春水堂人文茶館 (創紀之城五期(apm))

营业中

休息中

朋友話想食台灣野所以就去呢間試吓 晏晝時間 堂食要排隊 外賣都有人排隊等咗唔算好耐 15分鐘就有位叫咗牛肉麵 滷肉飯 炸雞 豬腸樣樣野都好食 牛肉好淋 叫咗辣味 個人嚟講唔算太辣滷肉飯好惹味 佢都有啲肥豬肉粒粒炸雞 普通 份量都唔算少豬腸 幾入味 份量都好多 兩個人都食唔晒期間限定嘅草莓珍珠奶茶新野 幾香幾清新嘢食正常好味 唔算驚艷呢個價錢黎講唔平

個人本身好鐘意食紅燒牛肉麵，春水堂既牛肉麵不過不失，湯都濃郁好味，面既質感都幾好，但係牛就唔太林，因為佢都比其他牛肉麵偏貴，所以對佢期望會高d，覺得性價比唔太高🙈不過勝在佢都幾多件牛肉仲有牛筋✔️鹽酥雞味道都唔錯，粉唔厚，都唔會太咸，可以一試👍🏻

聽人話《春水堂》嘅珍珠奶茶好正，啱啱好友人都想試下味，我哋就特登買兩杯唔同口味嘅飲品嘗試下！！真係不負眾望啊！珍珠奶茶-茶底正，奶香味好濃，珍珠小小粒，又Q又彈，好有咬勁，我飲奶茶習慣點微糖，少冰，咁就唔會太甜，味道就啱啱好！！友人都話不錯。另一杯愛玉檸檬綠茶-第一啖檸檬味好重，繼續飲就可以嘗到綠茶嘅清香味，兩種攪渾後，味道咁就啱啱好，酸酸甜甜，好解渴！！都好適合解膩解油。但我都係鐘意飲珍珠奶茶多點，味道真係正，下次都會來幫襯。

之前見到成日排隊一直都無機會食到，今次終於食到，仲要唔使等黎到即刻有位。 太耐無食台灣野咩都想食，首先叫左個滷香拼盤 ($78)，有大腸、牛肚同牛筋，入味得黎唔會好鹹，好夠味！牛筋唔韌，充滿膠質既感覺，大腸好香，牛肚係最好食 跟住叫左個黃金香酥雞 ($48)，唔係好有鹽酥雞既味道，唔太夠味，比較似普通炸雞，不過係外脆內軟既。 主食有個紅燒牛肉麵 ($82)，個湯幾好味，不過唔知係咪放得太耐先食所以啲麵有少少淋，但係份量係唔算少，分別有兩塊牛筋同牛肉，同樣地唔會好韌，肉質幾嫩，幾香既牛肉味，略嫌少貴。 之後仲有個細碗既魯肉飯，食完個麵其實已經飽左，個飯都唔係好食得落，係正常味道既魯肉飯，有肉鬆喺面，細食既女仔叫一碗都夠食 飲品方面，分別叫左杯凍既珍珠鐵觀音奶茶 ($34) 同凍既珍珠茉香奶茶 ($34)，茶味幾香，叫左少甜真係無咁甜既，珍珠有咬口，唔錯 最後食飽左見到人地食甜品都忍唔住叫左個珍珠熔岩蛋糕 ($58)以為佢流心點知切開原來係實心，有少少失望。蛋糕夠軟熟，啲cream好香，但整體係甜左啲，食完會口乾果種兩個人食連加一埋單$398，其實晚餐黎講唔算貴，不過可以再食好少少

建議：無咩事都唔好試🙈除非你好鍾意食乾身蛋糕💆🏻‍♀️ Fd子生日想食台灣野，又想食個輕型甜品，所以揀左春水堂人文茶館😌 飲品主食都正常水准，主食價錢偏貴 (紅燒牛肉麵 $83)份量又唔係好大。上菜時間極快，落左單5分鐘都無，碗面就上左 😂🍜 值得讚既係牛筯牛肉都好淋，亦都有4,5舊 👍味道唔錯講番今日既伏品 「珍珠熔岩蛋糕 HK$58」外形幾靚，有啲小珍珠舖面。不過蛋糕十分乾身，好彩既係好多cream 同有啲黑糖漿，令食落無甘乾🙈試左一啖淨蛋糕，係無味既😂而且好實好乾，唔鍾意食cream既Fd子都即刻潷番啖cream食🤭個蛋糕都有個好處既，有一定飽肚感囉😂 又乾又實，飲多啖水，咩都飽😉🎂

