春水堂人文茶館 (創紀之城五期(apm))

营业中

休息中

1️⃣紅燒牛肉麵 HKD822️⃣豬手魯肉便當 HKD92.味道 ★ ★ ★ ★ ☆同媽咪去食飯，佢叫左紅燒牛肉麵，碗麵一上枱已經聞到好香，牛肉煮得好淋好入味，仲有好重牛肉香，麵既軟硬度適中，一個字「正」！我叫左豬手魯肉便當🍱，好少出面既便當有咁多菜，好多都只係得半條青菜😂佢既便當有菜、菇、半蛋、車里茄，好健康👍🏼豬手煮得好入味，又多淋，仲比左好多舊，每舊都有肉有皮，唔係得骨😂食過出面d豬手好多都係大大舊骨，好唔抵食，呢間有驚喜👍🏼.環境 ★ ★ ★ ★ ☆地方好大，出面睇以為好細間，原來入邊好深，好多位，坐得舒服。.服務 ★ ★ ★ ☆ ☆店員都態度良好。.價錢 ★ ★ ★ ☆ ☆雖然價錢唔太親民，但性價比都高既，行開apm可以一試，畢竟APM都唔係好多正既餐廳。

呢間餐廳成日大排長龍，究竟有咩好食呢？首先叫咗杯朱古力珍珠奶茶，賣相十分之吸引！亦都比普通嘅珍珠奶茶創新一啲，所以叫咗杯嚟試吓。杯朱古力珍珠奶茶來到嘅時候，個賣相同餐牌完全一樣，仲好靚添，打卡簡直一流！嘢飲入邊又有珍珠、又有奶茶、又有朱古力碎、仲有兩塊餅，口感同層次一流，珍珠比較多，所以其實飲完你杯嘢好飽好Heavy，不過好好味😋絕對冇後悔叫咗佢！另外叫咗個禦品三寶牛肉麵，入面有牛肚牛腩牛筋，三樣嘢都煮得夠淋身，而且加咗濃郁嘅湯底，所以超級入味，但係個價錢就比較高，食個麵加杯嘢飲已經要$150，值得一試嘅，不過未至於要大排長龍。

相信鍾意飲台式手搖飲品既朋友對春水堂都唔陌生，春水堂係台灣相當出名，而觀塘分店係主題概念店「人文茶館」，有2800呎大，仲可以有堂食。今次都係第一次嚟到觀塘春水堂食嘢，環境都幾優雅，適合打卡。中午兩點時候，門口亦要需要排隊，排咗接近十分鐘先入到座。如果繁忙時間嚟食，要預返時間。坐低之後點左一個紅燒牛肉麵(半筋半肉)同一個麻辣牛肉麵(半筋半肉)同兩杯鐵觀音奶茶。牛肉都幾入味，入口腍軟，有台灣地道嘢食嘅味道，整體黎講，值得再黎食，但價格比較高。餐廳評分味道⭐⭐⭐⭐環境⭐⭐⭐⭐服務⭐⭐⭐⭐衛生⭐⭐⭐⭐抵食⭐⭐⭐⭐

春水堂進駐香港之後，一直都未試過，但係長期都見到好多人去食，好似好好味咁，今日終於去試到啦☺️☺️-紅燒牛肉麵（半筋半肉）🍜 同平時出麵食嘅牛肉麵唔同，佢哋嘅肉真係好滑身，咬落唔會好韌，湯底好重牛肉味，而且平時麻麻哋食筋，但係佢哋整得好入味，好彈牙🤤🤤🤤-豬手魯肉便當🍱 份量尚算可以，豬手味道可以，除咗豬手之外，仲會有配菜可以食，不過如果魯肉可以多啲就完美啦🥺-珍珠茉香奶茶🧋 黎得春水堂一定要飲佢地出名既珍珠奶茶，奶茶好滑身，珍珠係細珍珠，好易咬，唔會太硬，甜度岩岩好☺️本身想試佢地既甜品，不過已經太飽，下次得閒再去食過😋😋😋

