星輝菜館

营业中

休息中

元朗區值得推介小店！已經食過多次晚飯，油浸筍殼（蒸也好味），炸子雞要預訂超好味，炸生蠔粉漿脆香，鹽水雞腳、小炒王靚料送酒一流💪其他美食有待大家發現😂支持小店。星期六日記得預早訂位😉

价格贵，可能因为有冷气吧……服务挺好……但真的性价比不高。大排档的座位，酒楼的收费豉汁炒蚬148，今天基围虾的价格是398……总之味道不是很差，但也算不上出众，配上这个价格，我自己觉得下次不会再来

網上Order揀咗6點取，6點02分顯示可取餐，等咗半個鐘先有，負責人話只接單無話幾點得，凶神惡煞，服務態度奇差！黑椒薯仔牛柳粒只得青椒同Yip都梅晒嘅牛肉仲要收百幾银，無下次

經朋友介紹去試。😝😝聽聞呢到豬手好出名重極力推薦。🤔🤔所以我都點左。另外再叫左鮮魷蝦醬炒通菜、沙薑蟶子、🥭芒果蝦球。真心推介沙薑蟶子，估唔到沙薑同聖子咁夾非常好味。😍😍芒果蝦球，比較普通只係炸蝦球加沙律醬再用芒果判斷。☺️☺️最後要講一定係脆炸豬手，由於佢係切開嚟咋所以有啲位揸得比較乾身好牙硬。唔算太差。🤪🤪係有D位較硬同煙韌要小小時間先咬得開🤣🤣整體來講都算好味，亦都唔算太突出。

元朗小有特色家常小菜今晚試了炸豬手，上菜時是會骨肉分離，唔錯！係邊位肉乾咗少少虾醬通菜炒鮮魷，蝦膏味非常重通菜鮮魷炒得剛剛好沙薑聖子，佢係用新鮮沙薑，味道同聖子非常夾芒果蝦球，真係有芒果食仲要係凍嘅，虾球炸完都好爽脆

好正，有水準乳鴿炸得好味！鵝腸唔錯，有黑柏葉呀笋殼魚要炸才好味小炒王好好味，我對這菜式改觀。我在荃灣食過一間，難食。墨魚餅唔覺有墨魚味最後叫多碟鵝腸黑柏葉！配藍味啤酒，一流隔離三枱慶祝生日，暢飲干邑，我好想飲番杯

昨晚和幾位男士光顧, 點了1. 酥炸生蠔: 炸漿很薄, 攤凍了仍然酥脆2. 油浸筍殼魚: 魚本身味淡, 但配合魚汁就很好吃3. 小炒皇: 韭菜嫩口無渣, 但蝦乾太少, 亦冇加菜甫, 唔夠惹味4. 椒鹽鮮魷: 炸漿調味可以重手一點5. 炸子雞: 比較硬, 不推介6. 鹽焗花螺: 有淡淡的鹽香味, 賣相特別但味道一般, 不推介7. 蒜蓉炒油麥菜: 豬油渣數量太少, 印象唔夠強烈, 味道還可昨晚看見菜牌上仍有很多選擇, 應該有未被發掘的美味, 下次要專攻呢啲滄海遺珠

呢間餐廳係屋企附近 之前行過幾次都見好多人喺裏面今日我就決定兩個朋友去試下叫咗呢幾款食物椒鹽九肚魚:皮脆肉嫩 魚肉真係嫩到不得了 時間掌握得太完美墨魚餅: 脆身內面彈牙有咬口 招牌雞煲: 唔會太辣 香濃 芫荽辣椒蒜夠惹味 雞肉嫩滑 煮耐左都唔會太鞋口 底下有年糕夠煙靭 油鹽水花甲:夠晒新鮮 大大隻有肉食 底下粉絲吸晒精華整體食物質素好好 樣樣嘢食熱辣辣上枱 份量又夠多 炸野夠香口 雞煲夠惹味 重點係服務好好 個老闆會不時同你傾下偈幫你斟酒

筍殼魚，乳鴿， 黃金蝦必試！！！個筍殼魚炸到連啲骨都食得，炸得好鬆脆😍鹽焗花螺好鮮味🤭海鮮整體嚟講好新鮮！唔會煮到過曬龍(試咗個粉絲蒸帶子就知道 )我瀨尿蝦都煮得好入味，又新鮮🤤個雞煲有驚喜！有年糕底💕個炒面都唔錯，唔會油lum lum.仲有個豬油撈飯唔係度度都食到👍下次一定要試埋佢個豬手，見到隔離枱嗌，都好似好正咁。下次一定再去幫襯😍西鐵站行過去都係十分鐘就到 .而且又可以book枱， 冇限時，唔會趕你走.

