曼谷車站

营业中

休息中

一行2人係附近食野，上次經過見到依間泰國野，好似幾特別，比佢個裝修吸引咗，因為係㗎列車🚄樣，幾得意，所以今次黎食個飯。🔻辣肉碎生菜包$65🔻份量多👍🏻，至少有一棵生菜🥬量，仲要唔係濕漉漉架😚，乾身又無泥味。辣肉碎就有少少🤏🏻辣，肉碎肥瘦均勻，辣辣地幾開胃，最正就係夠乾身，唔會好水✨，包好個生菜包都唔會成手都係汁，夠乾身，真係好滿意🤩🔻蝦膏炒飯$62🔻足料👍🏻，最正係有泰式臘腸😍，仲有的蝦米仔，豆粒同辣椒🌶️，同肉鬆拌勻，食落甜辣惹味🤩，仲炒得好香🤤。🔻青咖喱牛腩$72🔻依個好正✨，的牛腩好淋，又香😏，而且的青咖喱🍛帶少許微辣，配薄餅食一流😋，不過薄餅就要另外散叫。仲有的配菜，爽點架，無overcook，好好食👍🏻，以為一碗好少，其實係幾多牛腩架，性價比高✨🔻薄餅$28🔻一客有3件，一件係半圓型，分量對得住個價格😚。煎得酥脆，配咖喱係正。

九龍灣得寶商場食夜晚，去咗呢間泰式餐廳，我之前都食過一次唔錯嘅😚性價比唔差👌🏻可以試吓·✨菠蘿海鮮炒飯🍍🦐🦑🦪 $72菠蘿炒飯個賣相雖然唔係原隻菠蘿裝住，但個賣相都幾得😆菠蘿切得有心思，同埋份量都幾多，飯入面都仲有細細粒嘅菠蘿🍍飯就都多配料，有3粒蝦仁、1粒青口、臘腸、魷魚、腰果、粟米、肉鬆等，食落唔算油，淨食飯都有味🤤·✨串燒（豬牛雞各2串）$68有6串，串燒啲肉味唔太出，但肉質算唔韌，食落都分得出豬牛雞，有個沙嗲醬比你點咁，正常冇特別😚·✨馬拉盞炒椰菜苗 $59菜爽口唔老冇渣，不過食食下覺得偏鹹，就食唔落哂了😫·🌟抵食泰國菜，味道不俗，街坊餐廳，住附近去食就啱哂啦🌝

特色泰國菜店，以火車站為主題，內裡有d雅座設計成卡箱，幾特別架。🥢肉碎生菜包🥢 $65呢家既豬肉碎比較瘦，而且炒得比較乾身，食落吾會好論盡，成手汁滴滴答答。加入左好飲花生粒定芝麻粒，食落好香口，仲有有少少檸葉味。🥢泰式粉金邊粉🥢$62睇落賣相相當吾錯，好有色水，聞落好有鍋氣。味道酸酸甜甜之餘，仲帶有少少似鹹魚香味，食食下有氣魚仔。🥢冬蔭功海鮮炒飯🥢 $69冬蔭功炒飯吾系間間店都有，以前系泰國旅行食過，一試難忘，味道系相若，好有香茅味，不過飯就濕潤左d。

