星點心專門店 (已結業)

眨眼間有2幾個月冇嚟過（星點心）唔太肚餓落嚟食個下午茶，食物依舊不變分量正常，我每次都必叫嘅米網蝦腸，脆皮米網腸曾經喺早幾年好多酒樓都有做,熱潮過後就少咗地方有做，整體食物，在長沙灣道計大南基隆白楊街呢邊，距離地鐵站遠dd但我覺得佢好食嘅，牛柏葉有好耐冇見過嘅玻璃兜，而家酒樓都好少見，牛肉有撻過有入味口感頗好，蝦餃冇乜肥透明粒，同區有間好出名嘅點心樣樣裏面都超過一半肥粒，所以呢間這無肥粒我好滿意，而味道係比平時嘅酒樓點心淡少少同無咁油肥，，感覺健康啲，6蚊一位茶，冇加一服務費

成日行開界限街呢邊試過附近幾間酒樓都發覺無邊間特別好食，所以每次都係嚟星點心飲早茶，附近泊位唔多，揸車過嚟都好難搵位，難得咁啱今日過呢邊又有泊車位，連平時要等位嘅星點心今日都唔駛等，咁就一定要再幫襯啦。大大話話幫襯過十幾廿次，平時要等位無嘢做一定次次喺門口認簽名，都好多明星留過名，今日有位直入就唔駛咁無聊喇。每次同朋友嚟一定會一人一碟虎皮尖椒，星點心嘅虎皮尖椒係我食過全港最好味咁濟，今日影呢張相個樣無咁靚，但食落味道依舊，煎到好香，又唔會太辣。以前有黑松露百花魚肚又係我必食，但近幾個月都轉埋餐牌無得再食，希望遲啲會有返，咁就唯有食棉花雞頂住先，味道都好好，但始終百花魚肚有舊蝦膠食落質感好過食雞。而腸粉雖然唔係皮薄但餡靚同埋好足料，一夾起實會跌到啲叉燒出嚟。其實so far星點心樣樣點心都好味道，一食就知唔係啲大陸製嘅預製點心，店心專門店嚟講算係高質，但奈何間舖太細，又多公公婆婆坐喺度打躉，好多人都唔想排就走咗，九龍城間分店好少少嘅，但希望長遠再開多幾間分店，等好多人幫襯吓啦。

深水埗臥虎藏龍美食處處，問題係你識唔識得去搵，有間食點心喺界限街同基隆街交界，唔係大街大行唔係旺區，則邊布行整車造膠片，門口細細行過咗都唔知原來裏面係食點心。見到門口咁多簽名，先好奇望一望發掘左一間食店。一入到去鋪仔細細，有啲似添乜運格局，茶錢唔係貴，品質仲好過啲屋邨酒樓。試菜食基本野，蝦餃燒賣牛肉球少不了。因為腸胃有限，叫得唔太多。蝦餃爽口彈牙皮薄仲有少許筍，唔鹹唔淡味道適中，食完都無口渴嘅感覺，如果多番少少汁就完美，老實講，淨係呢個蝦餃已經贏過大部份大酒樓。蝦肉燒賣就食到豬肉切粒而唔係絞碎豬肉，除咗頭先所講嘅鮮蝦味，呢個豬肉味非常出，肥瘦比例啱啱好。不過乾蒸燒賣就非常失望，好大梳打粉味，食落有乸口嘅感覺，而且無牛肉味，好彩係叫鴛鴦，都係輸咗兩粒燒賣啫。至於個黑松露百花魚肚，都係啲gimmick野，當然係食唔到黑松露味，幾廿蚊食兩塊野，性價比就差咗啲。另外值得推介就係脆皮蝦腸粉，簡單來講就係鮮蝦腐皮卷外邊包個腸粉皮，估唔到有幾好食。我喺第度食嗰啲變種，就係用炸兩包住個蝦餃，口感同呢一個爭好遠，始終用腐皮簿啲好食啲。至於個煎釀茄子係用蝦膠做，不過蝦餃無調味，唔係好夠味。食食吓聽到啲人話

☕飲茶唔一定朝早嘅😆之前同friend食過呢度點心好味😋尤其喺灌湯餃🥟😍所以收工同老公嚟呢度飲茶呢度瑤柱灌湯餃🥟皮薄又足料食過呢度係返唔到轉頭仲有我最愛嘅干蒸牛肉燒賣😋唔係間間酒樓有得食另外滋補藥膳鳳爪，鳳爪好淋，藥材湯味濃😋我全部飲哂其它點心有：蝦餃皇🦐燒賣皇🥟黑松露鳳眼餃，脆皮蝦腸粉都唔錯😋所有蝦都爽口仲有個香脆蝦春卷，新鲜炸起熱辣辣好香口平時唔食青椒虎皮椒嘅老公😊呢度香煎虎皮椒佢竟然都會食總括都會再來幫襯👍樓面姐姐都親切友善