都算係近期食過最有水准粵菜 ，但地方好細，好似加埋無十張枱，所以預咗要等位，冷氣都夠，但坐就唔係幾舒服，預咗食完就要走，價錢都略貴，可能因為佢自己都認為出品 ok 啦 😅 都會有下次

前些時候跟老公吃了一次, 但只可吃一兩碟. 這裡的份量很足, 一碟小菜足夠一圍人吃. 今天正好有四人食, 可以叫多些款式. 今天叫了五味菜: 1. 豉汁白鱔 - $158, 非常足料, 味道好, 鱔很肥美, 值得推介2.  炸墨魚餅 - $98, 有8件, 抵食, 很鬆化, 不油3.  炸大腸- $98, 好脆, 不油4. 小炒王- $108, 比較乾身, 如有少許汁, 加XO醬炒會好d5. 炸子雞 - $188, 半隻, 其他款色雞抵食d, 只需$108 小菜夠鑊氣, 不太咸. 今天的敗筆是叫了太多炸物, 下次要平衡些. 順帶一提, 這裡有豬油撈蒸砵仔飯吃.

近期行過見到呢間新開嘅小菜館，趁住假期黎試下。我地book左6:30一張6人檯，去到唔駛等就可以入座。豉汁蒸白鱔 $158 白鱔有鱔味，豉汁送飯一流香脆炸墨魚餅 $90 墨魚餅熱辣辣同超脆，幾爽幾彈牙，其實唔點泰式醬都好味黑椒薯仔牛柳粒 $128 牛柳粒味道唔錯，唔會太過火，薯角配黑椒汁都幾惹味咕嚕肉 $78 咕嚕肉小炒必叫，酸酸甜甜幾開胃四季豆鴨舌 $95 一直以為四季豆要配欖菜肉鬆，好少會配鴨舌，估唔到又match到油鹽水花甲 $128 花甲好新鮮，仲有粉絲墊底，都算入味豬油撈飯 $20 砵仔飯再按個人口味加上豬油同豉油，平日食白飯多，呢個好少試

小炒王好乾身😆， 不太油油鹽水煮花甲😀， 花甲好肥冇沙豉椒炒蟶子皇😚， 豉椒啱啱好唔會太熟， 蟶子皇口感不會林啤啤爽爽地，剛剛好炸乳鴿炸得啱啱好😁😁， 唔會太肥啲肉好嫩， 咬落去啲肉汁係咁標出嚟， 炸乳鴿是必食 60蚊一隻🙄🙄🙄🙄薑蔥炒蟹好多薑蔥🤔🤔， 油浸筍殼😆😆😆， 佢嘅刀功好好影相出嚟真係好靚配埋佢嘅甜豉油食啲魚真是正魚嘅鮮味無比油浸而減低左， 本來仲想叫薑蔥蠔煲和 豉油王蝦碌， 但係已經好飽冇叫到

介紹間好野比大家,新舖入去試下，今日食左油浸筍壳，炒油麥菜，酥炸生蠔，炒聖子，仲有最愛食既豬油撈飯。 初初先黎炒野，都算ok幾好，菜夠鮮嫩唔會老，聖子好大隻好鮮。後來再上炸物真係不得了，油浸筍壳真係屋企自忍煮唔倒，一試之下。哇，真係外脆內軟超好食，簡簡單單點鼓油巳經好鮮味， 再上炸生蠔，每隻蠔都分開唔痴埋一齊，需然蠔唔係特別大隻但呢個size兩啖一隻真係岩岩好，外面超脆口，裏邊鮮嫩多汁，好真係好耐未食過咁好食既生蠔。呢一味真係個人特別特介 必點項目，正所謂有圖有真相，自已看相片吧。 後來先發現原來店裏有豬油撈飯，真係點飽都忍唔住點一個黎撈下。豬油撈飯真係好香，店家用蒸飯黎撈 粒粒飯分開。。因為只係得兩人食飯 ，試唔倒太多款式，真係一定要自已要黎試下。元朗建德街19號 星輝菜館

食材新鮮，味道超水準，油浸荀殼魚，外層香脆透骨，内裏魚肉仍超級軟滑，廚師手藝真的喜出望外。看似平凡嘅蒜蓉炒油麥，竟然用上豬油渣配合烹調，滿口油香，但油而不腻。炸生蠔確實出色之作，炸漿薄而香脆，生蠔肉汁鮮嫩.元朗區又一美食打咭之選。