時新快餐店 (已結業)

近來很喜歡到光顧，尤其一些很出名的店，所以不得一提這間時新對於漢堡包沒有情有獨鍾，但倒想試一試這間的，叫了一個雙蛋芝士漢堡包，它內裡用的是沙律醬，配合煎得剛好的蛋和漢堡包原來真的很好味，很多香港的風味，而不是西式快餐店的風味。又叫了一客薯條，味道一般，不過它是較粗身的薯條，所以吃上去特別好吃。

平時返學經過都想試下，今次終於有機會食！ 是日點了個黑椒汁雙層漢堡，麵飽皮係用嘉頓飽，漢堡一咬下去很多肉汁，比起美McD 好得多。不過薯條感覺麻麻，可能因為唔夠熱。 但係以這個價錢來說已經是非常不錯了

今天特地去試一下時新的港式漢堡包，6點多去到不用等位。我男友點了必吃的雙層芝士蛋漢堡，我就點了芝士漢堡。漢堡包賣相還不錯，不過看到漢堡扒的油一滴滴的流下來，對於正在減肥的我來說很有罪惡感!味道方面，只能說不過不失，不難吃，但不覺得特別好吃，就是試過就好，下次應該不會再去了，我還是比較喜歡Trible O 和麥當當的漢堡。。kkk不過價錢方面確實很抵吃，作為香港地道餐廳，還是值得一試!

巳經幫襯左呢間食肆好多年,因又平又正D包即叫即整,  漢堡扒入面加有洋蔥, 包經烘製過, 再配上沙律汁. 食落好多肉汁, 比連鎖式快餐店好食好多.做出來的味道一定好過流水作業工廠式食物整體上我覺得以一個$20蚊既漢堡飽黎講可以有咁既質素真係超值！一定要支持

第一次黎食,估唔到真係咁好食~~~~個飽雖然係唔系話好大個,但可以試下不同口味既野食...炸雞脾雞肶都唔錯, 好多地方都可食到,我個人覺得鹽度都OK,合我口味芝士蛋漢堡沙律醬好味了,我個人中意沙律醬,加埋牛肉同蛋同芝士,真系一級棒...真係想食多幾個~~~超正!魚柳包一個魚柳大塊正~~~, 又有魚味tim~~XD完全冇\\\"淋\\\"既感覺. 

八百幾個哈哈笑 遠d 都要黎try trybut 只係失望的一餐食jor 芝士蛋漢堡包同炸雞比漢堡包無mud 特別 普通茶餐廳貨色 芝士無芝士味 炸雞比就只有鹹味 雞肉好鞋好dry 食完仲勁勁勁口渴 to conclude 茶餐廳可能仲出色過時新 不推介收錢個位人兄完全係唔恨做你生意的樣子 點解宜家普遍d老字號餐廳就等於無服務 唔憂做的態度? 

時新真系食左好多年 個舖面十分有舊式香港快餐店風味 啲食物水準都系唔錯 有日下奏4點幾去食唔算多人唔需要排隊 嗌左個雙層漢堡芝士 個漢堡扒入面有埋洋蔥 食落去好juicy但唔會覺得好油  至於個薯條就唔太油 中規中矩 推介大家可以試下

人氣小店，當然要排隊LA， 雙層芝士BURGER，新鮮既嘉頓麵包，內有一層沙律汁，加地道內餅，雖然沒有外國店的香，呢道果D食入口比較易散，但有洋蔥香，芝士當然是卡X牌都不錯，呢個錢呢質素，都幾好。雞翼就比較DRY，薯條都OK脆。除了人多，再等等位，其他都OK LA。

好耐都未食呢D有芝麻係面既漢堡飽,連鎖店既就當然唔計,不過依D鋪頭真係買少見少,所以一定要珍惜。今次食左依個叫做雙層漢堡蛋包既漢堡。點樣雙層漢堡蛋呢,姐係有兩塊肉再加隻蛋咁樣就係依個包喇。佢依到都好醬汁選擇，如果你係唔鍾意食沙律醬既話,都可以食到其他三款！不過我自己就愛沙律醬既,講番個包,個扒非常之外肉汁，又夠厚,當然絕對唔係連鎖式個種肉,煎到乾哂無哂汁，佢依到應該整得幾有技巧，裏面既肉汁可以鎖住唔會乾哂，咬落去個陣時仲可以食到佢既肉汁，果然係正！蛋方面就無咩特別,如果可以揀半生既有埋蛋汁應該好正整體黎講,我覺得以咁既價錢換黎一個咁既漢堡,真係抵食既,不過當然唔係人人都鍾意,我自己就覺得唔錯,下次黎再試下其他醬。

