曼谷泰菜 (已結業)

清明節去完香港仔拜山，五點左右，就腳有間曼谷泰菜，門口有個下午茶牌，ok la，入到去一個客都冇，咁我一家人坐低飲啖水，之後佢話冇下午茶，咁我地叫其他啦。叫幾碟炒粉麵飯，其中一個炒飯係有炒蛋包著既，佢俾個蛋花包著既炒飯我，侍應話影相同實物一定有出入架啦，咁都得！走人之後睇睇門口豎起兩塊餐牌，一塊寫午餐(假日不提供)，一塊寫下午茶(冇寫假日不提供)，咁應該有下午茶供應啦，呃人叫貴野食，好食根本唔使出招，自然有客到。野食好一般，咁既服務，冇下次！

早前OR的七周年聚會下集,再一次在香港仔曼谷泰菜舉行,身為碩果僅存的元老級會員,當然支持.大約四十人出席,大多主力缺陣,新人眾多.挺有新鮮感.只係一個容納到四萬人的球場,得二萬幾入座率,有點覺得冷清.先來個泰式邊爐熱身,鴛鴦湯底,一邊係清湯,一邊為唔似係Tom Yum的辣湯底.材料一大碟,有蝦有蟹有魚片等等,亦有些牛肉,香腸.用料新鮮,尤其魚片很鮮,鮮蝦有蝦味.用此味來打頭陣,不錯.其後菜式以小吃為主,反而沒有火窩般出色,生蝦刺身一貫水準.泰式皮蛋,燒雞翼等等,沒有甚麼特別.反而有味類似漢堡扒,香茅味太重,令到同檯其他食家,也吃不出是什麼肉.吃真一點,應該係雞肉.全夜星啤照舊任飲,今次比較克制,沒有熱血沸騰的氣氛,去驅使我一支駁一支,所以三次在曼谷泰菜的聚會,今次能夠神智清醒地離場.僅祝貴網蒸蒸日上.

lunch 同行20人,Birthday party炸蝦餅爽口,我覺得好食過九龍城既泰國餐廳泰王汁軟殼蟹好香好野味! D串燒好正好好味道總之樣樣都有番咁上下水準.

夜晚去食...叫左一個咖哩雞煲同一個醃唔知咩海鮮粉絲....2樣野加埋都食左145..仲要d野好細碟....味道亦不是十分特別...下次試下香港仔另外一間泰國野先....

同屋企人黎食....我地終於搵到一個又近便...又好味既地方喇....食左個4人餐...再加兩碟野....夠哂....咖喱炒蟹既咖喱汁好得...最緊要唔辣...啱爸爸食....個釀雞亦都好得....正到不得了....會再黎食....

見到「觥籌交錯的一夜」一文, 立即跑去試試. 因為人數少關係只係叫左兩味, 就係「魷魚薄餅」及「棷芯炒蝦球」. 先講「魷魚薄餅」, 真係唔錯值得一試, 塊塊咬落都脆卜卜, 而且唔油膩. 仲有魷魚香, 真係冇介紹錯.至於「棷芯炒蝦球」, 本人第一次食棷芯, 唔識分好壞, 但係d 配菜就認真唔得, 條條菜都好鬼老.印象分大減.講開印象分都希望曼谷泰菜的老闆注意一下, 客人一來即到那碟炸蝦片, 真係可以用不能接受來形容. 塊塊蝦片都鬼死咁有嚼勁, 而且「煙un」無比. 你唔收$我就話不敢要求姐, 但係收得$就真係炸番脆佢好wor.

卒之有時間寫曼谷泰菜的食評，OR聚會當晚，啤酒、白酒、紅酒喝過不停，氣氛相當高興，而有關過程亦有個Personal Album 登載！重溫之餘亦可感受當晚的歡笑。有關食物方面，由并盤開始、串燒、沙津、炸雞、明爐烏頭、沙飲及寬身河粉基本上都有淺嘗，除了冬陰湯較好外，其他比想象中普通；當然，大家在興高彩烈之餘，食味已經不是最主要的要求，但始終筆者仍有一個要求的！

