景霖正宗四川麻辣米線 (已搬遷) 新店位置

tongue大家好! 第一次寫食評!話說果個十二月二十二日夜晚, 果晚見凍凍地, 就9點幾,同家姐兩個人走左去呢間《景霖正宗四川麻辣米線》度食米線我同家姐食過一次, 佢話幾好食想食多次♥ ,呢次嗌既野食同上次一樣大大碗! (d米線貴左1蚊, 不過唔緊要啦smile(有另外一個海鮮大大碗$40) 一樣咁好食咁飽!不過就比到好大驚喜我地啦! lol因為佢搬左新舖呀! 地方大左, 闊落左, 乾淨左, 燈光又光猛左!! 真係精神左!我家姐食得辣shocked, 而我就唔係好食得mad 所以我地就嗌左個小辣食!不過提醒大家, 果度d野飲唔抵飲 (靖係得一年4季都無貨既豆漿抵飲)我通常都係對面街既台式飲品度買左野飲bowl先入去食野chopstick

28-12-09 搬左屋之後好少好黎紅磡, 返返紅磡, 好返家一樣溫暖, 黃埔真是一個美食天堂, 好懷念舊時既日子舊地重臨, 轉左新鋪, 裝修靚左,,E到由小食到大, 記得細個下午一肚餓就打電話到景霖, 哈哈. 因為幾個字 平 快 好味 佢地d雞翼香到.. 第二條街都聞到,因為係香草丫今次黎叫左 一碗魚蛋鮑片米線 一碗豬潤木耳.. 呵呵差點5記得仲係下午荼.. 原來送埋香草雞翼 4隻. 同豆漿兩杯.. 好抵食呀@@@@@@魚蛋飽片米線 換左新店後,, 食物的水準還在.. Keep在之前的水平.. 魚蛋幾彈 湯好味 但係份量好似比之前少左D $25豬潤木耳米線 木耳不是(林)的. 係爽伽. $25香草雞翼 不用講. 試過就知 這個我超讚埋單$50 太好味了 就算去左天涯海角 我都會再來

呢幾日天氣開始轉涼,最好就係食d熱既野'見景霖有咁多個GD就諗住去試下'是日同媽子去試下新野.行去民泰街差d搵唔到間鋪(實在太細)'坐底後叫左個過橋米線(小辣)同埋個香草雞翼香草雞翼(HK$10)3隻雞翼細細地,真係好細,講真戈句只能塞牙縫.味道方面,就係一般般啦,皮脆但醃得唔夠耐,香草味不足,令雞翼失色不少.比起媽子的香蒜雞翼還遜色不少.過橋米線(HK$37)係OPENRICE到睇個個都話小辣就好辣,雖然食得辣不過都係叫住小辣穩震.過左陣,碗面到左'可以話係KING SIZE'好大碗'好彩係同媽子SHARE.唔係都唔知點食...個面有D小型邊爐的感覺'真係咩都有'炸醬同豆卜好正'其他就一般般(後來媽子同我講碗面唔多抵,係就係咩都有D,不過個量唔多同埋較一般面貴,所以建議叫2餸/3餸面)講返個面,真係辣到爽歪歪,食哂成碗用左2包紙巾,不過見隔離台個個都拎住包紙巾系到食,個場景真係好正,埋單一人都係$2X'抵!食完過左貢茶飲杯凍野'爽過幾日又想食D辣面又食左2次'不過2次都外賣'食左咁多次都係最仲意炸醬豆卜魚皮餃米線'正

本不該是來這裡吃米線的，但由於原定要去的地方是日沒有開門做生意，兩口子站在民泰街，食肆的選擇雖是不少，但看起來對路的卻是有限。與其走進去搏一搏，倒不如挑一間自己吃過而又覺可接受的舖頭吧....這兒的米線一向有口皆碑，用不着很多宣傳，每日不分晝夜都已客似雲來。好不容易找到位子安頓好。用心數了一數，小小的一張圓枱竟然坐着五pair人您說誇不誇張 ?除了米線以外，此處的雞翼也是必點之物。叫了一客下了香草醃的，剛才方下了order，隔了不到三分鐘便已端來是即叫即弄的成數看來是微乎其微了事實上味道又確比從前吃的遜色 --- 香草味不足，外皮又不帶脆，而且件頭也好像比以前細小，可幸肉的入味程度仍在，不然就棄之亦絕不可惜....沙嗲應是這裡的新產品。太太一向很愛吃，所以就算這兒不是吃甚麼泰式或星馬菜的地方，都要叫兩三串來過過癮。是夜吃的都是牛肉，質地雖然偏韌，但總好過吃到那些經化學品洗禮的塑膠劣品。沙嗲醬味頗濃，但不夠甜而且花生粒不多，吃落不算惹味。始終味道及調味是跟正统的星馬泰菜館有所不及...是日吃到的米線有點淰，不是小弟吃過最好的，不過勝在夠多夠飽肚。肉醬味很濃又帶微辣，用來伴飯或米線皆可，若

