呢就係因為佢嘅紅湯而幫襯的。最近喺網上得知此店只營業到五月底，就特登回訪再次回味下🥺🥘 紅湯．我剛搬到深水埗區住嘅時候，第一次來食晚飯，巳經覺得此店嘅紅湯好正好多料．今次都係飲紅湯，依然係多牛肉、多紅蘿蔔和多洋蔥，好好味呀👍🏻🍖 焗豬扒飯套餐 (HK$78)．上枱熱辣辣，豬扒一大塊，巳切開一條條，方便用叉叉住食，啱晒我呢啲懶人食🤣．豬扒厚身，入口肉質軟嫩，啖啖肉😋．醬汁濃郁，酸甜味啱啱好．飯底炒過，粒粒米不黏埋一舊，有些少脆口，有微微蛋香，有水準👍🏻．食咗一半巳經飽飽哋，食晒真係飽到上心口！🍋 熱檸蜜．由熱飲到暖再飲到熱，因為店員見我飲咗一些之後暖咗，好好人幫我加滿熱水，又可以慢慢飲到底😁

左搵又搵為左搵岩心緒手飾盒仔行到勁累求其搵左間茶記就入去下午茶先好舊式的茶餐廳炸魚柳 加沙律熱檸蜜魚柳炸得超脆炸魚柳包熱好立克魚柳、菜、包係上桌自己併豬扒煎蛋米線熱檸蜜

普通茶餐廳一間， 佢個豬扒飯普通味道偏酸，唔覺有乜特別， 如果要排隊 真係無謂排， 我覺得大家樂一哥豬扒飯好食啲添， 佢杯嘢飲就正常啲， 如果用茶餐廳水準講，佢個豬扒飯其實真係偏貴

想不到一家位置偏遠的深水埗餐廳, 外表其貌不揚, 但其焗豬扒成了城中名物, 有排隊慕名而來的人龍, 也許就是上過某YouTube Channel的威力, 比起上個電視更能吸引到食客的眼光. 說到價錢方面, 一碟新鮮即焗的焗豬扒飯連餐湯及餐茶, 價格大約六十多元, 對比起連鎖快餐店五十多元的定價, 相差不大, 但更有風味.焗豬扒飯上碟夠熱夠燙, 沒有倒汗水而只有大量剛出焗爐的蒸氣, 再加上微焦的表面, 外表已令人垂涎三尺. 沒有芝士也沒有菠蘿, 口感正宗, 沒有拉絲也沒有出水的情況. 醬汁酸甜度濃烈但平均, 沒有其他味道夠直接, 豬扒夠大塊, 厚身之餘肉質夠嫩, 而這種嫩不是落鬆肉粉能做到的自然, 醬和豬扒處理得出色. 炒飯底的蛋香夠, 呈現金黃色, 但質地可以再乾身一點, 只差少少便能完美.Star River Restaurant is famous for her baked pork chop rice. It doesn’t have any cheese or pineapple that provides the original taste and texture to

前排YouTube有人介紹話依度嘅焗豬扒飯世一，所以黎試下！餐廳係一間比較懷舊小小嘅餐廳，聽得出入邊多數都係街坊黎😂我哋夜晚平日七點幾去到已經全部滿座。咁我哋就叫咗兩個都係焗豬扒飯～一開頭佢會有餐湯再加一舊包。佢冇問我哋飲咩湯不過呢度就係白湯我見隔籬枱有紅湯飲。個白湯不過不失不過個麵包就唔係脆既，但係點落個湯度都OK！焗豬扒飯係冇芝士嘅，因為其實傳統嘅話係冇芝士。但係比我想像中好食！我覺得最好食係佢個豬扒整得勁林又入味！佢個飯係炒飯底黎，最尾我都食晒成個！不過佢真係即刻焗出嚟所以都幾熱下😂然後嘢飲我哋就叫左凍奶茶，係我鍾意嘅濃茶底味道～

MM介紹既 #星河餐廳 #港式焗豬扒飯 到底係咪真係咁好食呢🤣？〰️ 星期六下午五點幾去到貼咗張「已售罄 六點再開賣」好彩無摸門釘 環境方面 舊式既茶餐廳 滿滿人情味〰️一到店幾乎每枱清一色要焗豬🐷傳統港式焗豬扒飯 無芝士無菠蘿 醬汁係用鮮蕃茄製成 詳細製作可以去睇MM〰️🐷焗豬扒飯 配是日餐湯 $78是日餐湯係南瓜忌廉湯🎃味道不錯 幾creamy 仲有南瓜碎〰️有小時候既味道主角焗豬扒飯 蕃茄汁偏甜🍅因為無芝士 所以焗完唔會有明顯焦香 口感上會比較單一 我自己就比較中意芝士 會香啲 邪惡啲🫣豬扒厚度正常 肥肉較多 炒飯底粒粒分明 但就缺少咗蛋香🤔整體我個人就覺得還好 無令我眼前一亮🤣〰️可能始終都係食懷舊味道吧♥️

