時代冰室 (頌安商場)

营业中

休息中

食物質數  +  份量  + 呢個價錢 。要讚!。頌安商場 舖。坐位舒適。 6-70個位，店員做到無停手，對每個客人，都表示出非常非常好禮貌，又主動，又很有熱誠，今時今日就係要呢種服務態度。 抵讚😉

💭 入座時間：13:00💭 等位時間：0分鐘💭 需搭檯：✅ .蔥油雞扒三眼煎蛋飯+凍奶茶｜$62.記得幾年前係九龍灣食時代果陣好食到忍唔住即刻po上IG不過今次食感覺質素下降左少少.最好食既部分係三眼煎蛋🍳三隻雞蛋蓋係飯上面全部係流心荷包蛋一次切開一隻蛋黃流入白飯入面加埋少少豉油汁好銷魂呀😍.雞扒就煎得比較乾身肉汁唔多同埋可能雪左一段時間煎到熟既時候肉質已經有d柴既感覺同埋唔太有雞肉味比較失色少少🥲

第一次光顧這間餐廳, 小試早餐水準.看到餐牌有正常茶餐廳價的早餐，叫天天面餐，面包,蛋要點樣煮，面食，餸菜，飲品全部任君自選配搭.今日卻選了輕食早餐,餐牌寫有炒蛋,牛角包,通粉,飲品,好齊全呀. 食物質素都不差,除了隻蛋老身少少,通粉迷你左少少,女兒家真係夠食. 我最愛它的牛角包,比想像中的高質, 熱檸茶算是不過不失,最低限度唔會苦澀.

今日路過呢度，見到有間香港懷舊裝修風格嘅冰室，原本好少去冰室嘅我都忍唔住去試吓。餐廳有唔同類型嘅食物，拉麵、鐵板餐、焗飯、咖喱、沙律、中式小菜、火鍋等等。今次我就試咗全日歐陸餐配炸魚柳，味道都唔錯😊餐飲我要咗熱港式奶茶，味道都幾好。如果有埋個碟就好啦😉餐廳嘅設計好有港式風味，值得一讚👍🏻現場亦有播放廣東歌，我唔識呢啲歌但我相信係香港懷舊歌。價錢方面，炸魚柳全日歐陸餐$59，全日免收加一。

過完中秋，天氣開始涼涼哋。行過商場見到時代餐廳，已經推出火鍋👏👏當天大約7點，唔係多人，不用等位，見價錢又平平哋，於是入內進食👏👏QR code 自行下單：醉雞肥牛鍋$78（選了芫荽皮蛋湯底）內有：一碟雞一碟肥牛烏冬、生菜、蘿蔔（幾片）、一粒蕃茄、粟米（一舊仔）一嚿鴨血、一舊獅子狗、一舊響鈴、一粒貢丸及細細的油炸鬼一人份量是足夠的👍價錢代表一齊。真係平價之選👍😍🥲非常之方便又不用自己清洗。

幫襯過好多次，佢地 menu上既野基本上，中午晚餐都試過，但佢地既食物質素真係一時好一時壞。好既，佢地食物既味道其實唔差(for me)，份量都唔細，同埋menu種類都多，都叫成日有新野推出，其實真係唔差。不過次次黎食都好似撞彩甘。好彩既，食物味道好，份量又多。👍但唔好彩既，要撞佢今日啲食物係咪凍既？食物係咪完全熟哂？定還是係變酸變醙左？😰😰😰😰食物凍既唔熱我可以理解，有時食物煮定凍左，翻熱翻得唔夠就上枱。食物未完全熟哂我都理解，可能係廚房師傅火侯控制唔好，未熟都唔知就上枱。但作為一間餐廳，食物唔新鮮真係一個死罪。試過好多次，食物都有酸醙味。外賣或堂食花膠滑雞湯飯，湯或者係湯料係酸既。 黑蒜豚肉拉麵，僅有既三、四塊豚肉都係酸。白飯，連續換左三四次都可以成碗飯仲係硬既(仲要係四碗飯連續換三四次都係甘)，仲有好多其他例子就唔再列出黎。大部分店員都OK既，同佢地講食物有問題都會換過新既，但 新換既食物 同 未換既食物 會唔會質素一樣，都係要講撞彩架。唔知道係得頌安呢間冰室有呢個問題，定係所有分鋪都有呢個問題？其他分鋪可能可以去幫襯下既，但如果要試頌安呢間，大家要有撞彩既心態準備啦。😂To時代

今天假期又唔想自己煮。於是落去樓下時代冰室食早餐😄😋叫了一份：美式炸魚柳配香滑炒蛋+雞肉腸+牛角包及田園沙律及即磨咖啡$49元再加$7可以有火腿通粉。👏👏👌而家都是採用手機自行落單。簡單易用👍落咗order後都很快呈上食物。嘩嘩😱都好大份喎😍滑蛋厚實、魚柳香脆有魚味🐠同咪都幾大塊😄田園沙律份量適中食得出新鮮😃火腿通粉普通。即磨咖啡普通可以接受.只是收銀姐姐黑面來了很多次她都是這樣態度😅

