景逸軒 (已結業)

今晚公司annual dinner係呢度擺左兩圍“萬事吉祥”既全包宴，每圍八千幾蚊，總共十三樣野第一樣嚟嘅就係乳豬，因為有同事遲咗嚟所以我哋都遲咗開席，好彩乳豬都仲係脆卜卜👏 佢呢間較特別有配埋中式包夾住一次齊無咁膩， 啲包都算鬆軟，乳豬唔會太肥太油，唔錯👍跟住有蠔豉髮菜瑤柱， 味道幾好唔太咸，墊底既生菜仲好爽好受歡迎個百花釀蟹鉗就相對麻麻，雖然熱辣辣但係裏面太實唔彈牙，不是我口味。。。魚好大條仲好滑，蒸嘅時間拿捏得啱啱好👍主食有生炒糯米飯同伊麵揀， 其他人已經好飽所以我都試曬兩樣， 糯米飯幾香口，食完都唔覺得濟，伊麵唔會好油膩個紅豆沙反而幾抵讚👏👏因為香陳皮味同埋真係煲成沙沙地但又有少少豆唔會無晒口感， 配芝麻湯圓好香😋整體係唔錯嘅，員工服務都可以， 不過兩圍間房就太迫，可以改善

因為屋企人好想黎試一試呢度嘅嘢食，所以假日專登過嚟飲茶。一開始訂咗位，所以黎到唔需要等位，可以直接入去。點左大約十幾款點心同一個炒麵，落單後大約10分鐘嘢食就開始送到。有雪山叉燒包，焗得好好，成個包焗到好脹，食落去就好脆口，裏面嘅叉燒餡好熱。另外有流沙奶黃包，一啖咬落去真係有流沙餡，味道唔錯！！至於燒腩仔同春卷則一般，燒腩仔太多肥膏，肉既部分不太多。另外仲陸續有其他點心，不得不提既係有一個點心拼盤，$42就有齊6-7款唔同既點心，有馬拉糕、菜苗餃甚至蝦餃都有，性價比十分高。能夠係酒店既環境食到如此質素的點心，都算係不過不失喇~~

We’ve been to their another branch in Tsim Sha Tsui which now is closed and we had really good impression so would like to try again in Hung Hom. However it turns out that their dim sum menu is limited and you cannot find some very common dim sum. Taste is just ok but not worth visiting again.

呢間酒樓環境好優美，可以望到鯉魚門海景紅油抄手啲餃子既餡料好新鮮，但好奇怪係冇紅油嘅!🤣😋😋鮑汁鳳爪雞腳: 全部都做得好林好入味!😋😋雞骨草靈芝老火湯: 大家一定要試既老火湯，足料、夠味、夠火喉，這酒樓對老火湯既質素一向保持穩定!😋😋椒鹽九肚魚: 炸粉做得好酥好輕，一陣風咁，好配合到九肚魚裡面滑騰騰嘅感覺!叉燒以前係幾好食嘅，但今次畀咗瘦义我哋，唔太好! 😋😋燒腩仔就好林，個皮好脆，好好食 ，有近乎入口即溶嘅感覺!萬壽果椰果糖水，而家先知道原來木瓜叫萬壽果!

景逸軒成個裝飾幾精緻，枱同枱之間都幾多空位，坐得好舒服啲staff都好醒目，值得一讚！飲完午茶最緊要食返個甜品！原個椰皇燉鮮奶一放上枱就聞到好濃椰香味，燉奶蒸得好熱、好滑，值得再食蜜味脆麻花相對比較失色，上枱已經唔太熱，個人覺得太甜，可以少啲糖漿。

