時代冰室 (崇齡街) (已結業)

第一次亂入，$35超高質下午茶餐，生炸雞髀西多士。西多士🍞仲容許我走花生醬🥜，唔好以為佢得半份，其實佢疊高咗，係厚厚的！仲要用貴價LuPak牛油！炸🍗皮唔係嗰啲成塊炸皮脆口嗰款，醃味做得好好食！杯茶走少甜☕️個茶膽都好好飲！環境光猛乾淨，係啲卡位有啲迫，冷氣好猛風，好快吹凍哂啲食物！一定會再幫襯！下次試其它時段嘅食物！

一家人出街食飯唔一定要食貴野, 今晚就去咗附近餐廳簡單食個便飯。餐廳所有座位都為卡位, 而且每四人一卡, 好少可茶餐廳、冰室會咁有獨立空間, 就算自己一個人食, 都唔會尷尬。餐廳主題為舊電影劇照, 令人回想懷舊時光。呢度除了供應一般港式風味食物, 還有西式鐵板、意粉, 款式多多。【即炸厚切豬扒 煎蛋 三重芝士焗】 HK$61 豬扒肉質有彈性, 唔會太乾, 熱辣辣時芝士可以拉起絲, 配上太陽蛋、洋蔥圈、多汁清甜菠蘿片, 但嫌個蕃茄汁唔夠酸。 【海陸空 三併 鐵板扒】HK$106鐵板熱辣辣上檯, 自選了黑椒汁, 淋上去滋滋聲香噴噴, 半隻燒脆鴿皮脆焦香, keep到少少原來肉汁; 牛仔骨薄薄的, 容易咬開有肉香; 蒜蓉煙肉大蝦, 很爽, 有少少鹹香煙肉碎提升味道; 配有粗薯條, 豐富飽肚。   + $8 火山華田.脆脆冰凍華田面層再咗美祿粉同埋美祿脆脆, 脆脆半浸咗華田, 有得飲又有得食, 正!【功夫 無骨海南雞飯】 HK$63 海南雞份量唔算多, 但口感算幾嫩, 配有三種醬汁。雞飯有濃郁雞油香, 飯粒粒粒分明又軟熟。+ $8 紅豆冰  紅豆份量比例較少, 味道帶甜, 奶味不太重【時代 公

好鍾意去冰室食下午茶，經過時代冰室，當然要入去食吓嘢！ 入面的裝修好有特色，亦有好多卡位，非常好坐！餐牌的選擇非常之多，我哋今次就叫咗個常餐 （仿鮑魚火腿絲通粉，火腿奄列，牛角包，支裝鮮奶)，冰火菠蘿油，瑞士汁乾炒牛河，特盛綜合水果茶。所有食物也非常有水準，份量又夠大。 常餐依舊保持質素。而好耐未食過菠蘿油，大塊牛油用冰冷凍保持硬度，之後自行放進熱辣辣嘅菠蘿包之中，確保牛油冰凍，配温度仍暖和的菠蘿包，入口非常滋味！瑞士汁乾炒牛河，非常有鑊氣！綜合水果茶大大杯， 口感清新！

今晚約咗兩個朋友食飯，見好耐冇食過茶記，所以就決定去時代冰室食晚餐。二人餐 - $128蜜椒排骨炒菜心韭黃大蝦叉燒炒蛋呢個二人餐份量好大，足夠我哋3個人食。「蜜椒排骨炒菜心」味道偏甜，排骨肉質幾腍，菜心亦都唔會煮到好老。「韭黃大蝦叉燒炒蛋」相比之下就冇咁重口味，啱晒唔想食得咁肥膩嘅人。韭黃都算嫩身，炒蛋生熟程度都唔錯，不過蝦仁再入味d就好啦！海陸空·三拼·鐵板扒 - $106呢個海陸空鐵板餐分別有海(焗芝士煙肉虎蝦)，陸(牛仔骨)，空(乳鴿)，呢個組合都幾特別。巨峰·提子啫喱冰 (+$8)芒椰·蜜桃冰 (+$8)另外仲嗌咗兩杯特飲share! 啫喱冰真係好有童年回憶，好少見到餐廳有賣。不過兩杯嘢飲味道真係幾甜，唔飲得咁甜嘅一定要嗌少甜先得!

