暹羅苑

营业中

休息中

Weekend下晝想搵間餐廳 揀咗最鍾意嘅泰菜，兩點幾見到陸續有街坊入去食。下午茶餐牌係40幾蚊仲包凍飲，cp值好高。炒河同辣肉碎飯都好正宗，份量大，唔係下午茶size，會想再去食! 

8位同事結伴去食午餐，由坐低點菜到食完碟飯唔夠20分鐘不停收我哋枱面啲嘢，係短短嘅時間裡面問咗五次食完未！男服務員應該係老闆態度勁差，話生意難做！你覺得生意難做可以選擇結業！ 你可以係客人入坐前同啲客講定你限時食廿分鐘，咁啲客無咁嬲喎！又唔係有人等位但就不停催催催執執執，朋友杯嘢未飲完就俾佢收咗！中午食餐飯relax下變咗噴火！你估你間舖頭係大快活 大家樂定吉野家😡走個時服務員仲要嬉皮笑臉講：唔好意思 唔該晒！

係附近做野，簡單食個lunch見到都唔少人食，就試下佢🤔🤔🤔🤔叫左個魚旦雞絲叻沙D餸既份量都唔水錯唔會太少但湯底略嫌唔夠濃椰香同我辣味都不足面底係米線但份量較少男仔食未必夠

食左好多年，一直維持到水準雖然唔係啲咩靚裝修嘅餐廳不過勝在喺街坊餐館經濟實惠，性價比高！☺️✨泰式酸辣鳳爪$62今日第一次食嘅開胃菜，比較辣少少，份量都非常足，四個人每人都食到幾嚿！✨明爐冬陰功炸烏頭$148次次必點！餐廳有個套餐都係冬陰功烏頭，不過散叫呢個烏頭就炸過嘅，比較香口啲，口感都比較結實👍👍✨沙嗲串燒 （一打；6豬🐷/6雞🐓） $144沙嗲一路都係穩定發揮！不過係得豬同雞，叫1打每樣6串就唔使爭😺✨粉絲雜菜煲 $78砂煲上枱非常夠熱！欣賞佢粉絲唔會係一餅嘢，雜菜都有好多款，例如粟米仔、芥蘭、椰菜、紅蘿蔔等等，口感好豐富✨泰式蝦醬炒飯 $75蝦醬炒飯今次都係第一次食，非常足料，雖然個名冇講明，但原來有炒蛋面、臘腸同一串串燒👍蝦醬雖然唔係好濃味，但整體嚟講好夠鑊氣！✨芒果冰沙 $35呢個我哋幾乎每次必點！超級大杯，芒果新鮮好甜🥭欣賞佢唔會係成口冰嗰隻口感👍👍四個人食，今日埋單六百幾蚊👍星期六晚都幾旺場，不過上枱速度依然快，每一碟都係熱辣辣上枱🧡推薦度：🧡🧡🧡🧡🧡

北角啲friend介紹呢間泰國菜佢話平時食開，真係又平價又好吃，而且環境都幾好，服務都幾好，嗌咗個套餐，一條魚+1個雞肉先＄228，三個人食飯 人均＄190，仲要加埋嘢飲真係超抵同啲friend可以慢慢食慢慢傾，下次再嚟

暹邏苑的黃咖喱魚柳飯真是令人驚艷。這道菜品散發出誘人的咖喱香氣，讓人垂涎欲滴。咖喱的味道非常濃郁，每一口都能感受到它的香辣風味。特別令人印象深刻的是椰子味道的濃度。椰子的香氣在咖喱中融合得非常完美，讓整個菜品更加豐富和滋味。每一口都能品嚐到椰子的香甜風味，這種口感真是令人愉悅。除了咖喱和椰子的美味，魚柳也非常出色。魚肉鮮嫩多汁，經過咖喱的調味，更加美味可口。它與咖喱的結合簡直是完美的配對，彼此的味道相互融合，帶來了出色的食物體驗。總體來說，暹邏苑的黃咖喱魚柳飯真是一道令人難以忘懷的美食。咖喱的香氣和椰子的濃度給這道菜品帶來了獨特的風味，而魚柳的鮮嫩口感更加提升了整體的味道。如果你喜歡咖喱和椰子的組合，這道菜絕對是你不容錯過的佳餚。

