春天 (已結業)

看著餐廳轉型做素食自助餐，再轉做半自助餐， 我和友人今年初才再次惠顧賀新年😊。晚市所有主菜，無論較便宜或較貴的，都跟自助餐😮。 自助餐包括餐湯、糖水、飯、意粉、蔬菜、涼拌、炸物等。 但其實主菜已經包括飯、意粉或薯菜。友人要雞扒。 令我有點意外的是，賣相仍然沒變。我要魚。 薯菜是薯蓉及少少蔬菜。 自助餐的炸物就有薯條。自助餐的食物一般，蔬菜可能放得太久，太稔， 也鹹了些少。 意粉用幼身麵條，軟硬適中。整體來說，對吃得清淡的我，自助餐的食物 味較濃，吃後會有點口渴。但若想吃飽是能夠被滿足的😆😆。這晚的糖水是椰汁西米露，一般啦! 我很少覺得食物很差的，若我覺得很差，就真的很差了😅😅。 老闆轉型必有其原因，看見主菜的賣相，仍然感受到老闆或廚師的用心。 衷心希望這餐廳能夠繼續營運下去。

好耐之前試過呢間餐廳記得都唔錯，今日就去左食個下午茶，唔洗等位就有得入，而且餐廳入面嘅客人亦都唔多。我就叫左個黑椒牛俐炒意粉，連埋杯野飲就$38。先唔講d食物，服務真係好令人失望，無論一坐低定係叫野食嘅時候都無侍應過黎招呼，而且態度亦都係好冷淡，而且送餐嘅時候好似將d野食飛埋黎咁。最誇張係我叫左好耐都無人攞芝士粉黎，我就自己出去問啦，點知佢竟然冷笑左一聲跟住指住個櫃話：芝士粉囉。服務差都算，食物亦令人非常失望，意粉非常之硬，而牛俐就好霖，完全唔爽口。無論食物同服務都難以令人滿意，下次唔會再去。

本人與太太帶一個兩歲多小朋友去食晚飯，侍應要本人一家三口叫三個晚餐，雖然我知道晚餐時段有半自助餐食物，但我有問侍應小朋友才兩歲多，可否不計人頭嘛，佢不會食嘢，侍應完全沒有回答本人問題，太冇道理所以即走

不只一次！食物没問题，員工態度係餐厅致死原因！來吃饭点解要受气？！員工黑口黑面！落單時语气似審犯！大力掉歺具！就算減價都吾敢入去食！侍應看手机，吾想看客！再吾改变就等執！！

早餐叫沙嗲牛肉公仔面淡而無味，凍奶茶似冇味奶糖.水同女待應換杯熱試試另一男待應就走來話加茶底好嗎我就ok怎知換回來只比上一杯咁差嘅深色糖水，埋單自己到櫃面比時極冇禮貌，食物及服務完全，以後不用錢都不會再去。

價錢平，只需98元，無加一，食到飽。但味道有待改善。唯一特別嘅地方係有火鍋，可焯菜，響鈴，齋火腿等等。較美味的係熱薰薯仔，多士，炸饅頭，咖哩齋，炒麵。其餘的有待改善。總結：為飽肚，可以。為味道，失望。

叫咗個二人晚餐有餐湯沙律鵝肝黑松露蟹肉意大利飯豬手同埋牛扒配虎蝦雖然$298有咁多野食係抵但真係寧願比多少少但比番啲好食啲嘅質素沙律菜唔新鮮餐湯有點hea鵝肝係OK但係多士唔脆黑松露蟹肉意大利飯 凍檸茶好奇怪跟住點知原來呢來嘅時候係扇貝 但完全冇同我地講 係冇虎蝦 轉左扇貝牛扒比expect嘅細牛扒熟到爆炸 勁難食 係我食過最難食嘅牛扒豬手咸 又唔好食個扇貝因為有啲沙律醬吊個味所以算OK 整體來講 係差試一次都嫌多

早兩日行過春天，轉了餐牌，逢星期一至五轉左做素食自助餐，有幾款不同熱葷。本人較喜歡：絲瓜炒先腐竹加木耳，味道不錯，木耳可以通血管💪🏽香煎豆腐，外脆內軟，豆腐有豐富蛋白質和鈣，好食和健康😄炒飯，夠乾爽，粒粒分明，正！意粉，廚師功夫十足，爽口彈牙😋還有粥、湯、甜品、沙律、Pizza、加埋幾款的飲品 ，真是多不勝數，味道都算唔錯，午市每位68 ，不妨一試😄