本來約了朋友在牛頭角那邊晚飯，但她遲了放工，為讓朋友放工後快點join，就揀了就近地鐵站的apm。朋友羅列了幾間有興趣的食店，只有春水堂是我還未試過的，就決定試這間咯！平日晚上7點9，店門外也有不少人在等位。輪候了約20至25分鐘左右才輪到我們。春水堂以茶飲起家，是源自台中的連鎖茶館。單一杯原味茶，沒什麼配料都要$30杯了～～也沒有任何點主食再加配飲品的優惠啊！所以價格屬偏高，對餐點和飲品會有略高的期望。紅燒牛肉麵，湯底味道香甜溫和，不會太油膩。麵條是用細麵，麵質滑溜卻不算彈牙。牛肉與牛筋份量足夠，牛筋大大件，煮得夠稔身入味，好食！牛肉的質感亦夠軟稔，肥肉部分不多，容易入口。魯肉飯 (小碗)，魯肉份量幾乎滿蓋飯面。魯肉雖已是半肥首，但甘香度還是稍欠。招牌滷味豆干米血糕 ($58)，這道完全是很台式風味的一道滷物！！一整碟以豆干為主，有少量的米血糕，但卻沒有我所想的「鹵味」如牛筋﹑牛肚和大腸等等。醬汁的味道也很特別，有說是帶點沙茶醬風味的特調滷包醬汁，帶微微的辣。米血糕口感不錯，黏糯而不軟爛，本身米血糕無什麼味道，所以也要蘸點醬來吃！豆干幾香，也很吸醬汁，但份量太多，愈吃就愈覺得濃味和鹹

今晚行完觀塘APM，行過春水堂，就買左個甜品番屋企食，但完全係「伏」。😠 伏、伏、伏.........都成$57，貴架，但佢比個咁既質素蛋糕我，真係永久blacklisted 😡😡先講佢地個外賣盒，好似人地裝湯麵外賣咁，完全估佢唔到😂😂 但我係叫甜品黎加麻。😅蛋糕都比較硬身，幾乎係人生食過 貴過$50又最硬既蛋糕，味道又甜一於影埋張食到一半既相比大家睇。早知係咁，我就唔買呢件蛋糕了，又貴又唔好食。

《半筋半肉蕃茄牛肉麵》$92見到碗麵好大碗❤️ 牛肉麵係用扁麵 質感係幾特別 好有口感 但唔係太吸湯 個人就覺得個番茄湯稍為有啲太油 不過啲牛筋就真係好冧好似啫喱咁😍 之前上網見到其他人話呢個牛肉麵真係好好食 所以就有啲大期望 但係食落就覺得不過不失 而且個湯太油 唔敢飲啲湯評分：5.5/10《魯肉飯》$28一嚟到見到啲魯肉有啲少 唔太夠撈飯 不過魯肉嘅味道非常好 而且啲汁都好足夠 再加埋上面嘅肉鬆加強口感 所以最滿意係個滷肉飯🥰評分：7.5/10《黃金香酥雞》$48見到份量都幾多 食落去嘅口感真係好穌 而且裏面啲雞肉都好嫩 外脆內軟 好想不斷食🤣評分：7/10《黃金地瓜條》$33又係份量都幾多 但食落唔夠香脆 而且梅粉比較落得輕手 如果落多啲就會更加惹味評分：7/10整體：食物質素就正常發揮 唔係話話特別令人深刻 個人就認為香酥雞阿元正啲 地瓜條就日月堂惹味啲 但係因為今日係陰天 係商場嘅話 春水堂都係一個唔錯嘅選擇 如果下次嘅話可能會叫兩個魯肉飯 地瓜條 同香酥雞🤣🤣

春水堂成日都好多人排隊，排左大半個鐘先食到～🔸紅燒牛肉麵 $82 湯味好濃，麵好彈牙👍🏻🔹鹽酥雞翼滷肉便當 $92個便當睇落好豐富，有菜有肉，但係啲野食稍微凍左小小，雞翼好脆好味道。🔸鹽酥杏鮑菇 $38面頭啲粉有啲辣，但係鹽酥杏鮑菇原來幾好味👍🏻一食就停唔到口🔹珍珠鐵觀音雪糕吐司 $58依個吐司好好食，好少地方有鐵觀音味雪糕，春水堂嘅珍珠好細粒但係好彈牙，成個吐司整體來講好好食🔸朱古力珍珠奶茶 $38 好濃朱古力味，珍珠細細粒好彈牙，好好飲🔹愛玉鐵觀音檸檬茶 $35清清地好開胃，不過唔係好飲到有鐵觀音味

