星級好德來小籠包店

营业中

休息中

以前喺舊舖都成日去。佢啲小籠包同埋啲麵係全港最，甚至乎好食過中環灣仔啲高級上海菜會所。之前佢閂咗好失望，因為真係搵唔到好似佢咁好食嘅上海麵同埋小籠包。成日揸車經過都諗住睇吓佢幾時開返嗰日心血來潮上OpenRice check點知見到。佢嘅小籠包係必食。皮薄同埋size啱啱好。唔會一用筷子夾就穿咗個皮同埋永遠都有好多湯喺入邊。蔥油拌麵係我食雲泉香港最好食。蘿蔔絲酥餅即叫即炸熱辣辣。上海粗炒直程係食到浸鑊氣。真係好開心佢開返。

炸排骨炸豬排表面的粉薄薄所以不油膩，即叫即炸熱辣辣，炸到金黃酥脆，肉質鬆軟，份量充足雪菜蝦仁蘑菇麵濃郁的湯清淡而不失風味，蝦仁很多隻，用料十足，配上雪菜和蘑菇十分滋味小籠包上海傳統小籠包，薄薄的餡皮包住鮮嫩的肉餡和湯汁，超級好食咕嚕肉咕嚕肉係最愛既菜之一,啱啱好一口一粒，肉質肥瘦啱啱好，外脆內軟，酸酸甜甜非常開胃，用新鮮菠蘿不是罐頭菠蘿今日落住大雨，一出地鐵就到，完全唔洗淋一滴雨，下次一定會再來幫襯

蒸銀絲卷外軟內藏一條條的銀絲，質地細密，口感濕潤有彈性油炆筍清脆爽口，完全冇筍嘅苦味三色百頁卷新鮮豐富蔬菜，清新亮麗美味健康，營養滿分無骨燻魚外酥內軟，火候啱啱好，醬汁濃郁，令人忍不住一口接一口上海粗炒粗麵口感煙韌，椰菜炒至軟身，豬肉絲軟腍， 整體香味俱全蝦多士蝦肉爽口彈牙，真係啖啖肉，多士炸得好脆口鹹蛋黃鮑魚外殼酥脆充满咸蛋黄的香味，鮑魚很有口感油泡羅氏蝦羅氏蝦隻隻脆卜卜，蝦肉Q彈啖啖肉紅燒肉一道令人懷念的經典菜，肥瘦適中，肉質軟嫩，入口即化，醬汁濃郁蔥油海蜇花爽脆的海蜇爽囗彈牙，香蔥麻油味香濃杏汁焦糖燉蛋甜品叫咗杏汁焦糖燉蛋，很濃滑，唔會太甜一定要試總結：坐得舒服，服務好。從舒適的用餐環境到精緻可口的美食再到優質的服務，令人驚喜，要揾一間所有野都好食嘅餐廳真係好難。合理嘅價錢就食到正宗嘅上海菜

招牌小籠包👍皮薄汁多酥皮酸辣湯酥皮焗得金黄剛剛好可惜酸辣湯太咸上海炒年糕一上枱賣相驚人必食鍋貼正正常常黄橋燒餅👍搬咗新店第一次光顧！可惜員工服務麻麻！打著星級，但食物又不及舊舖美味！！

以前喺後邊條街食過，價錢適中味道可以。今次有朋友話我知，喺恆豐中心LG重開，於是去試吓。睇完餐牌，發覺價錢居然和翡翠小籠包相若。但裝修只是一般的茶餐廳質素。仲要收加一。睇個樣應該捱唔住。唔係香港人北上，而係你咁嘅質素收咁嘅價錢。奉勸老細一句，睇吓人哋翡翠小籠包收幾多錢，你再衡量吓自己啲嘢同人比較值得收幾多錢。唯一要讚的是夥計，會自動同你加水。小籠包同鍋貼，味道可以。擔擔麵就水汪汪咁樣。高力豆沙都可以，豆沙餡裏有少許桂花味道。