以前飲茶都係一家大細齊齊去不過因為疫情關係都好耐無去飲茶今日止下癮連食評都無睇就叫左呢幾樣野問心。。都真係好一般咸水角黎到都淋哂其實細心小小係外賣盒到整返個窿比佢透透氣會好好多燒賣-正路唔肥唔瘦岩岩好鳳找-夠味山竹牛肉都係正路4樣的份量都偏細唔難食正正路路

懶人包：唔好去，唔好食，樓面服務差叫咗六樣嘢食，頭15分鐘上咗三樣蝦餃拼粉果 個粉果皮勁削 一夾起已經散哂蝦餃就冇乜特別 同急凍點心冇分別🥴菠蘿奶皇包 其實就係普通嘅菠蘿包之後包雞尾餡咁 $24/3隻 抵唔抵就見人見智啦🤭鳳瓜 個芡打得太勁 隻色睇落好深色但係冇乜味 😊之後個3樣就要等半個鐘先有嘢食 追問阿姐 佢就話要蒸15分鐘先得 但我哋話我哋等咗30分鐘啦喎隔離檯遲嚟叫一樣嘅嘢食都到咗啦喎 跟住佢仲死拗話人哋坐低先早落過我哋☺️👏🏻 佢呢個講法同香港某金牛座林女士係冇分別架👍🏻 唔好懷疑點解冇相 係咪假嘅？食到啲唔好食嘅嘢仲要態度唔好 真係唔會有心情影相在此比個忠告大家 真心嘅 千祈唔好去食 大伏啊！🙂

早起的鳥兒有蟲吃😊即興約埋朋友飲茶食點心😋自從之前食過呢度既灌湯餃真係返唔到轉頭😍藥膳雞腳有最愛的藥材味道，啲雞腳浸到入哂味（我又飲哂啲湯）🙈入口內脆皮滑的油炸鬼蝦腸食唔停口👍香噴噴土魷肉餅飯配自家製甜豉油不得了😋帶濃郁的黑松露味的鳳眼餃👍鳳爪入哂味.啱晒我呢個鳳爪怪🙊蝦膠釀茄子.蝦膠彈牙配肥嘟嘟的茄子.好好味呀❤️今日OpenDay可以放肆地食🤟其實我地唔止食咁少，掛住食有啲唔記得影😂

其實依間野真係唔去好過去依家咁嘅疫情下啲呀姐可以把隔開每枱客嘅板放落地下之後再上點心放完點心再放返塊隔板上枱而且上點心之前都唔會同你講聲“小心呀，有點心上”鬼鬼崇崇喺你後面車啲點心上枱依啲真係高手中嘅高手真心態度又麻麻無野食嘅都唔會再入去食囉

一早放工去附近飲茶 第二次來 因為第一次印象幾好 7點半 在座我們最年輕叫左茶就order 為咗新鮮感 今次試其他點心 有一樣encore 因為第一次好食 脆皮蝦腸 但今次大失所望 粉皮唔完整 有損痕 排到唔整齊 包到甩轆 賣相唔合格 食落都無上一次咁好食 煎堆仔奶皇餡 熱口食 fusion感覺可接受 唔甜膩呢個賣相滿意 虎皮椒有點燶 炸過籠 較鞋口 紅棗糕太淋 入口成糊 完全沒有煙韌口感 紅棗味不足 香味更不要說 比較過往食既 完全唔達標準 菜苗餃用韭菜 餃皮照黏 夾唔起就爛曬皮燒賣一般 牛栢葉都一般 有啲太韌 唔夠爽整比第一次差得遠 加埋茶位$176 飽肚感十足 茶樓來講算靜 不過廚房師傅人手少 要等耐啲 還可以接受

來了幾次，可以肯定值得寫好評。就算冇明星效應，都會來吃。唯一係地點吊腳少少，但有好西吃，行多兩步仲嫌咩呢？！吃了蝦餃燒賣，水準已好過平時d 茶樓了。腸粉，厚度適中，豉油甜度夠。鳳爪排骨飯，反而係驚喜之作，蒸飯底，排骨嫩滑部位好，鳳爪入味不太鹹，蒸飯豉油是精髓，畫龍點睛。油炸小品都好好，咸水角，大細剛好。所有食物份量適中，唔會太多而食唔到多幾樣嘢。建議有三五知己來吃，可以試多幾種點心。絕對好味過添X運以前舊店。

一進店瀰漫着平靜的氣氛，店員親切地問：「飲咩茶呀？有普洱、售味、鐵觀音、香片。」然後二話不說把清潔碗筷放在枱面上，自己沖洗碗筷。點菜需要在點心紙上填寫，我是看到一籠有2款點心來進店的，我一人才可試更多味道！哈哈！（一個人吃太多了吧🙈）滋補藥膳鳳爪 $26藥材味道濃郁，熬製了一段時間的湯品。包括3隻鳳爪、龍眼、杞子、紅棗。鳳爪脹卜卜的很大隻，骨膠原十足🥰味道令久久沒喝到自家湯的我有點感動😂四寶鮮雞扎 $25每間店的雞扎餡料都有所不同，這家的雞扎是用腐竹包著四寶，四寶為豬皮，芋頭，雞肉，粟米仔。對於材料使用粟米仔有點失望，我期望菇類的啊！雞肉大隻又嫩滑，芋頭入口即時化成粉。可惜外皮的腐竹未夠軟腍。鴛鴦燒賣皇 $24兩款都可以試到，適合單支的我。牛肉燒賣彈牙好味！鮮蝦燒賣蝦蠻大隻的可惜粉質較多。推薦！.茶位 $6.❤️mylittle score：7❣️Will I be back?70%