之前在這裡攪的聚會，我都沒有參加。但今日就因等PizzaHut 太耐冇位，所以就過來這裡試。我們連大連細只得六人，但又想食多些款式，所以就叫了個泰式海鮮六人餐($668另加一)。先來泰式拼盆(有四種食物，每款有三件，有炸蝦餅，這個仔仔話好食。炸春卷，這個都幾好，有芋頭肉。香葉包雞，這個一般。串燒雞肉，這個又是一般）、泰式鳳爪（原先是酸辣的，但我不食辣，所以酸辣汁另上。個鳳爪冇味，又未溶完雪，所以很難食呀）、豆腐肉碎湯（又因不食辣，所以冇飲冬蔭功湯，要了這個湯。有兩盅細的上桌，早知每款一盅哪。湯幾多料，但就不見豆腐，就的好攪笑，味道又是一般）、咖喱炒蟹（這個味道幾好，但蟹就不新鮮，肉是散和鞋的，差）、明爐魚窩（這個又是一般，有少少檸檬的酸味，不過就太大火，嚇倒小朋友）、辣椒羔炒青口（又因不食辣，所以要走辣。這個又是一般，不過幾多青口，但就只得兩三隻有羔的）、泰式雜菜煲（這個全餐最差，我們差不多冇食。只因他們上菜太快，我們未食不完一碟就上第二碟，使到成張桌都放不到。所以到食的時候，都已經又凍又硬，真的是有冇攪錯）、半個菠蘿炒飯（這個原先是香焗芋頭飯，但我就轉了這個。味道幾好，有好多料，蝦亦

說清楚一點，想說的其實是最喜歡的一味是叫泰鍾意的菜色。一年一度的Openrice聖誕派對，當然是大日子，亦是很多人參與的一晚，出席的人數逾60人，熱鬧非常。多得版主Ray兄的安排，菜單已一早與店方訂好，大伙兒只需要準時到，坐定定就有得食。菜單上的菜色有十一道菜，由前菜小吃、沙爹、湯、沙律、菜、雞、魚、炒粉麵及甜品都一應俱全，豐富非常。當然還有大會指定啤酒~Singha Beer的全場任飲，單憑這個陣式，都知會好盡興。因為吃了幾味已加入戰團，所以在食物方面是不能評盡所有的菜色，只吃到頭幾味。泰式併盤是春卷、炸雞塊、蝦餅、沙爹肉串的組合，吃過幾味，還是最喜歡蝦餅，炸得香口，味道也真不錯，用來下啤酒是不二之選；串燒沙爹是雞及豬肉，交足功課，不過可惜我是放涼了才吃，趁熱吃味道應不錯的；這裡的湯也有水準，還記得上次吃到的是蒲著紅蝦油的冬蔭公，今次是酸辣椰汁雞湯。也得同檯的靚女食友相讓，我是一整碗的喝。味道夠酸又夠辣，跟筆者週前在曼谷喝過的一樣有水準，老實講，真的想再添飲。再來是兩味沙律，先上檯的是叫「泰鍾意」的沙律，是炸了的薯仔加上車厘茄、青豆角、花生、蝦米等，只簡單的用魚露及紅椒調味，吃落香口

OR 05年度最終回的大party,破紀錄60人在曼谷泰菜舉行.同上次一樣,劃一收費,星啤任飲.歡天喜地.今次醉翁之意,不在食,旨在酒.仲有禮物抽.喪玩到嘔.食就唔會講咁多,反正食過乜,味道如何,又真係未必記得,酒精上腦,邊記得咁多.自己又係衰,帶左兩支香檳出黎,加埋其他食友的紅白酒,仲有任飲星啤,未過三巡,已開始不支.轉入最後直路之前,差不多要拉停.歡樂今宵賽後報告,差不多過一半食友,帶醉逃出香港仔.KC兄講得無錯,今夜一定飲到走唔到.次天大清早起身幹活,個頭好似Diving一樣..一年一次半次,狂又可妨?下次再飲過.

此店之炸蝦餅令人垂涎三尺, 不試試等同與自己過不去!!

近月較忙, 巳很久沒有出席飯聚, 難得一次又再見到食肆贊助, 當然要支持。在泰菜店吃火鍋記憶中之首次, 火鍋的配料是預期中的材料, 主角是MK suki 汁, 個人不懂煮食, 吃東西時也不能一下子吃的得出送菜是用了什麼醬料, 總言之合味道就是了, 而今趟的主角是一碟紅紅的醬料, 不杰不稀, 甜甜辣辣, 對吃不得太辣的我也很是吸引！除了醬料外, 還另外奉上了一碟附有紅椒粒, 蒜粒, 青檸等的配料, 客人可隨自己喜好而加料, 適隨專便, 任君選擇。除了此個MK suki, 還有個人較喜歡的幾味如;蝦片~ 脆口帶微辣, 是開餐前的開胃小吃, 沒多間是可以做到脆口又不帶油, 但這店連小吃做得一點也不懶, 吃到蝦香味而吃不到油膩感。生蝦~上檯新鮮可見肉質晶瑩結實, 腸胃敏感的我也忍不住要吃一口, 蝦鮮甜爽口, 吃後也沒有感到不適, 感覺店方在衛生方面是下足功夫。盲曹~ 新鮮貨色, 一吃便知, 連坐在身旁的皇后也讚很有魚味。甜品類不用說一定是椰汁糕取勝的了, 一般在別處吃到的多是淡而無味, 但此店的出品是椰香味濃, 同檯各人吃後無一不讚好, 只嫌一碟數量不夠喉, 還要把鄰檯的那碟奪為己有呢！以下