前晚(12-10-2017 Thur)堂妹結婚擺酒,我o地成家都出席,婚宴菜色都不外乎o個啲.1. 良緣乳豬全體呢o度會俾埋粉餅同食,咁就覺得冇咁油,皮脆唔會太鹹,OK.2. 巒翠花姿蚌片蚌片一定唔多,口感o岩o岩好,味道亦正常.3. 芝士軟心百花球顏色炸得o岩o岩好,外面脆,芝士軟心唔多,成個味道都唔過鹹.4. 元貝鮮菇田園蔬有好多草菇,冇草腥味但我竟然食到啲苦味; 元貝撕碎,不過有啲都食到渣.5. 竹笙海皇燴魚翅竹笙多魚翅少,味道過鹹, 魚翅少到我好似食唔到.6.碧綠原隻鮑魚伴金錢鮑魚口感適中,花菇味道唔算好濃.7.蔥油蒸大海斑真係幾大條,冇蒸過火,唔o鞋.8. 醬皇脆皮燒雞顏色亦都靚,肉嫩多汁,亦唔會過鹹.9. 西施錦繡炒飯我o個碗除o左有基本o既蛋外,就只有翠玉瓜粒,好彩飯粒唔太乾硬,味道清淡.食完見到老公o個碗原來有蝦粒.10. 蠔汁珍菌燒伊麵我冇食到.11. 三寶桂圓紅棗茶呢個唔太甜,百合冇苦味,OK.12. 囍宴鴛鴦點係笑口棗同合桃酥,脆口o既笑口棗充滿芝麻香;合桃酥做到鬆脆.每樣餸o既份量都好足.服務:採侍應分菜制,但分得唔係幾勻,不過個個都好有禮.

係附近番工 平時就最鐘意過黎呢到飲茶3點半前入座都仲嗌到野食我地通常2點左右入座 唔係貪下午茶 係貪佢其他公司office 同事走晒 清清靜靜食個飯而且雖然佢位於酒店入面 佢價錢相比起其他酒樓係貴dd不過就算埋單計 每個人通常最多都係嗌到200蚊左右唔會太過份但係講起佢好食之選我地最鐘意佢既蝦多士 佢叫蝦窩貼超好食跟住有個雪山叉燒包外面係甜既 入面係叉燒仲有佢既醉雞都好食講真 點嗌任何一樣野都好食同埋佢地d茶葉都貴有番酒店既質數所以呢到係我地最經常黎食既

第一樣上嘅就係生煎鍋貼，但只係微暖，一啲都唔係熱辣辣，有點失望，之後再上餃類點心，其中叫咗蝦餃、燒賣、菜苗餃及粉果算是不錯，雲耳海蜇頭味道幾好，但用個碗嚟裝，份量太細太小家，小籠包及春卷幾好，百花釀魚肚不過不失，而冰燒三層肉、流沙包及牛肉球就好一般。成餐最似樣只有蜂味燒脆鱔，好脆但份量及厚度都薄咗點，上枱時得手掌般大小，好似被人偷了一忽咁！總括嚟計，三個人，平均每人二百餘，以咁嘅價錢，對比算貴咗小小！

和媽媽去看林憶蓮演唱會，來了都會海逸酒店內的景逸軒吃晚飯。第一次透過網上訂位，非常成功及方便，以後我也會多用table map訂位。今晚有人擺婚宴，晚飯區域也佈置得非常浪漫，氣氛充滿着愛。先點了這裏的燒肉，上枱時還是暖的，而且皮十分香脆，美中不足的是豬肉比較鹹了些少。原條竹笙松露上素卷($118)，竹笙飽滿爽滑，雜菇粒亦新鮮，味道清新怡人。砂鍋魚湯煮沙巴龍躉($398)，整條上，浸在奶白色的魚湯內，魚肉已起骨，切成一片片，非常方便進食。魚湯沒想像中的濃厚，稀稀的，帶有魚香，亦沒下味精。魚肉算嫰滑，都算抵食。最後的原個椰皇燉雙皮奶($38)質素有點強差人意，根本沒有燉成型，還是水流流的。如果下次再睇演唱會，應該會再來，但如果特登來，就不必了！