好久冇食,因人太多等得耐.今日經過居然有位,立即走入去.叫左:雙層漢堡蛋漢堡包+茄汁,雙層漢堡芝士蛋包+沙津汁雙層漢堡蛋漢堡包+茄汁$18:牛肉好味,手打點都係好食D,大大件超正,蛋煎得剛剛好,唔會太熟.加上原始最基本嘅茄汁已經足夠了.雙層漢堡芝士蛋包+沙津汁$20:同樣好味,加上芝士再多一重更香軟嘅口感,沙津汁唔肥膩,最佳配答.走時人潮又來了,全店滿坐.

慕名來時新碰碰運氣，聽說漢堡包頗具特色。同老公叫左芝蛋漢堡同芝士漢堡，再加雞脾雞翼。漢堡塊包鬆軟可口（鐘意d芝麻），平時容易唔多鍾意食漢堡朳（尤其係m記果種）的我竟然覺得塊朳好香好美味，再加上秘制沙律醬同芝士真係驚喜。個人覺得加唔加蛋分別未必好大。雞翼冇乜特別，但隻脾真是不容錯過，外面好脆，咬落去竟然有肉汁。唔知點解諗番起細個媽咪半煎半炸雞脾比我地姊兄食嘅回憶。我同老公鍾意食T字頭三個O同B字頭三個字母的漢堡。我們都覺得時新塊漢堡朳正!如果食舒適環境極佳服務，相信你去錯地方。但要食到香港風味，出色的茶餐廳野食，時新係好好嘅選擇。

二月上旬•睛人在紅磡，沒道理不兜來時新看看；見這裡沒什麼人在店內，當然要吃點東西，就來個雙層芝士漢堡。自製甜中帶點酸的沙律醬是亮點，漢堡牛肉細塊都算有口感。一口咬下，滿足。吃得飽飽，趕下場去。

時新快餐店 2014年3月14日(星期五) =010=舊式茶餐廳, 好細間, 一定唔會好坐同乾淨,但係就貪佢快、靚、正。至愛芝士蛋漢堡包最喜歡佢地即叫即整,因為食物熱呼呼的時候永遠是最好吃的。坦白講, 上下那兩塊包真係好普通,但係 D 料同個汁係得的。廉價買到的快樂, 值得經過的時候再買來吃。

一直都想吃時新，因身邊太多人都說好吃。今天順路要找好友，便和友人一起到此吃個下午茶。五點多到達。幸好，還有很多空位可坐。全店都以自助形式，自購自取。最曉食點了芝士蛋漢堡，友人則點了芝士漢堡。最曉食拿了回座位後，看見兩個被內裏材料擠得厚厚的漢堡，加上醬汁多得瀉了出來，實是唾涎三尺。漢堡肉是有別於一般快餐店，全自家製，很有港式的味道。漢堡肉面積雖小，但小小的吃起來也足夠。配合上蛋，芝士和秘製醬汁，感覺實在有點不一樣，那一種‥‥小時候吃的小正方型芝士，充滿"鑊氣"的煎蛋，那一種自家製的漢堡肉，小時候嚷著要在家弄漢堡包故此媽媽到超市買一包裝的漢堡麵包‥‥四樣加起來，使最曉食勾起兒時的回憶和幸福的感覺。走的時候已開始多人，有很多人在外面等位和外賣了。最曉食有機會一定會再來。

晚上大約6點幾左右我同老公講想食漢堡包,老公叫咗個咖哩魚柳飯連熱奶茶$36,我就叫咗個雙層漢堡芝士蛋包$20,其實之前都來呢間舖食過漢堡包,今次比我感覺服務差咗,我買個包時剛剛比完錢真係剛剛找返錢,我同個收銀講要黑椒汁,佢話入咗單剌,太遲剌,同我講下次早講,我同老公都覺得收銀個男人玩野囉,個包都未做,真係已經即時講,咁大家想改汁記得要先講黑椒汁先再講個包名,如果唔係就好似我咁個收銀連同廚房講聲都懶,我前面我見到仲有8張單,我D食物都等咗成10分鐘啦,點可能改唔到汁,我唸住同老公一齊食,點知因為沙津汁關係所以我一個人食晒,其實個包係咪好好食,我只可以話OK,只係太多人寫佢好好食,但只可以來食漢堡包就OK,個飯個咖哩汁就好唔掂,好稀同冇咖哩味,個奶茶就真係冇茶味,我本身住喺附近,如果我見到呢位收銀我一定唔會再來幫襯