以前翠華個位轉左手做時代冰室、星期日晚市都唔洗等位可以直入 ⋯ 本身想用 app 叫外送但係佢哋應該超多 order 所以 show Offline。⬇️餐牌都好多選擇、本來兩條友打算一份炒粉麵一份鐵板餐，落單嘅時候佢話炒粉麵得一個師傅所以等30分鐘以上。⬇️最後叫左兩份海陸空鐵板餐因為有乳鴿、佢會問你幾多成熟 ⋯ 要唔要飲湯？再用$26加左份波士沙律。⬇️湯超細碗正常中湯、沙律反而有驚喜大大兜幾新鮮配上麻醬唔差，凍檸茶就有D淡。⬇️鐵板餐上時有紙包住但係塊鐵板基本上唔多熱、落汁都唔會彈汁 ⋯ 塊牛仔骨超級薄身好一般、蒜蓉汁死咸而燒汁鮮味好多，隻蝦算最好味但成份餐真心唔夠飽、乳鴿唔差而意粉有落肉醬一開始都太咸。⬇️呢度食鐵板餐好一般、冇餐包冇西湯而塊板又唔熱、另一份配薯菜D薯條都係淋既 ⋯ 試過就算！

時代never wrong😙 好味又抵食～ 好少食下午茶嘅我之前罕有地同同事一前叫咗下午茶餐😛🍿 王牌 生炸雞脾 配西多士 （連飲品 $36）雞脾真係超級正😋 最怕個皮太肥都佢個皮薄片同脆口嘅，一啲油膩感都冇😋 雞脾啖啖肉，夠多汁💛單叫嘅西多士會大份啲嘅，呢個因為係套餐所以係半份😙 除咗附送嘅牛油同蜜糖之外裏面仲有一層我最愛嘅花生醬，好幸福呀～🥰飲品我就揀咗冇咩特別嘅熱檸水，唔洗加錢㗎💛 電話/ whatsapp都可以落單，好方便～

話說舊同事雖然轉左公司，但都係同區，於是搵個大家公司的中間點，食下飯聚舊時間尚早，未洗等位，職員清理好枱便可入座。餐牌選擇多，lunch或正餐牌 其實都包飲品，所以不用局限在Lunch 餐內選擇📍髀翼雙飛伴肉燥手工刀削麵髀翼齊發，色澤不俗，上面還灑了一點點芝麻作黯綴提香瑞士汁甜香，還有滷蛋，雞髀大隻啖啖肉，翼較髀入味，那是絕對的再試刀削麵，麵質煙韌有口感，肉燥配葱油，濃香又惹味，刀削麵配這濃度的汁醬 比例剛好，如配公仔麵之類的幼身麵反而偏鹹📍海鮮餃子喇沙賣相及用料都唔錯，唯獨是餃子🥟放入湯內浸到冧晒總結而言，兩個餐味道都較重餐茶基本盤—奶茶題外話，冰室出左High Tea 餐，有少少想試下添

My families and I went to a restaurant called "Times Cafe" (時代冰室) located in G/F, 81-83 Shung Ling Street, San Po Kong(新蒲崗崇齡街81-83號地舖).This Cha Chaan Teng is decorated in a modern style, quite comfy spacious place!"Swiss sauce stir fried beef flat rice noodles"瑞士汁乾炒牛河HKD$60The swiss sauce is incredibly well seasoned and keep the noodles moist!..Hugeeeee portion!Superrrrr yum and value for money!!..recommended!!"Slow cooked beef brisket curry"時代咖哩慢煮牛坑腩HKD$68The curry is rich with complex flavours