餐廳位置方便，地鐵佐敦站一上就係恆豐中心，唔洗日曬雨淋店員親切有禮服務好好成日過嚟斟茶 烤夫香香甜甜，嚼起來有彈性，濃重的醬汁從孔裏滲出，回味無窮醉雞雞肉鮮嫩白香，入口即化，汁水充足，帶淡淡酒香必食鍋貼煎得金黃香脆，餡料新鮮肉汁豐富上海春卷即叫即炸，炸得夠脆，冇油膩感黃橋燒餅燒餅色澤金黃，外觀美觀，外皮酥脆，不油不膩上海炒年糕口感軟糯，配撘東菇同蔬菜，份量充足蘿蔔絲酥餅一咬落去滿滿的蘿蔔𢇁，酥餅十分酥脆銀芽鱔糊份量充足，入面有好多鱔，鱔嘅比例出奇地多。鱔肉爽口入味，芽菜索曬汁流沙煎堆咬一啖煙煙靭靭流沙餡咇曬出嚟，冇油膩感，甜度適中糖醋排骨炸得啱啱好，外脆內軟，酸酸甜甜的醬汁，加上新鮮菠蘿洋蔥青椒十分下飯招牌小籠包皮薄餡靚，一咬落去滿滿的美味湯汁和嬾滑肉餡

舊店常客知道係恒豐重開，興奮期待！！一打開餐牌，嘩！價格貴左20-30%起。。。好的，因為對舊店有信心，俾一次機會懷念下。上菜，每碟餸比起舊店平均縮水1/3，數學差的我計晤到即係總數貴左幾多%。。。🫠呢碗麵5啖都無，計埋加一差不多一百蚊，無味晤好食！三個人點了八個餸一杯茶一枝豆漿，埋單差不多7百，吃了個空虛！永遠無下次！亦明白點解星期日晚市甘清靜！

小籠包皮薄好食 蘿蔔絲酥餅 鬆脆可口上海粗炒沒什麼驚喜且價錢太貴很多菜式需要預訂 建議預早詢問店家，先做功課預訂最後，整體價錢偏貴建議作出小量調整或者增加一些套餐選項

**小籠包:**必點- 皮薄多汁,可見店家在製作工藝上下了功夫**排骨麵:**- 排骨肉質厚實多汁,沒有過多油脂- 湯底仲清雞湯清澈爽口,平衡返排骨的濃味**蘿蔔絲酥餅:**- 熱辣酥脆,口感出色整體三樣都係即叫即做，真係好有驚喜此外,店鋪整潔,服務人員有禮貌,這些都是非常難得的優點,尤其是在當下香港餐飲業普遍服務水準參差的背景下綜上所述,這間小店確實給我們留下了非常好的用餐體驗，我們定必再二訪

味道還可以，沒有看餐牌的價錢，付款時候感覺有一點貴。再看清楚每道菜的收費，嚇了一驚，因為份量比起價錢實在太不相宜，雖然味道還可以，但也沒有想再次幫襯，因為性價比實在太低，份量少得很。比方說，回鍋肉一個菜式，已經價值港幣$188 ，份量只可以供一人食。而上海粗炒的價錢是$148 ，份量少得很，性價比極之低。黃橋燒餅，份量亦是太少， size亦很少。希望餐廳可以給我一個回覆，因為感覺上價錢與菜單嘅性價比實在不相宜。

星期二夜晚7點入座，餐廳座左一半左右。餐廳環境簡潔光猛。同屋企人一齊共8人，冇訂位可以直接入座，員工都好有禮貌，推介餐點比我地。必食窩貼 餃子底部煎到好脆，入面仲可以保留到肉汁👍招牌小籠包 皮薄多汁，夾起時個皮又唔會爆👍紅油抄手 唔係好夠辣酸辣湯 好飲，夠酸上海炒年糕 好味，只係份量太少銀芽鱔糊 鱔肉彈牙雞絲粉皮 粉皮好滑鹽水牛𦟌 有少少麻油味黃橋燒餅 個皮好鬆化鮮肉小雲吞 味道清淡食物質素都幾好，但份量有啲少。比較推薦窩貼、小籠包、炒年糕。呢間餐廳好近地鐵站，雖然好方便但係位置唔起眼。

