春水堂人文茶館 (創紀之城五期(apm))

营业中

休息中

第二次食這間餐廳。今次係另一間分店。真心不明白有這麼多人排隊。都是沒有影相。本身不諗住寫食評。但今次食物實在令我忍不住寫。麻香面。究極奇怪。得兩三啖面。幾粒紀子西蘭花同半隻蛋。聞落係白切雞嗰啲薑蓉味。個面水水油油咁。基本上所有嘢食落都無味。簡直震驚我三觀。完全唔知自己咗啲咩。香酥雞正常。飲品都正常未去到話好好飲。chocolate嗰杯無奶茶味。唯一讚都係珍珠細細粒好食。總結。這個面伏中之伏。貴。份量少。唔好味。仲要排隊。永久列入Mingorr黑名單。

麻辣牛肉麵 (半筋半肉) $82 ⭐️湯底望落感覺非常濃味 但食落偏咸唔麻無辣味 食幾啖就會口渴 後來落咗另上嘅咸酸菜先有少少辣味 另外牛肉牛筋份量正常 但無味 柴皮咁 係中伏嘅感覺黃金香酥雞 $48 ⭐️⭐️⭐️⭐️炸衣唔算厚 雞肉幾嫩滑 不過無乜肉汁 雞嘅大細適中 可以一啖放入口咬 灑係面嘅椒鹽有加乘 食落更滋味黃金地瓜條 $33 ⭐️⭐️⭐️⭐️同香酥雞一樣 份量都幾多 個人覺得配甘梅粉會更好食 亦都可以令地瓜條同香酥雞有更唔同嘅味道凍珍珠鐵觀音奶茶 $34 ⭐️⭐️⭐️⭐️個人口味叫咗走甜少冰 飲落奶味唔會蓋過茶味 但茶香一般 珍珠係細粒珍珠 有1/4杯左右 個人比較prefer大粒嘅珍珠 覺得更有咬口 細珍珠變咗一飲就成口都係珍珠 飲得好少茶😂珍珠鐵觀音雪糕吐司 $58 ⭐️⭐️鐵觀音雪糕非常香 食落唔太甜 好有驚喜 甚至想單買個雪糕嚟食 而吐司外圍烤得幾鬆化 但係因為落得太多黑糖 中間位淋哂 而且極甜 太漏食唔哂

經常排長龍嘅餐廳4點零鐘經過見唔使排隊，就食個early dinner😂🥢紅燒牛肉麵(半筋半肉)($82)湯底香濃，唔算好油膩麵係我鍾意嘅幼麵，都幾掛湯牛肉大概有2-3舊，肉質淋身，炆得好入味👍🏻👍🏻份量唔太大碗，好彩有叫嘢飲，唔係可能唔夠飽🙊🧋珍珠奶茶 ($32)喺春水堂又點可以唔飲珍奶😆記得聽台灣朋友講過有泡先係正宗珍珠奶茶珍珠煙靭有咬口，但茶味有少少淡要咗去冰，唔會係啲冰溶而溝淡咗，所以有啲失望😔

無晚市堂食嘅日子，喺APM買完拉麵外賣，隔離有間春水堂，平時飲佢嘅珍珠奶茶就飲得多，諗住買啲甜品返去食完外賣都可以開心吓😍見到佢有個香港限定嘅甜品「珍珠熔岩蛋糕🧁」一於買返屋企開心share😝珍珠熔岩蛋糕$58～ 蛋糕有好香濃既鐵觀音茶味，上面有好大層奶蓋忌廉，再鋪上唔少黑糖珍珠，切開後有好澎湃嘅視覺效果😍 蛋糕夠軟熟，口感都OK，幾有質感，啲cream好香，珍珠軟硬適中，充滿奶茶味😚宜家外賣仲有75折(飲品除外）折後$45，同屋企人開心share, 又可以打下卡📸唔錯呀🥳📍春水堂人文茶館 (創紀之城五期(apm)) (觀塘)觀塘觀塘道418號創紀之城五期apm一樓L1-1號舖

成日見佢要排隊🚶🏻🚶🏻‍♀️🚶🏻🚶🏻‍♀️今次就試下而家疫情好多地方都有外賣優惠🥡呢度無 可能真係好好食啦 唔緊要咁我地要左個紅燒牛肉麵同鹽酥雞肉翼燥定食番到去一開，個麵得半個咁 勁少試下個湯底 我頂！ 公仔麵🍜牛肉味咪就係咁囉！我俾83蚊單點個麵 又講到餐廳推介你餐廳就係推介我食半個公仔麵？！？！肉又少 仲要等成半個鐘 完全唔值！鹽酥雞翼定食其實唔鹽酥 係炸雞而已 份量都係好細 我地2個人一人食一個 主食都要再加杯麵超劣評 絕無下次！