腦細請食下午茶餐，前幾天walk in 往下單買左9份tea set😂。送上公司大樓，先講服務準時3點半到達。用兩個大紙袋重疊放入，每份餐都有獨立盒，食物我地9人叫左生炸雞肶，超大隻，同事講又好食又大隻又飽肚。厚切蛋治，西多士，熱狗，炸雞翼，雞翼內外入味送到來微熱但keep到脆，西多士真係特別好味，好厚身，包咬落去有彈性及鬆軟。中間有花生醬薄薄的不會過多。餐到後，我地派餐時發現少左杯涷奶茶，打電話到餐廳，本來打算知會便算，老闆都預左冇得補要去退錢煩，估吾到服務勁好，職員叫同事送返杯上公司，快到呢同一個職員，6分鐘就到，公司距離只少要行10至15分鐘。呢個真係要讚。日後都會再叫

午餐選擇都幾多，唔係太餓就叫左個傷風感冒餐（$48）。特濃蕃茄意式雜菜滑雞通粉配火腿奄列同牛角包，跟餐飲凍檸茶（+$3）。通粉好大碗，檸茶好大杯，十分抵食，味道都係一般茶餐廳之上。​​同事叫左全日歐陸早餐（$53），入面有魚柳、炒蛋、司華力腸、沙律、薯餅、牛角包，望落好豐富都覺得好吸引，有機會再黎都想試呢個餐。​有storellet個app做埋會員，仲有好多張$5優惠劵送，限期前每次黎食都可以用一張咁濟。

新蒲崗 不熟路， 揀一間最正路的餐廳就無錯menu 勁多頁 揀左好耐 終於揀左5樣野 本身仲想最後叫甜品 點知太飽就放棄了2個人食到飽飽 都係$200 幾這裏咩菜都有 港、台、日、西餐都有朋友--- 蛋餅迷叫左 肉鬆蛋餅 過口癮一流最細心係 連醬油膏都有配 吉列魚 沙律 少見的配搭 但條魚絕對大過快餐店早餐舊魚沙律菜都無馬虎 係用幾款正式的salad green lettuce 仲有carrot and cherry tomato好耐無食過呢種 硬麵炸得脆口 無多餘的油 和不均勻汁 剛剛好比你浸淋晒所有麵鹹蛋雞翼 可以再濃味d 但食咁多野 又濃味又覺得好滯好難取捨本來想要最大個份鐵板有乳鴿的點知賣晒 唯有要牛扒食港式扒 我就自動會叫7成熟煎得一d都唔硬 仲係粉粉地鐵板雜扒通常都比d 有筋的位 不過時代就大大塊 半寸厚配菜超多 下面仲收埋左舊菠蘿

同媽媽去完新蒲崗嘅一田就有D肚餓，但媽媽話唔想喺商場到食，因為食嚟食去都係嗰幾間，於是就帶咗佢嚟時代冰室。媽媽睇完餐牌就話想食喇沙，而我就揀咗個時代High Tea層層疊，另外再點多個沙律&黃金雞翼。點咗嘅喇沙口味係特盛海鮮濃喇沙湯伴鴛鴦麵配炸餃子，聽落都好似好多嘢好大碗，其實都係點哂餐先知碗麵有咁多嘢，上到枱見到眼都凸埋，$61嘅價錢但咁有咁多嘅份量，真係抵到爛！材料包括一隻大蝦，一粒大魚蛋，蟹柳，一隻滷水蛋，兩隻大餃子，呢個真係超抵食。而沙律就點咗鮮果大蝦千島沙律，材料好新鮮，蝦又好彈牙鮮甜！黃金鹹蛋雞中翼即炸，夠哂香脆，如果鹹蛋黃再多些少就仲正。時代High Tea層層疊就靚過好多酒店嘅嘅所謂Tea set，頂層係西多配生果粒（有藍莓、士多啤梨&桃），中層就係四款口味嘅腸+雞翼，底層係炒滑蛋、沙律同薯餅，最令人難忘嘅係呢到嘅西多士食落同平時茶餐廳食嘅感覺差別好大，越食會越想食，蜜糖味好香之餘配咗生果嘅少少酸嘅味道真係好夾，明明已經好飽都會令到人仲好想食埋佢！食完呢餐已經愛上咗呢度嘅時代High Tea 層層疊。