到紅磡區近火車站如要舒適地享受一個中式午餐，最理想是到紅磡海逸酒店的景逸軒了。餐廳座位闊落，裝修美觀, 樓底較高，比一般酒樓優靜. 星期天也接受訂位，侍應生又有禮，更有代客泊車服務, 值得一去。今天我的姪女請我們飲茶, 大家歡聚, 談天說地, 又選了很多點心， 真開心!!首先一讚是餐廳水滾茶靚, 送來兩碟餐前小食: 青肉豆 和 花生, 可以一邊飲, 一邊細嚐.点心首先是傳統的蝦餃，蝦肉大粒又爽口, 夠新鮮, Good!  再有菜苗餃, 爽口.接着是蟹籽燒賣, 肉質新鮮，蟹籽多而賣相好，廚師調味不太鹹，適中.   糯米卷設計及味道不錯, 不軟不硬.  Fine.牛肉腸粉: 特式在長碟的頭尾設有兩條青豆配菜伴碟。 燒煵仔皮脆而不肥.炒蘿蔔糕, 有脆網底, 蘿蔔糕煎得有微脆, 可口. 芝麻餅芝麻很香口.再來傳統的牛肉球，蒸排骨, 珍珠雞，很傳統, 但好味得百吃不厭.此酒樓的食品很注重擺設，盛器除了普通白色不同形狀陶瓷，還選用了玻璃碟，看去更優雅，加添吃的胃口！蛋撻仔酥皮好入口, 蛋很滑，甜味適當.  油菜不太多油，菜夠嫰. 生煎飽，及菠蘿义燒飽, 餡料不錯, 包皮一般品質。煎腸粉，有好味的X

！四位大美人又有茶聚，１１：００約咗在凱逸酒店景逸軒好傾到３：００才埋單真係坐到坐番夠本脆網羅漢齋腸～～俾個名吸引，但有幾好食喎！羅漢齋腸底部有脆網，鬆鬆脆脆幾特別。大家都滿意之餘，又叫多一碟添！滬式叉子酥餅～～酥餅嫌佢稍凍咗唔夠酥脆，餡料炒得不錯，味道唔鹹唔淡，哈哈哈！脆皮妙齡乳鴿～～皮香酥肉又夠入味，每人一件啱啱好！正！擔擔麵～～雪嶺叉燒包～～麵身滑湯底好香濃的花生醬，叉燒包餡炒得夠味道之餘，還吃到有少少肉汁，又幾滋味。金盞銀鈎帶子餃～～呢款帶子餃只得三件，所以我放棄分享它！薑汁奶～～冇薑味但滑嘟嘟杏仁茶～～很有杏仁～～香味焗西米布甸～～賣相焗得都靚，甜度也適中。楊枝金露魚～～很有童心的甜品，滑嘟嘟又甜入心，ＯＫ嘅！埋單＄３１８開開心心的午茶！

今晚唔方便影相, 只好趁機會用手提電話快攝幾張... 而家手提電話真係幾方便, 真係影完相都冇人知...酒店內的中菜質數通常一般, 只係吃環境及服務, 今晚亦唔例外...上湯焗龍蝦-- 龍蝦頗新鮮, 肉質爽脆, 可惜上湯不夠清甜, 而且下了太多獻汁, 有點糊, 我很怕這種質感... 伊麵沒什味道, 口感太腍...波羅咕嚕肉-- 咕嚕酸甜適中, 炸醬好像厚了一點, 如再薄一點及脆一點便更好... 芥蘭炒牛肉-- 芥蘭正值當造期, 沒有渣, 不苦澀, 很爽脆, 牛肉肉味不太重, 炒得有點過火, 不夠嫩滑, 明明晚飯套餐係有湯, 唔知點解唔見咗, 當時只顧著傾公事, 自己也忘記了檢查菜是否上齊...價錢不便宜, 味道也一般, 但由於是商務晚餐, 也不可能跑到大排檔或茶餐廳吃吧, 而且大家只顧著傾公事, 都是食而不知其味, 這些錢唯有給酒店餐廳賺了, 可能這個就是酒店中菜質數一般的原因...