春水堂來自台灣嘅春水堂，一直都係我心入邊台式飲品Top3珍珠茉香奶茶~$31叫咗少冰少甜，茶味非常濃郁，不太甜，奶茶香滑😍好飲春水堂人文茶館🏠：觀塘觀塘道418號創紀之城五期apm一樓L1-1號舖☎️：36194335

今日去了apm 的春水堂飲咖啡，點選了鐵觀音 latte 和奶茶各一杯，非常驚喜地美味，咖啡中帶有中國鐵觀音茶葉味，而且只是$36一杯，和其他咖啡店的價錢差不多，而且店內座位及環境舒適，有店員帶位，不用好似其他咖啡店的需要自己找座位，又不怕好像其他咖啡店的顧客只是坐著溫書或補習一樣霸佔座位。若果想便宜一點，可嘗試鐡觀音奶茶，只是$31，味道亦非常好。

麻香/手工素麵線 $48平時見大排長龍 有一日突然見無人排 就諗都無諗入左去 食過春水堂幾次 今次唔食最熱門菜色 如紅燒牛肉麵或滷肉飯叫左兩款麵線黎試吓麻香並唔係我想像ge辣味 原來係麻油香味 家中長輩覺得有少少偏油 麵線幼細淋滑而且份量唔會太多 好啱想食light lunch ge 朋友們手工素麵線比麻香麵線調味較種最可惜西蘭花有少少怪味 不太新鮮最後再加小食 — 芋米糕 $28幾香口 亦唔會太鹹 仲有飽肚感

呢間台灣過江龍本身源自台中一間茶館，以茶飲為主。今次小🐷就同小仙子黎試試係咪咁勁先💪🏻通常都見到條長長既龍，好彩只係排左10分鐘左右就入得😬叫左幾款signature：紅燒牛肉麵 $16x: 半筋半肉，湯底好濃郁，牛筋好有彈性，好多骨膠原😜可惜牛肉偏硬😢達到咬唔開嘅程度😔滷香拼盤 $7x: 滷水汁香濃，唔會太咸，大腸唔太肥，牛肚好爽👍🏻麻香烏骨雞麵線 $8x: 不太出色，味道偏淡，湯底感覺較油膩鹽酥雞翼滷肉便當 $9x: 鹽酥類果然出色，口感好鬆脆😚雞翼都唔乾身，而滷肉肥瘦分布均勻，加上肉鬆好岩送飯👍🏻凍鐵觀音奶茶 $3x: 茶味好香濃，甜度適中珍珠招牌紅茶雪糕吐司 $5x: 有點失望😞吐司好似塊方包咁，太淋🙄如果焗到脆脆地會更好。。紅茶雪糕茶味不太濃，有點後悔叫左紅茶，相信鐵觀音味會更香濃珍珠熔岩蛋糕 $5x: 戚風蛋糕好鬆軟，配上忌廉同珍珠唔會太乾，珍珠好QQ質素唔太差，不過價錢略貴，性價比唔高😗如果要排太耐就唔值得😂

紅燒牛肉麵份量多，牛肉肉質還好，又唔會話好淋又唔會好硬 麵煮得麻麻，仲有d係痴住，未煮開咁 但個湯就真係超加份，夠濃味，超香，想飲哂 每次經過都好多人排隊，以為好有驚喜 但對唔住個價錢💰HKD$83 要加一

去得春水堂，多數人都會嗌最出名嘅珍珠奶茶🧋但作為中湯愛好者，我非常強烈建議大家試試佢個燉湯😂✅推薦✅當歸藥膳湯 💰68即叫即燉，所以上到枱仲係好熱！個湯都幾足料，入邊有唔少嘅肉、紅棗同杞子，味道適中，飲落口有少少甘味，對我來講係健康嘅味道，健康到令我覺得可以即刻補到血氣 😂功夫麵💰53成碗乾拌麵配搭得天衣無縫🙌🏻 香菇肉燥半肥瘦比例啱啱好，香得來又唔會過鹹，芽菜又爽又脆，麵條QQ彈牙👻🪄 春水堂人文茶館觀塘觀塘道418號創紀之城五期apm一樓L1-1號舖

