時時樂餐廳

营业中

休息中

我旳第一次食評就比左時時樂.今日lunch, 去左時時樂, 我地一行7人進入,分左2張枱. 個服務員出餐點知比多左湯. 后來, 佢發現原來係隔離枱. 個服務員想攞果碗飲過既湯比隔離枱.我即刻同佢講話飲過, 佢出過第二碗, 但同時即刻收返果碗飲過既湯.......我地成枱人o 左嘴, 同時諗諗仲乜要收返??

九月上旬•晴是日勞動，宜多吃一點。但又趕，就在附近的這裡吃。要了個蕃茄牛肉米線再加午餐肉，湯底偏酸，當是醒胃，米線不過腍，午餐肉凍的，有點敗興。還有油包，但吃不下了，叫店員拿回去。熱咖啡不錯，九時，出發。

Reviewed on 2013年5月12日 北角時時樂-港式早餐轉丁 彈牙: 6/10 味道: 6/10 與其話彈牙不如話未熟透... 以出前一丁黎講幼身得有點奇怪，麵身味道亦不見得出眾。好好奇究竟點煮。 轉丁+$4

Reviewed on 2013年4月24日 北角時時樂 - 鮮茄牛腩粒公仔麵 彈牙: 7/10 味道: 6/10 有點像泰國媽媽麵，麵身扁幼，彈牙度一般。 轉丁 +$4

Reviewed on 2013年4月24日 北角時時樂 - 鮮茄牛腩粒轉丁 彈牙: 6/10 味道: 6/10 完全唔似丁！超幼身，麵身扁，一丁的味道也feel唔到，唔知轉黎做乜。 轉丁+$4

到新光戲院看電影，再到附近覓食。甚少出現在北角區的我，走進了七姊妹道，其實有數間餐廳的食物、格調都很吸引我，但最終我被經濟實惠打動了。$26有一碗粉再可拼西多士加一杯飲品，抵！店內顧客不多，空間比較寬敞，感覺亦衛生清潔。我吃了五香肉丁通粉，份量足夠，正常水準。西多士即叫即製，所以很新鮮，牛油受熱正在融化，很香。飲品方面，我喝了熱檸茶，檸檬很多，絕不吝嗇。朋友也點了下午茶粉麵相拼套餐，包括：我覺得太清淡的炸魚片頭公仔麵和奶油不夠多的脆脆奶油豬；再加一杯凍咖啡。整體而言，時時樂食物尚可，價錢取勝，可以偶一為之。

我係北角區返工,一天中午和同事去北角七姊妹道32號兆年大廈地下的時時樂餐廳 See See Look Restaurant 吃 Lunch,我選擇了食午餐 龍脷柳免治牛肉飯首先, 侍應先給予一碗迷你 size 的餐前例湯 (中湯),之後, 再來主菜, 一看見就嚇了一跳, 點解 ... ...... ... 就係塊龍脷柳迷你細到出奇, 相信大約只有半件 M 記 Apple Pie,返而免治牛肉汁就一大堆, 白飯就唔駛多講, 相信有些朋友都唔夠食,服務方面, 侍應態度十分差勁 ! 我們落單時佢好像是好趕時間咁, 不停吹我們跟住係乜野係乜野咁,總結, 大家如果想食 Lunch 時與朋友或同事可以稍為坐下傾下咁的話,真係要想想啦 ! ~~因為呢間野佢會好想你快些食完走人 ! 所以, 我話過以後都不會再去呢間野 ! ~~補充 ... ... 午餐 $35(最低過幾款) !

自從唔洗番學都真係好耐都無去過時時樂咁O岩琴晚路經舊地真係要入去食番餐比起LUNCH同下午茶夜晚真係無咩SET DINNER可撰畢竟茶餐廳…夜晚都係主張大家散嗌多D最後選擇咗最COMMON既港式常餐豬骨湯叉燒公仔麵、炒蛋油包加多杯熱奶茶$34落樓…夜市黎講真係算平叉燒麵個湯底係咪用豬骨就唔知喇最少個麵唔係用緊d平價「下欄」貨食落口唔會脹到變做難食版烏冬炒蛋都好好味仲有少少半生熟既口感~好爽！如果改做火腿奄列就更加PERFECT奶茶~幼滑順喉飲落口最緊要舒服補充一下雖然LUNCH既選擇多D同時因為大排長龍勸大家早D落去食/外賣比較實際如果唔係等到變長頸鹿就無謂啦

因為自己的要事而跑到來北角呢一頭. 特登早到的, 除了好讓自己預好一點時間之外, 就是預多一點時間, 食個早餐, 精神一點才去做野. 一早到來, 首先要locate 自己要去的地方在那兒, 鎖定了地點, 就在附近找地方食. 而一眼望到的, 就是這一間看落幾老字號下的時時樂.早餐, 發現其選擇並不多, 現代的什麼豬扒、肉丁、餐肉公仔麵餐原來沒有. 被局限了, 只能選些通粉餐, 加多士同炒蛋. 不過, 好就好在可以把我的火腿通粉變成火腿公仔麵. 總算有碗麵食下.味道上, 應該是比較傳統的雞粉湯底, 不過, 那個湯底, 不知用了什麼樣的味精粉, 搞到味道帶點怪黎怪氣, 真不知怎去形容呢一個味道. 不過, 好就好在未達到不能入口的程度. 另外說一說那炒蛋, 該是今餐最有水準的一樣食品, 首先, 炒得夠滑, 咸味適中, 內心半熟的, 是一流的手藝. 簡單的看看報紙, 看看今天要準備的東西, 再嘆埋杯奶茶讓精神一振. 容光煥發的出發.......早餐雖不好, 但不影響心情同信心. 截至今天, 已過了兩關, 希望這一個星期, 收到我想聽到的電話聲音.

