春回堂藥行

营业中

休息中

係中環辦完事, 天氣熱乎乎的, 總想找個地方清涼下, 再回公司工幹. 唔想行上山去公利, 就立即想起這方便就腳的龜苓膏/涼茶店. 春回堂.這裡除涼菜出名外, 龜苓膏也是其佳作. 30元一碗, 店內另有龜苓膏Corner. 有冷氣, 舒舒服服, 嘆返碗龜苓膏. 一盒盒包裝好, 用膠碗說起的龜苓膏. 其實是方便打工仔女, 買了拿回公司享用的. 不過, 堂食也是同一樣的包裝上檯. 雖方便了他們, 但感覺上不太環保. 而且, 是完完全全的外賣格式, 因為糖水也是用一個完整既膠盒仔, 獨立包裝.呢度既龜苓膏膠質好重. 但藥味不重, 比較易入口. 就是因為藥味不太重. 少了一種苦口良藥既感覺. 苦味只是一般的, 但對比起不少細規模既涼茶鋪連鎖店, 春回堂都算有返少少味既. 不像某些涼茶館, 俾既只是土茯苓膏, 或只是加了藥材的涼粉...而我是吃得苦之人, 食龜苓膏, 藥味重一點才好食. 不過, 效用係咪越苦越好呢, 我就可以大膽的說, 苦唔苦同有冇藥效, 是兩回事來的. 只是我口味preference, 喜歡苦少少咁解.

之前感冒, 病咗2個week, 睇咗3次西醫個喉嚨都仲腫痛, 有個同事叫我去試下呢度d感冒茶, 飲咗柸茶之後, 個喉嚨就好快冇痛, 之後幾日都有去飲. $15 柸感冒茶, 有益快好!

這間店子有點特別，買涼茶近乎半自助式，放下五元，就自行拿取桌上的涼茶，而且看其樣子好像很多也是熟客。涼茶不算很甜，甘甘甜甜，很是適中。經過的話不妨放下五元一試吧～

香港市面上的非酒精支裝飲品,種類之多世界上排名應該是坐亞望冠,差不多什麼也可入樽!尤其是當去某涼茶店坐下堂食,給你的五花茶也是支裝的時候,就開始出現有點反感.一支凉茶得閒飲兩啖擰埋蓋放入袋,沒完沒了!有時寧願選擇行遠一點,找間老字號企在街邊瞌埋眼一口而盡喝苦茶.來得痛快一點!甜花茶----味道與在屋企自己煲的差不多,有淡淡菊花味,甜度適中!雖然飲一杯不會立即有什麼神奇功效,但總好過喝那些甜過糖水的支裝涼茶.

十二月中旬咳咳咳．．．日子不易捱呢，涮羊肉因為掛病中，已嚐不到羊臊了，期待兩年之味道落了個空，失望難當。還好「長食長友」，大局之後的大局終於康復了大半，再加上被食友「的」來排隊飲止咳藥，是一杯甘和茶什麼的？喝吃來沒上周同品種出品廿四味般叫苦連天的苦．．．但味道絕對是「苦」口良藥，食評過千，還是首篇味道只能給一分，但飲完還是笑著面去寫的讚評。咳聲稍減，在P記稍眠後就帶著期待的心情會大班。更多的飲食故事及飯局分享＠http://foodxfile.blogspot.com/食友搶著付錢，謝過．．．

十一月．微冷喝完三寶米，道別勝香園蓮姐後，仍有睡意，路過春和堂人，見檯面放著參茶，就掏出五個大洋，買杯提神。收過錢後，打開鐵蓋，就這樣拿著邊走邊飲，茶甘涼，下的砂糖不少喝吃來很甜，幸好還是夠熱，在這寒冷清早，既暖神亦提神，$5／杯，抵飲的。

15-10-2009可能呢期較「燥底」, 皮膚已差到達「爛面」程度, 加上食完薯粉有點口乾, 嚟到呢間頗多人的涼菜鋪買杯「甜花茶」($5).「甜花茶」其實即菊花茶, 微暖, 甜度低, 無澀味, 清澈見底, 飲到最後見到少少「花渣」, 味道就似我屋企煲的菊花茶, 正 一向只識幫襯同一條街的「鬍鬚佬」連鎖店, 而家先知呢度更出色, 真失敗 下次買龜苓膏試試.

$30 的龜苓膏 (冷熱任君選擇)： "git" 過同一價錢的養和堂、同我覺得質素都好過賣 $50 的海天堂。後兩者都較稀，呢間又大碗 d 又 git d (仲有濕熱巾送埋俾你擦手)，得閒燥熱可以食番不一碗 係 d 服務員勁 cool jeh，落左 order 又唔知邊個會俾我，跟住等左一陣間有個阿叔就羅左出黎比我。

收工買左碗熱既返屋企慢慢嘆食果時仲暖暖地..味道微甘,真才實料,食完喉嚨冇咁痛喎...$30碗我覺得唔算貴總好過其他的...

廿四味, 花旗參茶, 菊花茶三款涼茶都試過,幾好味,真材實料小妹最中意飲菊花茶,甜甜地好解渴ps唔知點解凍菊花茶同熱菊花茶既味道差好遠,酸既...好難飲

食完辣蛋，飲左無花果蜜都仲係口乾，行經涼茶舖，就想買杯涼茶解渴，而且驚見只係$5，實在太抵喇！平時涼茶至少都賣$6-7啦！一於支持！買左一杯甜茶，我諗應該係菊花茶，甜甜地，甘甘地，好解渴，飲完個口涼返晒，好舒服呀！下次去完聖堂帶男朋友黎飲涼茶解嗓先

$5 一杯, 一到lunch time, 放工真係勁多人企o係門口飲!廿四味又足料, 又平, 好過o係便利店買野飲!!!!! 除左廿四味, 仲有花旗參茶, 甜菊花茶,(都係五蚊!) 仲有感冒茶都好受歡迎!!!成日都見到好多外國遊客黎幫親!!!舊式中藥店, 再加賣埋涼茶, 自然有保證!!!不過...如果外賣(加個蓋o係隻杯上面) 就要加一蚊呀!!!

春回堂的24味, 好掂$5, 價格非常實惠, 而且無偷工減料, 飲完之後仲有回甘的感覺成個人好舒服唯一唔係就係用即棄紙杯, 無甘環保

返出中環, 途經這家回春堂藥行, 見早前有食評出過, 順便去飲杯廿四味。$5 一杯, 不貴, 不過份量是平常店的 3/4 左右而已, 而且放在枱面已不熱, 是半暖不涼的; 味道也淡, 我寧願俾貴些飲番杯足料啲的了。搞笑的是我問一店員廿四味幾錢時, 他竟用普通話答我, 雖然這天我穿著T 恤長裙加布鞋, 都未至於似一個自由行甚至是村姑吖?! 懷舊 feel 環境搭夠, OK 咁啦。

講真, 小弟從來不太飲24味, 心諗為何要自討苦飲? 但又諗此飲料縱橫港九新界, 誇年代仍趷立不倒, 必有其因.故小弟把心一橫, 選此老店, 再挑戰自己多一次!5蚊雞, 此區嚟計, 算係化算.飲落味道好似冇以前試過的甘苦, 不知是小弟現較能吃得苦中苦, 或是每間舖都有其自家味?!始終喜愛是稱不上, 討厭之感卻是少了幾分. 希望此杯後, 熱氣清咁d, 皮膚又會靚d啦!由於小弟對此種飲品全無認識, 故給一個ok面. 但我對懷舊feel既舗十分喜愛, 故予4分, 以示支持!