今日唔知點解甘想食米線,甘好彩遇到一問米線鋪,於是就入咗去叫咗碗過穚米線,點知真係好好味喎!咩材料都有齊。 材料就有牛肉,雞肉,豬肉,芽菜,北故.......仲有得選擇大,中,小同唔辣。而我表姐就要了一個牛肉米線滔餐,有杯凍豆漿同香噴噴既雞翼添!So yummy! 講起雞翼,D翼好有香草味,辣唔辣都係由你選澤,成條街都間到香草味啦!真係又抵食又好味,我必定會再來一次。 錦就過咗過好食又愉快的下午茶。呢間米線鋪真係抵到飛起,過<叻>是佢的,ye!

前幾日食完好懷念個芝士蝦丸於是琴日又再食..叫左2份芝士蝦丸=豆卜今次試香草雞翼芝士蝦丸真係好正!豆卜冇特別雞翼就冇咩味但今次d米線仲衰過上次!!!!!!一夾就散都係一d都唔爽最後只係食晒d配料,成碗米線都冇再食唉!!如果唔係想食芝士蝦丸我都唔會再幫襯!!

今日行過紅磡,就試下景霖..叫左魚餃,芝士蝦丸,炸醬(中辣),麻辣雞翼2隻雞翼好家庭式冇咩特別d米線就完全唔得,一d都唔爽芝士蝦丸幾正(真係拉得出!)炸醬甜甜地,個湯中辣=雲貴川小辣總括黎講都係雲貴川好味d

都一排冇食過米線, 行行下就行左黎哩度叫左炸醬同芝士蝦丸小辣, 靚姐話小辣大約兩羹台面既辣油咁辣, 不過食落當然唔係啦...........同意友人所講米線的確唔及譚仔既彈牙不過鬼叫哩度d 雞翼屈晒機, 超脆同香草味超香今次叫左小辣都唔係一般頂到... 不過上次都係.炸醬依舊. 芝士蝦丸第一次食, 有兩粒, 幾好味, 入面既芝士漿甜甜地. 仲溶溶地, 有芝士拉出黎豆漿好多渣, 尤其飲到底, 一pat野咁尋日冇帶銀包, 差朋友一餐飯啦

這間景霖我覺得佢只有價錢較平做買點,而味道就不可以稱得上係好,$27有三餸真係抵既,而雞翼$20有6隻都值得一試,都係因為抵囉,我點了雞肉,腩肉同豬潤,份量都幾多,個湯底冇咩特別,成碗面既精髓就在個湯底,但係佢個湯底就令到碗面扣左分,配料都唔差,唯獨是個腩肉太過肥香草雞翼都唔係太出色,如果唔係$20/6隻幾抵下都未必會叫,純粹過下口癮

再次黎到景林食米線, 上次同人share 左個餐今次一人叫一碗, 飽d我哩個係炸醬魚付米線, lunch 送豆漿炸醬大大舊, 冇咁cohesive, 味就同譚仔差唔多, 不過好似大碗d魚付一般, 三舊, 冇乜特別叫左個小辣湯, 都ok呀, 唔係好辣, 一入口會少少辣, 但食落都唔係好辣下次都係叫返豬潤但黎哩度最緊要係食佢個香草雞翼因為真係超香, 香到淨係想聞, 唔捨得食個皮又香脆, 真係好正, 記住要襯熱食其實間野等位都幾快, 雖然出面已經排左好多人入面d 位比較窄, 比較prefer 點幾去, 食到一半d 人走咁d 就鬆動d

其實我巳超過十次光顧景霖, 今日依舊點了兩餸&豆漿 ($24)。一向很喜愛她旳酸菜, 米線又大碗。今日第一次試豬膶, 份量多, 而且煮得腍, 材料新鮮, 又無腥味。還點了香草雞翼&麻辣雞翼 ($10 三隻), 好香, 好惹味。好幾次到這裡也要排隊, 但店員會為你妥善地安排位置, 兼先幫你落單, 所以坐下不久後, 就有很食。還有的是, 店員會按你要求, 仔細地分清湯/微辣/小辣/中辣/大辣呢!