舊區嘅舊餐廳格局係咁 枱面都舊到一撻撻變色但係乾淨嘅兩星期換一次嘅午餐餐牌揀咗特餐 有埋紅湯白湯嘢飲揀咗白湯大大伏好稀好稀得兩片蘑菇係入面海鮮焗飯麥樂雞size嘅魚柳幾隻超細隻嘅蝦仔青口一隻蟹柳 魷魚 幾粒以為叫焗飯就實唔會中伏世事難料好彩 熱檸水係正常嘅埋單$68食完餐飯成頭問號$68喺深水埗可以食到三盒燒味飯有找可以係大家樂食個焗豬$45仲要深水埗咁多選擇 兩步一間餐廳唔係賣平 質素更加唔洗講..究竟點生存到會唔會係我唔好彩啫？

金舌頭介紹既當然要去捧下場啦！呢個焗豬扒飯酸味撲鼻。蕃茄汁冇蕃茄冇芝士，偏酸，十分開胃，其酸度尤似食緊生炒排骨。豬扒都叫半淋，份量足，帶骨。炒飯乾身帶有蛋香，讚！順帶一提紅湯好味道，必試！

室內環境較暗，初初感覺不太好，因為怕污糟但細看地方還是清潔的。十一時多早餐尾聲時段，選擇不多只有麵餐供應。所以簡單點了五香肉丁米加熱菜蜜-$34。價錢合理水平，但上菜後發現驚喜！五香肉丁和麵分開上，五香肉丁是一整罐分量，分量之多遠超一般茶餐廳！另一點要讚是分開上能減少麵吸收肉丁中的油。雖然本來是不健康食物，少吃一點油心態還是良好一點！米粉是福字面，成本應該比一般米粉貴，可惜我不太所賞，個人較喜歡爽口米粉。作為五香肉丁Lover一定會再來！

🟡大南街懷舊茶餐廳🟡-大南街自從多左好多cafe後熱鬧左好多，但除左cafe外，都有唔少老店值得支持架😋。星河餐廳一行入去就感覺到個種懷舊情懷撲面而來，夠懷舊梗係要支持下，而野食都係一貫既茶餐廳風格，即係乜都有得食，所以點都揀到食乜既🤣。-司令食左焗豬扒飯($78)，平就唔算好平，但成個餐包左餐湯、大份焗豬、飲品，食完飽到上心口，算係相當合理！食焗豬最驚係唔夠汁，好彩佢地唔止個飯底比得多🤪，連豬扒同茄汁都相當慷慨，茄汁係偏酸甜，食落真係有番茄同洋蔥，大塊豬扒唔算好厚，但剛好軟淋，加埋黃金色既炒飯，仲焗到有少少焦香，食完好滿足😜。

行走在深水埗街頭，可以說是周圍都有食肆，而且，有不少依然健在的食店更可以說是陪著深水埗人成長的。在限聚令為二人的一天，小朋友不用上學，而我又有半天的假期帶休息一下，便一家人去西九龍中心，平平地，行下街、食下野。這次，不想再常常逗留在 foodcourt 飲食了，我們決定出去街外尋。看了幾間不太合心意之後，就在大南街的轉角，讓我發現一個聽左好耐而又未去過的飲食名字《星河餐廳》。店員安排了我們分兩檯坐之後，我們一家四口，來一個平民的下午茶。這《星河餐廳》，是一間老牌的西餐廳。但因為歲月悠久，同格局又未算係去到豉油西餐廳的程度。所以，整體上，仍是以茶餐廳的方法去營運。只是這類型餐廳會著重西餐出品多過中餐的出品。而因為太肚餓，點了午市套餐的我有一個羅宋湯。說羅宋湯，我最喜歡的就是老牌餐廳的出品，因為好多都是足料，菜多、蕃茄多、肉亦多的出品。入口時更有少少可愛的辣味道。而《星河餐廳》的這一碗，就完全符合了我所述的老牌羅宋湯味道了。太太陪阿女坐另一檯，而早就在家打了底的她們，就真真正正地來份下午茶。幫阿女叫的是一份吞拿魚飛碟配薯條。可以說，這是一個非常簡單的茶餐，把吞拿魚三文治夜入飛碟機一夾就是。