景霖正宗四川麻辣米線 (通菜街)

营业中

休息中

前日去門市外賣自取，收錢阿姐同我講$55，我比左$100，佢找$45，找完好快就走開，咁我就睇下枱面張單寫$53，咪即刻同隔離阿姐講，佢找小$2，佢即刻勁大反應話冇，仲話找小左做咩唔出聲，錢我都未收埋，叫都叫佢唔住仲話冇，講真會唔會為左$2蚊屈佢，佢找返$2，見我係影相就出嚟就先講唔好意思，今日同事再叫外賣，送到嚟話$44，咁同事比$50，叫佢找$5，諗住小小貼士小小意思，佢竟然答我得$4，我話下$44，有咩理由得$4，佢話咁找幾錢，我話我比$50，緊係找$6，咁死死地氣係褲袋拎多$2出嚟，咁同事即刻打去問，聽電話個個就話冇可能，仲聽到送外賣個個死口話冇，我哋話咁比返cctv佢睇，我哋呢度仲有人証，冇屈佢，佢仲話呢啲嘢控制唔到，勸喻大家食之前記得睇清楚張單⚠️⚠️⚠️呢間嘢好中意小小錢都貪，比人發現仲會唔認⚠️⚠️⚠️

之前經常食哩間，冇去一排可能轉咗樓面啦態度超惡劣，星期六下午4點左右行到入去，入坐一半人左右啦，仲有一邊幾張檯，唔比人坐有病😑叫我去逼入左右都有人嘅細枱搭枱，右邊個男士比较肥，我自己又肥好逼🥲我見門口張枱有兩個人走，我就坐過去。個樓面渴我：哩度唔坐得放外賣，😡心諗人哋得我唔得，係咪見我一個好蝦😡，又指後面叫我搭枱，真係痴Q線甘多枱疫情都要D人逼埋一齊，請D甘啊姐倒米，唔食走人😤以後都係少D去，附近大把野食

景霖麻辣米線有幾間分店，我估佢應該都有一定質素，但食完覺得米線一般般🥲烤雞翼就比較出色嗌左碗本店馳名過橋粉麵套餐入面包括牛肉、豬肉、腩肉、雞肉、豬膶、魚蛋、黑木耳、冬菇、火腿、豆卜、酸菜及炸醬 附有生菜、芽菜、韮菜及腐皮，分量好多，唔知係咪外賣平台嗌 所以唔得改湯底，所以係清湯，味道有d寡～仲嗌左碗金牌米線入面包括鱈魚豆腐、牛腩、蟹籽丸、時菜及炸醬同附有芽菜、韮菜及腐皮，呢碗轉左魚麵，魚麵好有魚味，但係口感好硬，個人不是太喜歡～仲有一份蒙古芝麻烤雞翼同麻辣味嘅，烤得好香！肉質鮮嫩多汁！值得一試😆

第一次食景霖米線係食油麻地分店當時比佢嘅素食餐吸引左，好多款素食餸菜仲要咁平，包豆漿米線同餸量都合理 以前唔食芫荽嘅我第一次食到芫茜就係食左景霖嘅米線，素湯底好清甜依家雖然都唔係鐘意食芫荽，但起碼唔再抗拒，食野都唔洗專登走芫茜雞翼價錢唔貴，而且好高質素最唔開心係金油麻地分店已經結業，上黎OpenRice 睇先知原來以前分店仲多，但執下一間執下又一間，依家得返三間分店，可能競爭太大啦！真係要多啲支持咁高質素嘅米線舖最後要講就係每次食景霖都好開心，因為店員好友善

景林嘅雞翼烤得好好食唔同嘅味道非常入味如果下午茶時間可以加錢叫到兩隻佢嘅米線炸醬係可以分開上炸醬甜甜地，一大兜米線配料會有有韭菜腐皮佢嘅媽媽湯底家中特別嘅味道覺得好好食

米線黎講呢間係小編鐘意其中之一，呢間既鈉質一食就知無咁重啦。口感無其他舖頭咁硬身。有得同小二講要既軟硬程度。我就最鐘意食呢個擔擔麵加餸，麵質比米線好，加上魚皮可以被擔擔汁掛上去，簡直就係絕配，加埋腩肉同汁就更加好味。啲汁微辣有花生香！價錢都係$46

以前間唔中就食依間「景霖正宗四川麻辣米線」，行行吓街忽然想食就走左入去食，兩點幾過左lunchtime所以一入到去就有位唔洗等。太耐冇食既關係，見到個menu design同以前唔同左，但眼見啲配料應該都一樣，係多咗唔同米線揀，有「酸菜魚米線」同「手撕雞米線」，但今次都係揀左牛肉同雞肉配米粉。做完gym要補充返多啲蛋白質，所以牛肉叫左雙份。睇相都見到碗野幾咁大份🤤個湯雖然睇落好濃咁，但食落唔算太咸，配埋微辣我自己都幾中意依間既湯底。米粉既份量都一定夠食，唔會芽菜多過麵底，最緊要係米粉夠硬身，依個都係我會去「景霖正宗四川麻辣米線」既原因。個人評分（滿分為5）味道：😉😉😉😉環境：😉😉😉員工友善度：😉😉😉CP值：😉😉😉😉

