星航圖咖啡廳

营业中

休息中

迪士尼探索家酒店今次適逢小B🐰又大一個月就去迪士尼行下，但天氣太熱既關係，就決定唔入迪士尼樂園玩，改為係酒店行下影下相，欣賞下風景同行下商店。係戶外行到咁上下想搵個地方休息下，於是我地就去左✨星航圖咖啡廳叫左個小食併盤 $198 仲買左個米奇老鼠造型既蛋糕$75 俾小B影下相打下卡📸小食併盤入面都算幾多款小食，照燒雞鎚🐣，茄汁肉丸🐷，炸蝦卷🦐，沙律🥬，薯條🥔 仲有兩款口味既味粉選擇...今次撰左酸忌廉味粉米奇老鼠造型既蛋糕入面係意大利芝士餅，蛋糕好鬆軟，酒味唔會太濃好適小朋友口味，但小B🐰仲細就等爸爸媽媽幫佢試下味，大個再帶佢黎食🤣媽媽要自肥一下。

Despite I loved the Archivist, I was at the Explorer Lodge today so I came to have an afternoon tea.I was attracted by the Nemo Waffle as it is not common. The waffle was freshly made and it was soft and hot. However, it was a bit smallerYou can choose 3 flavors for the icecream. However, there were no berries on the waffle compared to the menu though some were still available on the condiments. I felt for $99, they could give 1 more waffle to be a bit more fulfilling.For the tart, actually it w

星航圖咖啡廳-------迪士尼探索家度假酒店我們一家人在酒店住了一晚，去了星航圖咖啡廳吃早餐。早餐性價比高，比自助餐划算，不用排隊，餐廳自助找位置坐，去櫃位點餐，之後取餐，像快餐店一樣，很方便。我們叫了兩份早餐第一份是水果炒蛋窩夫第二份是一口西多士、炒雞蛋、鮑魚通心粉兩份早餐都很美味。價錢人均$200

好耐無去探索家酒店。今次去星航圖咖啡廳醫肚。今次點咗個$268四川菜宮保蝦球加甜點$75芝士撻。個宮保蝦球餐加$78配餐湯、熱奶茶及雪糕。我本人食宮保雞丁食得多，未食過四川菜有宮保蝦球。職員Moon誠意推介。值得一試。個餐係有送餐服務。職員Keith & Moon係分批送每道菜去我張枱。服務水準一流。先上個開胃甘荀湯。湯底濃郁。清甜不膩。好飲。之後食主菜宮保蝦球。蝦球每個比例均等，數量有十數個。混入秘製醬汁，入口爽口彈牙，滋味無窮。一般宮保菜常用花生。但這道菜用既係腰果、番椒、紅辣椒及西芹。腰果每粒都係完整。紅辣椒切碎但不帶種籽，好明顯看出廚師有走種籽這項工序，廚師照顧到食客需要。番椒、西芹用最上等新鮮食材。混入白飯一齊食，新鮮爽口。最厲害之處是傳統四川菜帶麻辣。但這道菜只是微辣。適合小孩子食用。奶茶係用英式茶包。好飲。士多啤梨雪糕係用新鮮士多啤梨，混入雪糕一齊食。食到帶有水果美味既雪糕。呢款雪糕，Movenpick  & Haagen Dazs 都無新鮮士多啤梨水果做配料。芝士撻造型係Duffy & Friends 個Olu 概念。配合樂園個 Duffy & Friends 春日子題

走到Chart Room Cafe，被櫥窗裡的米奇米妮蛋糕吸引住了，這間餐廳唔洗等得咁辛苦，一坐低已經覺得舒服曬😌。米奇蛋糕係個朱古力帽底下藏住嘅提拉米蘇，個蛋糕底濕濕哋，咬落去芝士味又濃郁，唔甜膩，真係幾正！🍰再講吓個米妮蛋糕，佢唔單止有朱古力，仲加入咗士多啤梨味，酸酸甜甜，朱古力唔會過於濃膩，真係諗起都流哂口水。我覺得，喺迪士尼嘅時光之餘，來這度坐吓，食個甜品，真係休息得正啊！兩個蛋糕造型精緻，吸引到我啲口水都嚟喇💦。總括來講，呢次餐廳嘅體驗令人滿意，間店唔單只環境舒適，食物都做得好有心思，仲有得睇睇風景，等等返去睇下午嘅表演前，真係一個唔錯嘅休息選擇。