一間被人感覺是星级點心店。最驚訝！茶芥和點心價錢大眾化！(瑤柱灌湯餃)簡直好食過酒樓，令我有满足感係(蝦餃拼粉果)，(香煎虎皮椒)入口不油腻，又爽又乾，(鲜蝦燒賣皇)啖啖肉。快來起筷！

🎐熊大繼續上🥊教練班，熊妹繼續陪熊大食午餐🥣。📍好日唔見，每逢有得痴餐卡肥都會浦頭，係咪真係咁撞岩時辰呢？📍三隻腳👨‍👨‍👧飲茶食點心🥮最好不過喇，一籠三件岩岩好。📍熊妹帶路黎到位於太子界限街新開的《星點心專門店》，聽說好多明星推介及光顧的點心店。📍點心紙圖文並茂，簡單易明，價錢清晰，一款點心$18-$32，價錢幾🈴️理。有選擇困難症的熊妹都好快揀好哂想食的點心喇。神彎菠蘿焗餐包，$20真係菠蘿包，除了面頭正常菠蘿包脆皮，包內仲有餡料，係菠蘿粒🍍奶黃餡，甜甜的菠蘿粒混入係重奶油味的奶黃餡內，口感非常夾。唯菠蘿包應該早上整好放入暖櫃，雖然食落都暖暖的，但脆皮已經不脆了，不過整體味道還是很好的。蝦餃拼粉果，$24📍幾好喎，有兩款點心的配撘，一籠試整兩款口味，唔洗叫兩籠又食唔哂。蝦餃皮薄蝦料多，非常彈牙！卡肥最愛吃粉果，話皮唔算太厚，餡料都足，食哂兩件。瑤柱灌湯餃，$32📍熊大一見到有灌湯餃就嚷住要食，熊妹無熊大乎。📍一上枱，熊妹見有湯飲即刻心心眼😍，急不及待地拿拿聲舀了一口湯試試味，好鮮味喎，唔似味精湯。熊大叫都叫唔住熊妹，生活經驗比熊妹多的熊大話其實灌湯餃唔係就咁食架，係要用湯匙🥄整爛大大

地方唔大，坐得帶少少迫，不過都坐得舒服點心選擇好多呀，叫到成台都係，瑤柱灌湯餃 $35十級大粒囉，入面啲料塞到脹卜卜，好足料 神灣菠蘿焗餐包 $20$20咋，好抵食，酥皮好香口，熱辣辣好好食流沙煎堆仔 $18入面啲蛋黃好濃好深色，好香咸蛋味，外皮鬆脆，好正佢地既點心係即叫即整，所以等既閩間可能會耐少少，但係每樣味道，賣相同份量都好帶水準，不過地點距離地鐵站有少少遠，需要行一陣先到

呢間嘢嘅食物普普通通過得去啦，但係對待客人嘅態度就有啲差。 首先我嗰日下午茶時間去到，人唔算太多，都有五六枱， 我哋兩個人坐咗喺熱水爐嘅旁邊。 阿姐每次開熱水都好鬼嘈，其實都幾影響食客， 其次嗰個所謂熱水爐沖啲茶出嚟 一啲都唔熱，啲茶都冇乜色水，又唔香。 跟住我哋先叫咗三碟點心， 到嚟嘅時候都係好熱嘅，味道都唔太差 。喺我哋悠閒地傾下偈食緊點心嘅時候， 大概四點幾喇，有一個阿姐就攞一桶漂水喺度拖地，嗰啲漂水濃烈嘅氣味絕對唔係1比99咁簡單！我覺得真係好影響食客。 喺我同我個朋友談論緊點解有食客食緊嘢嘅時候，用啲咁濃烈既漂水喺度拖地嘅時候，坐喺門口有一個睇落去似乎係老闆既人， 佢當時坐喺近門口嘅一張枱嗰度，枱面只有一部notebook，無食物冇茶，佢亦都似乎睇到我嘅不滿，但係冇任何表示嘅行動。 好唔容易等到嗰陣漂水未變淡咗，於是乎我哋又剔第二輪點心，今次揀咗個蘿蔔糕，時間大概係五點幾。 慢慢第二輪嘅點心亦都上咗，唯獨是欠缺蘿蔔糕，再三追問之下，阿姐話原來已經賣曬， 就叫我哋揀返同款價錢嘅點心。 一個星期日嘅下午，五點幾就賣曬嘅蘿蔔糕！ 咁佢又走去打單？！打完單都唔話畀我哋知沽清，要我哋再