話說，幾年前佐敦經常食...今日途經旺角，再次幫襯味道正常的......但收錢亞姐態度絕對係趕客。趕客及趕客（重要事講三次）一個人食完，打算去個toilet 先走啦。。當時全店得2-3枱人去完出黎枱已經收好....咁咪行去俾錢囉！亞姐問，你食左乜？我答：4號枱，佢再問食左乜？（心諗入黎係米線啦，你仲有咩食呢？）我答：唔記得喎！亞姐：吓。。食乜未唔記得，你又無單！（你地無開單，咪無單囉，又幾奇呢？）位樓面已經搶住答：係呀，無開單亞姐：再問係咪全日餐？你食乜都唔記得！！我：亞姐，請問全日餐係食乜呢？亞姐：咪全日餐囉…你食乜都唔記得又無單！結果位樓面過黎解決左件事。。。真心，幾十蚊一碗米線，你又咩全日餐/半日餐/一日餐/2日餐，關我鬼事咩，你樓面無寫單，又關我鬼事咩.....入黎食米線，你問我食左乜喎，咪食左米線囉…...食Q完，鬼記得係乜呢？亞姐你都幾得意喎！

第一次外賣了精選米線，選了健康蕃茄湯底及走辣，免費熱檸水，其實加了蕃茄的米線味道應該不會太差，此餐廳真令我失望，這碗蕃茄米線，真令我失望，完全吃不到蕃茄的味道，淡而無味，不會有下次了。

景霖正宗四川麻辣米線一向都好出名, 記得以前都幾多分店, 同真係幾惹味幾好食, 但而家真係周圍都有麻辣米線舖, 仲各有特色, 有得比較, 多左競爭, 景霖好似已經無咁好食了!😅今日咁啱經過又想食下!🤭 叫左個金牌米線, 材料有芽菜, 韭菜, 腐皮, 時菜, 鱈魚魚腐 (有兩舊), 牛腩 (6舊), 蟹籽丸 (有兩舊), 炸醬, 另外加左豬大腸 (都有10多舊)🤭 份量都唔少, 一定夠哂飽, 但味道就好似唔夠味, 湯底唔夠濃, 麻辣香味都唔太惹味!😅

諗住快捷OpenRice訂個外賣 因為有七折但等半個鐘先有 買左2碗 仲要 漏左一碗好在有睇到如果唔係返轉頭就麻煩態度普通⋯有待改善 譚仔姐姐都好過佢湯同餸冇分開 分開會好啲 應要學下人哋譚仔可能堂食盡快到外賣⋯⋯⋯⋯⋯⋯⋯⋯⋯⋯等得太耐

今次介紹呢一間， 之前我是自己在油麻地夜晚飯唔知吃什麼的時候就入了這間舖， 入去第一個觀感畀我個裝修環境都唔錯， 待應服務態度都好好， 今晚約了朋友在旺角，所以就去了旺角這間分店吃，入到去個裝修環境同油麻地分店差不多，待應服務態度一樣好好，我同朋友坐下，看了一回，就叫了一碗有2人分量吃的米線，這碗米線入面包含了很多餸，有火腿，豬肉片，豆卜，魚蛋，炸醬，東姑，墨魚丸，火腿切到細細片，好易入口，又有厚度，豬肉片，豬肉很透徹同大大片，很滑，魚蛋大大粒，很彈牙，湯底清甜

之前食過一次店舖職員態度非常一般，特別坐收銀果位找錢時將錢劈落去張枱，（初頭仲以為老闆娘）令人唔舒服 有啲趕客🥺之後去多咗位後生職員（似老細🤣）識多謝前多謝後，態度非常好成間舖氣氛唔同咗而湯底味道唔錯的，下午茶幾底食，餸既份量都多👍🏻如果禮貌keep住好，會一直幫襯！

坐在櫃檯收錢應該是店長，另外唯一位staff好junior。無expected 任何服務，但都無洗黑面囉，又超懶，少少基本禮貌都欠奉。客人要落單都唔過去，坐係櫃位唔旭，要客人高呼話佢知，一問一答來來往往，叫來叫去，不知所謂。想靜靜食碗麵都唔得。10點close, 未到9:30想開始結帳，我理解不過唔係就繞場一周跌句鬼食泥“埋單”，講句“唔該”唔會少塊肉囉。出去櫃檯講用支付寶畀錢佢又唔理我，我見到櫃面有支付寶二維碼就掃了畀錢，佢後來大聲話我未付款，我有支付寶紀錄佢又唔肯睇，只繼續坐係櫃檯堅持大聲話無收過，不停責罵我應該等到佢理我先畀錢，極無賴，明明係佢唔理我在先！原來佢無check清楚，確定收到後連句“對唔住”都無。區區48蚊食到一肚氣！

難得放假住酒店啦⋯⋯當然係要飲飲食食精神奕奕咁嘅！就係去食我至愛的景霖米線。以前係佐敦謥店食過橋米線同茶餐。但係都係鍾情兩個款⋯⋯豬潤同鮮牛米線呀⋯⋯湯底麻辣小小小啦⋯⋯另個叫韮菜豬紅。豬紅夠熱湯好飲⋯⋯韮菜嫩口無渣值得讚賞嘅個米線湯底的確不夠麻香但味道好味嘅，朱潤大塊有沙潤感覺我鐘竜鮮牛好大塊我好少食到呢個質素。唯獨是豆漿太細杯。如果佢可以加錢加大杯。仲正會再幫襯你