其實大家又知唔知係近九龍灣站嘅得寶商場都有貼地嘅平民好西?! 體驗火車主題泰國菜 特點在於佢哋採用車箱嘅設計 睇得又食得🤟🏻 ▪️7.5/10▫️<< 泰式生蝦 >> $78 必點👏🏻 一碟半打 生蝦新鮮得嚟好大隻 拎上手好有份量😳 有啲驚喜！酸辣汁非常開胃 連辣椒同乾蒜片食都幾辣 就咁點汁會好食啲🤔▪️7.5/10▫️<< 燒豬頸肉 >> $75 燒到脆邊 唔算太肥👍🏻 特製醬汁非常惹味‼️除左香茅之外 仲有少少似咸青檸味🤔 幾特別又幾好食~~▪️710▫️<< 龍眼冰 >> $25 今日唔飲得凍野🥶 店員好貼心咁叫廚房走冰☺️ 清甜解渴 好多龍眼肉好足料~▪️6.5/10▫️<< 干炒香葉牛肉河 >> $62 用泰國香葉同三色椒爆香 河粉炒得有鑊氣 牛肉塊都幾多 但較油🤓🌿裝潢模仿火車嘅車箱 好多細節位 比如座位 窗邊設計都做到相似感覺 環境燈光較光猛 家庭式特色餐廳~🐽總括嚟講 無論係野食或者飲品都唔錯 生蝦同豬頸肉有啲喜出望外😳 cp值幾高😘 價錢本身唔貴 見到午市價錢

小時候曾住過牛頭角，所以對於牛頭角這地區有不少情意結，今日工作完畢後，來到得寶商場的「曼谷車站」食晚飯，餐廳在商場的1樓，在扶手電梯的同圍都清淅地見到指示牌。門口大大的牌寫住免收加一，希望能吸引更多客人吧！打開餐牌一看，上面寫了很多泰國的特色食物和飲品，而我最鐘情的是菠蘿海鮮飯《菠蘿海鮮飯》$72這個飯有小小特別，菠蘿不是混入飯中，而是像隻菠蘿船般整齊地放在碟邊，很有心思，最喜歡飯面鋪滿的肉鬆，混合炒飯和腰果一起食，非常香口。《海南雞》$85海南雞果然是招牌菜，雞皮薄得透徹，皮下脂肪略有少許，雞肉肉質鮮嫩幼滑，絕對美味。《蒜蓉炒翡翠苗》$57翡翠苗炒得青翠可口，非常清甜

星期五放工後突然好想好想食泰國菜，印象中朋友提過九龍灣得寶商場入面有間由泰國人做廚師既泰國菜，路程雖然遠小小，食完之後果然不負所望，係近期食過既泰國菜入面性價比最高既一間新鮮炸出嚟嘅蝦餅一客三件，一開二有六件平時出面得兩件渣呢個泰式炒金邊粉有返左泰國既感覺呀！蝦多過兩隻，抵讚呢個青咖喱牛腩完全滿足椰汁慾望嘅我非常之有椰香之餘仲夠辣 最衰飽飽地如果唔係加埋蒜蓉包嚟撈埋啲汁一流呀飛天通菜一樣夠泰味呢杯珍多冰係我搵咗好耐好耐好耐嘅泰國口味啊，椰汁完全無溝稀

得寶商場個food court無左，選擇少左就周圍睇下見到呢間泰國餐廳幾有特色，就去左試吓又幾好食呢間價錢中等（無加一）位置坐得舒服，都抵食🔶飛天炒通菜 $52同泰國個啲比當然無咁好，但都好有泰國味道懷念泰味就試吓佢🔶炸春卷 $38我想像嘅炸春卷係蜂網狀個啲，點知係呢款...都唔緊要，不過味道一般，外表係脆嘅，但內餡麻麻地🔶薄餅 $28有三塊，因為有點到青咖哩，所以叫薄餅可以點汁但其實唔洗點汁都好味，夠薄夠香🔶青咖哩牛腩 $72入邊啲牛腩份量都多，而且都淋，肉質很好！青咖哩味道都幾泰色，真材實料！撈飯幾好味🔶泰式炒金邊粉 $62味道好好味，不過濕左少少，我覺得乾啲好啲不過都係好足料，蝦都好大隻，新鮮嘅，可以試餐廳大，座位坐都舒服😌