時代冰室嘅食物越嚟越差…比之前燉奶佬更差 ！仲要話有的餐專供畀學生食用！午＇晚餐雞扒和牛扒乾到好似咬柴一樣 薯條韌到咬都咬唔入， 打電話去投訴！服務員話呢Ｄ餐係供畀學生食用！作為一個家長嘅我，聽完之後，無語

新年假期來過一次後有一個月冇來過了，來到發現餐牌改了，輕微加價了，每次都來吃的豬排餐也不同了，變成了吉列豬排，豬排大小好像比之前細，雖然味道可以，還是比較喜歡之前的風味。

本來已經睇定想食肥腸雞煲或者牛三盛火鍋，點知因為新年期間，暫停供應，殘念。鐵板乾炒叉燒意粉（$56）熱檸蜜（$0）夠鑊氣，但味偏淡咗少少。叉燒好瘦好乾，唔得。意粉夠彈牙。流心窩蛋。 芫茜滑牛煲仔飯（$62）熱檸蜜（$0）加潤腸（+$12）加腐乳油麥菜（+$15）大約需要廿分鐘，份量適中。飯焦是有的，但唔均勻，底部靠邊有三份一係燶嘅。飯粒都夠乾身。流心窩蛋就冇嘞，因為焗到變咗全熟蛋。芫茜滑牛味道唔錯，雖然芫茜味唔重，但牛肉餅幾滑。潤腸碎上，約五片（另加一片臘腸），味道正常。腐乳油麥菜比較細碟。

馬鞍山朋友帶我去食茶記火鍋，別有風味，今次喺頌安邨商場《時代冰室》。秋冬限定台式火鍋台式麻辣牛三盛~一人一鍋都非常大鍋，台式麻辣(小辣)，三盛包括牛腩、牛肉K及肥牛，牛牛牛， 感覺好豐盛，麻辣味道唔會太搶喉，食落非常惹味，先吃肥牛，夠肥美，牛肉片好入味，牛腩炆得好夠淋，各有特色，加個粉絲索曬啲汁，更美味！朋友話多加一個肥牛先夠喉！肥腸雞煲(醬烤香茜)~近年來愛上了雞煲，今次仲加入邪惡肥腸，食咗先算，要讚佢炆得好入味好夠淋，超正！

 今日第一次在頌安邨分店吃午餐。叫了椰香葡汁、雞皇焗意粉 ＋熱即磨咖啡。咖啡先來，是暖的，實在受不了。咖排不是免費餐茶，飲品要加$8的，所以即時召侍應，換了一杯熱的。之後來的焗意粉。雞肉和意粉，只有鹹味，沒有甚麼椰香。意粉只吃了兩口便埋單。以後不會再來。

【馬鞍山•時代冰室】————————————————————————天氣開始涼，係時候打邊爐暖暖❤️今次喺茶餐廳食一人火鍋，份量超級多，飽到上心口。🍯｜醉雞肥牛鍋｜HKD78湯底已聞到陣陣醉雞味，用藥材熬製，補身暖胃，醃製的花雕雞🐥肉味鮮甜嫩滑。八寶盒中有各種基本蔬菜🥬及烏冬，五福臨門是幾款火鍋配料：馬油炸鬼、貢丸、響鈴、鴨血、獅子狗卷。🍯｜海鮮鍋｜HKD88濃蝦湯底🦐珍寶海鮮中有：海花蝦、帆立具、黑魚片、蟹棒、蝦滑等等。最愛❤️吃深海黑魚片，如同酸菜魚片一樣，薄切嫩滑，配上濃郁湯底更入味。兩個餐加了超級珍寶飲品，只需加HKD18，便有一杯XXXL飲品🍹 特盛綜合水果茶及咸檸七同樣大杯。

今晚放工約了朋友去附近大型商埸，影下得意公仔景，我們影完，想去那兒吃，朋友問那兒有坐得舒服同平價，我提議這間，下午茶吃過，味道不錯，到達，看了一會餐牌，叫了珍寶海鮮煲仔飯上枱已聞到陣陣香味，打開蓋更加香，扇貝同蝦，都大隻，入口好鮮鮮蝦同扇貝味，爽口滑經典菠蘿冰好有新鮮鮮菠蘿甜香味北菇臘腸滑雞煲仔飯未開蓋，已聞到好香臘腸同雞味，打開更加香，臘腸入口特有臘香味，雞身特別嫩滑同香雞味龍鳳大檸樂份量大杯，杯底放了話梅，一啖入口有甜甜醎醎檸樂，味道特別團員小菜 (兩餸)韮黃叉燒炒滑蛋新鮮鮮韮黃，叉燒軟霖霖，易嘴嚼，滑蛋好滑身，香蛋味家鄉蓮藕咸魚煎肉餅大塊，肉餅厚身，香蓮藕同咸魚味，煎得爽脆

入到去諗住叫外賣，等左5分鐘都冇人理，想叫個海南雞飯，點知店員冷漠一句話，賣哂，好似大哂咁，呢啲咁嘅服務質素，唔係仲幫襯下話？！平時堂食已經溜單，食哂個飯，個水果茶都可以未到