春水堂出名奶茶正😄真係不負所望，茶底正，味道和在台中飲分別不大。比起其他台灣過江龍，本人認為春水堂是最好👍🏻小食黃金香酥雞真係好好味😋好難🤯在香港找到好食的香酥雞滷香大腸味道可以，冇咩驚喜牛肉麵一般，唔需要抱太大期望，份量較少女性都唔飽，何況男性？拌麵可能是本人不習慣它的口味，我覺得唔好。份量和牛肉麵一樣都係少餐廳燈光明亮，坐位之間距離適中。服務態度好👍🏻看到服務員💁在空餘時間會與客人打好關係

今日有朋友入左黎觀塘同我食午餐，諗唔到食咩好大家都想食少少炸物，就決定黎呢間春水堂!!!呢間野每次經過都見到有唔少人係度排隊，難得朋友黎，就早D放LUNCH出黎排定隊啦~係食方面，珍珠奶茶就唔少得，但竟然發現自己唔記得左影相主菜方面:滷香拼盤 HK$78呢個拼盤好值得食，好香，同D肉質好淋身!!!主菜方面:紅燒牛肉麵 HK$82魯肉飯 HK$28黃金香酥雞 HK$48黎到主菜，黃金香酥雞同魯肉飯的配搭一定無得輸!香酥雞外皮炸到脆脆的，同時又唔覺得太油膩! 真心推薦!!

如果要食台灣野，我只可以講唔會選擇喺呢度食。比普通更普通，沒平凡更平凡。其實佢舖頭擺得冇錯，出邊就係買嘢飲。佢呢間野嘅嘢飲確實係唔錯，行過錯過可以試吓佢嘅珍珠奶茶🧋但當我入到去食裏面嘅嘢，真係一啲驚喜都冇。所以我都唔多作評論，呢度啲嘢唔算貴，但真係一般般。試過就知㗎啦。

我被餐牌幅相同甜品名吸引著, 於是我就點了這個珍珠鐵觀音雪糕吐司小編本身好喜歡食吐司, 喜歡飲珍珠奶茶, 又好喜歡飲鐵觀音茶和雪糕 所以我就決定點這一個集於一身我喜歡的甜品最驚喜係雪糕上面灑了一些珍珠, 而吐司就好似我哋平時食嘅西多士一樣, 切開咗四塊, 烘得金黃色, 裏面麵包係香口的, 夾住鐵觀音雪糕同珍珠一起吃, 非常之特別, 加上灑上一些焦糖汁, 並不是太甜, 是小編最喜愛的一款甜品之一

「春水堂」其實我想嚐試很久了，可惜老公一直都覺得它價錢昂貴，食物份量又少，而且味道亦相當一般，所以一直都沒有機會嚐試....不過今天終於成功說服了老公陪我品嚐，我當然立即「老實不客氣」地分別點了一系列菜色，除了經典的牛肉麵和魯肉便當外，還點了比較少見的芋泥圓和高山金萱No.1【紅燒牛肉麵(半筋半肉)】$82雖然整碗牛肉麵只有各自兩塊牛肉和牛筋而已，但是牛肉的肉質一點也不堅韌之餘，質感更非常細緻柔軟，肉嫩可口，細嚼慢嚥的時候，牛肉的鮮甜味更立即傾巢而出，肉汁四溢，香甜可口，口感豐富而飽滿，讓人口舌生香，回味無窮牛筋應該慢火炆了很久了，質感軟嫩得來又有點彈性，同時更充滿著濃濃的膠質，就好像正在吃花膠一樣，口感細膩而綿延，讓人陶醉其中，吮指回味最後便是麵條了，麵條比較幼身之餘，質感亦微微煙韌彈牙，十分有嚼勁，而且更滲透了牛肉湯的精華，每一口都相當有滋有味，五味俱全，美中不足的湯底的口感略為油膩了一點，如果下次可以清淡一些便好了No.2【鹽酥雞翼魯肉便當】$92雖然這份便當比起剛才的牛肉麵昂貴了 $10，但是賣相看起來大方得體多了，分別有齊蔬菜、肉類以及飯，感覺上比較值得 $92這個價錢可惜雞