週日於景逸軒午膳，散點點心如下：景逸軒水晶蝦餃：皮薄，賣相對辦，蝦肉爽甜，幾好食。懷舊鴛鴦燒賣：一只豬肚燒賣，一只雞肉燒賣，賣相一般，無乜懷舊味道喎！石頭魚餃：外間較為少有款式，魚肉尚算甜味，可以一試。紅油抄手：紅油比其他店辣，個人覺得更吸引，抄手普通。雪山叉燒包：雪山皮脆，叉燒餡料中規中矩。沙律香芒卷：卷身炸得硬，香芒餡料少。脆皮BB鴿：鴿肉不夠多汁美味，過鹹。白灼菜心：四＋幾元一碟，唔算大碟，無乜特別。京式擔擔麵：麵質有口感，花生麻醬力度足夠，合小弟口味。楊枝甘露：過甜了！

$138 套餐有 6 道菜?! 仲要又鮑魚又燕窩花膠羹又和牛/龍蝦, 究竟咩胡廬賣咩藥呢?抱有懷疑心態, 黎到景逸軒, 係時候揭曉謎底啦.環境唔錯, 冇乜人, 又幾寬敞. 雖然間野似在商場多過似在酒店, 但係可能冇乜客又多職員既關係, 加上有個強勢經理睇實, 服務好周到.先上檯既, 係冰鎮鮑魚.見其他人彈話冇味, 其實唔係蠔油汁蚊既, 又好難好濃味. 基本上鮑魚同魚翅都係食質感多過食味道, 味就係靠汁加落去. 只係隻隻鮑魚賣相唔同, 如果唔係一家人黎, 我睇你隻你睇我隻, 見到差得遠就實唔高興, 覺得唔公平.跟住就係羹, 佢有 3 款, 最抵食應該就係燕窩花膠海皇羹, 但係為左試其他味, 都有叫到其他, 好似呢張相既蟹肉海皇燴花膠羹, 蟹肉都幾足料.到主菜啦, 咁多人, 每人叫一款, 就可以試晒咁多款啦.有堂煎和牛, 有 D 筋, 難鋸同埋有少少韌, 但係佢賣相好好, 有沙律菜伴住, 又有洋蔥圈墊底.有法式煎石斑扒, 個黃色汁幾好食, 都係又有沙律菜伴住, 又有法色焗蕃茄.有金蒜粉絲蟶子皇, 我唔多食海鮮, 屋企人食, 不過佢地冇彈就即係冇問題啦.有芝士波士頓龍蝦配伊麵(半隻), 麵幾

四月尾有個團購推出以$138價錢（另收取每位加一服務費$13.8，茶$10，芥$7.5），可以晌都會海逸酒店嘅景逸軒豪嘆、燕窩、花膠、鮑魚、龍蝦餐，原價$468，實在好吸引，有效期仲去到八月尾，所以一次過買4張，等到六月中作為賀姨仔、舅仔生日，我請客豪嘆番一餐！景逸軒實際係漢寶集團管理，因為開晌酒店內，格調比較高雅。 其實個套餐睇落幾好，前後共有6道菜，係一人份逐位上，而且其中由湯、主菜、其中一個熱盤、甜品都有得揀，各人可按喜好自選，雖然要晌訂枱時決定埋要揀咩，但都唔係太大問題。但未講啲餸菜好唔好食之前，先評佢個整體，點解個題目叫「扮西式，流到極」，因為無論晌環境、招呼、上菜流程都未有酒店內嘅餐廳水準，以西餐位上嘅形式更大有一段距離，講真，如果以佢所標嘅正價$468一位（未計茶芥加一），得罪講句，真係有啲搵笨喎。環境 – 因為當晚有兩批人晌度擺酒，整個全海景宴會廳被間開頭尾作婚宴，淨番中間一截可擺約8枱嘅地方同一啲「走廊位」作堂食，感覺好委屈，嚟得依度食，價錢又唔係平，但個場間成咁，有啲得失客。我哋已經好啲，訂枱早6:30pm，去到叫做有得揀，後嚟嘅客真係走廊位都要坐，感覺唔多爽！招呼