今日經過佐敦，咁啱見到呢一間老字號重新開店。以前喺德興街好多年，尤其係小籠包極之出色。 現在相隔多年後重新見佢有開舖頭，即刻入去嘗試叫返小籠包，味道仍然出色，依然係香港最皮薄多汁嘅小籠包，雖然而家四月叫唔到蟹粉小籠包或蟹粉拌麵，要到10月份先叫到，但已經極之期待了！今次除咗叫小籠包之外，亦叫多咗分上海擔擔麵及酸辣湯雲吞。擔擔面嘅雖然配料唔算好多，但麵質偏幼，而且幾香幾嘢味。酸辣湯雲吞都算OK，不過冇其餘嗰兩樣餸咁出色。

今次到訪主要是想一試小籠包，點了一籠四隻的小籠包，皮薄餡好食，呢個如再訪亦會再encore另試了酥皮酸辣湯，呢個配搭幾特別，但始終還還是喜歡西餐整的酥皮，牛油香會較濃厚忘記了以上呢個炒飯既名，但記得佢炒得粒粒分明，有蛋香，份量亦很足夠順帶一提呢度無水提供，店員會問會想要香片定普洱，每位會收$8/茗茶費。同埋除呢問茶水外，點餐係掃QR code點餐的（感覺加一服務費，有少許不值，因為呢度既食物價錢都偏高）最後點了焗焦糖杏汁燉蛋，呢個甜品有驚喜，焦糖整得好脆，杏汁燉蛋火喉同味道都剛好諗唔到呢間仲食餐廳入邊會有呢個咁出色嘅法式甜品，值得一試

原本在佐敦街角的小籠包店, 前年結業, 上年加上”星級”這名字, 搬到恆豐商場的地庫, 變成商場內的食肆, 價錢比起地舖時候更貴, 但通貨膨脹嘛, 就沒有辦法. 新店裝修光線, 座位間的空間更大, 感覺更乾淨. 以小籠包為餐廳的名字, 當然要品嚐一下被有些食客點名是香港最好的小籠包, 感覺就是有點過譽, 皮夠薄, 餡內湯汁豐富, 但摺型不太美觀, 而且包皮厚薄不太一致, 不是頂後底薄的問題, 而是周邊的厚薄有點不均.典型的客飯點了麻婆豆腐, 做得不錯, 肉粒爽口有脂粒提升口感, 炒夠香也不韌, 醬汁除了麻辣香味, 豆瓣醬的豆香和甜味也令本身的味道層次感豐富. 豆腐口感嫩滑, 也不會煮得糊化, 用來送飯一流, 也比起小籠包更有驚喜.

之前貪近貪平，係深水埗間上海餐廳食小籠包，但係食物資素下降，小籠包d 肉好梅。旺角好多人食個間小籠包又係差左，又貴份量又小。所以好想搵間好食又正宗嘅上海餐館。第一次食好德來，我老公話依間開左好耐，老字號，近來搬左入商場。餐廳唔大，6點幾黎已經冇乜位淨，有d仲訂左檯。我地係經QR code 落單，見到餐牌食品價錢都唔平，蟹粉小籠包2粒要$70。都要叫返普通個d先。招牌小籠包6粒$78，分左2籠，每籠3粒。夾起唔會穿，皮薄豬肉新鮮，好好食。酸辣雲吞湯(有4粒雲吞)$75，酸辣湯唔係出面個d重豆瓣醬味，又唔會好浠似水。料好足，飲完唔口乾，雲吞d肉又係好新鮮。雪菜肉絲炒年糕$108，正正常常嘅一道菜，冇乜挑剔嘅。炸排骨$50，真心好食，成吋厚，唔嚡唔乾炸完仲好juicy，個炸皮唔會同舊肉分開，冇加鬆肉粉有五香粉味。如果想飲茶，就$8位菜茶錢。叫水就應該唔駛錢。總共食左360連加一，感覺d食品新鮮有保證，一分錢一分貨，貴得黎係好味唔係俾行貨你。