景逸軒 (已結業)

點心款式唔多，不過都可以。而且呢度有陳皮牛肉，所以D牛肉菜色幾好味。另外在此飲茶滿$200有免費泊車。今日同親戚去飲，泊兩架車都一樣免費。(本來係要收$17一個鐘，兩架車兩個鐘就係$68。)

尋日同班friend o係金滿庭食團年飯, 一行十多人, book左間房, 氣氛蠻好, 食物質素更好!首先, 職員服務態度十分友善,事前預訂菜式,職員都不厭其煩,樂於提供意見. 雖然事前要先落訂, 但勝在夠方便, 到櫃員機過數後fax張收據便可, 而每檯的最低消費$1250亦相當合理.即場招呼也不俗,態度友善.下列為必叫菜式:芝庥雞,水煮牛肉(頗辣),蝦子蔥燒海參,蜜汁火腿蓮子響鈴夾,南瓜煮中蝦,鎮江骨,闊佬炒飯,高力豆沙...相當好味!!還有以下菜式:大拼盤,一口小籠包,沙窩雲吞雞,蟹肉荳苗,薺菜肉絲年糕,...都不錯,包皮薄多汁,湯味鮮份量足,菜嫩爽口,不錯不錯.但雪苑的炒年糕更好味,更煙un.下列菜式就一般啦: 松子黃魚(較乾身及無肉),乾燒帶子(沒甚麼特別的),翅湯浸腍白菜(也不特別好味),大鮮果盤(很失望,只有西瓜片及幾件橙,失禮失禮).但總的來說,各人都食得很滿意,值得一試再試, 但記緊要訂檯!

今晚表姐呢度舉行婚宴,9點開始入席.食物其實都吾錯!但d服務真系吾掂,個server分食物時雞手鴨腳,收碟時將d碟疊晒上面先至由我地將臺拿起!另一位女侍應似系茶餐廳到做,示意叫佢埋黎,佢竟然話"要咩呀,靚女?".姑勿論我系咪靚女,作為酒店中菜部既一位侍應,都無可能叫客人做"靚女"呀嘛!

雖然未幫襯過, 但真係好想讚下此餐館.琴晚我表哥結婚, 佢嚮附近的彩福酒家設宴. 由於我地屋企人唔識路, 就黎左景逸軒. 當時我硬住頭皮問彩福點去? 那職員教左我地之後, 由於見到我地有一個坐輪椅的婆婆, 就改為提議我地不如穿過佢地的餐廳過去, 咁樣就最方便. 而且每行幾步, 就有另一個侍應帶路, 真係好抵讚!希望日後會黎幫襯下, 品嚐佢地的食品.

酒樓的環境很好，好舒服，不太嘈，一班朋友傾下計，都是一個好地方，但食物方面不太多選擇，而食物的味道是一般，價錢也不平，如果想食好嘢，就不是一個好地方。P.S. 我是飲茶的，不是晚飯。

上次試過飲茶覺得不錯，便一家人再去試一下晚飯，我去的時候是星期一晚，整家菜館冷清清，祗得幾張桌，對於我去慣人多的食市來說，感覺怪怪的。現場有自動彈奏的綱琴在彈流行曲，餐廳大概想營造一種高格調的氣氛，但我不懂得欣賞，反而覺得有點吵耳。招呼很周到，可能實在是人太少，差不多一舉手，便可以立刻到面前。食物方面，叫了風沙雞、帶子豆腐、魚頭粉皮等，風沙雞麻麻地，煮得老了一點，味道一般。帶子豆腐的帶子竟然是未熟、豆腐有點"難"，完全不合格。結果要小姐換了一客鱔球。鱔球很美味，熱熱的，味道很野味，應加了美極，感覺特別，好味﹗魚頭粉皮味道ok，一般貨色。整體來說，晚餐真的好一般，除了想坐得舒服一點外，未必吸引到我會專程去。

這家在冷清清的都會廣場內有一個入口，起初以為是普通中菜館，原來是酒店的中菜廳。由商場入口進內，裝飾不錯，兩旁的裝飾令我覺似進了樹林(但無樹)，經過樹林後又進了一個寛大的環境。我先在這樣試過飲茶，以"酒店"中菜館及裝修來說，這個價錢算是很平，平均與美心集團的酒樓價錢差不多。食物方面，不算多種類選擇，但每一樣的點心均做得不錯，服務亦好，以這樣的價錢，我覺得是物有所值。