同屋企人黎左慶祝生日，夜晚入去唔算太多人，本身睇餐廳嘅樣，似乎係快餐類咁，點知d食物有驚喜，樣都幾靚，仲要好味，野飲又正常size但野食就唔係正常size, 係偏大份我叫左豬肋骨+紫薯紫薯勁香又大件，有兩件，鍾意蕃薯類嘅話真係要試下豬肋骨屋企人話偏咸左少少，但我覺得啱啱好，d肉又夠林，好好味，好似有六條骨d野食都熱辣辣，雖然我呢個要等，但oder果陣佢地已經話左要等廿分鐘，結果都應該唔洗廿分鐘就到前菜我揀左沙律(可以揀湯，今日嘅泹係粟米忌廉湯)，沙律又係好好味，竟然有螺絲粉喺度 屋企人叫嘅餐都好大份，特別係個魚，一上黎嚇一跳，超大條今餐食得好滿足，每人百幾蚊左右埋單

之前係商場行街已經比佢既裝飾吸引到，好有西班牙或者係葡萄牙既風格同感覺，驟眼睇落價錢唔平，但係原來都幾大眾化，因為見過優惠時段有平外賣賣。今日同屋企人，一行幾人加個個BB食早餐。所以想揀間闊落啲，坐得舒服既。春天就岩哂啦。春天既早餐選擇都好多下，咩種類都有。我就叫左個應該比較多人叫既同相對抵食既套餐。40蚊有找賣相我覺得頂呱呱，起馬同出面賣差唔多價錢既連鎖早餐係誠意上贏一大節。尤其佢個多士真係好好食同新鮮，冇平時既多士咁寡。

同朋友來春天吃生日飯，剛從下午茶轉了晚餐，我們是第一枱客。友人選了最便宜的台式肉燥雞扒煎蛋飯，我今次不叫扒，選了明太子親子三文魚意大利粉。 晚餐包括餐湯或沙律及餐飲。台式肉燥雞扒煎蛋飯，對友人來說，濃味就是好味。明太子親子三文魚意大利粉，汁頗 creamy，意粉軟硬適中。 三文魚是煎三文魚，不是煙三文魚，味道不錯。另外叫了三款小食，焗西蘭花，汁很稀，西蘭花太熟，個人不喜歡太稔。 芝士焗扇貝很鮮味， 沙律菜也新鮮。另外是菜肉餃子，四件炸的，其中一件特別細小，也伴有沙律菜，味道一般。餐飲加錢要了紅豆冰，紅豆份量適中，友人嫌紅豆太甜。這頓生日飯很飽足!

在平日午餐時分和朋友去吃，不用等候就能直接進去。我叫左個西冷牛扒lunch set,＄58 相當抵食。個意粉有小小蒜蓉味，軟硬度亦適中，個牛扒鬆軟，我自己就叫左五成熟所以就有d生，牛味亦都差小小。個伴菜就好一般，無乜味而且晤熱，但係整體來說，不錯。

同中學同學食飯，佢話想食扒咪去試下，初頭見裝修都幾靚，諗住應該都冇伏，結果上餐個水杯有明顯嘅塵埃，叫佢換過啲服務員嘅態度係話冇問題，就咁攞走換杯就算，服務態度有待加強。晚餐叫咗一份羊架，兩份肉眼扒，羊架好香唔錯，整體上評分係高嘅，問題出於兩份肉眼扒，一份七成熟，一份五成熟，七成熟嗰份都還可以，未夠熟但係都有五成左右，五成熟嗰份係得個面係熟，連三成都冇，好難切之餘仲太生，成個口感好難咬。成個餐係食得飽嘅，塊扒係大件嘅，$128加一要食個粗飽都可以接受，只係建議對牛扒熟成度控制可以再加油，如果上鐵板唔直接煎到個熟度我可以理解，但係上木板/竹板嘅話可以再煎熟啲先上碟

心血來潮想食咖哩，行過經過門口見到下午茶餐牌有咖哩類，價錢又唔算貴，於是就入黎幫襯試下不過要留意佢下午茶MENU有寫「每人最低消費$28」，如果純粹係陪朋友入黎的話，就要落ORDER叫D野食下喇。咁我就叫左咖哩吉列豬扒飯餐($28)轉凍檸茶(+$2)咖哩吉列豬扒飯+凍檸茶可以睇到佢塊吉列豬扒都幾大塊，同埋佢個吉列整得唔會好油，再配埋有D菜絲，食落唔會好油膩。不過佢個咖哩汁就略嫌少左D，味道都幾香口，唔會太辣，如果可以多D汁就更加好最後連埋加一埋單$33，以呢個價錢有咁大塊吉列豬扒認真抵食，值得推介

最初行過有八成滿座，後來只有一半，其實已預告不妙，見今天黃雨就膽粗粗出事！6:10左右到，全場只有5個客，諗住坐近門口個4人位，點知帶位姐姐即刻拒絕，要我地坐埋一邊，跟住我問佢坐一排二人位嘅單邊得唔得，佢亦都即刻有客卜曬位，一定要我坐中間一個二人位，直至我話咗另外一邊嘅二人位得唔得，佢先至勉強接受。食物方面，沙律同湯只不過係一般，薯仔都算凍，湯就有D杰，但錯誤地叫左牛扒，嚡＋韌，薯條油淋淋，差過快餐店，吾會再幫襯。最後走嗰陣全場吾夠廿人，我坐嗰邊仲冷清清，何解？