女朋友的同事本身是四川人， 她說，景霖的過橋米線很似她鄉下的味道，所以是日逛完某百貨大減價就跟女朋友去試。門面不是很大，又是細舖格局。由門外看去，好像只坐得十多人般，而且招牌得盞超暗的燈射住。這個門面絕對吸引不到人，反而會「趕客」 ...一入進去，原來都可以坐到廿多人，但是環境很迫，背頂背的情況不時出現，一張小小的圓台要坐六個人，門外不時還有人等位，生意似乎十分的好。 點了一碗過橋米線、兩款雞翼和一罐汽水 (因為聽聞好辣...)。不消數分鐘就到齊，算快唷。服務...不過不失吧，在這些小店你總不能要求有甚麼服務。過橋米線 - 雖然點了小辣，但不知為甚麼，都辣到出汗。湯底雖然辣，而且略欠了些麻，但是都很好味，我一邊抹汗一邊飲湯，最後那碗湯只剩下一半。配料種類很多，有牛啦豬啦雞啦魚蛋啦牛丸啦竹笙啦腐皮啦腩肉啦，雖然每樣只有少少，但是加起上來都令到成碗麵都是配料，抵食！最岩心多多每樣都想試的人！米線勁唸身，很滑，酸菜最好味，酸酸甜甜的，女朋友吃了很多。普通單併米線都要二十一元！勁大碗的過橋米線只是三十幾元，真是很平很抵食。炸雞翼 - 兩款(香草味、麻辣味)雞翼各點了三隻。雞翼的外面是舖上一層

2008-12-27(星期六)今天，路經叫咗個牛丸、雲吞米線–可惜牛丸是黑椒牛丸，我吾食黑淑牛丸，今天尚算有收獲，食到$21雙併連豆漿，抵食下午茶套餐。

係幾間米線舖,我最鐘意係呢間,大約一個月必吃一次每次都係叫炸醬雞肉米線, 由唔辣食到而家的中辣佢個湯係好清, 如果你要唔辣湯底,真係超級清湯, 食完唔會覺得口渴, 我諗應該無落味精掛~~佢的炸醬同其他舖頭好大分別, 譚仔係有辣味的炸醬雲南係一粒粒有口感的炸醬星林居係粒粒較辣的炸醬佢係甜的炸醬雞翼以香草比較好味, 香草味好濃郁,至於服務方面是比較差的順帶一提, 佢D豬膶真係好爽口, 雖然我唔係咁鐘意食內臟, 但夠唔夠都會叫黎試下~~

自從食過譚仔之後，我就開始愛上酸辣同麻辣米線，麻辣仲好似令人上癮咁。之前係咁食譚仔，開始有d厭，有次去景霖試，因為喺我屋企附近，印象中d米線好一般，而雞翼表面上有好多調味料，但d香料只係喺表面，咬到入去都冇味。後來又去左試現代巴蜀，d湯真係好正，d米線又彈牙，頭先又麻辣癮起，拿拿臨諗住去現代巴蜀止下條癮，點知竟然閂咗門，好失望下經過景霖，諗住求其有間麻辣米線頂住下，我買外賣，湯底要中辣，行幾步就返到屋企，d米線好「林」，最難頂係個湯底 (仲話正宗四川麻辣!!!) ，到底個湯底係咪同隔籬間車仔麵一齊用架，我覺得我好似去左食車仔麵，只係麵改為米線，湯底加辣咁款。個湯底真係一丁點麻既味都冇，都唔知係乜湯底黎，得個鹹字，再加左d辣，d腐竹又爛鬼晒，d餸又少，唉，真係好忟，寧願叫車仔麵好過，至少d餸會多d。以後都唔想去食。