依間泰國餐廳既下午茶set CP值好高, around $50一個炒野連杯飲品，今次我点了個豬肉炒河 ，味道系吾錯不過有点兒味道太濃同有少少油，整體算ok,下次會再黎過食其他既set👍

是日收工搵好野食😆😆主要本身想食生菜包，所以就搵泰國菜食環境都還可以，尚算寬敞餐牌方面😋有套餐有散叫本身想叫個二人套餐由於二人套餐冇生菜包，所以就散叫左了今日叫左四個菜1. 肉碎生菜包2. 泰式蝦餅3. 泰式炒通菜4. 泰式炒金邊粉全部份量都OK大，好彩兩個人食得晒🤣味道不錯👍還可以 整體1-10分為滿分，有8分啦！☺️

今日又黎到北角閒逛到3點3下午茶周圍搵嘢食😋最後試左依間泰國餐廳我毫不猶豫叫咗個Pad Thai😎(其中一樣我最鍾意食嘅泰國餸菜)😌一嚟到第一眼就知道太濕🤨但食落味道正常發揮依個Pad Thai冇蝦 🦐佢係配雞肉粒根本就係攞雞肉串燒嗰啲肉嚟煮所以雞肉粒個味唔係太夾個麵 變咗串燒味🍢😅overall個麵僅僅合格啦另外朋友叫咗海南雞飯 仲加咗$10轉雞髀油飯🍚出色 乾身 👍🏻雞髀幾大隻 啖啖肉 嫩滑 😍因為佢係下午茶餐 轉埋雞髀先係$57 仲配凍熱飲品🍹反之餐廳環境就麻麻哋 衛生唔係幾好😥餐枱餐牌黐笠笠 周圍傢俬都有啲年紀🤭

暹羅苑是北角一大聽日性價比高嘅泰國餐廳。雖然餐廳地方好大，但喺中午繁忙嘅時間，有時都需要等位。雖然係泰式，但佢地嘅主打並唔係冬陰功。其中我覺得佢哋比較出色既菜就係海南雞飯。佢嘅海南雞，有少少肥啦，但佢哋嘅海南雞燜得非常之腍，雞肉又唔韌。配搭佢哋嗰個泰式醬汁，係一個唔錯嘅配搭。佢哋嘅湯係好傳統嘅海南雞雞湯，雖然雞係肥但反而個湯唔算多油，唔肥膩，清清地，唔太鹹，應該唔似味精湯。間中，佢哋既海南雞，會俾雞翼你食添不過就要睇彩數啦！我比較喜歡食佢哋個雞油飯。唔油膩之餘，亦都有微微嘅薑味，係海南雞飯嘅最好拍檔。唯一美中不足嘅係佢哋嘅飯唔乾身，估計係因為佢哋係煲飯前無炒過啲米，但其實都好好味。佢哋午餐係可以配泰式特飲，不過要加$10 ，比較貴。註：以上價格時值 2023年3月

好友聚會, 選址暹羅苑, 交通便利, 收工搭半個鐘電車响健威花園落車, 過馬路穿過商場已到, 附近仲有滙豐可以撳錢, 認真方便。環境正常企理, 入内已有多枱開餐中, 今次朋友打點, 我纯粹坐响處飲飲飲加食食食, 全程出品ok👍🏿, 員工服務態度熱心有禮, 招呼到位。個人認為泰式豬頸肉沙律、炸鱼、同甜品芒果糯米饭最好食, 大伙把酒言歡, 大吃大笑🤣, 真心過瘾👍🏿, 今次已約定下次再在此相聚。整體評分:全4分價格每人約$4xx

今次到北角‘’暹羅苑泰國餐廳‘’🥢點了輕食🍛椰汁青咖喱雞飯🍛 ～ 充滿椰香味道，青咖喱好開胃，配飯一流🌶😋龍眼冰🍹 ～ 滿滿的龍眼，滋潤補脾🤗泰式咖啡☕️ ~ 味道甜了一點🍬價錢經濟💰服務唔鍇🤵‍♀️