最近唔係太開胃食唔落飯，所以最岩食就係麵條了！次次食麵都來到春水！因為在公司附近！久不久都幫襯！店舖好整齊乾淨！以啡色木牆同啡色木枱櫈為主！頂上吊燈與餐廳的整體布局協調一致。更有不少壁畫裝飾。坐下看了餐牌一陣叫了個手工麻香米線~係就咁淨食碗麵又好似差緊啲野咁！梗係要叫埋小食食豐富少少！就叫了個麻辣青瓜！青瓜上枱都好夠凍，加埋個麻辣汁！好夠麻好夠辣，份量多啲重好！麻香米線表面鋪滿蔥、肉碎、半隻蛋、花生、粒及西蘭花等配料，個湯比較清淡，無我想像中麻香同濃味....米線都比較軟，本身我喜歡濃味人..而且我中意比較Q 彈既麵！所以就覺得一般般，中意淡口味既人應該會比較中意....

朋友仔喺觀塘返工，搵佢食晏自然要就佢啦，我哋喺APM逛逛下，見到有一間台式料理，出邊有好多年青人喺度等緊，心想呢間應該係好野了，並姑且排隊一試。果然是一間傳統的台灣料理，疫情下已經好耐冇飛過台灣食好東西了，即刻叫返一個紅燒牛肉麵，牛肉烏冬，台式鹵水三合 - 豬肚、豬腸及牛筋。嗰牛肉麵，牛肉同牛筋都腍同入味，大大件，入口也有𡁻口，麵條尚有彈力，湯底濃郁，典型的台灣麵。加上兩杯凍飲，一個舒適嘅環境，價錢又唔太貴，舒舒服服食個晏，也是一個好選擇，好適合D文青啊！

之前係台灣已經食過春水堂，最鍾意飲佢嘅珍珠奶茶🧋所以喺香港開咗之後，都第一時間衝左去食，但老實講，第一次去食嘅時候都真係幾失望，唔知係咪因為嗰時啱啱開，所以食物嘅質素比較差，仲好記得嗰陣時叫既紅燒牛肉麵，上到嚟個面仲係一舊野，都未煮散，所以個次之後本身都唔諗住再食。但係過咗一排，同事突然話想去食，咁就唯有陪佢啦，點知今次一試，食物質素竟然有改善！雖然呢間餐廳嘅性價比唔係好高，但係我都好開心佢越嚟越接近台灣嘅味道。觀塘呢一間春水堂嘅面積都幾大，環境寬敞，坐得都幾舒服，不過如果係午餐或者晚餐時間黎食嘅話，通常都要排長長嘅隊，所以如果大家想黎食，記得預早少少過嚟。今次我哋就叫左以下嘅嘢食啦！🎈紅燒牛肉麵（半筋半肉）紅燒牛肉麵嘅質素好過第一次黎食好多，牛肉同牛筋都煮得幾霖，而且好大舊，面質尚算彈牙，湯底都濃郁🎈魯肉飯（小碗）滷肉飯就接近喺台灣食嘅質素，肉嘅肥瘦比例差唔多，不過如果再多啲汁可以撈飯就更加好啦🎈黃金香酥雞香酥雞外皮酥脆，裏面嘅肉質嫩滑，有肉汁，唔會乾，食落鹹香，唔錯🎈鹽酥杏鮑菇杏鮑菇嘅外皮同香酥雞一樣都係酥脆嘅，而且出面嘅調味粉都係一樣，而佢嘅杏鮑菇都幾大粒，有時我覺得哩啲菇仲好食

春水堂是珍珠奶茶發源地每次去台灣都必定會去買杯珍珠奶茶品嘗已有一年沒踏足台灣所以努力在香港找尋台灣的味道這次就來會一會最愛的春水堂在apm的分店珍珠茉香奶茶就是這個味道茶底用了台灣茉莉花茶 很清香麻辣牛肉麵牛肉和牛筋各一半兩樣都很入味很軟 入口即化麵條比較幼細 好處是很吸收麻辣湯汁但吃起來稍欠咬口黃金香酥雞炸得剛好 雞肉很滑嫩珍珠熔岩蛋糕這是香港分店獨有的蛋糕濕潤 奶油很細緻 珍珠比珍奶裡面的小顆吃完一整個也不覺得膩

依間台灣過龍好犀利，之前開舖嗰陣要排帶長龍。珍珠奶茶真係幾出色，店舖好似話係用一啲高級嘅茶葉。茶底香濃，比其他珍珠奶茶店嘅好濃。珍珠細細粒，好煙韌，有微微黑糖味，真係唔錯。