星航圖咖啡廳一家人去香港迪士尼樂園酒店Staycation，但都搭shuttle番去探索家度假酒店Lunch，因為上次食過呢間餐廳，是樂園中性價比較高的餐廳。焗鮮茄豬扒炒飯豬扒夠厚又大塊，炒蛋飯底好香，飯質煙韌，粒粒分明，醬汁夠多，加埋芝士焗，混合一切食，味道一流。蘑菇湯個湯菇味好香濃，趁熱飲，好正。輕食拼盤呢個輕食拼盤我哋每次必食，今次堂食同上次叫番酒店嘅食，都一樣美味。雞翼肉質鮮嫩，炸完都鎖住肉汁；香烤香腸夠大條，啖啖肉，好正；炸魚魚質彈牙，唔似一般雪藏魚；薯條香脆可口；個拼盤份量唔算少，令你食唔停口。兒童套餐蛋包飯味道正常，不過不失，小朋友好鍾意食；個蛋沙律腐皮壽司好驚喜；飲品可選果汁、水或牛奶，甜品一般，有d水果，我哋加埋落杯乳酪度食，更有口感。整體個兒童餐不錯。

星航圖咖啡廳。最近購買了史迪仔與小甘甜品。小型蛋糕。造型好精美。入口美味。外層朱古力，內層鮮果蛋糕。售價$160。是次是限定食品。供應期至9月3日。餐廳還有提供大量正餐及下午茶小食。一家大細入酒店玩，下午茶最佳去處。

係探索家酒店既星航圖咖啡廳，點咗個$68下午茶餐。有正宗港式奶茶，香滑好飲。配葡塔加米奇菠蘿包。個包賣相好正。食落有菠蘿果肉。個葡塔好香滑。但個size太細。小朋友最鍾意。個人認為整體唔錯。個餐廳橫裝好似Moana電影中的魔海族人。餐廳還出售多款樂園特色蛋糕。唔駛去樂園都可以食到。

今日食評✍🏻星航圖咖啡廳@迪士尼探索家度假酒店試食指數⭐⭐⭐店舖衛生⭐⭐⭐侍應態度⭐⭐⭐⭐((每項5⭐️為滿分)) ·到迪士尼探索家度假酒店staycation 早餐選擇不多復活節假期中餐廳全日供應自助餐西餐廳昨日試過lunch今日唯一選擇係星航圖咖啡廳·自助搵位坐再去買餐攞餐基本上係快餐店模式不過價錢就係貴啲咁解🙃·我哋叫咗兩份早餐1️⃣waffle 炒蛋配橙汁2️⃣一口西多 炒蛋 鮑魚通心粉配橙汁·兩份早餐400有找係貴但點都抵過自助餐·無論大鋪小店我哋都會盡試盡講Follow我哋bw.foodie

以往喺迪士尼食嘢，以一字記之曰，就係「貴」😥 但今次嚟到迪士尼酒店，竟然有意想不到嘅收穫呢🐭🪤💓———私心推薦以下菜式，可以 bookmark 定下次去食！🔖✅ 打卡必備！📸 超可愛😍 米奇造型提拉米蘇🐭✅ 激抵食🤩 邪惡巨型焦糖爆谷🍿 店內只售💲4️⃣0️⃣———❝ 焗鮮茄豬扒黑松露飯 | $178面層茄醬非常鮮甜，加上大大塊軟腍豬扒、焗至微焦嘅半溶芝士，焗豬愛好者表示大滿足！不過最神奇嘅係，豬扒底下暗藏蘑菇、三色豆、黑松露，雖然唔太新鮮但可以接受🤔評分：6.5/10———❝ 忌廉南瓜湯 | 跟餐免費每個主食都會跟碗南瓜湯，雖然唔及高級餐廳嗰啲咁 creamy 濃郁，但南瓜味道非常甘甜，而且大大碗、熱辣辣，非常暖胃☺️評分：7/10———❝ Tiramisu（米奇老鼠造型）| $70米奇老鼠外殼用上黑、白兩款朱古力，味道驚喜地唔會太假，亦唔會過甜。打開裏面嘅 tiramisu 散發淡淡咖啡醇香，酒味較為突出。食到最後有海綿蛋糕墊底，整體口感幾豐富呢✨評分：7.5/10———❝ 迪士尼爆谷桶 | $40爆谷粒粒爆香，香甜焦脆，完全停唔到口。成桶爆谷有手臂咁長，非常巨型，呢

