春田冰室

营业中

休息中

如題XD 就係多料、環境都好乾淨、但味道普通。🤨🤨🤨🤨🤨幾好的係佢可以選擇飯轉菜底，好少餐廳有呢個選擇！健康點I like it🤣🤣🤣🤣🤣🤣😛😛

來到紅磡呢邊比較舊嘅小區，諗住搵間環境比較乾淨企理嘅茶餐廳食個靚晚餐，所以就誤打誤撞入咗呢間春田冰室啦～香草厚切西冷牛扒💰HK$98西冷牛扒非常厚切，可惜食落去比較多筋，味道亦偏咸，連旁邊嘅薯條味道都係偏向重口味～蟲草花椰子雞💰HK$66雞肉非常之嫩滑，另外仲有木耳、蟲草花等等去增加口感！湯底亦好夠濃郁，可惜嘅係味道同想像中有啲出入，椰子嘅香味亦唔夠出！貪得意揀咗通粉做麵底，原來呢個配搭真係會有啲奇怪😂整體來講，餐廳座位夠闊落，可惜食物質素好普通，而且價錢都唔平～

執下手機相先記起，中秋節放早食過呢間春田冰室，記得嗰日條街冇乜餐廳開門，沿路一路行到見春田冰室有開，行過咁多次都冇試過就入嚟試下佢啦。店內得幾枱客，夥記仲多個客，企埋一邊傾計，完全冇人理我哋，唯有自己搵位坐低。坐低發覺水係自助區斟，落單係自己掃code，ok啦冰室唔收服務費。⭐吉列豬扒米線叫咗個吉列豬扒米線，塊豬扒炸得幾香口，但個米線湯底真係淡如水…⭐豬扒煎蛋蔥油撈麵朋友叫咗個蔥油撈麵，自己揀咗要多蔥油，嚟到有嫌人哋太油，真係唔知佢想點…Anyways，朋友話個公仔麵係好食嘅，豬扒都好正常。⭐炸脆脆魚柳雜果沙律最後仲要咗個炸魚沙律，塊魚啱啱炸出嚟，熱辣辣大大塊，沙律有罐頭雜果、薯仔、蘋果等，都幾好。⭐凍檸茶 & 凍檸蜜 & 熱檸茶飲品正常啦。全餐同夥記零交流冇講過一句嘢，埋單都係指下張單叫你畀錢😂

間中都會經過呢間開喺煥然懿居樓下嘅茶餐廳，不過一直都冇試過。早排同屋企人喺紅磡廣場買完嘢，諗住隨便搵啲嘢食，就入咗去試。屋企人揀左個蟲草花椰子雞米線，加咗$8轉雞髀同湯飯。另外，我就揀咗蔥花滑蛋厚切餐肉三文治（烘底）配薯條。❤️蟲草花椰子雞配湯飯賣相吸引，個湯有濃郁嘅椰子味。而且雞髀啖啖肉，仲有蟲草花，木耳同紅棗，十分養生。❤️蔥花滑蛋厚切餐肉三文治賣相一樣吸引，蔥花蛋煎得好嫩滑，蛋同餐肉都好厚身，烘底後特別香口。本身諗住隨便搵啲嘢食吓，都無特別期望，估唔到呢度嘅食物質素有驚喜！👍🏼

呢個杯感覺十分殘舊同不衛生，仲好似未洗乾淨咁，呢啲杯都仲夠膽攞畀客用，自己諗。影相畀店員睇，佢叫我即時反映而唔係影相。但我覺得呢樣野嚴重影響我印象，佢咁講我仲更加覺得有逃避責任之嫌。

我們五人去下午茶，叫了五份下午茶餐；問一位疑似老闆的男人取餐紙巾，他取了一包家庭裝的紙巾來我面前，但只是放在他自己的手上，我取了三張，然後......我說：“不如整包放下吧！”他回應：“我們有紙巾賣，你可以去收銀處買”我沒有回應他，他便立即拿走紙巾！過了兩分鐘，他回來..並以極為惡劣及富有挑釁性的態度..說：“您們要買紙巾嗎？”我回應：“無需要了！”難怪港人愛北上消費...在香港，吃飽的只是...“一肚氣”！