作為模範主婦，星期五咁開心，當然要慶祝一下，之前在馬鞍山的時代冰室吃過三眼仔飯，覺得不錯今天一於就簡簡單單來時代冰室吃晚餐，再逛一逛大型日本超市髀翼雙飛 伴蔥油肉燥 撈手工刀削麵加配滷水蛋超大隻滷水雞髀和雞翼，非常入味！我最喜歡吃煙煙韌韌的刀削麵👍🏼👍🏼👍🏼恰到好處，配上蔥油肉碎，正🤫另外我加了$8配滷水蛋，同樣非常入味。重量級美國西冷牛扒西冷牛扒七成熟，剛剛好！牛扒肉味濃, 又夠厚切，非常滿足。醬汁還可以自己控制分量😍而薯角烤得香脆，點上肉汁後，味道夾😋配菜還有粒粒粟米和西蘭花，更加健康。另外加配生菜，蠔油另上，健康。

新蒲崗開左時代冰室， 入面裝修帶住懷舊既感覺。而我就係俾貼係出面既花膠雞湯飯吸引左入去。呢個餐唔想要飯的話可以免費轉做烏冬。平時出面既餐廳轉烏冬都要加錢，下次試下呢度既烏冬先！呢個湯飯，可能係湯碗唔夠大既原因， 所以湯同飯係分開上既。望落覺得非常之豐富， 除左有花膠同雞件，仲有鮑魚，素翅，蟲草花，冬菇，菜等等既食材。雞一d都唔老，花膠冬菇都幾厚架。一邊食就一邊覺得自己好養生咁。至於個湯， 一開始飲嘅時候都覺得味道岩岩好，但食到後期就覺得有d咸。最後，我係食唔晒d飯， 早知就叫少飯啦可以減一蚊架！65蚊既花膠湯飯仲有例湯同餐飲， 食完俾我既感覺係我一肚水啦！

前幾天，回到我中學讀書的新蒲崗，深望舊同學。正值中午下午茶時間，想起以前讀書經常光顧的翠X茶餐廳，順便吃個下午茶回味一番。但來到的時候，發現事過幾千，經已轉成時代冰室了，不知不覺真的轉換了時代。餐廳內進可見設置有電視機供顧客觀看，着實是相當貼心。設計方面用上灰白配綠作主題，並襯上彩色吊燈和磚塊作點綴裝飾，令整體裝潢頗有特色。店內牆壁更特意掛上 70 至 80 年代的電影劇照。下午茶麵餐下午茶選擇了瑞士雞全翼撈麵，先從麵條說起，其口感硬身結實，爽口彈牙，再配搭上薑蓉和蔥粒點綴，為味道帶來一股清新感覺。雞全翼份量共有兩隻，加入了瑞士汁和白芝麻製作後，入口甜中帶鹹，鮮嫩入味。額外還附隨有一隻滷蛋，口感煙韌微彈，綿密鮮香。黃金鹹蛋黃雞中翼雞中翼一碟四件，奉上時看見其製至金黃色的外表，已讓人不禁立即開動。雞翼外層包裹有鹹蛋黃，因而食用時蛋黃香氣濃郁出眾，味道鹹香嫩滑，酥脆不膩。凍檸檬茶檸檬茶高身大杯，冰量充足，把附隨的檸檬片戳破調味後，味道茶香濃郁，酸中帶甜，微澀清香，於享用完數款鹹食後，配搭飲用正好可達致清味蕾並緩和膩滯的效果。總結而言，餐廳設計風格完美帶出了九十年代電影的主題，整體裝潢是甚有