　　　今天九點才下班，忽然想來這裏吃飯。我向來喜歡餐蛋麵，所以想去茶餐廳。　　　我喜歡這裏的原因，是因為這裏環境夠安靜舒適寬敞，不會過於嘈吵，而這個時間來的食客大都是沒有人作伴的，他們獨自佔據著一張桌子，然後安安靜靜地看電視、看書或者看自攜的掌上電腦。　　　我要的是餐蛋麵熱奶茶，奶茶夠熱和夠甘香，不會太澀也不太濃，味道恰到好處。但是餐蛋麵則弄得不太好了，因為弄得太鹹，而麵好像太少，吃了一碗還感到有點餓。　　　三十元算是比較貴的了。　　　我總體的評價是不太行啊。下次還是去別的餐廳嘗試吧。

又是以茶記作為一天的開始，希望大家不要看膩，因為吃過了，就一定會寫。來此店的目的都是為了那遠近馳名的鮮茄羅宋濃湯底 ，確定了早餐都有得吃之後，就馬上飛奔過來。此店除了羅宋濃湯的粉麵餐之外，也有不少其他選擇，如麥皮餐、扒餐及其他的湯粉早餐，但我當然不作他選了，就要了一個所謂的葡式早餐，包括鮮茄甘筍牛腩粒湯粉，粉有數款選擇，另外可加多一款配料，再加個牛油方包及熱飲就是了，說實話，其實真的不知有幾葡？先來的是牛油麵包，麵包不厚也不薄，入口不是太軟熟，但又不能說是硬實，包香麻麻，幸而牛油塗得夠多，算是有點藏拙之效吧。之後就是萬眾矚目的鮮茄甘筍牛腩粒湯通粉，果然個湯真的很濃，加上又夠熱，熱力迫出羅宋湯的香味，一股酸香迫到鼻子裡，光是嗅已經有點相信是好吃的，就先來一口湯，果然入口一陣濃濃的酸香，最難得的是有一陣甘筍的甜及牛腩的羶味，個人接受到羶味，所以也真的很是喜歡，配來有坑紋通心粉吃﹝其實有坑紋又有幾特別及難尋！﹞，中空的通心粉更好藏湯，一羹入口就很美味。至於配料方面，最難得的可數是牛腩粒了，雖然可說是一介湯渣，說不上是嫩口，肉雖然很瘦，但就已經煲到腍透，不嚡口而且也無渣，是交足貨了，另外甘筍軟

最近如果lunch 係兩點後食的話,都會自己一個人係到叫tea..多數離唔開呢一兩款tea set;牛扒配沙律或者石班魚柳沙律.....前者就比較多油...魚柳餐會比較啱食..呢到好在係2點就開始tea time..會夾到我....食物出品一般.無話好突出但服務質素係唔差...好有禮貌兼快手....你地都可以試下架..

這晚夜了下班，至九時許才吃晚飯，未試過這間，見燈光火著，而英文招牌亦幾得意，一於入去look see look see。可能已過了飯市，餐廳裏沒幾檯客人，兩邊貼牆有長沙發，由內伸展至外，雖然餐牌有多款選擇，有小菜，咖喱系列等，因太饑餓，不想吃有骨的食物，浪費時間，於是點了一碟粟米雞絲飯，連熱檸茶。先送來的熱檸茶用淡奶商供應的厚杯子載著，雖是推廣商品味重，但印在杯上的乳牛也挺可愛。粟米雞絲飯份量頗大，正好給我充饑，粟米汁加了紅蘿蔔粒、青豆粒和蛋花，雞絲比想像中嫩滑，配白飯吃最適合，不消十分鐘便解決了整碟飯。差不多到十時，見服務員在更換檯上的餐牌，為早市作準備，我亦要打道回府了。

之前都同朋友傾過關於蕃茄湯底系列既粉面小弟就試過以下三間:1, 澳door茶餐廳, 都ok, 不過湯底唔夠濃, 係咪只係唔夠茄糕咁簡單呢? 進步空間有好多2, 勝香garden, 正! 有鮮蕃茄肉, 湯好夠濃, 選擇好多元化, 鐘意拼乜都得, 稍嫌環境髒了一點, 要好似舊式酒樓咁爭搵位, 攞我命! 不過價錢都偏貴, 以一碗粉面來說.3, 時時happy, 頂...去左兩次都話賣晒, 第三次唯有早d到, 終於食到, 湯底唔差得過勝香園, 除左無鮮蕃茄和選擇少, 整體上有8/10 分, 多d 餸選擇會好d, $23蚊左右包凍飲, ok la另外, 食唔到茄湯果前兩次, 試左佢地話幾好既炸魚, 都唔錯! 好過好多地方! 價錢好似貴1-2蚊, 可以再試

因為住o係附近既關係~ 一個禮拜有2-3日既晚餐都o係呢度解決~ 佢d焗飯好好食架~ 特別係焗白汁石斑飯~ 下次要影相post 上黎先得~ 佢入面d飯係炒飯~ d魚係有蛋o係面禁煎過架~ 熱辣辣好好食~ 同埋佢d焗飯可以轉意粉~不過個地下就dirty左少少~ 茶餐廳黎講佢d野食都叫做好食既~ 次次食完都勁飽~