平時都知道d間春田冰室9pm截客，last order係9pm，然後可以食到9:30pm，今日8:50pm未夠行入門口⋯收銀個男人就話已經收工，因為今日我急急係屋企出門口忘記帶手機，所以完全唔知道當時係幾多點，我就問收銀個男人⋯依家是否已經夠9pm收工嗎？佢仲答我係⋯但當我行到隔籬餐廳坐低，望到人哋餐廳個鐘才係8:50pm，d間食店真係巴閉，搵夠錢所以講大話趕客🙇🏼‍♀️🙇🏼‍♀️d間食店，除咗椰子雞米線⋯其他嘢完全唔好食，上次叫個西多士，炸到嗰邊好硬🙁

懶pro叫人用qr code落單 揀完個人化選擇 過左陣上餐反應完全冇跟著整 同個店員講 佢話整唔到整唔到點解要人用qr code落單呢？點解要提供個人化選擇呢？跟住問都唔問幫我拎走碟嘢 話幫我換其他餐（我冇要求過）請問咩意思？如果喺落單之後同我講話整唔到 照常ok嗎？咁一定冇問題 完全唔講係唔係即係廚房唔睇客人嘅選擇？我話咁不如唔好整個人化選擇啦？佢仲要啤我話幫我同老闆反映^_^ 就走左 即係唔想處理啦 態度極差 體驗極差 唔會有下次

我同我個囡 2個人來食, 入到餐廳冇人排隊即刻入座。當時有一張冇人坐的四人枱但待應沒有安排坐那張四人枱, 而係去另外一張已經坐左2個人的4人枱撘枱, 其實好多餐廳都係咁做法, 好正常。  我地點好餐等食, 同我地撘枱那2個人食完走左, 餐廳內除了我們的枱已經滿座。  此時有4個客人進入餐廳沒有位, 跟住有一個女侍應走過來, 話我地"打尖" 冇排隊, 叫我地起身比個位那4個人, 我當時已經同佢解釋左我地係有待應帶我地入來坐, 那4個人當時也不在, 不可能會"打尖", 那個女侍應同意和走左, 不過我已經呢個女侍應的不禮貌攪到心情麻麻。隔左一陣, 那個女侍應不知是否第一次搶枱不成, 佢再走過來直接來呼喝我, 話 "那邊有一張 2人枱空左, 你地去那裡坐"。是否我那張枱如果一直坐不滿, 我便要一直比佢地調來調去?  呢一刻我即刻嬲到話唔食同走左。今時今日香港餐廳經營困難, 大家係明白啲, 但點解要用這些手段去對客人?

食左幾次 因為公司喺附近其實都唔錯 價錢都算係咁附近餐廳仲貴試嗌焗雞扒黑松露意粉雞扒係好食喎 塊皮焗得幾脆黑松露醬反而有啲滯似係罐頭醬就咁撈落去常餐反而我食得多 有埋塊包 但冇影相個人覺得都算唔錯

呢日沿馬頭圍道向土瓜灣方向行，接近兩點嘅時間，見到呢間嘢嘅裝修幾四正，望入去仲有卡位添，一於行入去，試下佢啲嘢得唔得，點知一入去就已經係伏，畀個侍應截住問幾位，知道我係單身一個就叫我坐櫈位，我已經有啲唔開心，但一場入到嚟，又未幫襯過，即管睇吓會唔會係開心大發現，點知結局都係我判斷錯誤。我拎住件大褸，咁當然揀4人櫈位嚟坐，好嘞，隔咗無耐，又有人入嚟，我又要被搬竇坐兩人櫈位，無計。睇下個餐牌，常餐沙嗲牛肉麵配炒蛋多士都要$54，下午茶要兩點半先至有，唯有叫個午餐試下啦！揀咗萵笋牛肉飯，配熱奶茶，$58。奶茶慣例先嚟，我亦慣例落啡糖，飲落味道正常，無驚喜。至於萵笋牛肉飯就同我要求有好大落差，首先一口咬落牛肉度，就明顯感覺到落咗唔少蘇打粉，不過唔緊要，我明呢個係廚房一貫做法，雖然我唔太喜歡；伏點係起甘筍同萵笋度，兩樣都係爽口，尤其是甘筍，而我就喜歡食腍身。所以呢間餐廳，我諗我唔會再有興趣去試其他，即使佢幾旺場都係咁話。