尋晚行完山後， 落返北角揾野食， 見到有間泰國菜館， 門口貼左好多明星相， 於是入去幫襯下。泰式粉絲蟹煲泰式豬手泰式生蝦小食拼盤咖哩牛腩馬拉盞通菜泰式鳳爪鐵板蠔仔蛋泰式豬頸肉泰式金邊粉泰式粉絲蟹煲， 份量十足， 一大隻肉蟹， 蟹肉鮮甜， 粉絲吸收哂蟹味， 超級好味， 加上少少辣， 野味十足。泰式豬手， 又林又軟又滑， 入口即溶， 豬皮夠哂肥美。泰式生蝦， 新鮮彈牙， 蝦頭重脆炸， 無浪費哂食物。小食拼盤， 6人份量， 真係好多。咖哩牛腩， 味道好， 但牛腩較為實。馬拉盞通菜， 野味， 夠大碟。泰式鳳爪， 酸甜辣味俱全。鐵板蠔仔蛋， 蠔仔肥美大隻， 鮮甜， 配上爽口芽菜， 加分。泰式豬頸肉， 正正常常， 好香口。泰式金邊粉， 熱辣辣， 夠大碟， 6個人都可以分到大半碗， 超值。每位店員都好有禮貌有善，笑容滿面， 值得再幫襯。叫左咁多野食， 6個人每位$260， 真超值。

暹羅苑 (北角)♡︎𝗖𝗔𝗨𝗦𝗔𝗟 𝗥𝗘𝗦𝗧𝗔𝗨𝗥𝗔𝗡𝗧 ♡︎$60 星洲喇沙蝦米線（配飲品）（午市價錢）🧡sɪɴɢᴀᴘᴏʀᴇan ʟᴀᴋsa ᴡ/ sʜʀɪᴍᴘ🧡🍜喇沙材料豐富，有豆卜、蝦、魚蛋、雞蛋🥚、豆腐片。湯底好味，碗面有大量蝦乾🍤，湯底值得贊，飲落都濃郁有蝦乾味道，辣度輕微🌶。魚蛋、豆腐片、蝦🦐食落爽脆。落單後大約等8-10分鐘🕑，咖哩類食物就會等得耐啲。📝青咖哩之前食過，味道還好。個人覺得喇沙好味啲。食物：8.5/10環境：7/10性價比：8/10📍北角七姊妹道116-122 號地下B號舖#laksa #singaporeanlaksa #hotnoodle #shrimp #fishball #thairestaurant #hkfood #hkfoodie #yummysoup #weekdaylunch #hkfoodblog #foodiehkig #喇沙 #濃湯 #午餐 #平民美食 #平民價 #香港店 #抵食 #窮 #食好西系列 #暹羅苑 #北角美食 #香港美食 #泰國餐廳

廳，原來有一間泰國餐廳。星期日下午路過，見下午茶也有不少顧客，比附近餐廳生意好，發覺原來其下午茶選擇很多，飯類有海南雞、豬手、咖喱牛腩、泰式香葉肉碎等。如喜歡麵類，可選擇喇沙、米缐、炒河，什至肉骨茶等等。此外，加錢可選魚餅、蝦餅、鷄翼、鳳爪、炒菜等。今天叫了泰式鹵水豬手飯，一個看似易整但很難掌握得好的菜式。幸好此間餐廳沒令人失望，不單豬手份量非常多，像普通午餐一樣，而且豬手的滷水汁味道清香而不會過濃，豬手的肉質也十分嫩滑，配以調較得不錯的鹵水汁，非常美味。另外，叫了泰式蝦醬炒飯，擺盤別緻，炒飯並配以一串豬肉及臘腸，以40多元的價錢來說，簡直超值！味道方面也絕不遜色，不會將貨就價，蝦醬的調味剛好，飯質不會太乾，肉串也燒烤得不錯，不會太「膿」，三小塊的臘腸分量適中，否則會太肥膩。小食方面，我們加了蝦餅，是熱騰騰而脆卜卜，但以$34 元價錢來說，份量偏少。