曉廚軒香港風味 (已結業)

搬左出黎一個人住都差不多兩年喇，一個月都未必飲到阿媽靚湯，好采依家有新發現啫，有救喇！實在太多選擇，炒粉麵飯、煲仔小菜、燉湯糖水，咩都想食，我獨獨餐食唔得幾多喎。決定！麻婆豆腐撈招牌炒飯，黎多個燉湯先。搵個位坐定定得野食，姐姐仲幫我送埋餐過黎，唔該晒呀，感覺溫暖，哥哥們都非常耐心推介菜式，thank you。原盅淮山杞子燉螺頭雞湯，滾熱辣出場！香噴噴！一打開盅蓋，濃郁雞湯香味直撞鼻孔，即時口水流啦。湯色清徹鮮明，賣相吸引，仲有淮山杞子瘦肉加兩大舊螺頭，勁足料呀！大大啖整幾口，特濃海螺雞湯味道，仲滲出淡淡料酒既清香，勁好飲呢！唔用羹喇，直接成碗攞起倒入口，爽！淮山杞子明目補眼又身，海螺滋陰補腎，飲完渾身是勁，暖笠笠！湯飲晒，料都食晒，好味好味，力推！力推！曉廚招牌炒飯，好緊張啊！唔知會用咩炒呢？食過其他餐廳既招牌炒飯用什肉雞牛豬叉燒、肉片豬什，唔知曉廚會點處理呢？嘩！海鮮炒飯喎！蝦仁帶子斑球加埋菜粒，如果有乾瑤柱或鱆魚粒就更正喇！炒飯好有鑊氣好香口噃，炒功了得，炒飯分明一粒粒唔會一舊舊，飽滿嚥韌充滿蛋香，好味道！撈埋自家辣椒渣，刺激又美味！有少少似特辣 XO 醬呢，越食越想食。家鄉麻婆豆

食三餸飯最開心係咩呀？咪係一大堆食物係您面前揮晒手，要我啦！要我啦！食少啲飯黎個四味先！梅子蒸排骨，全部都係軟骨位，咬到脆卜卜好有快感！肉香軟棉，再多啲梅子醬、再酸點有濃點就更好喇，多汁撈飯先興奮架麻。茄子炆排骨，又排骨？眼大睇過龍，我以為係牛仔骨，哈哈。我鍾意食腍滑軟棉多汁燙咀茄子架，但佢地較爽較口。茄子同排骨味道還可以啦，仲有好大進步空間。欖菜炒雞柳四季豆，好獨特既配搭，欖菜炒四季豆經常食，雞柳都係第一次。好香口喎，送飯一流！雞柳滑而彈彈的、四季豆爽嫩多汁，good 呀！蘿蔔炆牛腩，濃郁八角味道，牛腩夠腍入味又無渣，蘿蔔又嫩又多汁，滿意。本打算食少啲飯，食多啲餸，但係依幾款配白飯實在太好味，唔覺唔覺成碗飯食晒。而且個飯煮得非常好，乾爽飽滿又嚥韌，唔會濕淋淋、唔會腍劈劈！最憎食軟飯架喇！

成日都大家樂好鬼悶啊！去大食代行個圈睇吓有咩好野食先，學記食過、上海野食過、麻辣食過、海南雞食過，今次試曉廚即炒粉麵啦！剛食完 lunch 無耐，叫幾碟炒野 share 食算喇，唔洗四十蚊碟炒野，抵喎。下午茶居然已經有燉湯？梗係要啦！我地幾個都勁鍾意飲中湯架！原盅木瓜雪耳燉雞湯，有無搞錯呀！太離譜喇麻，邊有咁好飲架！超級濃縮，特濃雞湯帶木瓜清香味道，雪耳令到質地又膠又滑，而且索晒味呢，精華所在呀！少男都要補架麻，木瓜雪耳，飲完即刻靚仔左，哈哈。除左雞骨之外，全部送晒落肚，飲完暖笠笠，好滿足，HKD48 邊度搵呀？魚香茄子炆伊麵，最鍾意食伊麵，魚香茄子都係我至愛，雙劍合壁不得了！伊麵嚥韌又彈牙，炒得均勻味道香濃帶微辣，正啊！多點汁多點肉鬆，茄子再棉滑一點，我就更開心喇！貪心的人！鮑汁金菇炆伊麵，伊麵同樣炒得出色，美味無投訴！連埋爽口金菇芽菜雞髀菇一齊食，味道更豐富，嚥韌夾雜爽口，有趣！好味道！福建炒飯，炒功了得，每粒飯都飽滿乾爽又彈彈的，唔會一舊舊，亦唔會濕淋淋，有鑊氣，高質！唯一扣分係蛋香不足，落多一隻蛋啦，衰鬼。配料美味豐富，紅腸、魷魚、菜粒、蝦仁，撈埋炒飯一齊食，大愛！自家辣椒油，

幾星期前路經此地食麻辣香鍋已經見到裝修緊，今日終於開張，又有新野試喇！全場唯一既廣東菜，lunch 賣三餸套飯有例湯，仲有即炒粉麵飯添喎。第一次黎先試四餸啦，眼見都有八款，花多眼亂，我咁胃食當然咩都想試呢！全部已經用砵仔裝好，感覺乾淨衛生又高檔左。我最鍾意飲湯，佢地仲係用紫砂燉盅架，梗係要試啦！發財好市大利湯，原來係發菜蠔豉豬骨蓮藕湯，超級足料！湯汁好夠火侯，濃郁香甜，無得輸，無地方比我扣到佢分，就算連湯渣都好好呢！蓮藕爽甜、蠔豉甘香、豬骨肉味濃，正！我想飲多兩碗得麻？豉椒炒火腩，我都係第一次食依款配搭。試舊燒肉先，軟棉肉嫩有咬勁，不乾不硬，啖啖肉，Good 噃！惹味香濃既豉椒汁配舊咸香火腩撈埋香噴噴白飯一次過推入口，好幸福啊！飯粒乾爽嚥韌又飽滿，我非常喜歡，最憎又濕又腍既飯架喇！青紅黃椒都好鮮甜爽口多汁，黃椒好貴架喎。荔芋煙鴨，有創意！首次預到用煙鴨胸，唔係鴨肉唔係鴨件，但非常好味！香滑既芋頭汁中藏著淡淡煙燻味道，陣陣甘香，大大羹撈飯食！我堅係停唔到口，好想將所有鴨胸、芋頭、芋汁、白飯一次過倒晒落肚呢！推介！栗子炆雞，我最鍾意食雞，基本上每日都有雞。可能前兩味太出色喇，相比下依道菜有