係探索家酒店，如果有小朋友，建意係星航圖咖啡廳，點返個三色意大利雪糕。售價$99。賣相好正。個朱古力匙造功精美。三款口味雪糕屬高檔雪糕。情侶一份兩位分，咁就好sweet。環境好重亞馬遜河流域。服務員Alexis Chan好細心。附送温水一杯。好專業。

迪士尼探索家酒店內的餐廳, 客人由侍應生安排坐位後, 需自行到付款處落單兼付款, 之後有個機仔比你, 當食物準備了時, 機仔會響, 需自行到付款處取食物, 同快餐店一樣, 可能因為咁所以價錢都比較大眾化~#風乾火腿芝士長Pizza一塊長形Pizza, 唔算多饀, 但食落口味道都唔錯, 但個Pizza 邊好硬, 唔好烤咁乾會較好。#韓式炸雞配泡菜炒飯呢個有驚喜, 味道好好, 泡菜炒飯唔辣, 韓式炸雞好脆, 仲有沙律拌碟, 正兩個餐都有碗粟米湯, 係用真粟米+忌廉整, 味道好濃烈粟米味

探索家酒店大堂下面有三間餐廳。其中一間係星航圖咖啡廳。這間食肆係快餐類型。我點咗個星航圖肩麵包套餐。個賣相好似意大利薄餅。個薄餅係全素。素食者就最啱。個南瓜湯好美味。好重南瓜味。飲得出唔係鑵頭貨。個薄餅好重水牛芝士味。野菌好鮮甜。快餐無加一服務費。一家大細最划算。個人誠意推介。

入得黎Staycation當然係食野時間就返Playroom時間啦🤣所以我地2點開始食，食到3點就去隔離海底奇兵Playroom玩，時間岩岩好！小朋友Order既肉食Pizza+大人專屬既甜辣炸雞+泡菜炒飯😍肉食Pizza有Parma Ham、辣肉腸、沙樂美腸、芝士，材料好豐富，雖然得四塊但係兩個小朋友食哂成個Pizza🤣飽哂！大人既甜辣炸雞+泡菜炒飯就無乜特別，飽飽之選🤣不過個炸雞味道幾好，唔會一味死辣👍🏻👍🏻順帶一提，可以問店員拎免費水飲（如果叫左小朋友套餐就唔好要水啦，要果汁啦）

迪士尼｜星航圖咖啡廳 𝓔𝓹1兒童套餐-農場雞蛋奄列飯配蕃茄汁 $125- 對小朋友來講都幾大份，多到食唔曬🙈- 見到小朋友都冇特別挑食，樣樣都有食一半以上，所以我估味道都係好味嘅🤣❤️肉丸意大利粉配蘑菇汁 $175- 肉丸係麵粉質地，冇咩肉嘅口感- 個汁就正正常常，但食唔太出係咩味😂星航圖扁麵包 $175- 意大利青瓜、蘑菇、彩椒、水牛芝士- 巴馬火腿、沙樂美腸、辣肉腸- 烤雞肉、牛油果- 整體幾大份，亦都好多料👍🏻炸豬扒解茄黑松露飯 $175- 雖然外型唔算討好，但味道係好嘅- 炸豬扒好厚，唔會淋曬- 白飯入面有蛋碎，連埋茄汁同芝士食好正😋💕炸魚雞翼輕食拼盤 $165- 幾好食，仲keep到熱辣辣- 份量就唔算多餐湯- 南瓜湯 ($0)- 餐湯幾好飲，好濃南瓜味，幾creamy三色自家制意大利雪糕配時令野莓 $99- 雪糕唔濃味、但幾滑- 匙羹都食得，係朱古力做嘅～- 重點係topping可以無限任加😝🔺無加一服務費整體而言▪️味道 3 / 5▪️環境 2.5 / 5▪️抵食 3.5 / 5📍觀塘開源道60號駱駝漆大廈3期1樓J室