其實之前食過好多次不過今次第一次寫食評<慢煮豬手>每次嚟都必叫，炆得好淋好入味感覺上單點會比set份量多<麻辣牛筋>真心個味道超級正，牛筋係偏爽脆嘅唔係淋，感覺煙韌都幾特別<滷肉飯>細細碗味道唔錯不過可能女仔就夠食男仔應該未必<炸地瓜>超級推介，炸得爽脆，而且甜甜地好好味😋<珍珠奶茶>我自己鍾意飲熱嘅珍珠奶茶呢度就有，而且甜度可以少甜都唔錯珍珠係細細粒冇咁有口感但好味😋<聖誕朱古力特飲>呢鋪超級正呀朱古力味道好濃郁，而且加上餅乾做裝飾真係正，好有聖誕氣氛，但略嫌佢唔可以改變甜度有啲唔係咁好整體真係唔錯不過服務就要再多少少改善啦職員好似好忙，等好耐先有人理

每次經過APM依間舖頭都好長龍。今日早咗收工就過咗去排隊食，排咗大概半個鐘就入座。御品三寶牛肉麵佢嘅湯底都算濃郁，但係個份量就好似唔係咁多，如果係比較細食嘅都可能會夠食嘅...黃金香酥雞自己就覺得呢個比較一般，炸得比較油膩同埋唔算好脆，同埋賣相都比較一般，唔算好吸引。餐廳仲有好多唔同嘅台式飲品同小食供應，下次都可以嚟試吓其他，不過如果咁長龍，我就覺得未必需要咁樣排隊啦。因為其實仲有好多唔同嘅台式小店質素都係唔錯嘅。

記得好多年前係台中試過春水堂，個杯珍珠奶茶好大杯好抵飲🍺 後來連香港都有埋分店，前後都食過幾次，價位較高。今次就同屋企人再去食❣️💫魯肉飯（小碗）$28為咗可以食吓其他小食，通常我都會點一份魯肉飯，細細碗，咁樣我就唔會好飽，再食其他野😜 但如果魯肉份量可以再多啲會更好👍🏻💫紅燒牛肉麵 (半筋半肉）$82老公今次就點咗牛肉麵！ 佢話筋夠腍之餘，肉都份量夠，食極都有😆 而且湯底濃郁！💫牛骨濃湯牛肉麵 $82細妹就點左牛骨湯麵，佢話清得黎，湯底都濃牛味，牛肉夠腍！💫慢煮豬手便當 $82每次阿媽都會點呢樣，除左佢唔食牛外😂，好難得佢咁咀叼都話呢度既豬手好食👍🏻 豬手軟腍同入味，而且有好多嚿，有肉有皮，唔會啖啖骨👍🏻👍🏻👍🏻💫鹽酥杏鮑菇 $38每次去台灣，見到我都叫鹽酥菇食😆 呢度椒鹽粉夠，入面杏鮑菇保持多汁唔會乾爭爭❤️ 不過就略嫌炸漿太厚，咬落有啲硬。💫黃金香酥雞 $48鹽酥雞幾多，內脆內軟，抵食之選❣️💫麻辣涼拌牛肚絲 $38呢個真係抵食之選！份量多，而且麻麻辣辣，好惹味😋💫珍珠鐵觀音奶茶 $34其實我為左杯珍珠奶茶而黎食🤣🤣 帶鐵觀音茶香味，甜度剛剛好😋💫珍珠茉香奶茶 $34呢個老公話好飲過朱

🍔食物質素：👍🏻👍🏻👍🏻   💵價錢性價：👍🏻👍🏻📸打卡指數： 👍🏻👍🏻 🪑環境衛生：  👍🏻👍🏻👍🏻👍🏻      🤵🏻店員服務：  👍🏻👍🏻👍🏻👍🏻想知道又靚又好玩地方， fai.lok.mode仲會ig分享張相攝影心得。 珍珠奶茶 ( $32 )春水堂以茶起家，但珍珠奶茶好普通，少少淡，好似珍珠奶茶鋪好飲啲紅燒牛肉麵(半筋半肉)  ( $82 )紅燒牛肉麵，湯底唔會好油膩，牛肉與牛筋份量都足夠，稔身得黎又入味，牛肉唔多肥肉，牛筋又彈牙，有台灣地道感覺，唔錯!