與老公一起出來逛街，累了找吃的到處都要排隊，最後選擇了這家台灣菜館，排隊大概半個小時，大概因為中秋的緣故，到處都人好多餐廳環境還不錯，不過沒有了靠窗的位置，涼拌牛筋滷香牛肚，燉的好爛⋯⋯入味，軟爛有嚼勁素面線，面不錯，只是素食的醬料有點油膩，一股不太喜歡的油味紅燒牛肉麵，是他們家熱門，口味適中

突然間心血來潮想食台灣牛肉麵，貪就腳入咗嚟春水堂之前食過旺角嗰間分店，湯好濃 牛肉都夠晒林😍😍但係呢一間啲牛肉就比較UN😑 10分有咬口就連牛筋都唔夠林😕😕😕另外都叫咗紅豆鮮奶茶，同相片有啲出入佢啲紅豆沈晒落去底部 圖片顯示紅豆蓉係喺面的😕😕飲品算有紅豆味但係碎冰太多影響整體口感😔😔埋單$128 抵唔抵 見人見智😛我就覺得性價比低😳但因為晏晝3:00嚟食人唔算超級多唔使等位一個人坐吓都唔錯😂😂😂

平時人頭湧湧，呢日喺附近做完野，點知比我發現有位，所以就黎食個一人午餐。《鹽酥杏鮑菇 $38》之前去台灣食過鹽酥杏鮑菇，好味到一試難忘，見到春水堂都有，所以決定試下。外皮酥脆，件數多而且大大件，杏鮑菇厚肉多汁，可惜唔夠咸香，唔知係咪忘記落鹽，比較淡口。《烏龍豆干 $33》一直好中意食豆類製品，豆干粒索曬d烏龍汁，酸酸甜甜又多汁，入口有微微的烏龍茶香，仲撒上不少白芝麻，增添香氣。《魯肉飯》呢度只有小碗提供，配搭其他小菜，其實足夠女仔食用。豬肉夠肥美，醬汁濃郁，加入香菇、肉鬆，味道咸香中帶點甜。米飯應該是用上珍珠米，口感煙韌有咬口，輕鬆搞掂。《烏金狀元珍珠奶茶 $35》一直太多人排隊，未有機會試，今日見係推廣，二話不説叫杯爽下。雖然價錢少貴，但真係幾好飲。鐵觀音奶茶味道濃郁，加入清新又爽涼的仙草和Q彈的珍珠，特別涼快。因爲食太多野，所以刻意叫左少珍珠，喜歡珍奶的朋友不容錯過。

無諗過飲品店都會有靚湯😍好足料，當歸味重，而且加了薑絲，驅寒又暖胃，有時出去食得寒湯野多，真係要定期飲下補湯，特別是女人完了經期過後，補氣血外又疏肝，一舉兩得！😆

😡😡😡 職員有心留幾張吉枱，造成排隊人龍現象。我排了半小時，入到去坐低，見到起碼七八張吉枱，都唔叫人入座。然後，我一邊食了半小時，依然冇完全入座，外面一樣有人龍排隊。到我走嘅時候，依然有枱係未有人入座。排隊唔緊要，但當你很疲倦的時候，入到去發現自己，因為這個原因，等了這麼久，你就覺得我以後唔想再嚟。服務差到一個點。👎👎👎🤩 紅燒牛肉麵明顯機製麵條，沒有咬口牛肉只得幾片，湯底還可以🤩 朱古力珍珠奶茶朱古力味算是濃郁，都幾好味但係嗰兩塊餅，帶鹹，一點都唔好味

_春水堂👻冇得去台灣唯有去食台灣野😫_試咗四樣嘢滷肉飯幾好食😋但整體覺得唔算超出眾🤭香港有好多台灣野都好食過佢鹽酥杏鮑菇冇特別😢唔建議大家叫個人覺得繼光香香雞好食啲🤫唯獨有驚喜嘅係飲品❤️但整體飲品價錢都唔算平_唔使排隊可以去試吓但要排長龍就不了🤪_整體性價比 7/10_#香港#香港美食 #hongkong #hk#hkfood#hkfoodie #foodie#恐龍覓食日記#台灣菜#珍珠奶茶

由於晚市時間一定要等位，所以我們決定5:30就去排隊，食過早飯。我們叫了一個牛肉麵，一個滷肉飯，一個鹽酥雞，兩杯嘢飲。唔好睇小滷肉飯好似份量很少，其實平時晚飯食少飯的人已經很足夠。另外髯鬚雞雖然是小食，但是兩個人食極都食唔完。一定要叫的是這裏的飲品，款式真的比一般茶飲店多很多，加奶又得吾加奶有得。