日前天氣寒冷,正是打邊爐的大好時機,貴網的籌款晚會,時間較得岩岩好.地點香港仔,小弟每次食泰菜,一定會去坐11號都會去到的九龍城.香港仔就還是首趟,交通,又唔算唔方便,在土瓜灣出發,107號巴士一條龍直到.一行接近四十人,包起成個場,而且全場星啤無限refill .是夜主力打邊爐,當個火窩上桌,仲會認為係Tom Yum作湯底,原來,同我地本身吃開的清湯底無甚分別.唔同在醬汁唔係豉油,而係一個泰式醬汁,唔辣,質感味道有點似用來點北京水餃的豆辦醬.配料同樣同我地食開的沒甚分別,係個肥牛,外型真係似煙肉.醉翁之意,旨在酒,今次第三次參與貴網gathering,係最多口水的一次.酒精,的確幫到手,講過咩,我又唔記得.特別嘉賓泰國通胡慧沖,為這個本來好high的一夜,更推上一層樓.大家搶住問泰國有乜好路數,絕對地互動.在泰國菜方興未艾之下,勇闖老銅,一定大有可為,僅在此祝曼谷泰菜生意興隆,繼續為我們眾食友帶來美食.

有朋友知我喜歡吃香辣菜式﹐向我介紹過幾間泰菜﹐曼谷泰菜是其中一間。但因為地點問題﹐所以一直未試過﹐直至較早時開飯網有籌款聚餐於曼谷泰菜﹐終於出師有名﹐當然報名。地點果然偏遠﹐一行十數人於中環集合後還要坐約40分鐘巴士路程才到達﹐而且新店入口真的頗隱蔽﹐若不是有Foodking帶路相信要找到也要花點時間。格局算是較為高級的泰式菜館﹐跟現在流行的泰式小食店類走的路線不同。餐前先來一杯椰汁冰﹐頗香濃﹐不過冰下得多﹐很快就變淡。還是飲啤酒好﹐因當晚聚餐由Singha啤贊助﹐全場任飲。當晚的菜式由店主所定﹐所以有些菜式叫甚麼我也不記得﹐唯有吃了甚麼就說甚麼吧﹐反正吃的又不是菜名。首先上的是一碟像炸伊麵的東西﹐伴著一碗很濃厚﹐類似椰汁咖喱的醬汁。店員介紹要將炸麵混醬來吃﹐吃下去口感很新鮮﹐味道也不錯﹐麵脆香﹑醬香濃﹐算是值得一試的特式小食。緊接是一個泰式小食拼盤﹐有炸蝦餅﹑魚餅﹑春卷及炸扎肉﹐因為不夠分每人每樣一件﹐我只吃了炸蝦餅及魚餅。兩者味道都算是過得去吧﹐勝在新鮮炸起﹐又香又脆。而據幾位同檯食客所評﹐炸扎肉是最好味的。然後上了一碟類似越式濱海的小食﹐是一團團凍米粉﹐上有鮮蝦及炸蒜片﹐裡面則混

15-8-2005 1926參加openrice 的聚會已有半年的時間，除了一眾食家自發組織起來的聚會外，還有各種戶外/內活動加飯局，有時候還有食店贊助，而是次得到曼谷泰菜位於香港仔新支店贊助今次聚會。好，說回正題。第1道小食名堂叫Cab-Choy，連中文名也沒有，裡面有炸麵條、醃酸的黃蘿蔔及洋，平平無奇的外表，食落的確開胃，起碼夠酸，本來可以先聲奪人，但來了不速之客：黃咖喱雞，咖喱不算太辣，雞用了雞胸，見其他食客都伴著一齊食。個人認為這樣做法有點怪，特色及驚喜度也減低了。第2道小食是四色拼盤，分別有蝦餅、魚餅、扎肉及春卷，前三款炸得幾香脆及爽口，春卷則有點似酒樓貨色，但無論如何，是送酒的最佳良品之一。湯類當然離不開冬蔭公湯，侍應已幫我們預先分好了一人一碗，趕不切映一整煲的模樣，酸辣度適中，配料充足，唯獨海鮮料不夠豐富，自己只得半隻蝦殼及四分一蝦身，如有魚肉會更加好。另一度涼菜是醃海鮮雜錦粉絲，海鮮除了蝦外，似乎沒有其他，大部份都係辣的醃料東西，要食落去不久後先感到些少麻辣，對我來說麻辣仍然不足。燒鱔串我認為是當晚最出色的菜式，燒得香口，有少少魚油，邊位骨可以食落肚，中間沒有骨，不用伴