影片
港铁奥运站B出口, 步行约5分钟
继续阅读
营业时间
星期一至六
11:00 - 23:00
星期日
全日休息
以上资料只供参考，请与餐厅确认详情
坐低無耐有二個人輪流車輪戰食煙正想搵.老細/夥計.讚賞吓嘅時候見到.老細/夥計.同佢朋友原來起另一台都開始吞雲吐霧❤️咁我唯有嗱嗱聲食埋啲嘢快啲走人唔好攞人便宜，食人D二手煙啦。好鍾意食煙朋友討厭被控煙辦束縛嘅朋友唔驚俾控煙辦捉嘅各位朋友本人非常推薦非去感受吓一面外出晚飯一面食煙嗰種熾熱。同埋真係唔使驚控煙辦㗎喎每逢食肆出現呢個問題我有時間都聯絡咗控煙辦通常晚上打電話留言控煙辦好有效率會即刻第二日回覆❤️話唔會即刻去巡查❤️❤️同埋唔會夜晚去❤️。所以如果你好鍾意食飯嘅時候食煙嘅話真係值得一去，信我！冇介紹錯。
继续阅读
幾年冇去，轉咗手，食物水準差咗好多，基本上以後都唔會再去。以前個雞煲我食左十幾年， 諗住咁耐無去試下，點知完全唔係果回事，不特止，新版本個雞煲仲要唔好食， 極度失望，又少左一間小店可以去。
继续阅读
搬出大角咀多年，偶然同老婆慶祝周年經過老店，正想回味晶輝一絕 - 雞煲，叫單時店員聲稱老鋪已易手，舊老闆已退休。一聽之下，心知不妙。果然雞煲一出，成地眼鏡，同幅相係兩回事。雖然已有一半失望，不過既然煮咗，唯有以「煮到埋嚟就食」嘅心態一試新雞煲，果然一試難忘！雞汁太稀，雞肉係蒸過嘅雞，好「鞋」，配料中筍片帶酸未入味，我唯有只食我所好嘅洋葱，老婆只食云耳！一半都未食完，就埋單$158走人，兩公婆周年紀念，有過難忘經歷！希望只係雞煲出事，其他炒小菜冇出問題啦！😫
继续阅读
我簡直不可思議😵 見間鋪又舊又污糟糟既感覺，真係坐大排檔仲自然… 但一場嚟到都要食既.. 價錢唔太清楚，因為直頭唔想掂個餐牌，大約每款$100左右啦😬😬蒜蓉蒸開邊蝦、菠蘿生炒骨、胡椒大蜆粉絲煲、椒鹽鮮魷、椒鹽九肚魚、沙嗲牛肉粉絲煲、豬骨煲、韭菜豬紅.. 每一碟餸食第一啖成班院友都有心心眼😍，每樣味道都有85分以上，不過乾淨度確實欠奉，每樣餐具請自行清洗乾淨🤣如果有潔癖真係唔好去，因為係會連坐都有問題🤣
继续阅读
依間餐廳門面殘舊又噏耷，衛生又麻麻地，但係佢出奇地好好食！蒜蓉蒸開邊蝦新鮮肉質彈牙唔會梅！胡椒蜆肉粉絲煲胡椒味勁香濃粉絲朔晒啲胡椒味，蜆肉肥美肉厚又冇沙。椒鹽九肚魚外脆內嫩滑，好野味！椒鹽魷魚椒鹽味好香濃，魷魚彈牙食落唔韌易入口！豬骨煲好大堆頭，料多到痴線！生炒骨甜酸度適中，粉漿唔厚好脆，必食推介！沙嗲肥牛粉絲煲沙嗲味勁濃郁，辣辣地，沙嗲味入晒啲粉絲度，好好食！韭菜豬紅韭菜有少少渣，豬紅好食！手切肥牛好新鮮牛味濃！
继续阅读