We were in the area and looking for a quick lunch! Saw quite a few bad reviews and was hesitant to try it! But surprisingly, it was quite good!We ordered a baked pork chop on rice, the pork chop was very big, and fried just right, it wasn’t very oily and had a juicy and tender texture!Then we had a chicken soup macaroni, the soup was very flavourful, and the chicken portion is big! Lastly we ordered a beef and egg sandwich, the bread was the soft big slice that I loved! And the egg and beef was

今次第一次去此店吃早餐, 之前曾去過該店吃過三文治, 覺得唔錯. 沒想過雞扒早餐完全唔掂, 簡直是中伏! 明白每間餐廳非所有食物都好吃, 但從未吃過如此差勁的煎雞扒, 雞扒吃時似出水, 有雪味, 皮淋, 一點都唔脆, 與已結業曾位於旺角的一日三餐和土瓜灣的嘉樂冰室的煎雞扒相比簡直不堪. 若100滿分的話, 此店的雞扒早餐只值10分! 那10分只係給予只有半條不油的德國腸.多士:  只係一半片稍微烔一下,  完全沒有在包面上有任何焗過的痕跡. 細片之餘, 稍為厚身並搽滿牛油的麵包🤣相信是因電費昂貴的緣故🙄?炒蛋:  明顯蛋的份量得一隻, 係滑的. 但與土瓜灣的嘉樂冰室的滑蛋相比, 真的炒得未夠班!雞扒: 根本不知是否出完水, 為了省成本才翻熱🤔 ? 雞扒本身 size 不大, 皮只貼在中間, 大概只佔個扒一半的位置.  皮淋, 一點都唔脆. 肉有雪味, 這說明醃功不好! 食時感覺塊扒出水, 不要奢望 juicy 了! 更不用說有香脆的感覺! 與已結業曾位於旺角的一日三餐和土瓜灣的嘉樂冰室的煎雞扒簡直差天共地! 十分失望! 扒上的汁相信是燒汁🤔 ? 沒有味道之餘, 亦蓋不了雪味!  我此食

見到地址寫住紅磡 但千祈唔好係紅磡站出閘啊係近土瓜灣㗎👨🏻‍🏫👩🏻‍🏫見到門口貼住啲嘢食相好正🖼️ 就入去試吓啦🚪🚶🏻🚶🏻‍♀️睇吓味道如何先😋🍚🍚🍚🍚焗鮮茄吉列豬扒飯🍅 ($62)個炸豬扒真係好大塊㗎😆炸皮薄同埋香脆 而且豬扒厚度適中 唔會擔心好厚好難咬開😬焗豬扒飯一定要配蛋炒飯底🍳再配上蕃茄 酸酸地好開胃🍅係飯上面仲有芝士係面 竟然有拉絲嘅效果🧀蔥油雞扒煎蛋飯🍳 ($57)雞扒好大塊🙆🏻‍♀️ 但唔會好韌 反而好嫩滑添啊💁🏻‍♀️好鐘意個雞皮煎到好香好脆煎蛋就揀咗太陽蛋🍳 做到流心啲效果🌊撈落啲飯度食仲正啊🍚可以揀正常 多 同少蔥油今次🙋🏻‍♂️揀左少蔥油 蔥油嘅味道好香但比 偏鹹左少少🧂🤏🏻

叫左個300度鐵板餐，啲汁倒落去熱都唔熱，吱吱聲都冇，用隻手掂落去都可以頂得順，真係點可能有300度？啲肉嘅味道都係普通茶記貨色，基本上同一個普通扒餐冇乜分別。 拉絲薯條，竟然係將塊芝士掉落塊鐵板度，跟住再擺啲薯條上去！！黎到，嗰嚿芝士已經燶曬，成個黐喺底部！叫人點食？我叫阿姐埋嚟睇，佢反問返我應該係點？係咪芝士擺上面頭，做拉絲？我話你都知啦，仲問？？真係畀佢激到爆廠！你地廚房唔識整，就唔好學人整喇！最後我唔要，退返畀佢！豬扒包都叫正常嘅，係啲粉厚啲。到最後埋單時，發覺佢收多咗我幾蚊，問佢點解？原來佢當咗係晚餐價！我係六點前落單嘅，應該計下午茶嘅價錢！唔聲唔聲又收多人幾蚊！真係離曬大譜！