今日咁岩係九龍灣行街，但又唔熟路，就係open rice搵到呢間位於得寶商場既“曼谷車站”。餐廳外觀設計就真係一架火車咁，幾得意。叫左個飛天炒通菜，夠鑊氣，味道亦夠咸，睇到有唔少豆豉同辣椒碎，但食得辣既我就覺得可以再辣多少少，再惹味d啦～泰式炒金邊粉都好吸引，炒得岩岩好，唔會太乾，中意佢有d濕濕地咁。仲好足料，有唔少蝦、豆干、芽菜同蛋等等既材料。隔離有個青檸可以等大家因應自己喜好而“支”d檸檬汁調教酸度。炸蝦餅同樣出色，外脆內彈牙，蝦肉唔會冇味，配搭埋我最中意既泰式辣醬真係一流！青咖哩牛腩係今晚最驚喜既菜色，除左份量足，仲食到濃濃既椰汁混合青咖哩既味道，令入面既牛腩同泰國茄子好入味，而d牛腩都好鬆化，唔會好老。食到口渴就叫左杯珍多冰，本身以為平平無奇，點知飲到停唔到口椰汁味好濃郁，d粉唔會冇味，甜度剛剛好，唔會太淡。今日撞正有優惠，免加一，真係夠曬抵難得係九龍區搵到間性價比高又比較正宗既泰式餐廳，下次可以再黎試下其他菜色

位於九龍灣得寶商場既泰式餐廳，裝潢同店名一樣，係入面仿如置身火車車廂食泰國菜咁，都幾特別。肉碎生菜包肉碎炒得好香，少少辣又唔會太咸。生菜夠脆夠新鮮，包埋肉碎一齊食夠晒fresh 。泰式馬拉盞炒椰菜苗椰菜苗幾嫩口，馬拉盞味道夠哂出，夠惹味😋青咖喱+薄餅青咖喱汁充滿椰香，雞肉同其他配料份量都幾多。唔想食飯既關係，就叫左份薄餅試下，薄餅要趁熱食，香脆得嚟帶點牛油香，配上青咖喱汁都幾夾。芒果沙冰好大杯，啲冰都溶得幾快，影完相已經溶到有少少滿瀉，食完少少辣既野再飲啖芒果沙冰真係無得輸。

有時想食泰國嘢又唔想出去九龍城，經過牛頭角近近地就去咗食。想食生菜包，豬肉碎幾香，又夠辣味香～ 生菜都算爽口。生菜包算ok~另外叫左鮮蝦炒金邊粉，金邊粉賣相橙橙紅紅，有啲辣椒、花生碎、仲有青檸可調味。味道可以，有少少酸。想食咖喱但係又怕好辣，所以揀咗冇咁辣嘅青咖哩雞。食咖喱點可以唔叫蒜蓉包，所以我哋叫咗。呢個青咖喱雞有驚喜。青咖喱唔會太「杰」，又唔會太稀，剛剛好。而且咖喱幾香，少少辣幾惹味。如果唔肚餓、少少哋都夠飽。

呢間泰菜門面有架車咁 ，裝修有泰式風味。地方都幾大，我地咁岩坐卡位。坐低好快有人招呼。打開餐牌好多選擇，價錢唔貴😌 叫左青咖哩雞$62呢個幾好食，有椰香，唔會太辣🌶️ 咖哩幾多，所以叫左蒜蓉包$28。 蒜蓉包夠脆，而且幾香蒜茸味。用嚟點咖哩幾好～另外叫左生菜包🥬$65，呢個叫咗小辣都幾辣。啲豬肉碎都幾多，生菜算新鮮，少少蒜蓉香，包住黎食。炒金邊粉$62，呢個茄汁味比較濃郁。金邊粉唔算太林。味道都可以。而且有幾隻蝦、花生碎等等。

今日在淘大個邊做野，午飯時候，周圍都係人搵食真係唔容易，夏日都接近尾聲但胃口都麻麻地，想食d 酸酸甜甜的食品，揀左暴谷車站，人唔算多，座位舒服，位置夠大，可以舒服食個飯一黎到叫左杯野飲先，我叫左杯龍眼冰，我個人超鐘意食龍眼肉的人，佢d 龍眼大大粒，食落去啖啖肉，好好味👍🏻因為朋友唔係好食得辣，改叫咸魚芥蘭，有咸魚但一d 都唔腥，芥蘭爽口，切到細細舊，一啖可以放晒入口，岩晒細口的女仔海南雞飯，食雞唔洗lun 骨，一啖擺晒落口，口感滿足，紅色醬汁帶有小小辣味，開胃👍🏻最鐘意就係冬陰公，酸酸辣辣非常夠味，一入仲有大蝦，配合埋湯汁一齊放入口，好幸福去唔到泰國都可以黎體驗下👍🏻

海南雞飯$68次次諗唔到食咩 一定吃海南雞飯多數都係穩陣 好少有伏呢間的海南雞 肥瘦適中 肉身嫩滑 配雞油飯好加分 因為我最愛個果種雞油香份量好似少左DD 但我比較細食 所以唔會唔夠飽 馬拉盞炒通菜$55馬拉盞炒菜不嬲都係食泰國菜必吃 小小辣 非常香口惹味通菜都OK 唔會太老 太多渣冬陰公湯 (小)$68冬陰公湯絕對係泰國菜的試金石 呢間真係唔錯 好多配料 夠酸夠熱辣辣仲有好大隻的虎蝦 好多姑 正!!份量都唔少 2個人飲都夠

🔸曼谷車站🔸裝修好有特色嘅餐廳，餐廳以火車做主題，座位設計到好似車卡咁，坐得幾舒服！.🥢海南雞飯呢個正！海南雞肉質嫩滑，份量亦都俾足👍🏼有3款醬料，我最鐘意都係蔥油😍加少少蔥油在油飯真係無得頂呀！.🥢香葉肉碎煎蛋飯炒得夠香，食落有肉汁，金不換、辣椒嘅香味令人越食越想食😍正呀！.🥢串燒（豬肉）豬肉係偏瘦嘅，但食落有口感得嚟唔會韌，沙爹醬好惹味，配埋生啤簡直係perfect match la😍.同埋要讚吓呢度服務好好，店員都好親切，呢間親民嘅泰菜館encoreable 👍🏼🔸🔸🔸🔸🔸🔸🔸🔸🔸🔸🔸🔸曼谷車站牛頭角牛頭角道3號得寶商場1樓218號舖🔸🔸🔸🔸🔸🔸🔸🔸🔸🔸🔸🔸

朋友推介話幾好食，嚟開九龍灣就試試去👻🔖泰式炒金邊粉🌟💰62​金邊粉食落去都算夠鑊氣😆唔會太濕或者太乾🙈口感煙煙韌韌~甜甜酸酸，味道啱啱好😋仲有幾隻爽口大蝦添🦐💫推薦指數: 8/10​🔖炸蝦餅🌟💰58​新鮮炸好嘅蝦餅夠香膽，但絕對唔油膩🤗滿滿彈牙嘅蝦肉🤓正🙌🏼💫推薦指數: 8.5/10​🔖泰式馬拉盞炒通菜💰55​通菜夠新鮮，食落去好鮮嫩😙味道帶有少少辣🌶不過唔係好食得辣都會接受到😌惹味之選🤤💫推薦指數: 8/10​-🌟餐廳推薦食品泰式炒金邊粉🌟💰62​金邊粉食落去都算夠鑊氣😆唔會太濕或者太乾🙈口感煙煙韌韌~甜甜酸酸，味道啱啱好😋仲有幾隻爽口大蝦添🦐💫推薦指數: 8/10​🔖炸蝦餅🌟💰58​新鮮炸好嘅蝦餅夠香膽，但絕對唔油膩🤗滿滿彈牙嘅蝦肉🤓正🙌🏼💫推薦指數: 8.5/10​🔖泰式馬拉盞炒通菜💰55​通菜夠新鮮，食落去好鮮嫩😙味道帶有少少辣🌶不過唔係好食得辣都會接受到😌惹味之選🤤💫推薦指數: 8/10​-🌟餐廳推薦食品